ପକ୍ୟାତାକା 4:12 - New Testament in Pengo Parja Language

¹² ଯୀଶୁଙ୍ଗ୍ ପିସ୍ତି ଆରେ ଇନେର୍‌ତାକେ ପା ଉଦାର୍ ଗାଟାଆଦୁତ୍। ଇନେସ୍‌କି ବାଦାଡ଼୍ ତାରେନ୍ ମାନାୟାର୍ ବିତ୍ରେତାଙ୍ଗ୍ ହେଲେକେ ଇନେର୍ ତର୍‌ ହିଲୁତ୍, ତା ତର୍‍ଦାଙ୍ଗ୍ ରକ୍ଷା ପାୟାଆନାସ୍।”

ସତ୍‌ ବଚନ୍‌ ପୁନି ନିୟମ୍‌

¹² ହେୱାନିଂ ପିସ୍ତି ଆରେ ଇନେର୍‌ ତାକେ ମୁକ୍ତି ହିଲୁତ୍‌, ଇନାକିଦେଂକି ଇମେତାଂ ମାଂ ମୁକ୍ତି ଗାଟାଦେଂ ଆନାତ୍‌, ବାଦାଡ଼୍‌ତ ତାରେନ୍‌ ମାନାୟ୍‌ ବିତ୍ରେ ଆରେ ଇନାକାପା ତର୍‌ ହିୟାୱାତାତ୍‍ନା ।

ପକ୍ୟାତାକା 4:12 Iomraidhean Croise

ମାତିଉ 1:21

ହେଦେଲ୍ ବପାଙ୍ଗ୍ ଜନମ୍ କିନାତ୍, ଆରେ ଏପେଙ୍ଗ୍ ତା ତର୍‌ ଯୀଶୁ ହିନାଦେର୍, ଲାଗିଙ୍ଗ୍ ହେୱାନ୍ ତା ମାନାୟାରିଙ୍ଗ୍ ୱିଜୁ ପାପ୍‌ତାଙ୍ଗ୍ ଉଦାର୍ କିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:47

ଯିରୁଶାଲାମ ସହର୍‌ତାଙ୍ଗ୍ ଆରମ୍ କିଜି ୱିଜୁ ଜାତିର୍‌ତାକେ ପାପ୍ କାମାୟ୍ ପିସ୍ତି ମାପୃ ୱାତିସ୍ ଈଶ୍ୱର ପାପ୍ କେମା କିନି ବିଷୟରେ ମାନାୟାରିଙ୍ଗ୍ ଶୁଣାୟ୍ କିନାର୍।

ଜହନ୍‌ 14:6

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ହାଜି। ଆନେଙ୍ଗ୍ ସତ୍। ଆରେ ଆନେଙ୍ଗ୍ ଜିବୁନ୍। ଆବା ଈଶ୍ୱରତାକେ ହାଞ୍ଜେଙ୍ଗ୍ ଆନେଙ୍ଗ୍ ନେ ରୱାଙ୍ଗ୍ ହାଜି।

ଜହନ୍‌ 3:36

ଇନେର୍ ମେହିଙ୍ଗ୍ ପାର୍ତିକିନି ମାନାୟ୍ ୱିଜ୍‌ୱି ଜିବୁନ୍ ପାୟା ଆନାନ୍। ମାତର୍ ମେହିଙ୍ଗ୍ ପାର୍ତି କିୱିତି ମାନାୟ୍ ଇନାୱେଡ଼ାଙ୍ଗ୍ ପା ୱିଜ୍‌ୱି ଜିବୁନ୍ ପାୟା ଆଦେଙ୍ଗ୍ ଆଡୁନ୍। ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।”

ପକ୍ୟାତାକା 13:26

ଅବ୍ରାହାମ ଲାତ୍ରାନି ହିମ୍‌ଣାୱାକ୍‌ଡ଼ା ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ବିନ୍‌ଜାତିର୍ ଟଣ୍ଡାର୍‌କାଦେର୍, ଈଶ୍ୱର ମି କାଜିଙ୍ଗ୍ ଉଦାର୍ ପାୟାଆନି କାବୁର୍ ପକ୍ତାତାନ୍‌ନା।

ପକ୍ୟାତାକା 2:5

ହେପାଦ୍ନା ଈଶ୍ୱରତିଙ୍ଗ୍ ପାଣ୍ଡ୍ରାଆନି ଯିହୁଦିର୍ ପୁର୍ତିନି ବିନ୍-ବିନ୍‌ଜାତି ନିକାର୍ ଆରେ ବିନ୍-ବିନ୍ ଦେସ୍ତାକାର୍‌ ପେଣ୍ଟିକଷ୍ଟ ପାର୍ବୁଚିଞ୍ଜେଙ୍ଗ୍ ଯିରୁଶାଲାମ ସହର୍‌ତାକେ ୱାଜିମାଚାର୍।

୧ କରନ୍ତିୟ 3:11

ଇନେର୍ ପା ମିଙ୍ଗେଙ୍ଗ୍ ଉଦାର୍ ପାୟା ଆଦେଙ୍ଗ୍ ପୁନି ହିକ୍ଷା ହିକାୟ୍ କିଦ୍‌ମେର୍, ଇନେସ୍‌କି ଆନେଙ୍ଗ୍ ଇମ୍‌ଣି ହିକ୍ଷା ମିଙ୍ଗେଙ୍ଗ୍ ହିତ୍‌ତାଙ୍ଗ୍‌ନା, ହେଦାଙ୍ଗ୍‌ନେ ଉଦାର୍ ପାୟାଆନି ଉପାୟ୍। ଈଶ୍ୱର ମାଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଉଦାର୍ କିଦ୍‌ନାନ୍।

କଲସିୟ 1:23

ହେୱାନ୍ ମିଙ୍ଗେଙ୍ଗ୍ ପବିତ୍ର କିତ୍‌ତାନ୍‌ନା, ମାତର୍ ଏପେଙ୍ଗ୍ ୱିଜୁଦିନ୍ ଖ୍ରୀଷ୍ଟତାକେ ପାର୍ତି କିଜି ମାନାଟ୍। ଇନେସ୍‌କି ର ବାଡ଼୍‌କାସ୍ ପାଉଣ୍ଡେସେନ୍ ତାକେ ଇଲ୍ ମାନ୍‌ଗାନାତ୍ ହେଲେକେ ପାର୍ତି ଖ୍ରୀଷ୍ଟତାକେ ବାଡ଼୍‌କାସ୍ ଆଜି ମାନେତ୍। ହାର୍ଦିକାବୁର୍ ୱେନ୍‌ଞ୍ଜି ଇମ୍‌ଣି ଆହା ପାୟା ଆତାଦେର୍‌ନା ହେ ଆହାତିଙ୍ଗ୍ ଏପେଙ୍ଗ୍ ପିହ୍‌ମାଟ୍। ଇ ହାର୍ଦିକାବୁର୍ ପୁର୍ତିନି ଚାରିବେଣ୍‌ତାଙ୍ଗ୍ ଶୁଣାୟ୍ କିନାରା। ଆରେ ଆନେଙ୍ଗ୍ ପାଉଲ ଈଶ୍ୱର ଦାସ୍ ଆଜି ଇ ହାର୍ଦିକାବୁର୍ ଶୁଣାୟ୍ କିନାଙ୍ଗା।

ଏବ୍ରି 12:25

ଜାଗ୍ରତ୍ ଆଜି ମାନାଟ୍, ଇମ୍‌ଣି ଈଶ୍ୱର ମିହୁଦାଙ୍ଗ୍ ବେଣ୍ କିଦ୍‌ନାନା, ତା କାତା ଏପେଙ୍ଗ୍ ମାନି କିୟାଟ୍। ଇନେସ୍‌କି ଇ ପୁର୍ତିତାକେ ମୋଶା ଇସ୍ରାଏଲନି ମାନାୟାରିଙ୍ଗ୍ ଆଦେସ୍ ହିତାନ୍, ଆରେ ହେୱାର୍ ଅମାନ୍ୟା ଆତି କାଜିଙ୍ଗ୍ ଈଶ୍ୱର ହେୱାରିଙ୍ଗ୍ ଦଣ୍ଡ୍‌ହିଜି ମାଚାନ୍। ସରଗ୍‌ତାଙ୍ଗ୍ ୱେଚ୍‌ଚିନି ଈଶ୍ୱର ଆଦେସ୍‌ତିଙ୍ଗ୍ ଯଦି ଆସେଙ୍ଗ୍ ଅମାନ୍ୟା କିନାସ୍, ଲାଗିଙ୍ଗ୍ ସତ୍‌ରେ ଆସେଙ୍ଗ୍ ଆଦିକ୍ ଦଣ୍ଡ୍ ପାୟାଆନାସ୍।

ଏବ୍ରି 2:3

ଲାଗିଙ୍ଗ୍ ମାପୃ ଯୀଶୁ ନିଜେ ଶୁଣାୟ୍ କିଜି ୱେଚ୍‌ଚାନ୍, ହାର୍ ଉଦାର୍ କିନି କାତାତିଙ୍ଗ୍ ମାନିକିୱିତିସ୍, ଆସେଙ୍ଗ୍ ଇନେସ୍ ରକ୍ଷା ପାୟାଆନାସ୍ ଇଞ୍ଜି ବାବିକିନାସା? ମାପୃ ଯୀଶୁ ୱେଚ୍‌ନିହିଙ୍ଗ୍ ପାର୍ତୁମ୍ ୱେଚି ଚେଲାହିର୍, ଇଦାଙ୍ଗ୍ ସତ୍ ଇଞ୍ଜି ମାବେ ଚଚ୍‌ଚାନ୍‌ନା।