ପକ୍ୟାତାକା 3:2 - New Testament in Pengo Parja Language

² ଜନମ୍‌ତାଙ୍ଗ୍ ଚଟା ମାନାୟ୍‌ତିଙ୍ଗ୍ ମାନାୟାର୍ ପିଣ୍‌ଜି ଅଜିମାଚାର୍, ଆରେ ହେୱାନିଙ୍ଗ୍ ହଲ୍‌ନି ତର୍‌ଦି ଦୁୱେର୍‌ତାକେ ଇଡ଼୍‌ଜି ମାଚାର୍। ହେୱାନ୍ ମାନ୍‌ଞ୍ଜି ଈଶ୍ୱର ମାନି ମନ୍ଦିର୍‌ ବିତ୍ରେ ହାନି ମାନାୟାର୍‌ତାଙ୍ଗ୍ ବିକ୍ୟା ଏନ୍‌ଚିମାଚାନ୍।

ସତ୍‌ ବଚନ୍‌ ପୁନି ନିୟମ୍‌

² ଏଲେଙ୍ଗ୍‌ ୱେଡ଼ାଲିଂ ଜଲମ୍‌ତାଂ ଚଟା ରୱାନ୍‌ ମାନାୟ୍‌ ପିଣ୍ତିୟା ଆଜ଼ି ହାଲ୍‌ଜି ମାଚାନ୍‌, ମନ୍ଦିର୍‌ତ ହଣାକାର୍‍ ମାନାୟାର୍‍ତାଂ ବିକ୍ୟା ଏନ୍‌ନି କାଜିଂ ଲକୁ ହେୱାନିଂ ନିତ୍ରେ ହେବେ ହଲ୍‍ନି ତର୍‌ ନି ଦୁୱେର୍‌ତ ଇଡ୍‌ବିସ୍ ମାଚାର୍‌ ।

ପକ୍ୟାତାକା 3:2 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:20

ଲାଜର୍‌ ତର୍‍ଦାକାନ୍ ରକାନ୍ ବିକାରି ମାଚାନ୍। ତା ଗାଗାଡ଼୍ ଗାଉଦାଉ ବାର୍ତିଆଜି ମାଚାତ୍। ଲାଜର୍‌ ସବୁୱେଡ଼ାଙ୍ଗ୍ ହାଉକାର୍ ମାନାୟ୍ ଦୁୱେର୍ ଲାଗାୟ୍ ମାନ୍‌ଗାନାକା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:35

ଯୀଶୁ ଆରେ ତା ଚେଲାହିର୍ ଯିରିହୋ ସହର୍ ଲାଗେ ଆତିୱେଡ଼ାଲିଙ୍ଗ୍ ରକାନ୍ କାଣାମାନାୟ୍ ହାଜି ଲାଗାୟ୍ କୁଚ୍‌ଚି ବିକ୍ୟା ଏନ୍‌ଚିମାଚାନ୍।

ଜହନ୍‌ 9:8

କେତେକ୍ ହେନି ମାନାୟାର୍ ଇୱାନିଙ୍ଗ୍ ପାର୍ତୁମ୍ ବିକ୍ ଏନ୍‌ନାକା ହୁଡ଼୍‌ଜି ମାଚାର୍। ହେ ମାନାୟାର୍ ଆରେ ହେୱାନ୍ ନି ପାଡ଼୍‌ହା ପାଡ଼୍‌ହି ଇଞ୍ଜାକାର୍ ହେୱାନିଙ୍ଗ୍ ହୁଡ଼୍‌ଜି ୱେଚ୍‌ଚାର୍, “ହୁଡ଼ାଟ୍, ଇନେର୍ ୱିଜୁଦିନ୍ କୁଚ୍‌ଚି ବିକ୍ ଏନ୍‌ଚିମାଚାନ୍ ଇୱାନ୍ ହେୱାନ୍ ଆକାୟ୍‌କି?”

ପକ୍ୟାତାକା 10:31

‘କର୍ଣିଲିୟ ନି ପାର୍ତାନା କିନାକା ଈଶ୍ୱର ୱେଚାନ୍‌ନା, ଆରେ ନି ୱିଜୁ ଦାନ୍ ହିନାକା ଈଶ୍ୱରତିଙ୍ଗ୍ ୱାରି କିତାତ୍‌ନା।’

ପକ୍ୟାତାକା 10:4

କର୍ଣିଲିୟ ଦୁତ୍‌ତିଙ୍ଗ୍ ମାନ୍‌ଦିୟାନ୍ କିଜି ହୁଡ଼୍‌ଜି ପାଣ୍ଡ୍ରାଆଜି ୱେଚ୍‌ଚାନ୍, “ଏ ମାପୃ ଇନାକା ଇଞ୍ଜ୍‌ନାୟା?” ହେ ଦୁତ୍ କର୍ଣିଲିୟଙ୍ଗ୍ ୱେଚ୍‌ଚାତ୍‌, “ନି ପାର୍ତାନା ଆରେ ଦାନ୍ ହିନାକା ୱିଜୁ ପୁଜା କିନିଲେକେ ଈଶ୍ୱରତିଙ୍ଗ୍ ୱାରି କିନାତା।

ପକ୍ୟାତାକା 14:8

ଲୁସ୍ତ୍ରା ସହର୍‌ତାକେ ରକାନ୍ ମାନାୟ୍ ମାଚାନ୍। ତା କାଲ୍‌ପାନା ଶାକ୍ତି ହିଲାତାତ୍, ଆରେ ହେୱାନ୍ ଜନମ୍‌ତାଙ୍ଗ୍ ନେ ଚଟା ମାଚାନ୍। ଆରେ ହେୱାନ୍ ଇନାୱେଡ଼ାଙ୍ଗ୍ ପା ତାଙ୍ଗ୍‌ୱାଦାଙ୍ଗ୍ ମାଚାନ୍।

ପକ୍ୟାତାକା 3:10

ଆରେ ହେୱାର୍ ହେୱାନିଙ୍ଗ୍ ଈଶ୍ୱର ମାନି ମନ୍ଦିର୍‌ନି ସୁନ୍ଦର ଦୁୱେର୍ ଲାଗାୟ୍ କୁଚ୍‌ଚି ବିକ୍ୟା ଏନ୍‌ନି ମାନାୟ୍ ଇଞ୍ଜି ଚିନ୍ କିତାର୍। ହେୱାର୍ ହେୱାନିଙ୍ଗ୍ ଇନାକା ଗଟାଆଜି ମାଚାତ୍, ହେଦାଙ୍ଗ୍ ହୁଡ଼୍‌ଜି ହେୱାର୍ ଆଦିକ୍ ଚାନିଆ ଆଜି କାବା ଆତାର୍।

ପକ୍ୟାତାକା 4:22

ଇନେସ୍‌କି ଇମ୍‌ଣି ମାନାୟ୍ ଚାନିଆଆନି କାମାୟ୍‌ତାଙ୍ଗ୍ ହାର୍ ଆଜି ମାଚାନ୍, ହେୱାନ୍ ଚାଲିଶ୍ ବାର୍ହୁତାଙ୍ଗ୍ ଆଦିକ୍ ମାଚାନ୍‌।