ପକ୍ୟାତାକା 27:4 - New Testament in Pengo Parja Language

⁴ ହେବେତାଙ୍ଗ୍ ଆରେରଗ ଜାଜ୍‌ତାକେ ଦୁମ୍‌ଜି ହାଚାପ୍, ମାତର୍ ବେସି ଡ଼ୁଇ ଆତି କାଜିଙ୍ଗ୍ ଆପେଙ୍ଗ୍ କୁପ୍ରଦ୍ୱିପ୍‌ତାକେ ହାଚାପ୍।

ସତ୍‌ ବଚନ୍‌ ପୁନି ନିୟମ୍‌

⁴ ହେ ବାହାତାଂ ଜାଜ୍‌ ରିକ୍‌ଚି ଉଲ୍‌ଟି ଦୁକା ଆତିଲେ ଆପେଂ କୁପ୍ରନି ଗୁଟି ଗୁଟି ଚାଲାଜ଼ି

ପକ୍ୟାତାକା 27:4 Iomraidhean Croise

ମାତିଉ 14:24

ହେପାଦ୍ନା ଡଙ୍ଗା ହାମ୍‌ଦୁର୍ ମାଦି ପାବ୍‌ଦ ଆଜି ମାଚାତ୍। ଆରେ ଅପ୍ରାବଲ୍‌ ଡ଼ୁଇ ଆତିଲେ ଡଙ୍ଗାତିଙ୍ଗ୍ ବେସି ଲଉଡ଼ି ହେପ୍‌କା ଇଡ଼୍‌ଜି ମାଚାତ୍।

ମାର୍କ 6:48

ଯୀଶୁ ତା ଚେଲାରିଙ୍ଗ୍ ହୁଡ଼୍‌ତାନ୍ ଡଙ୍ଗା ଆଗେ ଅଦେଙ୍ଗ୍ ଆବ୍‌ଡ଼ୁ ଆଜି ମାଚାର୍, ଇନେସ୍‌କି ଅପ୍ରାବଲ୍ ଡ଼ୁଇ ଆଜିମାଚାତ୍। ଆରେ କୁଜୁକେପା ଯୀଶୁ ହାମ୍‌ଦୁର୍‌ନି ଏଜୁଙ୍ଗ୍ ଜପି ତାଙ୍ଗ୍‌ଜି-ତାଙ୍ଗ୍‌ଜି ଚେଲାହିର୍‌ତାକେ ହାଚାନ୍, ଆରେ ହେୱାରିଙ୍ଗ୍ ପାଗ୍ ଇଡ଼୍‌ଜି ଆଗେ ହାଲ୍‌ଜି ମାଚାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:22

ଦିନେକ୍ ଯୀଶୁ ଆରେ ତା ଚେଲାହିର୍ ହୁଦାଙ୍ଗ୍ ର ଡଙ୍ଗାତାକେ ଦୁମ୍‌ତାର୍, ଆରେ ତା ଚେଲାହିରିଙ୍ଗ୍ ୱେଚ୍‌ଚାନ୍, “ୱାଡ, ହାମ୍‌ଦୁର୍ ଆରେ ର ପାଡ଼୍‌କା ହାନାସ୍।” ହେବେତାଙ୍ଗ୍ ତା ଚେଲାହିର୍ ହାଚାର୍।

ପକ୍ୟାତାକା 13:4

ପବିତ୍ର ଆତ୍ମା ଶାଉଲ ଆରେ ବର୍ଣବାଙ୍ଗ୍ ହାଜି ଚଚ୍‌ଚି ମାଚାନ୍। ଲାଗିଙ୍ଗ୍ ହେୱାର୍ ଆନ୍ତିୟକିଆ ସହର୍‌ତାଙ୍ଗ୍ ସେଲୁକିଆ ସହର୍‌ତାକେ ହାଚାର୍। ହେବେତାଙ୍ଗ୍ ହେୱାର୍ ଜାଜ୍‌ତ ଦୁମ୍‌ଜି କୁପ୍ରଦ୍ୱିପ୍‌ତାକେ ହାଚାର୍।

ପକ୍ୟାତାକା 15:39

ଇଦାଙ୍ଗ୍ କାଜିଙ୍ଗ୍ ପାଉଲ ଆରେ ବର୍ଣ୍ଣବା ବେସି ଜୁକ୍ତି କିବାଆଜି ହେ ରିକାର୍ ବିନେ ଆତାର୍। ବର୍ଣ୍ଣବା ତା ହୁଦାଙ୍ଗ୍ ମାର୍କଙ୍ଗ୍ ଅଜି ଜାଜ୍‌ତାକେ କୁପ୍ରିୟ ଦ୍ୱିପ୍‌ତାକେ ହାଚାର୍।

ପକ୍ୟାତାକା 21:16

କାଇସରିଆ ସହର୍‌ତାଙ୍ଗ୍ ପା କେତେକ୍ ପାର୍ତିକିନି ଚେଲାହିର୍ ମା ହୁଦାଙ୍ଗ୍ ୱାତାର୍। ହେୱାର୍ ମନାସନ ତର୍‍ଦାକାନ୍ ଇଞ୍ଜ ମାଙ୍ଗେଙ୍ଗ୍ ଅସାହାନ୍‌ଞ୍ଚାର୍। ହେୱାନ୍ କୁପ୍ର ଦ୍ୱିପ୍ ନିକାନ୍ ମାଚାନ୍ ଆରେ ହେୱାନ୍ ଆଗେତାଙ୍ଗ୍ ପାର୍ତିକିନାକାନ୍ ମାଚାନ୍।

ପକ୍ୟାତାକା 21:3

ମାଙ୍ଗେଙ୍ଗ୍ ଡେବା କେଇ ନିପଣ୍ଡାଙ୍ଗ୍ କୁପ୍ର ଦ୍ୱିପ୍ ଚଞ୍ଜ୍‌ଞ୍ଜାତାତ୍, ହେଦାଙ୍ଗ୍ ପିସ୍ତି ସିରିୟା ଜିଲ୍ଲା ନିପଣ୍ ହାଲ୍‌ଜି ସୋର୍ ସହର୍‌ତାକେ ଇକାତାପ୍। ହେବେ ଜାଜ୍‌ନି ଜିନିଷ୍ ପତର୍ ଜୁତ୍‌ନାକା ମାଚାତ୍।

ପକ୍ୟାତାକା 27:7

ବେସିଦିନ୍ କଷ୍ଟଆଜି ଦିରେ-ଦିରେ କ୍ନିଦ ସହର୍‌ତାକେ ଇକାତାପ୍। ଆରେ ଡ଼ୁଇ ଆତିଲେ ଆପେଙ୍ଗ୍ ଆଗେ ହାଞ୍ଜେଙ୍ଗ୍ ଆଡ୍‌ୱାତାପ୍, ଆରେ ଆପେଙ୍ଗ୍ ସାଲ୍ମୋନି ନିପଣ୍ ଆଜି କ୍ରୀତି ଦ୍ୱିପ୍‌ତାକେ ହାଚାପ୍।

ପକ୍ୟାତାକା 4:36

ଲେବି ଲାତ୍ରାନି ଯୋଷେପ ତର୍‍ଦାକାନ୍ ରକାନ୍ ମାନାୟ୍ ମାଚାନ୍। ହେୱାନ୍ କୁପ୍ର ଦ୍ୱିପ୍ ନିକାନ୍ ମାଚାନ୍, ବାଚିକିତି ଚେଲାହିର୍ ହେୱାନିଙ୍ଗ୍ ବର୍ଣ୍ଣବା ଇଞ୍ଜି ତର୍‌ ହିତାର୍। ଇ ତର୍‌ନି ଅର୍ତ, ସାଇଜ କିନାକାନ୍।