ପକ୍ୟାତାକା 26:7 - New Testament in Pengo Parja Language

⁷ ମା ବାର କୁଟୁମ୍ ମାନାୟାର୍ ପା ହେ ପାର୍ମାଣ୍ ପୁରା ଆୟେତ୍ ଇଞ୍ଜି ଆହା ଇଡ଼୍‌ଜି ଈଶ୍ୱରତିଙ୍ଗ୍ ର ମାନ୍‌ଆଜି ୱେଡ଼ା ନାଣା ପୁଜା କିନାରା। ଏ ରାଜା ଇ ଆହା କାଜିଙ୍ଗ୍ ନାଙ୍ଗେଙ୍ଗ୍ ଯିହୁଦିର୍ ଦସି କିତ୍‌ତାର୍‌ନା।

ସତ୍‌ ବଚନ୍‌ ପୁନି ନିୟମ୍‌

⁷ ମା ବାର୍ ପାର୍ତାନା ହେ ପାର୍ମାଣ୍‌ନି ପାଡ଼୍‌ ଗାଟାନି ଆହାତ ୱେଡ଼ାନାଣା ର ମାନ୍ତ ଇସ୍ୱର୍‌ତି ପାର୍ତାନା କିନାରା । ଏ ରାଜା, ବାର୍ସି କାଜିଂ ଆନ୍‌ ଜିହୁଦିର୍‌ତି ହୁଦାଂ ଦାବା ଆନାଙ୍ଗା ।

ପକ୍ୟାତାକା 26:7 Iomraidhean Croise

ମାତିଉ 19:28

ଯୀଶୁ ୱେଚ୍‌ଚାନ୍, “ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା। ପୁନି ଯୁଗ୍‌ଦ ଏଚେକାଡ଼୍‌ଦ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ତା ଜୟ୍-ଜୟ୍ ପାୟାଆନି ସିଂହାସନ୍‌ତାକେ କୁଚ୍‌ନାନ୍, ହେପାଦ୍ନା ନା ବାରଜାଣ୍ ଚେଲାର୍ ପା ବାରଗଟା ସିଂହାସନ୍‌ତାକେ କୁଚ୍‌ଚି ଇସ୍ରାଏଲନି ବାରଗଟା କୁଟୁମ୍‌ନି ମାନାୟାରିଙ୍ଗ୍ ସାସନ୍ କିନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:25

ଯିରୁଶାଲାମ ସହର୍‌ତାକେ ଶିମିୟନ୍ ତର୍‍ଦାକାନ୍ ରକାନ୍ ମାଚାନ୍। ହେୱାନ୍ ବେସି ଦରମ୍ ଆରେ ଈଶ୍ୱରତିଙ୍ଗ୍ ହେବାକିନାକାନ୍ ମାଚାନ୍। ଇସ୍ରାଏଲ ଜାତିନି ମାନାୟାରିଙ୍ଗ୍ ଶାନ୍ତି କିଦେଙ୍ଗ୍ ଇମ୍‌ଣି ରକ୍ଷାକିଦ୍ନାକାନ୍‌ ୱାନାକା ମାଚାତ୍, ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଇଚାକିଜି ମାଚାର୍। ଆରେ ପବିତ୍ର ଆତ୍ମା ତା ହୁଦାଙ୍ଗ୍ ମାଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:30

ଇନେସ୍ ଲେକେ ଏପେଙ୍ଗ୍ ନା ରାଜିତାକେ ନା ହୁଦାଙ୍ଗ୍ ଟେବୁଲ୍ ଜପି ତିନାଦେରା, ଆରେ ଏପେଙ୍ଗ୍ ସିଂହାସନ୍ ଜପି କୁକ୍‌ଚି ଇସ୍ରାଏଲନି ବାରଗଟା କୁଟମ୍‌ନି ମାନାୟାରିଙ୍ଗ୍ ସାସନ୍ କିନାଦେର୍।

ପକ୍ୟାତାକା 20:31

ଲାଗିଙ୍ଗ୍ ଏପେଙ୍ଗ୍ ଜାଗ୍ରତ୍ ଆଜି ମାନାଟ୍! ଆରେ ଆନେଙ୍ଗ୍ ତିନ୍ ବାର୍ହୁ ପାତେକ୍ ୱେଡ଼ା ନାଣା ଆଡ଼୍‌ବିସ୍‌-ଆଡ଼୍‌ବିସ୍‌ ମିଙ୍ଗେଙ୍ଗ୍ ହିକ୍ଷାହିଜି ମାନ୍‌ଞ୍ଚାଙ୍ଗ୍ ହେଦାଙ୍ଗ୍ ଏପେଙ୍ଗ୍ ମାନ୍ତ ଏତୁକିୟାଟ୍।

ପକ୍ୟାତାକା 24:15

ଇ ମାନାୟାର୍ ଇନେସ୍ ଅଦରମ୍‌ ଆରେ ଦରମ୍ ମାନାୟ୍ ହାଃଜି ଆରେରଗ ଜିବୁନ୍ ଆନାର୍ ଇଞ୍ଜି ଆହା କିନାରା, ଆନେଙ୍ଗ୍ ପା ଈଶ୍ୱରତାକେ ହେଲେକେ ନେ ଆହା କିନାଙ୍ଗା।

ପକ୍ୟାତାକା 26:2

ଏ ଆଗ୍ରିପା ରାଜା ଯିହୁଦି ନେତାର୍ ନାଙ୍ଗେଙ୍ଗ୍ ଏଚେକ୍ ବିରଦ୍ କିଜି ଦସ୍ କିତ୍‌ତାର୍‌ନା, ହେ ବିଷୟରେ ନି ଲାଗାୟ୍ ୱେଚ୍‌ଚେଦେଙ୍ଗ୍ ସୁଯଗ୍ ପାୟାଆତି କାଜିଙ୍ଗ୍, ଆନେଙ୍ଗ୍ ରକାଙ୍ଗ୍ ବାଗ୍ୟନି ମାନାୟ୍ ଇଞ୍ଜି ବାବିକିନାଙ୍ଗା।

ପକ୍ୟାତାକା 26:3

ଇନେସ୍‌କି ଏନେଙ୍ଗ୍ ଯିହୁଦି ଜାତିନି ମାନିକିନି ରିତିନିତି ଆରେ ମାନିକିୱି ରିତିନିତି ବିଷୟରେ ହାର୍‌ଦାଙ୍ଗ୍ ପୁଚାଇନା। ଲାଗିଙ୍ଗ୍ ଦୟାକିଜି ନା ବେଣ୍ ୱିଜ୍‌ନି ପାତେକ୍ ୱେନା।

ପକ୍ୟାତାକା 28:20

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ନା ହୁଦାଙ୍ଗ୍ ମେହାଆଜି କାତାବାର୍ତା ଆଦେଙ୍ଗ୍ କୁକ୍ତାତାଙ୍ଗ୍‌ନା। ଇନେସ୍‌କି ଇସ୍ରାଏଲ ଜାତିନି ମାନାୟାର୍ ଆହାକିଜି ମାଚି ରକ୍ଷାକିଦ୍ନାକାନ୍‌ କାଜିଙ୍ଗ୍ ଆନେଙ୍ଗ୍ ହିକ୍‌ଡ଼ିକାଙ୍ଗ୍ ଗାଚିଆ ଆତାଙ୍ଗ୍‌ନା।”

ପିଲିପିୟ 3:11

ଇନେସ୍‌କି ଆନେଙ୍ଗ୍ ହାଃତିତାଙ୍ଗ୍ ଆରେରଗ ଜିବୁନ୍ ଆଦେଙ୍ଗ୍ ଆଡ୍‌ନାଙ୍ଗ୍।

୧ ଥେସଲନୀକିୟ 3:10

ଆପେଙ୍ଗ୍ ମି କାଜିଙ୍ଗ୍ ୱେଡ଼ା ନାଣା ପାର୍ତାନା କିନାପା ଯେ, ଈଶ୍ୱର ମିତାକେ ୱାଦେଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତ୍। ମିଙ୍ଗେଙ୍ଗ୍ ଦର୍‌କାର୍‌ଆନି ବିଷୟରେ ହିକ୍ଷା ହିଦ୍‌ନାପ୍, ଆରେ ଏପେଙ୍ଗ୍ ଖ୍ରୀଷ୍ଟତାକେ ପୁରା-ପୁରି ପାର୍ତି କିନାଦେର୍।

୧ ତିମତି 5:5

ଇମ୍‌ଣି ରାଣ୍ଡି କଗ୍‌ଲେଙ୍ଗ୍ ସାଇଜ କିଦେଙ୍ଗ୍ ଇନେର୍ ହିଲୁର୍, ହେଦେଲ୍ ଈଶ୍ୱରତାକେ ଆହା କିଜି ୱେଡ଼ା ନାଣା ଗୁୱାରି କିଜି ଈଶ୍ୱରତିଙ୍ଗ୍ ତା ସାଇଜ କିଦେଙ୍ଗ୍ ପାର୍ତାନା କିୟା।

ଜାକ୍‌ବ 1:1

ଆନେଙ୍ଗ୍ ଯାକୁବ ଇ ଚିଟି ଲେକିକିନାଙ୍ଗା। ଆନେଙ୍ଗ୍ ରକାଙ୍ଗ୍ ଈଶ୍ୱର ଆରେ ମାପୃ ଯୀଶୁ ଖ୍ରୀଷ୍ଟନି ଦାସ୍। ପୁର୍ତିନି ଚାରିବେଣ୍‌ତାଙ୍ଗ୍ ଚିନ୍-ବିନ୍ ଆଜି ମାନି ଯିହୁଦି ଜାତିନି ବାର ଲାତ୍ରାନି ଖ୍ରୀଷ୍ଟାନାରିଙ୍ଗ୍ ଆନେଙ୍ଗ୍ ଜୱାର୍ କିନାଙ୍ଗା।