ପକ୍ୟାତାକା 26:22 - New Testament in Pengo Parja Language

²² ମାତର୍ ଈଶ୍ୱରତାଙ୍ଗ୍ ସାଇଜ ପାୟାଆଜି ଆନେଙ୍ଗ୍ ନେଞ୍ଜେଙ୍ଗ୍ ପାତେକ୍ ଗାଜାକାର୍‌ ଆରେ ହିରୁକାର୍ ମୁମ୍‌ଦ ଶୁଣାୟ୍ କିଜି ୱାତାଙ୍ଗ୍‌ନା, ଭବିଷ୍ଯତବକ୍ତାର୍ ଆରେ ମୋଶା ଇନା-ଇନାକା ଗଟାଆନାତ୍ ଇଞ୍ଜି ୱେଚ୍‌ଚାର୍‌ନା ହେଦାଙ୍ଗ୍‌ନେ ଆନେଙ୍ଗ୍ ୱେଚ୍‌ନାଙ୍ଗା।

ସତ୍‌ ବଚନ୍‌ ପୁନି ନିୟମ୍‌

²² ଲାଗିଂ, ଇସ୍ୱର୍‌ତି ତାକେ ସାୟ୍‌ଜ ପାୟାଜ଼ି ଆନ୍‌ ନେଞ୍ଜେଙ୍ଗ୍‌ ପାତେକ୍‌ ହାରୁ ଆରି ଗାଜା ୱିଜ଼ାର୍‌ ଲାଗାୟ୍‌ ସାକି ହିଜ଼ି ୱାନାଙ୍ଗା, ଆରେ ବେଣ୍‌ବାକ୍‌ଣାୟ୍‌କିନାକାର୍‌ ଆରି ମସାଂ ଇନାକା ଇନାକା ଗିଟାନାତ୍ ଇଞ୍ଜି ଇଚାର୍ଣ୍ଣା, ହେ ସବୁ ପିସ୍ତି ଆରେ ଇନାକାପା ଇନୁଙ୍ଗା,

ପକ୍ୟାତାକା 26:22 Iomraidhean Croise

ମାତିଉ 26:24

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା ବିଷୟରେ ସାସ୍ତର୍‌ତାକେ ଇନେସ୍ ଲେକେ ଲେକା ମାନାତ୍, ହେଲେକେ ହେୱାନ୍ ହାଃନାକା ସତ୍। ମାତର୍ ଇମ୍‌ଣାକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍‍ନାନ୍। ହେୱାନିଙ୍ଗ୍ ବୟଙ୍କାର୍ ଦଣ୍ଡ୍ ଗାଟାଆନାତ୍‌। ହେୱାନ୍ ଜନମ୍ ଆୱାଦାଙ୍ଗ୍ ମାଚିସ୍ ହାର୍ ଆତାତ୍‌ମା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:28

ନା ପାଞ୍ଚ୍‌ଜାଣ୍ ଟଣ୍ଡାର୍ ମାନାର୍। ଲାଜର୍‌ ନା ଟଣ୍ଡାରିଙ୍ଗ୍ ଜାଗ୍ରତ୍ କିୟିକିନାନ୍। ଇଦାଙ୍ଗ୍‌ କାଜିଙ୍ଗ୍ ହେୱାର୍ ଇ କାଚାଆନି ନାଣିତାକେ ହେୱାର୍ ୱାମେର୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:27

ତାପାଚେ ଯୀଶୁ ଦରମ୍ ସାସ୍ତର୍‌ନି ବିଷୟରେ ଇନାକା ୱିଜୁ ଲେକା ମାନାତ୍, ହେ ୱିଜୁ ରଞ୍ଜାଙ୍ଗ୍-ରଞ୍ଜାଙ୍ଗ୍ କିଜି ବୁଜାଇ କିଦେଙ୍ଗ୍ ଲାଗାତାନ୍। ଯୀଶୁ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ଆରମ୍ କିଜି ଜେକନି ଭବିଷ୍ଯତବକ୍ତାର୍ ପାତେକ୍ ୱିଜାକାର୍ ହେୱାନ୍ ବିଷୟରେ ଇନାକା ୱିଜୁ ୱେଚ୍‌ଚି ମାନ୍‌ଞ୍ଚାନ୍, ହେ ୱିଜୁ ବୁଜାଇ କିତାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:44

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ମି ଲାଗାୟ୍ ଆନେଙ୍ଗ୍ ମାନି ୱେଡ଼ାଙ୍ଗ୍‌ନି କାତାତିଙ୍ଗ୍ ଏତୁକିୟାଟ୍। ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ଯେ ମୋଶା ଲେକିକିତି ନିୟମ୍‌ନି ସାସ୍ତର୍‌ତାକେ, ଭବିଷ୍ଯତବକ୍ତା ବହିତାକେ ଆରେ କେର୍‌କଣ୍‌ବିହିତାକେ ନା ବିଷୟରେ ଇନାକା ୱିଜୁ ଲେକାଆତାତ୍‌ନା, ହେ ୱିଜୁ ହାତ୍‌ପା ଗଟାଆତାତ୍‌ନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:46

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଖ୍ରୀଷ୍ଟ ଦୁକ୍‌କଷ୍ଟ ପାୟାଆଜି ହାଃନାନ୍ ଆରେ ହାଃତିତାଙ୍ଗ୍ ତିନ୍‌ଦିନ୍ ପାଚେ ଆରେରଗ ଜିବୁନ୍‌ଆନି କାତା ସାସ୍ତରତାକେ ଲେକା ମାନାତ୍।

ଜହନ୍‌ 1:17

ଈଶ୍ୱର ମାଙ୍ଗେଙ୍ଗ୍ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ହିତ୍‌ତାନ୍‌ନା। ମାତର୍ ଯୀଶୁ ଖ୍ରୀଷ୍ଟତାଙ୍ଗ୍ ଦୟା ଆରେ ସତ୍ ବିଷୟ ହିତ୍‌ତାନ୍‌ନା।

ଜହନ୍‌ 1:45

ପିଲିପ ନିତନିୟେଲ ତର୍‌ଦି ମାନାୟ୍‌ତାକେ ହାଚାନ୍। ପିଲିପ ହେୱାନିଙ୍ଗ୍ ୱେଚ୍‌ଚାନ୍, “ମୋଶା ଲେକିକିତି ନିୟମ୍‌ନି ସାସ୍ତର୍‌ତାକେ ଆରେ ଭବିଷ୍ଯତବକ୍ତାର୍ ତା ସାସ୍ତର୍‌ତାକେ ଇମ୍‌ଣି ମାନାୟ୍ ବିଷୟରେ ଲେକିକିଜି ମାଚାର୍, ଆପେଙ୍ଗ୍ ହେ ମାନାୟ୍‌ତିଙ୍ଗ୍ ହୁଡ଼୍‌ତାପ୍‌ନା। ହେୱାନ୍ ଆନାନା ନାଜରିତ ସହର୍‌ନି ଯୀଶୁ। ହେୱାନ୍ ଯୋଷେପ୍‌ ମେହି।”

ଜହନ୍‌ 5:39

ଏପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ପିଡ଼ି କିନାଦେରା, ଆରେ ହେବେ ନେ ୱିଜ୍‌ୱି ଜିବୁନ୍ ପାୟାଆନାପ୍ ଇଞ୍ଜି ମାନ୍ତ ବାବିକିନାଦେରା। ମାତର୍ ହେ ଦରମ୍ ସାସ୍ତର୍ ନା ବିଷୟରେ ସାକି ହିଦ୍‌ନାତା।

ଜହନ୍‌ 5:46

ଯଦି ଏପେଙ୍ଗ୍ ମୋଶାଙ୍ଗ୍ ପାର୍ତି କିଜିମାଚିସ୍, ଲାଗିଙ୍ଗ୍ ଏପେଙ୍ଗ୍ ନାଙ୍ଗେଙ୍ଗ୍ ପା ପାର୍ତି କିତ୍‌ତାଦେର୍‌ମା। ଇନେସ୍‌କି ହେୱାନ୍ ନା ବିଷୟରେ ଲେକିକିତାନ୍‌ନା।

ପକ୍ୟାତାକା 10:43

ହେଦାଙ୍ଗ୍ କାଜିଙ୍ଗ୍ ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାର୍, ହେୱାନ୍ ତା ତର୍‍ଦାଙ୍ଗ୍ ପାପ୍ କେମା ପାୟା ଆନାନ୍, ଇ କାତା ୱିଜୁ ଭବିଷ୍ଯତବକ୍ତାର୍ ହେୱାନ୍ ବିଷୟରେ ଶୁଣାୟ୍ କିତାର୍‌ନା।”

ପକ୍ୟାତାକା 13:29

ତା ବିଷୟରେ ସାସ୍ତର୍‌ତାକେ ଇନାକା ୱିଜୁ ଲେକା ମାନାତ୍, ହେ ୱିଜୁ ପୁରା ଆତିପାଚେ, ହେୱାନିଙ୍ଗ୍ କୃଶକାଟ୍‌ତାଙ୍ଗ୍ ଜୁତ୍‌ତି ତାହିୱାଜି ଦୁଗେର୍‌ତାକେ ମୁଚ୍‍ଚାର୍।

ପକ୍ୟାତାକା 24:14

ଆନେଙ୍ଗ୍ ମାନିକିନାଙ୍ଗା ଯେ, ମା ଆକଦାଦିର୍ ଈଶ୍ୱରତିଙ୍ଗ୍ ପୁଜା କିନାଙ୍ଗା, ଆରେ ଯୀଶୁ ଖ୍ରୀଷ୍ଟନି ଚେଲା ଆତାଙ୍ଗ୍‌ନା। ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତା ଇନାକା ଲେକିକିତାର୍‌ନା, ହେଦାଙ୍ଗ୍ ଆନେଙ୍ଗ୍ ପାର୍ତି କିନାଙ୍ଗା। ମାତର୍ ଇ ମାନାୟାର୍ ବୁଲ୍ ହାଜ୍‌ଦିଙ୍ଗ୍ ଅନି ଦଳ୍ ନିକାନ୍ ଇଞ୍ଜି ୱେଚ୍‌ଚାନାରା।

ପକ୍ୟାତାକା 26:17

ଆନେଙ୍ଗ୍ ନିଙ୍ଗେଙ୍ଗ୍ ଜାର୍ ମାନାୟ୍ ଆରେ ବିନ୍‌ଜାତିନି ମାନାୟାର୍‌ତାଙ୍ଗ୍ ଉଦାର୍ କିଦ୍‌ନାଙ୍ଗ୍, ଈଶ୍ୱର କାତା ଶୁଣାୟ୍ କିଦେଙ୍ଗ୍ ନଙ୍ଗୟ୍ ହେୱାର୍‌ତାକେ ପକ୍ତାନାଙ୍ଗା।

ପକ୍ୟାତାକା 26:6

ଈଶ୍ୱର ମା ଆକଦାଦିର୍‌ତାକେ ଇମ୍‌ଣି ପାର୍ମାଣ୍ କିଜି ମାଚାନ୍, ହେ ପାର୍ମାଣ୍‌ତିଙ୍ଗ୍ ଆହାକିଜି ମାଚିଲେ, ଆନେଙ୍ଗ୍ ନଙ୍ଗୟ୍ ଦସି ଆତାଙ୍ଗ୍‌ନା।

ପକ୍ୟାତାକା 28:23

ହେ ମୁଡ଼୍‌ଦାକାର୍ ପାଉଲ ହୁଦାଙ୍ଗ୍ ମେହାଆଦେଙ୍ଗ୍ ରଦିନ୍ ଟିକ୍ କିତାର୍, ଆରେ ମାନାୟାର୍ ଅଜି ତାଞ୍ଜ ହାଚାର୍। ଲାଗିଙ୍ଗ୍ ପାଉଲ ନାଡ଼ିସ୍‌ତାଙ୍ଗ୍ ମିକାହାରେସ୍ ପାତେକ୍ ହେୱାରିଙ୍ଗ୍ ଈଶ୍ୱର ସାସନ୍ କିନି ରାଜି ବିଷୟରେ ହିକ୍ଷା ହିତାନ୍। ଆରେ ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତାର୍ ସାସ୍ତର୍‌ତାଙ୍ଗ୍ ଯୀଶୁ ବିଷୟରେ ହେୱାରିଙ୍ଗ୍ ବୁଜାଇ କିଦେଙ୍ଗ୍ ଉପାୟ୍ କିତାନ୍।

ରୋମିୟ 3:21

ମାତର୍ ନଙ୍ଗୟ୍ ଈଶ୍ୱର ମାଙ୍ଗେଙ୍ଗ୍ ତା ହୁଦାଙ୍ଗ୍ ଟିକ୍ ମାନାୟ୍ ଆଦେଙ୍ଗ୍ ଅଲଗା ଉପାୟ୍ ହିତ୍‌ତାନ୍‌ନା। ହେଦାଙ୍ଗ୍ ଆସେଙ୍ଗ୍ ଦରମ୍ ସାସ୍ତର୍‌ନି ନିୟମ୍‌ତିଙ୍ଗ୍ ମାନିକିଜି ଟିକ୍ ମାନାୟ୍ ଆନି ବିଷୟରେ ଆକାୟ୍, ହେଦାଙ୍ଗ୍ ଦର୍‌ମ୍ ସାସ୍ତର୍‌ତାକେ ଆରେ ଭବିଷ୍ଯତବକ୍ତାର୍ ସାସ୍ତର୍‌ତାକେ ବେସି ଆଗେ ଲେକାଆଜି ମାଚାତ୍, “ଈଶ୍ୱର ମାଙ୍ଗେଙ୍ଗ୍ ଦରମ୍ ମାନାୟ୍ କିତ୍‌ତାନ୍।”

୧ କରନ୍ତିୟ 15:3

ଆନେଙ୍ଗ୍ ୱିଜୁତାଙ୍ଗ୍ ମୁକ୍ୟ ହାର୍ଦିକାବୁର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ହେଦାଙ୍ଗ୍ ଆନେଙ୍ଗ୍ ମାପୃ ଯୀଶୁତାଙ୍ଗ୍ ପାୟାଆତାଙ୍ଗ୍‌ନା। ହେ ହାର୍ଦିକାବୁର୍ ଇଲେକେ ଯେ, ଖ୍ରୀଷ୍ଟ ମା ପାପ୍ କାଜିଙ୍ଗ୍ ହାଃତାନ୍ ଇନେସ୍ ଦରମ୍ ସାସ୍ତର୍‌ତାକେ ଲେକାଆତାତ୍‌ନା।

୧ କରନ୍ତିୟ 15:4

ତାଙ୍ଗେଙ୍ଗ୍ ମୁଚ୍‍ଚାର୍, ଆରେ ଈଶ୍ୱର ହେୱାନିଙ୍ଗ୍ ହାଃତିତାଙ୍ଗ୍ ତିନ୍‌ଦିନ୍‌ତାଙ୍ଗ୍ ନିକ୍ତାନ୍। ଇନେସ୍ ଦରମ୍ ସାସ୍ତର୍ ଲେକାଆତାତ୍‌ନା।

୨ ତିମଥି 3:11

ମାନାୟାର୍ ନାଙ୍ଗେଙ୍ଗ୍ ଦୁକ୍‌କଷ୍ଟ ଆରେ ବେସିଦୁକ୍ ହିତାର୍‌ନା। ଆନ୍ତିୟକିଆ, ଇକନିୟ ଆରେ ଲୁସ୍ତ୍ରା ସହର୍‌କୁକାଙ୍ଗ୍ ନା ହୁଦାଙ୍ଗ୍ ଇନାକା ୱିଜୁ ଗଟାଆତାତ୍‌ନା ହେ ବିଷୟରେ ଏପେଙ୍ଗ୍ ପୁଚାଦେର୍‌ନା। ଆନେଙ୍ଗ୍ ହେ ୱିଜୁ ମାନିକିଜି ମାଚାଙ୍ଗ୍, ଆରେ ମାପୃ ନାଙ୍ଗେଙ୍ଗ୍ ହେ ୱିଜୁତାଙ୍ଗ୍ ଉଦାର୍ କିଜି ମାନ୍‌ଞ୍ଚାନ୍।

ହତ୍‌ତି 11:18

ବିନ୍‌ଜାତିନି ମାନାୟାର୍ ନିଙ୍ଗେଙ୍ଗ୍ ରିସାଆଜି ମାନ୍‌ଞ୍ଚାର୍। ମାତର୍ ଏନେଙ୍ଗ୍ ହାଃତାକାରିଙ୍ଗ୍ ବିଚାର୍ କିନାକା, ଆରେ ନି ଦାସ୍ ଭବିଷ୍ଯତବକ୍ତାରିଙ୍ଗ୍, ଦରମ୍ ମାନାୟାରିଙ୍ଗ୍, ନିଙ୍ଗେଙ୍ଗ୍ ପାଣ୍ଡ୍ରାଆଜି ପାପ୍ କାମାୟ୍ କିୱାକାରିଙ୍ଗ୍ ଗାଜା ହିରୁ ୱିଜାରିଙ୍ଗ୍, ପୁରଷ୍କାର୍ ହିନି ଦିନ୍ ୱାତାତେ। ଆରେ ପୁର୍ତିତିଙ୍ଗ୍ ବିନାସ୍ କିନି ମାନାୟାରିଙ୍ଗ୍ ଏନେଙ୍ଗ୍ ବିନାସ୍ କିନାୟ୍।

ହତ୍‌ତି 15:3

ଆରେ ହେୱାର୍ ଈଶ୍ୱର ଦାସ୍ ମୋଶା ହିକାୟ୍ କିତି କେର୍‌କଣ୍ ଆରେ ମେଣ୍ଢା ଇନେର୍‌କି ଯୀଶୁ ଲେକେ, ତା କେର୍‌କଣ୍ କେର୍‌ଜି ମାଚାର୍। “ହେ ମାପୃ ୱିଜୁ ଶାକ୍ତିମାନି ଈଶ୍ୱର, ଏନେଙ୍ଗ୍ କିନି ୱିଜୁ କାମାୟ୍ ଗାଜା ଆରେ ମାଙ୍ଗେଙ୍ଗ୍ ଚାନିଆ କିଦ୍‌ନାୟା, ଏନେଙ୍ଗ୍‍ନେ ୱିଜୁ ଦେସ୍ତି ରାଜା, ଏନେଙ୍ଗ୍ କିନି ୱିଜୁ କାମାୟ୍ ଟିକ୍ ଆରେ ଦରମ୍।

ହତ୍‌ତି 20:12

ତାପାଚେ ଆନେଙ୍ଗ୍ ହୁଡ଼୍‌ତାଙ୍ଗ୍, ହାଃତି ୱିଜାର୍ ଗାଜା ହିରୁ ମାନାୟାର୍ ଈଶ୍ୱର ସିଙ୍ଗାସନ ଆଗେ ନିଲ୍‌ଚି ମାଚାର୍। ହେବେ ବହିଙ୍ଗ୍ ଆରେ ଜିବୁନ୍ ମାନି ମାନାୟାର୍ ତର୍‌ ଲେକା ଆନି ବହି ପା ଜେୟା ଆଜି ମାଚାତ୍, ଆରେ ହେ ବହିତାକେ ଲେକାଆତି ଅନୁସାରେ ଆରେ ହେୱାର୍ ଜାର୍ କାମାୟ୍ ଅନୁସାରେ ହେ ହାଃତି ମାନାୟ୍‌ତିଙ୍ଗ୍ ଈଶ୍ୱର ବିଚାର୍ କିତାନ୍।