ପକ୍ୟାତାକା 24:5 - New Testament in Pengo Parja Language

⁵ ଇୱାନ୍ ରକାନ୍ ଗଣ୍ଡ୍‍ଗଲ୍ କିୟିକିନି ମାନାୟ୍ ଇଞ୍ଜି ଆପେଙ୍ଗ୍ ପୁଚାପ୍‌ନା। ଇନେସ୍‌କି ଯିହୁଦି ଜାତିର୍ ମାନି ୱିଜୁ ବାହାକାଙ୍ଗ୍ ହାଲ୍‌ଜି ଗଣ୍ଡ୍‍ଗଲ୍ କିୟିକିନାନା, ଆରେ ଇୱାନ୍ ରକାନ୍ ନାଜରିତିୟ ବୁଲ୍ ହାଜ୍‌ଦିଙ୍ଗ୍ ଅନି ଦଳ୍‌ନି ମୁକ୍ୟା।

ସତ୍‌ ବଚନ୍‌ ପୁନି ନିୟମ୍‌

⁵ ଇନାକିଦେଂକି ଆସେଙ୍ଗ୍‌ ଇ ଲକ୍‌ତିଂ ମାର୍‍ଡି ଲାକେ ପୁର୍ତିନି ୱିଜ଼ୁ ୱିଜ଼ାର୍‌ ଜିହୁଦିର୍‌ତି ବିତ୍ରେ କୁର୍ଲି କିବାନାକାନ୍ ଆରି ନାଜରିତିୟ କୁଦାନି ରୱାନ୍‌ ମୁଡ଼୍‌ ନେତା ଇଞ୍ଜି ପୁଚାପ୍‌ନ୍ନା;

ପକ୍ୟାତାକା 24:5 Iomraidhean Croise

ମାତିଉ 10:25

ଚେଲା ତା ଗୁରୁ ଲେକେ ଆରେ ହଲିଆ ତା ମାଲିକ୍ ଲେକେ ଆଦେଙ୍ଗ୍ ଆଡ଼୍‌ତିସ୍ ହାର୍। ମାତର୍ ଇଲ୍ ମାଲିକ୍‌ତିଙ୍ଗ୍ ବାଲ୍‌ଜିବୁଲ୍ ଶୟତାନ ଇଞ୍ଜି କୁକ୍ତିସ୍, ଆରେ ଇଲ୍‌ନି ଜେକନିକାରିଙ୍ଗ୍ ତ ଆଦିକ୍ ବାନ୍ୟା ତର୍‍ଦାଙ୍ଗ୍ କୁକିୟା ଆନାତ୍।”

ମାତିଉ 2:23

ହେୱାର୍ ନାଜରିତ ସହର୍‌ତାକେ ହାଲ୍‌ଜି ବାହାକିତାର୍। ହେଲେକେ ଭବିଷ୍ଯତବକ୍ତାର୍‌ତାଙ୍ଗ୍ ଇ କାତା ପୁରାଆନାତ୍, ହେୱାନ୍ ନାଜରିତିୟ ଇଞ୍ଜି ପୁନିୟାଆନାନ୍।

ମାର୍କ 1:24

“ଏ ନାଜରିତ ସହର୍‌ନି ଯୀଶୁ, ନି ଲାହାଙ୍ଗ୍ ମାବେ ଇନାକା ମାନାତ୍? ଏନେଙ୍ଗ୍ ଇନାକା ମାଙ୍ଗେଙ୍ଗ୍ ବୁଡାୟ୍ କିଦେଙ୍ଗ୍ ୱାତାୟନା? ଆନେଙ୍ଗ୍ ପୁଞ୍ଚାଙ୍ଗ୍‍ନା ଏନେଙ୍ଗ୍ ଇନାକାୟ୍, ‘ଏନେଙ୍ଗ୍ ଈଶ୍ୱରତାଙ୍ଗ୍ ୱାତି ପବିତ୍ର ମାନାୟ୍।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:19

ବାରବ୍‌ବା ସହର୍‌ତାକେ ଯୁଦ୍ ଆରମ୍ କିତିଲେ ଆରେ କେତେକ୍ ମାନାୟାରିଙ୍ଗ୍ ମାର୍ନେ ଅସ୍ତି କାଜିଙ୍ଗ୍ ଜଇଲ୍ ଇଞ୍ଜ ବନ୍ଦି ଆଜି ମାଚାନ୍‌।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:2

ହେୱାର୍ ତା ବିରଦ୍‌ତାକେ ଇଞ୍ଜେଙ୍ଗ୍ ଲାଗାତାର୍, “ଇ ମାନାୟ ମା ମାନାୟାରିଙ୍ଗ୍ ବୁଲ୍ ହାଜ୍‌ଦିଙ୍ଗ୍ ଅନାନା। ଆରେ କାଇସର୍ ମହା ରାଜାଙ୍ଗ୍ ସିସ୍ତୁ ହିମାଟ୍ ଇଞ୍ଜି ଇଞ୍ଜ୍‌ନାନା। ହେୱାନ୍ ନିଜେ ଖ୍ରୀଷ୍ଟ ଆରେ ର ରାଜା ଇଞ୍ଜି ଇଞ୍ଜ୍‌ନାନା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:25

ମାନାୟାର୍ ବାରବ୍‌ବାଙ୍ଗ୍ ମୁକ୍ତି କିଦେଙ୍ଗ୍ ଇଚାକିଜି ମାଚାର୍। ବାରବ୍‌ବା ମାନାୟ୍ ଅସ୍ତି ଆରେ ଗଣ୍ଡ୍‍ଗଲ୍ ଦସିତାଙ୍ଗ୍ ଜଇଲ୍ ଇଞ୍ଜ ହାଲ୍‌ଜି ମାଚାନ୍। ପିଲାତ ରାଜା ବାରବ୍‌ବାଙ୍ଗ୍ ପିସ୍ତି ହିତାନ୍। ପିଲାତ ରାଜା ଯୀଶୁଙ୍ଗ୍ ମାର୍ନେ ଅସ୍ତେଙ୍ଗ୍ ମାନାୟାର୍ କେଇଦ ହେଲାଇ କିଜି ହିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:5

ମାତର୍ ହେୱାର୍ ବାର୍-ବାର୍ ୱେଚ୍‌ଚାର୍, “ହେୱାନ୍ ତା ହିକ୍ଷା ହିକାଇକିଜି ଯିହୁଦା ଜିଲ୍ଲାନି ୱିଜୁ ମାନାୟାର୍ ବିତ୍ରେ ମାଡ୍‌ଗଲ୍ କିୟିକିନାନା। ହେୱାନ୍ ଗାଲିଲୀ ଜିଲ୍ଲାତାକେ ଆରମ୍ କିତାନ୍ ଆରେ ଇବେ ୱାତାନ୍।

ପକ୍ୟାତାକା 15:5

ପାରୁସିଦଳ୍‍ନି କେତ୍‌ଜାଣ୍ ପାର୍ତି କିନାକାର୍ ନିଙ୍ଗ୍‌ଞ୍ଜି ୱେଚ୍‌ଚାର୍, “ବିନ୍‌ଜାତିନି ମାନାୟାର୍ ସୁନତ ବିଦି ଆରେ ମୋଶା ଲେକିକିତି ନିୟମ୍‌ନି ସାସ୍ତର୍ ପା ମାନିକିନି ଦର୍‌କାର୍।”

ପକ୍ୟାତାକା 21:28

“ଏ ଇସ୍ରାଏଲ ଜାତିନି ମାନାୟ୍ କାଦେର୍! ମାଙ୍ଗେଙ୍ଗ୍ ସାଇଜ କିଦାଟ୍! ଇୱାନ୍‌ନେ ମା ଜାତି, ମା ନିୟମ୍ ସାସ୍ତର୍ ଆରେ ଇ ମନ୍ଦିର୍‌ ବିରୁଦ୍‌ରେ ୱିଜାକାରିଙ୍ଗ୍ ହିକ୍ଷା ହିଜିମାନ୍‌ଞ୍ଚାନ୍। ଆରେ ହେୱାନ୍ ବିନ୍‌ଜାତିନି ମାନାୟାରିଙ୍ଗ୍ ଈଶ୍ୱର ମାନି ମନ୍ଦିର୍‌ ବିତ୍ରେ ତାସି ଇ ପବିତ୍ର ବାହାତିଙ୍ଗ୍ ଅପବିତ୍ର କିତାନ୍‌ନା।”

ପକ୍ୟାତାକା 22:22

ପାଉଲ ଏଚେକ୍ କାତା ୱେଚ୍‌ଚାକା ମାନାୟାର୍ ୱେଚାର୍, ଆରେ ହେୱାର୍ ଗାଜାକାଟ୍ କିଜି ୱେଚ୍‌ଚାର୍, “ଇ ମାନାୟ୍‌ତିଙ୍ଗ୍ ମାର୍ନେ ଅହାଟ୍। ଇୱାନ୍ ଜିଦେଙ୍ଗ୍ ଆଦିକାର୍ ଆକାୟ୍।”

ପକ୍ୟାତାକା 24:14

ଆନେଙ୍ଗ୍ ମାନିକିନାଙ୍ଗା ଯେ, ମା ଆକଦାଦିର୍ ଈଶ୍ୱରତିଙ୍ଗ୍ ପୁଜା କିନାଙ୍ଗା, ଆରେ ଯୀଶୁ ଖ୍ରୀଷ୍ଟନି ଚେଲା ଆତାଙ୍ଗ୍‌ନା। ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତା ଇନାକା ଲେକିକିତାର୍‌ନା, ହେଦାଙ୍ଗ୍ ଆନେଙ୍ଗ୍ ପାର୍ତି କିନାଙ୍ଗା। ମାତର୍ ଇ ମାନାୟାର୍ ବୁଲ୍ ହାଜ୍‌ଦିଙ୍ଗ୍ ଅନି ଦଳ୍ ନିକାନ୍ ଇଞ୍ଜି ୱେଚ୍‌ଚାନାରା।

ପକ୍ୟାତାକା 24:4

ଆନେଙ୍ଗ୍ ନିଙ୍ଗେଙ୍ଗ୍ ବିଜାର୍ କିଦେଙ୍ଗ୍ ଇଚା କିଦୁଙ୍ଗା, ମାତର୍ ଆନେଙ୍ଗ୍ କେତେଗଟା କାତା ୱେଚ୍‌ଚାନାଙ୍ଗ୍ ଦୟାକିଜି ନା କାତା ୱେନା।

ପକ୍ୟାତାକା 25:7

ଏଚେପାଦ୍ନା ହେୱାନିଙ୍ଗ୍ ତାହିୱାତାର୍, ଯିରୁଶାଲାମ ସହର୍‌ତାଙ୍ଗ୍ ହାଲ୍‌ଜି ମାଚି ଯିହୁଦିର୍ ହେୱାନ୍ ଚାରିବେଣ୍‌ତାଙ୍ଗ୍ ନିଲ୍‌ତାର୍, ଆରେ ହେୱାର୍ ତା ବିରଦ୍‌ତାକେ ଗାଜା ଦସ୍ ହିଜି ୱେଚ୍‌ଚାର୍, ମାତର୍ ହେୱାର୍ ହେ ୱିଜୁ କାତାତିଙ୍ଗ୍ ସତ୍ ଇଞ୍ଜି ଚଚ୍‌ଚେଙ୍ଗ୍ ଆଡ୍‌ୱାତାର୍।

ପକ୍ୟାତାକା 26:5

ହେୱାର୍ ନାଙ୍ଗେଙ୍ଗ୍ ହିମ୍‌ଣା ୱେଡ଼ାତାଙ୍ଗ୍ ପୁନ୍‌ଞ୍ଚାର୍‌ନା ଯଦି ହେୱାର୍ ଇଚା କିତିସ୍ ସାକି ହିଦେଙ୍ଗ୍ ଆଡ୍‌ନାର୍, ମା ଦରମ୍‌ତିଙ୍ଗ୍ ବେସି ଷ୍ଟିଟ୍‌କିଜି ମାନିକିନି ପାରୁସିଦଳ୍‍ନି ଆନେଙ୍ଗ୍ ରକାଙ୍ଗ୍ ପାରୁସି ମାଚାଙ୍ଗ୍।

ପକ୍ୟାତାକା 28:22

ମାତର୍ ନି ବେଣ୍ ଇନାକା ହେଦାଙ୍ଗ୍ ଆପେଙ୍ଗ୍ ୱେଞ୍ଜେଙ୍ଗ୍ ଇଚା କିନାପା, ଇନେସ୍‌କି ୱିଜୁ ନିପଣ୍ ଇ ଖ୍ରୀଷ୍ଟାନ୍ ଦଳ୍‌ନି ମାନାୟାରିଙ୍ଗ୍ ତା ବିରଦ୍‌ତାକେ ୱେଚ୍‌ନାକା ୱେନାପା।”

ପକ୍ୟାତାକା 5:17

ପାଚେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଆରେ ତା ହାଙ୍ଗ୍‌ଦି ସାଦୁକିଦଳ୍‌ ଆକାର୍ ଆତାର୍।

ପକ୍ୟାତାକା 6:13

ହେବେ ହେୱାର୍ ମିଚ୍ ସାକି ୱେଚ୍‌ନାକାରିଙ୍ଗ୍ ତାତାର୍। ହେ ମିଚ୍ ସାକି ହିନାକାର୍‌ ସ୍ତିପାନ ବିରଦ୍‌ତାକେ ୱେଚ୍‌ଚାର୍, “ଇୱାନ୍ ଈଶ୍ୱର ମାନି ମନ୍ଦିର୍‌ ଆରେ ମୋଶା ଲେକିକିତି ନିୟମ୍‌ନି ସାସ୍ତର୍ ବିରୁଦ୍‌ତାକେ ନିନ୍ଦା କାତା ୱେଚ୍‌ଚି ଲାଗାନାନା।

୧ କରନ୍ତିୟ 11:19

ଏଲେଙ୍ଗ୍ ଆନାକା ହାର୍, ଯଦି ଏପେଙ୍ଗ୍ ହେଲେକେ ବାଗ୍-ବାଗ୍ ଆନାଦେର୍, ଲାଗିଙ୍ଗ୍ ଈଶ୍ୱର ଇନେରିଙ୍ଗ୍ ଆସ୍ତାନ୍‌ନା ଇଞ୍ଜି ପୁନ୍ୟା ଆନାତ୍‌।

୧ କରନ୍ତିୟ 4:13

ଇନେର୍ ପା ମାଙ୍ଗେଙ୍ଗ୍ କରାପ୍ କାତା ଇନ୍‌ଞ୍ଚିସ୍ ପା ଆପେଙ୍ଗ୍ ହେୱାରିଙ୍ଗ୍ ଦରମ୍‌ଆଜି ଉତର୍ ହିନାପା, ଆରେ ମାନାୟାର୍ ନଙ୍ଗୟ୍ ପାତେକ୍ ପୁର୍ତିନି ମାନାୟାର୍ ମାଙ୍ଗେଙ୍ଗ୍ ସନ୍‌ମାନ୍ ହିଦୁରା, ହେୱାର୍ ମାଙ୍ଗେଙ୍ଗ୍ କାଚ୍ରାଗାଦିଲେକେ ବେକାର୍ ଇଞ୍ଜି ବାବିକିନାରା।

୧ ପିତର 2:19

ଆସେଙ୍ଗ୍ ବୁଲ୍ କିୱାଦାଙ୍ଗ୍ ମାଚିସ୍ ପା ଯଦି ଦୁଃକ୍ କଷ୍ଟତିଙ୍ଗ୍ ସମ୍ବାଲି କିନାସ୍, ଇନେସ୍‌କି ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ୱିଜୁ ପୁନାନା, ଲାଗିଙ୍ଗ୍ ଈଶ୍ୱର ମା ଇ କାମାୟ୍ କାଜିଙ୍ଗ୍ ୱାରିୟା ଆନାନ୍।