ପକ୍ୟାତାକା 24:10 - New Testament in Pengo Parja Language

¹⁰ ଗବର୍‌ନର୍ ପାଉଲତିଙ୍ଗ୍ ୱେଚ୍‌ଚେଙ୍ଗ୍ କେଇ ସାକିୟା କିତାନ୍, ଲାଗିଙ୍ଗ୍ ହେୱାନ୍ ୱେଚ୍‌ଚାନ୍, “ଏନେଙ୍ଗ୍ ବେସି ବାର୍ହୁ ଆତାତ୍ ଇ ଜାତିର୍ ମାନାୟାରିଙ୍ଗ୍ ବିଚାର୍ କିଜି ୱାନାୟା, ଲାଗିଙ୍ଗ୍ ଆନେଙ୍ଗ୍ ୱାରିଆଜି ଦସି ଆକାୟ୍ ଇଞ୍ଜି ୱେଚ୍‌ଚାନାଙ୍ଗ୍।

ସତ୍‌ ବଚନ୍‌ ପୁନି ନିୟମ୍‌

¹⁰ ହେବେଣ୍ଡାଂ ସାସନ୍‍କାର୍‍ୟା କାତା ଇନି କାଜିଂ ପାଉଲ୍‌ତିଂ ଚଚ୍‍ଚିଲେ, ହେୱାନ୍‌ ଉତର୍‌ ହିତାନ୍‌, “ଏନ୍‌ ଆଦିକ୍‌ ବାର୍ହୁ ଆତାତ୍‌ ଇ ଜାତିନି ବିଚାର୍‌କାର୍‌ୟା ମାନାନ୍‌ ଇଞ୍ଜି ପୁନିକାଜିଂ ଆନ୍‌ ସାସ୍‍ତ ନା ପାକ୍ୟା ବାଚି କିନାଙ୍ଗା ।

ପକ୍ୟାତାକା 24:10 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:11

ମାନାୟାର୍ ମିଙ୍ଗେଙ୍ଗ୍ ଯଦି ବିରଦ୍ କିଜି ଯିହୁଦିର୍ ପାର୍ତାନା ଇଞ୍ଜ, ସାସନ୍ କିନି ମାନାୟାର୍‌ତାକେ, ଆରେ ଆଦିକାର୍ ପାୟାଆତି ମାନାୟାର୍ ଆଗେ ନିଲି କିଦ୍‌ନାର୍, ହେପାଦ୍ନା ଏପେଙ୍ଗ୍ ଇନେସ୍ ୱେଚ୍‌ନାଦେର୍, ଆରେ ମିଙ୍ଗେଙ୍ଗ୍ ୱେନ୍‌ବାଆତ୍‌ତିସ୍ ଏପେଙ୍ଗ୍ ଇନାକା ୱେଚ୍‌ନାଙ୍ଗ୍ ଇଞ୍ଜି ଚିନ୍ତା କିମାଟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:14

ଇଦାଙ୍ଗ୍ ୱେନ୍‌ଞ୍ଜି ଯୀଶୁ ୱେଚ୍‌ଚାନ୍, “ନାଙ୍ଗେଙ୍ଗ୍ ମି ବିଚାର୍ କିଦେଙ୍ଗ୍ କି ମିଞ୍ଜ୍‌ବା ଦନ୍‌ସମ୍ଫତି ଟଣ୍ଡ୍ରିୟାରିଙ୍ଗ୍ ବାଟାକିଜି ହିଦେଙ୍ଗ୍ ଇନେର୍ ଇଞ୍ଜ୍‌ନାରା?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 18:2

“ଦିନେକ୍ ର ସହର୍‌ତାକେ ରକାନ୍ ବିଚାର୍ କିନାକାନ୍ ମାଚାନ୍। ହେୱାନ୍ ଈଶ୍ୱରତିଙ୍ଗ୍ ପାଣ୍ଡ୍ରା ଆୱାଦାଙ୍ଗ୍ ମାଚାନ୍ କି ମାନାୟାରିଙ୍ଗ୍ ମାନିକିୱାଦାଙ୍ଗ୍ ମାଚାନ୍।

ପକ୍ୟାତାକା 12:17

ମାତର୍ ହେୱାନ୍ ହେୱାରିଙ୍ଗ୍ କେଇ ଚଚ୍‌ଚି ଚିମ୍ରା ଆଦେଙ୍ଗ୍ ୱେଚ୍‌ଚାନ୍। ଆରେ ହେୱାନିଙ୍ଗ୍ ମାପୃ ଇନେସ୍ ଜଇଲ୍ ଇଞ୍ଜାଙ୍ଗ୍ ବାର୍ତ ହପ୍ତାନ୍‌, ହେ ୱିଜୁ କାତା ହେୱାରିଙ୍ଗ୍ ୱେଚ୍‌ଚାନ୍। ଆରେ ହେୱାନ୍ ୱେଚ୍‌ଚାନ୍, “ଇୱିଜୁ କାତା ଯାକୁବ ଆରେ ଟଣ୍ଡାରିଙ୍ଗ୍ ୱେଚାଟ୍।” ତାପାଚେ ହେୱାନ୍ ହେବେତାଙ୍ଗ୍ ଜେକନି ବାହାତାକେ ହସିହାଚାନ୍।

ପକ୍ୟାତାକା 13:16

ହେବେତାଙ୍ଗ୍ ପାଉଲ ନିଲ୍‌ଚି କେଇ ସାକିୟା କିଜି ୱେଚ୍‌ଚେଙ୍ଗ୍ ଲାଗାତାନ୍, “ଏ ଇସ୍ରାଏଲ ଜାତିନି ମାନାୟାର୍ ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି ବିନ୍‌ଜାତି ମାନାୟ୍ କାଦେର୍ ୱେନାଟ୍!

ପକ୍ୟାତାକା 18:15

ମାତର୍ ଇଦାଙ୍ଗ୍ ମି ହିକ୍ଷା, ମି ମାନାୟ୍ ଆରେ ମି ନିତି ନିୟମ୍ ସାସ୍ତର୍‌ତିଙ୍ଗ୍ ମାନା-ମୁନି ଆୱି ବିଷୟନି କାତା। ଲାଗିଙ୍ଗ୍ ହେଦାଙ୍ଗ୍‌ତିଙ୍ଗ୍ ଏପେଙ୍ଗ୍ ନିଜେ ନେ ବୁଜାଆଡ, ଆନେଙ୍ଗ୍ ଇୱିଜୁ ବିଷୟରେ ବିଚାର୍ କିଦେଙ୍ଗ୍ ଇଚା କିଉଙ୍ଗା।”

ପକ୍ୟାତାକା 19:33

ହେ ରୁଣ୍ଡାଆତି ମାନାୟାର୍ ବିତ୍ରେ ଆଲେକ୍‌ଜାଣ୍ଡ୍ରିଆ ତର୍‍ଦାକାନ୍ ଯିହୁଦି ମାନାୟ୍ ମାଚାନ୍। ମାନାୟାର୍ ମୁମ୍‌ଦ ୱାଜି ଇନେସ୍ କାତା ୱେଚ୍‌ଚେଙ୍ଗ୍ ଆଡ୍‌ନାନ୍, ହେଦାଙ୍ଗ୍ କାଜିଙ୍ଗ୍ କେତେକ୍ ମାନାୟ୍ ଆଗେ ନିଲି କିତାର୍। ଆରେ ହେୱାନ୍ ଯିହୁଦି ନିପଣ୍ଡାଙ୍ଗ୍ ଆଜି ଇ ଗଟ୍‌ନା ବିଷୟରେ ମାନାୟାରିଙ୍ଗ୍ ୱେଚ୍‌ଚେଙ୍ଗ୍ କି ବୁଜାଇ କିଦେଙ୍ଗ୍ ଇଚାକିଜି, ହେୱାନ୍ କେଇ ଜଲାଇ କିଜି ମାନାୟାରିଙ୍ଗ୍ ଚିମ୍ରା କିତାନ୍।

ପକ୍ୟାତାକା 21:40

ଲାଗିଙ୍ଗ୍ ହାଜାର୍ ସେନାର୍ ମୁକ୍ଯା ପାଉଲତିଙ୍ଗ୍ ଆଦେସ୍ ହିତାନ୍। ହେୱାନ୍ ହେ ପାଉଜ୍‌ତାକେ ନିଲ୍‌ତି ମାନାୟାରିଙ୍ଗ୍ କେଇ ଚଚ୍‌ଚାନ୍, ଆରେ ୱିଜାକାର୍ ଚିମ୍ରା ଆତାର୍। ତାପାଚେ ହେୱାନ୍ ଏବ୍ରୀ ବାଷାତାଙ୍ଗ୍ ହେୱାରିଙ୍ଗ୍ ବେଣ୍‌କିତାନ୍।

ପକ୍ୟାତାକା 23:24

ଫେଲିକ୍‌ସ ଗବର୍‌ନର୍ ଲାଗାୟ୍ ପାଉଲ ହାର୍‌ଦାଙ୍ଗ୍ ଏକିନି କାଜିଙ୍ଗ୍, ହେୱାନ୍ କାଜିଙ୍ଗ୍ ରଞ୍ଜାଙ୍ଗ୍ ଗଡ଼ା ହିଦେଙ୍ଗ୍ ହେୱାରିଙ୍ଗ୍ ଆଦେସ୍ ହିତାନ୍।”

ପକ୍ୟାତାକା 26:1

ଆଗ୍ରିପା ରାଜା ପାଉଲତିଙ୍ଗ୍ ୱେଚ୍‌ଚାନ୍, “ଏନେଙ୍ଗ୍ ନଙ୍ଗୟ୍‌ନି ବିଷୟରେ ୱେଚ୍‌ଚେଙ୍ଗ୍ ଆଡ୍‌ନାଇ।” ଲାଗିଙ୍ଗ୍ ପାଉଲ କେଇ ଚଚ୍‌ଚି ୱେଚ୍‌ଚେଙ୍ଗ୍ ଲାଗାତାନ୍,

୧ ପିତର 3:15

ଏପେଙ୍ଗ୍ ଖ୍ରୀଷ୍ଟଙ୍ଗ୍ ମାପୃ ଇଞ୍ଜି ହେବା କିନି ଦର୍‌କାର୍। ଆରେ ଇନେର୍ ଯଦି ମିଙ୍ଗେଙ୍ଗ୍ ୱେନ୍‌ବା ଆଦ୍‌ନାର୍ ଏପେଙ୍ଗ୍ ଇନାକିଦେଙ୍ଗ୍ ଖ୍ରୀଷ୍ଟଙ୍ଗ୍ ଆହା କିନାଦେରା, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ବୁଜାୟ୍ କିନି କାଜିଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ମାନି ଦର୍‌କାର୍।