ପକ୍ୟାତାକା 20:6 - New Testament in Pengo Parja Language

⁶ ମାତର୍ ଆପେଙ୍ଗ୍ ଫିଲିପ ସହର୍‌ତାକେ ହାଚାପ୍। ସଡ଼ା ମେହାଆୱିତି ରୁଟି ପାର୍ବୁ ୱିସ୍ତି ପାଚେ ଜାଜ୍‌ତାକେ ଦୁମ୍‌ଜି ତ୍ରୋୟା ସହର୍‌ତାକେ ହାଞ୍ଜେଙ୍ଗ୍ ହତାପ୍। ପାଞ୍ଚ୍‌ଦିନ୍ ପାଚେ ହେ ସହର୍‌ତାକେ ଇକାତାପ୍, ଆରେ ମା ଆଗେ ହାଲ୍‌ଜି ମାଚି ମାନାୟାର୍ ହୁଦାଙ୍ଗ୍ ମେହା ଆତାପ୍। ଆରେ ହେୱାର୍ ହୁଦାଙ୍ଗ୍ ହେ ବାହାତାକେ ସାତ୍‌ଦିନ୍ ମାଚାପ୍।

ସତ୍‌ ବଚନ୍‌ ପୁନି ନିୟମ୍‌

⁶ ଆରେ, ହଇୱି ରୁଟିନି ପାର୍ବୁ ପାଚେ ଆପେଂ ଜାଜ୍‌ତ ଦୁମ୍‌ଜି ପିଲିପିତାଂ ହାଜ଼ି ଆସ୍ତାପ୍‌, ଆରେ ପାଞ୍ଚ୍‌ ଦିନ୍ତ ତ୍ରୟାତ ହେୱାର୍‌ ଲାଗାୟ୍‌ ୱାତାପ୍; ହେ ବାହାତ ଆପେଂ ସାତ୍‌ ଦିନ୍‌ ମାଚାପ୍ ।

ପକ୍ୟାତାକା 20:6 Iomraidhean Croise

ପକ୍ୟାତାକା 12:3

ଇ ବିଷୟରେ ଯିହୁଦି ନେତାର୍ ୱାରି ଆନାକା ହୁଡ଼୍‌ଜି, ହେରୋଦ ରାଜା ପିତରତିଙ୍ଗ୍ ପା ବନ୍ଦିକିଜି ଅସ୍ତେଙ୍ଗ୍ ଉପାୟ୍ କିତାନ୍। ହେପାଦ୍ନା ସଡ଼ା ମେହାଆୱିତି ରୁଟିତିନି ପାର୍ବୁ ମାଚାତ୍।

ପକ୍ୟାତାକା 16:10

ହେୱାନ୍ ଇ କେଚ୍‌କଣ୍ ହୁଡ଼୍‌ତି ପାଚେ ନାଡ଼ିସ୍ ମାକଦନିଆ ଜିଲ୍ଲାତାକେ ଆପେଙ୍ଗ୍ ହାଞ୍ଜେଙ୍ଗ୍ ଉପାୟ୍ କିତାପ୍। ଇନେସ୍‌କି ହେୱାର୍ ଲାଗାୟ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱରଆତ୍ମା ମାଙ୍ଗେଙ୍ଗ୍ ହିର୍‌ବାଆତ୍‌ତାନ୍‌ନା ଇଞ୍ଜି ଆପେଙ୍ଗ୍ ବୁଜାଆତାପ୍।

ପକ୍ୟାତାକା 16:12

ହେବେତାଙ୍ଗ୍ ଫିଲିପ ସହର୍‌ତାକେ ହାଚାପ୍। ଇ ସହର୍ ମାକଦନିଆ ଗାଜା ସହର୍ ମାଚାତ୍। ଆରେ ଇବେ ରମିୟ ଦେସ୍‌ନି ମାନାୟାର୍ ବାହାକିଜି ମାଚାର୍। ଆପେଙ୍ଗ୍ ଇ ସହର୍‌ତାକେ କେତେକ୍ ଦିନ୍ ମାଚାପ୍।

ପକ୍ୟାତାକା 16:8

ଲାଗିଙ୍ଗ୍ ହେୱାର୍ ମୁସିଆ ଜିଲ୍ଲା ନିପଣ୍ ଆଜି ତ୍ରୋୟା ସହର୍‌ତାକେ ହାଚାର୍।

ପକ୍ୟାତାକା 20:16

ପାଉଲ ଏସିଆ ଜିଲ୍ଲାତାକେ ମାଞ୍ଜେଙ୍ଗ୍ ଇଚା କିୱାଦାଙ୍ଗ୍ ଏପିସ ସହର୍‌ତାକେ ଜୁଦେଙ୍ଗ୍ ଇଚା କିତାନ୍। ଇନେସ୍‌କି ହେୱାନ୍ ପେଣ୍ଟିକଷ୍ଟ ପାର୍ବୁ ନାଞ୍ଜିଙ୍ଗ୍ ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ତାନ୍ଦ୍ରା ଆଜି ମାଚାନ୍।

ପକ୍ୟାତାକା 20:5

ଇୱାର୍ ଆଗେ ହାଲ୍‌ଜି ତ୍ରୋୟା ସହର୍‌ତାକେ ମାଙ୍ଗେଙ୍ଗ୍ କାସି ମାନ୍‌ଞ୍ଚାର୍।

ପକ୍ୟାତାକା 21:4

ହେ ସହର୍‌ତାକେ ପାର୍ତିକିନି ଚେଲାହିରିଙ୍ଗ୍ ଗିଟାଆତାପ୍, ଆରେ ହେବେ ସାତ୍‌ଦିନ୍ ମାଚାପ୍। ପବିତ୍ର ଆତ୍ମା ସାଇଜତାଙ୍ଗ୍ ପାଉଲତିଙ୍ଗ୍ ଯିରୁଶାଲାମ ସହର୍‌ତାକେ ହାଲ୍‍ମା ଇଞ୍ଜି ଗୁୱାରି କିତାର୍।

ପକ୍ୟାତାକା 21:8

ଆର୍‌କାତ୍ ନାଞ୍ଜ୍ ହେ ବାହା ପିସ୍ତି ଆପେଙ୍ଗ୍ କାଇସରିଆ ସହର୍‌ତାକେ ହାଚାପ୍। ଆରେ ପିଲିପ ତର୍‍ଦି ଇଞ୍ଜ ମାଚାପ୍। ରାଣ୍ଡିକାଙ୍ଗ୍ ଦେକାଶୁଣା କିଦେଙ୍ଗ୍ ଯିରୁଶାଲାମ ସହର୍‌ତାକେ ମାନି ବାଚିକିତି ଚେଲାର୍, ଇମ୍‌ଣି ସାତ୍ ଜାଣ୍‌ତିଙ୍ଗ୍ ବାଚିକିଜି ମାଚାର୍ ହେ ବିତ୍ରେତାଙ୍ଗ୍ ଇ ପିଲିପ ରକାନ୍ ମାଚାନ୍।

ପକ୍ୟାତାକା 28:14

ହେ ବାହାତାକେ ଆପେଙ୍ଗ୍ ଟଣ୍ଡାରିଙ୍ଗ୍ ମେହା ଆତାପ୍, ଆରେ ହେୱାର୍ ହୁଦାଙ୍ଗ୍ ସାତ୍‌ଦିନ୍ ମାଞ୍ଜେଙ୍ଗ୍ ମାଙ୍ଗେଙ୍ଗ୍ ଗୁୱାରି କିତ୍‌ତାର୍। ହେୱାର୍ ହୁଦାଙ୍ଗ୍ ମାଚି ପାଚେ ଆପେଙ୍ଗ୍ ରୋମ ସହର୍‌ତାକେ ହାଞ୍ଜେଙ୍ଗ୍ ହତାପ୍।

ପିଲିପିୟ 1:1

ଆପେଙ୍ଗ୍, ପାଉଲ ଆରେ ତିମତି, ରିକାପ୍ ଯୀଶୁ ଖ୍ରୀଷ୍ଟନି ଦାସ୍। ଫିଲିପ ସହର୍‌ତାକେ ମାନି ଯୀଶୁ ଖ୍ରୀଷ୍ଟନି ୱିଜାକାର୍ ଈଶ୍ୱର ମାନାୟାର୍ ଲାଗାୟ୍, ବିଶପ୍‌ ଆରେ ମଣ୍ଡ୍‌ଲିତାକେ ହେବା କିନାକାର୍ ଲାଗାୟ୍ ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା।

୧ ଥେସଲନୀକିୟ 2:2

ମାତର୍ ଆପେଙ୍ଗ୍ ମିତାକେ ୱାନି ଆଗେ ଫିଲିପ ସହର୍‌ତାକେ ଦୁଃକ୍ ଆରେ କଷ୍ଟ ପାୟାଆଜି ମାଚିସ୍ ପା, ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସାସ୍ ହିତ୍‌ତାନ୍। ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମିଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସାସ୍ କିତାପ୍।

୨ ତିମଥି 4:13

ତ୍ରୋୟା ସହର୍‌ତାକେ କାର୍ଫ ଲାଗାୟ୍ ଆନେଙ୍ଗ୍ ଇମ୍‌ଣି ଜପି ଉସ୍‌ପିନି କଟ୍ ପିସ୍ତି ୱାତାଙ୍ଗ୍‌ନା, ଏପେଙ୍ଗ୍ ୱାନି ୱେଡ଼ାଲିଙ୍ଗ୍ ହେଦାଙ୍ଗ୍ ଆରେ ସାସ୍ତର୍, ଦୟାକିଜି ତଲ୍ ଜପି ଲେକାଆତି ବହି ତାସି ୱାନାଦେର୍।