ପକ୍ୟାତାକା 20:2 - New Testament in Pengo Parja Language

² ହେ ଜିଲ୍ଲାତାକେ ପାର୍ତିକିନି ମାନାୟାର୍ ମାନି ସହର୍ ବାହାକାଙ୍ଗ୍ ହାଲ୍‌ଜି, ହେୱାରିଙ୍ଗ୍ ସାହାସ୍‌ନି କାତା ୱେଚ୍‌ଚି ମାଚାନ୍। ତାପାଚେ ହେୱାନ୍ ଗ୍ରିସ୍ ଜିଲ୍ଲାତାକେ ଇକାତାନ୍।

ସତ୍‌ ବଚନ୍‌ ପୁନି ନିୟମ୍‌

² ହେୱାନ୍‌ ଇମ୍‌ଣି ନିପ ହିଜ଼ି ହାଲ୍‌ଜି ହେୱାନ୍‌ ମାନାୟାରିଂ ବେସି ୱାରିକିୟ୍‌କିନି ପାଚେ ଗ୍ରିସ୍‌ତ ୱାତାନ୍ ।

ପକ୍ୟାତାକା 20:2 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 3:18

ଇଲେକେ ଡୁବନ୍‌ହିନି ଯୋହନ ମାନାୟାରିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଇଲେକେ କେତେକ୍ ଆଦେସ୍ ହିତାନ୍। ଆରେ ହେୱାରିଙ୍ଗ୍ ହାର୍ଦିକାବୁର୍ ଶୁଣାୟ୍ କିଜି ମାଚାନ୍।

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ପକ୍ୟାତାକା 15:41

ହେୱାର୍ ସିରିୟା ଜିଲ୍ଲା ଆରେ କିଲିକିୟା ଜିଲ୍ଲା ନିପଣ୍ ଆଜି ହାଚାର୍। ହେପାଦ୍ନା ପାଉଲ ମଣ୍ଡ୍‌ଲିନି ମାନାୟାରିଙ୍ଗ୍ କେତେକ୍ କାତା ୱେଚ୍‌ଚି ପାର୍ତିତାକେ ମାଞ୍ଜେଙ୍ଗ୍ ସାହାସ୍ ହିଜିମାଚାନ୍।

ପକ୍ୟାତାକା 16:12

ହେବେତାଙ୍ଗ୍ ଫିଲିପ ସହର୍‌ତାକେ ହାଚାପ୍। ଇ ସହର୍ ମାକଦନିଆ ଗାଜା ସହର୍ ମାଚାତ୍। ଆରେ ଇବେ ରମିୟ ଦେସ୍‌ନି ମାନାୟାର୍ ବାହାକିଜି ମାଚାର୍। ଆପେଙ୍ଗ୍ ଇ ସହର୍‌ତାକେ କେତେକ୍ ଦିନ୍ ମାଚାପ୍।

ପକ୍ୟାତାକା 17:1

ପାଉଲ ଆରେ ଶିଲା ଆପିପଲି ଆରେ ଆପଲନିଆ ସହର୍ ନିପଣ୍ ଆଜି ଥେସଲନିକି ସହର୍‌ତାକେ ୱାତାର୍। ହେବେ ଯିହୁଦିର୍‍ତି ରଞ୍ଜାଙ୍ଗ୍ ପାର୍ତାନା ଇଲ୍ ମାଚାତ୍।

ପକ୍ୟାତାକା 17:10

ଲାଗିଙ୍ଗ୍ କେତେକ୍ ପାର୍ତିକିନି ଟଣ୍ଡାର୍ ପାଉଲ ଆରେ ଶିଲାଙ୍ଗ୍ ବିଲମ୍ କିୱାଦାଙ୍ଗ୍ ହେ ମିକା ନେ ବେରିୟା ସହର୍‌ତାକେ ପକ୍ତାର୍। ହେୱାର୍ ହେ ସହର୍‌ତାକେ ଇକାତାର୍ ଆରେ ଯିହୁଦିର୍ ପାର୍ତାନା ଇଞ୍ଜ ହାଚାର୍।

ପକ୍ୟାତାକା 2:40

ଆରେ ବାରବିନି ବେଣ୍‌ତାଙ୍ଗ୍ ପିତର ଆଦେସ୍ ହିଜି ୱେଚ୍‌ଚେଙ୍ଗ୍ ଲାଗାତାନ୍, “ଏପେଙ୍ଗ୍ ଇ କରାପ୍ ମାନାୟାର୍‌ତାଙ୍ଗ୍ ରକ୍ଷା ପାୟାଆଡୁ।”

ପକ୍ୟାତାକା 20:1

ଏପିସ ସହର୍‌ନି ମାନାୟାର୍ ଗଣ୍ଡ୍‍ଗଲ୍ କିନାକା ବନ୍ଦ୍ କିତି ପାଚେ, ପାଉଲ ଚେଲାହିରିଙ୍ଗ୍ କୁକ୍‌ଚି ସାହାସ୍ କିତାନ୍। ତାପାଚେ ହେୱାନ୍ ହେୱାର୍‌ତାଙ୍ଗ୍ ହସି ମାକଦନିଆ ଜିଲ୍ଲାତାକେ ହାଚାନ୍।

ପକ୍ୟାତାକା 20:11

ତାପାଚେ ହେୱାନ୍ ଜପ୍‌ଣି ପାଉଜ୍‌ତାକେ ହାଲ୍‌ଜି ପ୍ରବୁବଜ୍ ଚିଚାନ୍ ଆରେ କାଦି ପା ଚିଚାନ୍। ତାପାଚେ ହେୱାନ୍ ହେୱାର୍ ହୁଦାଙ୍ଗ୍ ଅଜଡ଼୍ ଆନି ପାତେକ୍ ବେସି କାତାବାର୍ତା କିଜି ହେବେତାଙ୍ଗ୍ ହସିହାଚାନ୍।

ପକ୍ୟାତାକା 20:3

ହେ ବାହାତାକେ ହେୱାନ୍ ତିନ୍‌ମାସ୍‌ ମାଚାନ୍। ପାଚେ ହେୱାନ୍ ଜାଜ୍‌ତାକେ ଦୁମ୍‌ଜି ସୁରିଆ ଜିଲ୍ଲାତାକେ ହାଞ୍ଜେଙ୍ଗ୍ ମାନ୍ତ ବାବିକିତାନ୍। ମାତର୍ ଯିହୁଦି ନେତାର୍ ହେୱାନିଙ୍ଗ୍ ଅସ୍ତେଙ୍ଗ୍ ଉପାୟ୍ କିତାର୍‌ନା ଇଞ୍ଜି ପୁନ୍‌ଞ୍ଜି ମାକଦନିଆ ଜିଲ୍ଲା ନିପଣ୍ ଆଜି ସିରିୟା ଜିଲ୍ଲାତାକେ ହାଞ୍ଜେଙ୍ଗ୍ ବାବିକିତାନ୍।

୧ କରନ୍ତିୟ 4:19

ମାତର୍ ଯଦି ମାପୃ ଇଚାକିନାନ୍। ଆନେଙ୍ଗ୍ ମିଙ୍ଗେଙ୍ଗ୍ ହୁଡ଼୍‌ଗା ୱାଦେଙ୍ଗ୍ ବେଗି ୱାନାଙ୍ଗ୍, ଆରେ ଇମ୍‌ଣି ମାନାୟାର୍ ଗରବ୍ ଆଜି ଗାଜା-ଗାଜା କାତା ଇନାରା। ହେୱାର୍‌ତାକେ ହାତ୍‌ପା ଈଶ୍ୱର ଶାକ୍ତି ମାନାତ୍ କି ଆକାୟ୍ ଆନେଙ୍ଗ୍ ପୁନାଙ୍ଗ୍।

କଲସିୟ 1:28

ଲାଗିଙ୍ଗ୍ ଆପେଙ୍ଗ୍ ଖ୍ରୀଷ୍ଟ ବିଷୟରେ ୱିଜାକାରିଙ୍ଗ୍ ୱେଚ୍‌ନାପା, ଆରେ ଈଶ୍ୱର ହିଜି ମାନ୍‌ଞ୍ଚି ଜ୍ଞାନ୍‌ତାଙ୍ଗ୍ ୱିଜାକାରିଙ୍ଗ୍ ଜାଗ୍ରତ୍ କିଜି ହିକ୍ଷା ହିନାପା। ଇନେସ୍‌କି ଆପେଙ୍ଗ୍ ହେୱାରିଙ୍ଗ୍ ଖ୍ରୀଷ୍ଟତାକେ ଟିକ୍ ବାବ୍‌ରେ ମାହାଆଜି ମାନାର୍ ଇଞ୍ଜି ଈଶ୍ୱର ମୁମ୍‌ଦ ନିଲି କିଦେଙ୍ଗ୍ ଆପେଙ୍ଗ୍ ଇ ଲେକେ କିନାପା।

୧ ଥେସଲନୀକିୟ 2:11

ଏପେଙ୍ଗ୍ ପୁଚାଦେର୍‌ନା ଯେ, ର ଆବା ଇନେସ୍‌କି ତା ମେହିଙ୍ଗ୍ ବ୍ଯବହାର୍ କିନାନ୍, ହେଲେକେ ଆପେଙ୍ଗ୍ ମିଙ୍ଗେଙ୍ଗ୍ ହିକ୍ଷା ଆରେ ସାସ୍ ହିଜି ଗୁୱାରି କିଜି ମାନ୍‌ଞ୍ଚାପ୍।

୧ ଥେସଲନୀକିୟ 2:3

ଲାଗିଙ୍ଗ୍ ଏପେଙ୍ଗ୍ ପୁନାଦେରା ଯେ, ଆପେଙ୍ଗ୍ ମିଙ୍ଗେଙ୍ଗ୍ ଟକାୟ୍ କିଦେଙ୍ଗ୍, କି ମିଚ୍ ହିକ୍ଷା ଆରେ ପୁସ୍ରାଇ କିଦେଙ୍ଗ୍ ୱାୱାତାପ୍‌ନା।

୧ ଥେସଲନୀକିୟ 4:1

ଏ ଟଣ୍ଡାର୍‌କାଦେର୍, ଆପେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଗୁୱାରି କିଦ୍‌ନାପା ଯେ, ଏପେଙ୍ଗ୍ ଈଶ୍ୱର ୱାରିୟା ଆନିଲେକେ କାମାୟ୍ କିଜି ଯିବୁନ୍ କାଟିକିୟାଟ୍। ଆଗେ ଇନେସ୍ ଆପେଙ୍ଗ୍ ୱେଚ୍‌ଚି ମାନ୍‌ଞ୍ଚାପ୍, ଆରେ ଏପେଙ୍ଗ୍ ହେଲେକେ କିନାଦେରା, ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ସାସ୍ ହିଦ୍‌ନାପା, ଲାଗିଙ୍ଗ୍ ଏପେଙ୍ଗ୍ ହେଲେକେ ଆଦିକ୍ କିନାଦେର୍।