ପକ୍ୟାତାକା 2:23 - New Testament in Pengo Parja Language

²³ ଈଶ୍ୱର ହେୱାର୍ ଯଜନାତାଙ୍ଗ୍ ଯୀଶୁଙ୍ଗ୍ ମି କେଇଦ ଆହିକିଦେଙ୍ଗ୍ ଉପାୟ୍ କିଜି ମାଚାନ୍‌। ଆରେ ଏପେଙ୍ଗ୍ ହେୱାନିଙ୍ଗ୍ ବିନ୍‌ଜାତିର୍ ମାନାୟାର୍‌ତାଙ୍ଗ୍ କୃଶକାଟ୍‌ତାକେ ଦୁପ୍‌ଚି ମାର୍ନେ ଅସ୍ତି ମାଚାଦେର୍।

ସତ୍‌ ବଚନ୍‌ ପୁନି ନିୟମ୍‌

²³ ଇସ୍ୱର୍‌ ତା ଉପାୟ୍‌ ଇସାବ୍ରେ ଜିସୁଂ ମି କେଇଦ ହେଲାୟ୍‌ କିନି କାଜିଂ ତିର୍‌ କିଜ଼ି ମାଚାନ୍‌ ଆରେ ଏପେଙ୍ଗ୍‌ ତାଙ୍ଗେଙ୍ଗ୍‌ ଅଦାର୍ମି ହୁକେ କୁରୁସ୍‌ତ ଦୁପ୍‌ଚି ଅସ୍ତି ମାଚାଦେର୍‌;

ପକ୍ୟାତାକା 2:23 Iomraidhean Croise

ମାତିଉ 20:19

ଆରେ ହେୱାର୍ ହେୱାନିଙ୍ଗ୍ ଜିବୁନ୍ ହିଲାଦାଙ୍ଗ୍ ମାଡ୍‌ହିଜି ଇନସ୍ତାକିଜି କୋରଡା ହୁଦାଙ୍ଗ୍ ଟ୍ରାକ୍‌ଚି ପାଗ୍‌ନାର୍। କୃଶକାଟ୍‌ତାକେ ଦୁପ୍‌ଚି ଅସ୍ତେଙ୍ଗ୍ ବିନ୍‌ଜାତିର୍ କେଇଦ ଆହିକିନାର୍। ଆରେ ତିନ୍‌ଦିନ୍ ହାଚି ପାଚେ ହେୱାନ୍ ଆରେରଗ ଯିବୁନ୍ ପାୟା ଆନାନ୍।”

ମାତିଉ 26:24

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା ବିଷୟରେ ସାସ୍ତର୍‌ତାକେ ଇନେସ୍ ଲେକେ ଲେକା ମାନାତ୍, ହେଲେକେ ହେୱାନ୍ ହାଃନାକା ସତ୍। ମାତର୍ ଇମ୍‌ଣାକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍‍ନାନ୍। ହେୱାନିଙ୍ଗ୍ ବୟଙ୍କାର୍ ଦଣ୍ଡ୍ ଗାଟାଆନାତ୍‌। ହେୱାନ୍ ଜନମ୍ ଆୱାଦାଙ୍ଗ୍ ମାଚିସ୍ ହାର୍ ଆତାତ୍‌ମା।”

ମାତିଉ 27:35

ହେୱାର୍ ଯୀଶୁଙ୍ଗ୍ କୃଶକାଟ୍‌ତାକେ କୁଟିଙ୍ଗ୍ ଇଡ଼୍‌ଜି ୱିସ୍ତି ପାଚେ। ହେୱାନ୍ ଉସ୍‌ପିତି ହେନ୍ଦ୍ରାତିଙ୍ଗ୍ ଇନେର୍ ଇନାକା ଅନାର୍ ଇଞ୍ଜି ଲାଟ୍ରିପୁଟାୟ୍ କିତାର୍। ଆରେ ଜାର୍ ଜାର୍‌ବିତ୍ରେ ବାଗ୍‌କିଜି ଅତାର୍।

ମାର୍କ 15:24

ତାପାଚେ ହେୱାର୍ ଯୀଶୁଙ୍ଗ୍ କୃଶକାଟ୍‌ତାକେ କୁଟିଙ୍ଗ୍ ଇଡ଼୍‌ଜି ଦୁପ୍‌ତାର୍, ହେୱାନ୍ ଉସ୍‌ପିତି ହେନ୍ଦ୍ରାତିଙ୍ଗ୍ ଇନେର୍ ଇନାକା ଅନାର୍ ଇଞ୍ଜି ଲାଟ୍ରିପୁଟାୟ୍ କିତାର୍, ଆରେ ଜାର୍ ଜାର୍‌ବିତ୍ରେ ବାଗ୍‌କିଜି ଅତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:22

ଈଶ୍ୱର ଇନେସ୍‌କିଜି ହିତାନ୍‌ନା, ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପା ହେଲେକେ ହାଃନାନ୍। ମାତର୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ଇମ୍‌ଣାକାନ୍ ଶାତ୍ରୁ କେଇଦ ଆହିକିଦ୍‍ନାନ୍, ତା କାଜିଙ୍ଗ୍ ଇଦାଙ୍ଗ୍ ବେସି କରାପ୍ ଆନାତ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:37

ସାସ୍ତର୍‌ତାକେ ଭବିଷ୍ଯତବକ୍ତାର୍ ୱେଚ୍‌ଚାର୍, ‘ମାନାୟାର୍ ହେୱାନିଙ୍ଗ୍ ରକାନ୍ ଦସି ମାନାୟ୍ ଇଞ୍ଜି ୱେଚ୍‌ନାର୍। ଇ ସାସ୍ତର୍‌ନି ବେଣ୍ ହାତ୍‌ପା ଗଟାଆନାତ୍, ଇଦାଙ୍ଗ୍ ନା ବିଷୟରେ ଲେକାମାଚାତ୍, ଆରେ ଇଦାଙ୍ଗ୍ ନଙ୍ଗୟ୍ ପୁରା ଆନାତା।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:33

କାପ୍‌ଡ଼ାନି କପ୍‌ରି ଲେକେ ଚଞ୍ଜ୍‌ନିବାହାତାକେ ଯୀଶୁଙ୍ଗ୍ ଆରେ ହେ ରିକାର୍ ଚର୍‌କୁକାଙ୍ଗ୍ ପା ଅସିହାଚାର୍। ହେବେ ସେନାର୍ ଯୀଶୁଙ୍ଗ୍ କୃଶକାଟ୍‌ତାକେ ଦୁପ୍‌ତାର୍, ଆରେ ହେୱାର୍ ହେ ରିକାର୍ ଚର୍‌କୁକାଙ୍ଗ୍ ପା ଯୀଶୁ ତିନା ବାଗାଇ ରକାନିଙ୍ଗ୍ ଆରେ ରକାନିଙ୍ଗ୍ ଡେବା ବାଗାଇ କିଜି କୃଶକାଟ୍‌ତାକେ ଦୁପ୍‌ତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:20

ମାତର୍ ମା ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଦେସ୍‌ତିଙ୍ଗ୍ ସାସନ୍ କିନାକାର୍ ହେୱାନିଙ୍ଗ୍ ଶାତ୍ରୁ କେଇଦ ଆହିକିତାର୍ ଆରେ ହେୱାନ୍ କୃଶକାଟ୍‌ତାକେ ହାଃତାନ୍।

ଜହନ୍‌ 19:18

ହେ ବାହାତାକେ ହେୱାର୍ ଯୀଶୁଙ୍ଗ୍ କୃଶକାଟ୍‌ତାକେ ଦୁପ୍‌ତାର୍। ଯୀଶୁଙ୍ଗ୍ ମାଦି ଇଡ଼୍‌ଜି ତା ତିନା ବାଗାଇ ଆରେ ରକାନିଙ୍ଗ୍ ଡେବା ବାଗାଇ ରକାନିଙ୍ଗ୍ କୃଶକାଟ୍‌ତାକେ ଦୁପ୍‌ତାର୍।

ଜହନ୍‌ 19:24

ଲାଗିଙ୍ଗ୍ ହେୱାର୍ ଜାର୍-ଜାର୍ ବେଣ୍‌କିବାଆତାର୍, “ଆସେଙ୍ଗ୍ ଇଦାଙ୍ଗ୍‌ତିଙ୍ଗ୍ କେଚ୍‌ଚି ବାଗ୍ କିଉସ୍। ଇଦାଙ୍ଗ୍ ଇନେର୍ ଇନାକା ପାୟାଆନାର୍‌, ହେଦାଙ୍ଗ୍ ପୁଞ୍ଜେଙ୍ଗ୍ ଆସେଙ୍ଗ୍ ଲାଟ୍ରି ପୁଟାଇ କିନାସ୍।” ଇଦାଙ୍ଗ୍ କାଜିଙ୍ଗ୍ ଦରମ୍ ସାସ୍ତର୍‌ନି ବେଣ୍ ପୁରା ଆତାତ୍, “ହେୱାର୍ ଜାର୍-ଜାର୍‌ବିତ୍ରେ ନା ଆଙ୍ଗି ବାଗ୍ କିତାର୍, ଆରେ ନା ଉସ୍‌ପିତି ଆଙ୍ଗି କାଜିଙ୍ଗ୍ ଲାଟ୍ରି ପୁଟାଇ କିତାର୍।” ଲାଗିଙ୍ଗ୍ ସେନାର୍ ହେଲେକେ କିତାର୍।

ପକ୍ୟାତାକା 13:27

ଯିରୁଶାଲାମ ସହର୍‌ନି ମାନାୟାର୍ ଆରେ ହେୱାର୍ ନେତାର୍ ଯୀଶୁ ଖ୍ରୀଷ୍ଟଙ୍ଗ୍ ପୁଞ୍ଜେଙ୍ଗ୍ ଆଡ୍‌ୱାତାର୍। ୱିଜୁ ଜମ୍‌ନିଦିନ୍‌ତ ହେୱାର୍ ଭବିଷ୍ଯତବକ୍ତାର୍ ସାସ୍ତର୍ ପଡ଼ିକିଜି ମାଚାର୍। ମାତର୍ ହେୱାର୍ ହେଦାଙ୍ଗ୍ ବୁଜା ଆଦେଙ୍ଗ୍ ଆଡ୍‌ୱାତାର୍। ହେଦାଙ୍ଗ୍ କାଜିଙ୍ଗ୍ ହେ ନେତାର୍ ଭବିଷ୍ଯତବକ୍ତାର୍ ଲେକିକିତି କାତା ପୁରା ଆନି କାଜିଙ୍ଗ୍ ଯୀଶୁଙ୍ଗ୍ ହେ ନେତାର୍ ମାର୍ନେ ଅସ୍ତାର୍।

ପକ୍ୟାତାକା 15:18

ଈଶ୍ୱର ପୁର୍ତି ଆରମ୍‌ତାଙ୍ଗ୍ ଇ କାତା ୱେଚ୍‌ଚାତାନ୍‌ନା।’

ପକ୍ୟାତାକା 2:36

ଲାଗିଙ୍ଗ୍ ୱିଜାକାଦେର୍ ଇସ୍ରାଏଲ ଜାତିରିଙ୍ଗ୍ ହାତ୍‌ପା ପୁନାଟ୍, ଇମ୍‌ଣି ଯୀଶୁଙ୍ଗ୍ ଏପେଙ୍ଗ୍ କୃଶକାଟ୍‌ତାକେ ଅସ୍ତାଦେର୍, ହେୱାନିଙ୍ଗ୍ ଈଶ୍ୱର, ମାପୃ ଆରେ ଖ୍ରୀଷ୍ଟ ଇ ପାଦ୍ ପାୟାଆତାନ୍‌ନା।”

ପକ୍ୟାତାକା 3:18

ମାତର୍ ଭବିଷ୍ଯତବକ୍ତାରିଙ୍ଗ୍ ଈଶ୍ୱର ଆଗେ ୱେଚ୍‌ଚି ମାଚାନ୍ ଯେ, ଖ୍ରୀଷ୍ଟ ବେସି ଦୁକ୍‌କଷ୍ଟ ପାୟାଆଜି ହାଃନାନ୍। ଈଶ୍ୱର ହେଦାଙ୍ଗ୍ ପୁରା କିତାନ୍‌ନା।

ପକ୍ୟାତାକା 4:28

ନି ଶାକ୍ତିତାଙ୍ଗ୍ ଆଗେ ଇନା-ଇନାକା କିଦେଙ୍ଗ୍ ଇଚାକିଜି ମାଚାଇ, ହେଦାଙ୍ଗ୍‌ନେ ହେୱାର୍ କିତାର୍‌ନା।

ପକ୍ୟାତାକା 5:28

“ଆପେଙ୍ଗ୍ ମିଙ୍ଗେଙ୍ଗ୍ ଯୀଶୁ ତର୍‍ଦାଙ୍ଗ୍ ହିକ୍ଷାହିଦେଙ୍ଗ୍ ମୁନା କିତ୍‌ତାପ୍‌ନା। ମାତର୍ ଏପେଙ୍ଗ୍ ତା ବିଷୟରେ ଯିରୁଶାଲାମ ସହର୍‌ନି ବେସି ମାନାୟାରିଙ୍ଗ୍ ହିକ୍ଷା ହିତାଦେର୍‌ନା। ଇ ମାନାୟ୍‌ତିଙ୍ଗ୍ ନେତେର୍ ହପ୍‌ଚି ଟ୍ରାକ୍‌ତି ଦସ୍ ମା ଜପି ଲେଦି କିଦ୍‌ଦେଙ୍ଗ୍ ଇଚା କିନାଦେରା।”

ପକ୍ୟାତାକା 5:30

ଇମ୍‌ଣି ଯୀଶୁଙ୍ଗ୍ ଏପେଙ୍ଗ୍ କୃଶକାଟ୍‌ତାକେ ଦୁପ୍‌ଚି ଅସ୍ତି ମାଚାଦେର୍, ହେୱାନିଙ୍ଗ୍ ମା ଆକଦାଦିର୍‌ନି ଈଶ୍ୱର ନିକ୍ତାନ୍‌ନା।

ପକ୍ୟାତାକା 7:52

ମି ଆକଦାଦିର୍ ଭବିଷ୍ଯତବକ୍ତାରିଙ୍ଗ୍ ଦୁକ୍‌କଷ୍ଟ ହିଜି ମାଚାର୍। ଦରମ୍ ରକ୍ଷା କିଦ୍‌ନି ମାନାୟ୍ ୱାନାନ୍ ଇଞ୍ଜି ଇମ୍‌ଣାକାର୍ ଆଗେ ୱେଚ୍‌ଚି ମାଚାର୍ ହେୱାରିଙ୍ଗ୍ ପା ମି ଆକଦାଦିର୍ ମାର୍ନେ ଅସ୍ତାର୍। ନଙ୍ଗୟ୍ ଏପେଙ୍ଗ୍ ହେ ଦରମ୍ ଖ୍ରୀଷ୍ଟଙ୍ଗ୍ ଶତ୍ରୁ କେଇଦ ଆହିକିଜି ମାର୍ନେ ଅସ୍ତାଦେର୍।

ରୋମିୟ 2:12

ବିନ୍‌ଜାତିନି ମାନାୟାର୍ ମଶା ଲେକିକିତି ନିୟମ୍ ସାସ୍ତର୍‌ତିଙ୍ଗ୍ ପାୟାଆୱାଦାଙ୍ଗ୍ ମାଚିସ୍ ପା ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ଆରେ ଯିହୁଦି ଜାତିନି ମାନାୟାର୍ ମଶା ନିୟମ୍‌ତିଙ୍ଗ୍ ପାୟାଆଜି ମାନିକିୱାଦାଙ୍ଗ୍ ପାପ୍ କିତିସ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

ରୋମିୟ 4:17

ହେଦାଙ୍ଗ୍ କାଜିଙ୍ଗ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଆନେଙ୍ଗ୍ ନିଙ୍ଗେଙ୍ଗ୍ ବେସିହେନି ଜାତିନି ଲାତ୍ରାହି କିତ୍‌ତାଙ୍ଗ୍।” ଅବ୍ରାହାମ ଇମ୍‌ଣି ଈଶ୍ୱରତିଙ୍ଗ୍ ପାର୍ତି କିତାନ୍, ହେୱାନ୍ ହାଃତି ମାନାୟ୍‌ତିଙ୍ଗ୍ ଜିବୁନ୍ କିନାନ୍ ଆରେ ହିଲ୍‌ୱି ଜିନିସ୍‌ତିଙ୍ଗ୍ ହେୱାନ୍ ରହ୍‌ନାନ୍, ହେ ଈଶ୍ୱର ଅବ୍ରାହାମତିଙ୍ଗ୍ ତା ଆଗେ ମା ଆବା କିତାନ୍‌ନା।

୧ ଥେସଲନୀକିୟ 2:15

ହେ ଯିହୁଦି ଜାତିନି ମାନାୟାର୍ ମାପୃ ଯୀଶୁଙ୍ଗ୍, ଆରେ ଭବିଷ୍ଯତବକ୍ତାରିଙ୍ଗ୍ ପା ମାର୍ନେ ଅସ୍ତି ମାଚାର୍, ନଙ୍ଗୟ୍ ହେୱାର୍ ମାଙ୍ଗେଙ୍ଗ୍ ପା ଦୁଃକ୍ କଷ୍ଟ ହିଜି ପେସ୍‌ଦାତାର୍‌। ହେୱାର୍ ଈଶ୍ୱରତିଙ୍ଗ୍ ରିସା କିତିଲେକେ କାମାୟ୍ କିତାର୍, ଆରେ ୱିଜାର୍ ମାନାୟାରିଙ୍ଗ୍ ବିରଦ୍ କିତାର୍।

୧ ପିତର 1:2

ଆବା ଈଶ୍ୱର ମିଙ୍ଗେଙ୍ଗ୍ ପୁନ୍‌ଞ୍ଜି ମାନ୍‌ଞ୍ଚାନ୍ ଆରେ ବେସି ଆଗେତାଙ୍ଗ୍ ବାଚି କିତ୍‌ତାନ୍‌ନା, ଆରେ ତା ପବିତ୍ର ଆତ୍ମା ମିଙ୍ଗେଙ୍ଗ୍ ପବିତ୍ର କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତା ଆଦେସ୍‌ତିଙ୍ଗ୍ ମାନି କିତାଦେର୍, ଆରେ ହେୱାନ୍ ମିଙ୍ଗେଙ୍ଗ୍ ଯୀଶୁ ଖ୍ରୀଷ୍ଟ ନେତେର୍‌ତାଙ୍ଗ୍ ନୁଜ୍‌ଦାନ୍‌ନା। ଈଶ୍ୱର ମିଙ୍ଗେଙ୍ଗ୍ ବେସି ଆରେ ବେସି ଦୟା ଆରେ ଶାନ୍ତି ହିଦେନ୍।

୧ ପିତର 1:20

ପୁର୍ତି ଉବ୍‌ଜା ଆୱି ଆଗେ ଈଶ୍ୱର ଯୀଶୁ ଖ୍ରୀଷ୍ଟଙ୍ଗ୍ ମାନାୟାରିଙ୍ଗ୍ ଉଦାର୍ କିନି କାଜିଙ୍ଗ୍ ବାଚିକିଜି ମାଚାନ୍। ମାତର୍ ଇ ପୁର୍ତି ସେସ୍‌ଆନି ନାଞ୍ଜିଙ୍ଗ୍ ହେୱାନ୍ ମାଙ୍ଗେଙ୍ଗ୍ ସାଇଜ କିଦ୍‌ଦେଙ୍ଗ୍ ୱାତାନ୍।

୧ ପିତର 2:8

ଆରେ ପା ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା, “ଇ କାଲ୍ କାଜିଙ୍ଗ୍ ମାନାୟାର୍ ଉଜ୍‌ଦି ମେଦ୍‌ନିତ ଗୁର୍‌ନାର୍‌। ଇଦାଙ୍ଗ୍ ନେ ହେ କାଲ୍ ଇମ୍‌ଣାକା ମାନାୟାରିଙ୍ଗ୍ ତାରେନ୍ ଗୁତ୍‌ନାତା।” ଇନେସ୍‌କି ହେୱାର୍ ଈଶ୍ୱର କାତାତିଙ୍ଗ୍ ପାର୍ତି କିୱାତାର୍ ହେଦାଙ୍ଗ୍ କାଜିଙ୍ଗ୍ ହେୱାର୍ ହେ କାଲ୍‌ଦ ଉଜ୍‌ଦି ଗୁର୍‌ତାର୍, ଆରେ ଇଲେକେ ଆଦେଙ୍ଗ୍ ଈଶ୍ୱର ନେ ଉପାୟ୍ କିଜି ମାଚାନ୍।

ଜିହୁଦା 1:4

ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍‌ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍‌ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍‌ରୁ ଆଗେ ସାସ୍ତର୍‌ତାକେ ୱେଚ୍‌ଚାନ୍‌ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍‌ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍‌ଡ଼ାୟ୍ କିତାର୍‌ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।

ହତ୍‌ତି 13:8

ଆରେ ପୁର୍ତିନି ୱିଜାର୍ ମାନାୟାର୍ ହେ ପଶୁତିଙ୍ଗ୍ ପୁଜା କିତାର୍, ମାତର୍ ମେଣ୍ଢା ଇନେର୍‌କି ଯୀଶୁ ଜିବୁନ୍ ପାୟାଆନି ମାନାୟାର୍ ତର୍‌ ଲେକାଆତି ବହିତାକେ ଇମ୍‌ଣାକାର୍ ତର୍‌ ଲେକାଆଜି ମାଚାତ୍ ହେୱାର୍ ନେ ହେ ପଶୁତିଙ୍ଗ୍ ପୁଜା କିୱାତାର୍‌ନା। ହେ ମେଣ୍ଢା ଇନେର୍‌କି ଯୀଶୁ ନେ ପୁର୍ତି ଉବ୍‌ଜା ଆନିତାଙ୍ଗ୍ ହେୱାର୍ କାଜିଙ୍ଗ୍ ହାଃଜି ମାଚାନ୍।