ପକ୍ୟାତାକା 2:18 - New Testament in Pengo Parja Language

¹⁸ ଆଁ, ହେ ଦିନ୍‌ତ ନାଙ୍ଗେଙ୍ଗ୍ ହେବାକିଦ୍ନି ଆଣ୍ଡ୍ରା କଗ୍‍ଲେକାଙ୍ଗ୍ ନା ପବିତ୍ର ଆତ୍ମା ହିନାଙ୍ଗ୍। ଲାଗିଙ୍ଗ୍ ହେୱାର୍ ନା କାତା ୱେନ୍‌ଞ୍ଜି ମାନାୟାରିଙ୍ଗ୍ ୱେଚ୍‌ନାର୍।

ସତ୍‌ ବଚନ୍‌ ପୁନି ନିୟମ୍‌

¹⁸ ଆଁ, ହେ କାଡ଼୍‌ଦ ଆସେଙ୍ଗ୍‌ ଆଡ଼ିୟାଣି, ଆଣ୍ଡ୍ରାଙ୍ଗ୍‌ ଆରି କଗ୍‌ଲେହିମ୍‌ଣାଂ, ଜପି ଜାର୍‌ ଜିବୁନ୍‌ ହିନାଙ୍ଗ୍‌, ହେବେ ହେୱାର୍‌ ବେଣ୍‌ବାକ୍‌ଣାୟ୍‌କିନାକାର୍‌ ।

ପକ୍ୟାତାକା 2:18 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:45

ମାତର୍ ହେ ହଲିଆ ମାଲିକ୍ ୱାନାକା ବିଲମ୍ ଆନାତ୍ ଇଞ୍ଜି ମାନେ-ମାନେ ଇନାନା, ହଲିଆ ଆରେ ଚାକ୍‌ରାଣିଙ୍ଗ୍ ମାଡ୍ ଇଡ଼୍‌ନାନ୍। ଆରେ ଜାର୍ ତିନି ଉଣିତାକେ ନେ ମାନ୍‌ଗାନାନ୍। ଆରେ କାଲିଙ୍ଗ୍ ଉଣ୍‌ଜି ମାତ୍‌ଲି ଆନାନ୍।

ପକ୍ୟାତାକା 2:17

‘ଈଶ୍ୱର ୱେଚ୍‌ନାନ୍, ସେସ୍‌ଦିନ୍‌ତ ଆନେଙ୍ଗ୍ ୱିଜାକାର୍ ମାନାୟାରିଙ୍ଗ୍ ନା ପବିତ୍ର ଆତ୍ମା ହିନାଙ୍ଗ୍। ଲାଗିଙ୍ଗ୍ ମି ହିମ୍‌ଣାୱାକ୍‌ଡ଼ା ଈଶ୍ୱର କାତାତିଙ୍ଗ୍ ୱେନ୍‌ଞ୍ଜି ମାନାୟାରିଙ୍ଗ୍ ୱେଚ୍‌ନାର୍, ମି ବେଣ୍ଡିଆ କାଡ଼୍‌ଦେର୍ ଈଶ୍ୱରତିଙ୍ଗ୍ ହୁଡ଼୍‌ନାର୍, ଆରେ ମି ବୁଡ଼ାର୍‌ ଆନେଙ୍ଗ୍ ହିନି କେଚ୍‌କଣ୍‌ତିଙ୍ଗ୍ ହୁଡ଼୍‌ନାର୍।

ପକ୍ୟାତାକା 2:19

ଆନେଙ୍ଗ୍ ବାଦାଡ଼୍‌ତାକେ ଚାନିଆଆନି କାମାୟ୍ ଚଚ୍‌ଚାନାଙ୍ଗ୍। ଆରେ ପୁର୍ତିତାକେ କେତେକ୍ ବିନ୍-ବିନ୍ ଚିନ୍ ଚଚ୍‌ଚାନାଙ୍ଗ୍। ମାନାୟାର୍ ଅସ୍‌ପା ଆତି ନେତେର୍ ଆରେ ନାଣି ଦୁଆଁ ପୁର୍ତିନି ମାନାୟାର୍ ହୁଡ଼୍‌ନାର୍।

ପକ୍ୟାତାକା 21:10

ଆପେଙ୍ଗ୍ ହେବେ କେତେକ୍ ଦିନ୍ ମାଚି ପାଚେ, ଆଗାବ ଭବିଷ୍ଯତବକ୍ତା ଯିହୁଦା ଜିଲ୍ଲାତାଙ୍ଗ୍ ହେବେ ୱାତାନ୍।

ଗାଲାତିୟ 3:28

ଲାଗିଙ୍ଗ୍ ଯିହୁଦି ଜାତି କି ବିନ୍‌ଜାତି, ଦାସ୍ କି ଦାସ୍ ଆୱିତି ମାନାୟ୍, ଆଣ୍ଡ୍ରା କି କଗ୍‌ଲେ ବିତ୍ରେ ଇନାକା ପା ଜେକ ଆକାୟ୍। ଇନେସ୍‌କି ଏପେଙ୍ଗ୍ ଯୀଶୁ ଖ୍ରୀଷ୍ଟତାକେ ରବେ ଆତାଦେର୍‌ନା।

କଲସିୟ 3:11

ଇଦାଙ୍ଗ୍ କାଜିଙ୍ଗ୍ ବିନ୍‌ଜାତି କି ଯିହୁଦି ଜାତିର୍ ବିତ୍ରେ, ସୁନତ ବିଦି ମାନିକିନାକାର୍ କି ମାନିକିୱାକାର୍, ବାର୍ ଦେସ୍‌ତାକାର୍‌ କି ଆଦିବାସିନି ମାନାୟାର୍, ଦାସ୍ କି ଦାସ୍ ଆୱି ମାନାୟାର୍ ବିତ୍ରେ ଇନା ବେଦ୍‌ବାବ୍ ଆକାୟ୍। ମାତର୍ ଖ୍ରୀଷ୍ଟ ନେ ୱିଜୁତାଙ୍ଗ୍ ମୁକ୍ଯା ଆରେ ହେୱାନ୍ ତାଙ୍ଗେଙ୍ଗ୍ ପାର୍ତିକିନି ମାନାୟାର୍‌ତାକେ ବାହା କିନାନ୍।