ପକ୍ୟାତାକା 2:1 - New Testament in Pengo Parja Language

¹ ଯିହୁଦି ଜାତିର୍ ପେଣ୍ଟିକଷ୍ଟ ପାର୍ବୁ ୱାତାତ୍, ଲାଗିଙ୍ଗ୍ ହେୱାର୍ ୱିଜୁ ଚେଲାହିର୍ ଯିରୁଶାଲାମ୍ ସହର୍‌ନି ର ବାହାତାକେ ରବେ ରୁଣ୍ଡାଆତାର୍।

ସତ୍‌ ବଚନ୍‌ ପୁନି ନିୟମ୍‌

¹ ଜିହୁଦିର୍‌ତି ପେଣ୍ଟିକସ୍ଟ ପାର୍ବୁ ଦିନ୍‌ ଏକାୱାତିଲେ, ୱିଜ଼ାର୍‌ ର ବାହାତ ରୁଣ୍ଡାଜ଼ି ମାଚାର୍‌ ।

ପକ୍ୟାତାକା 2:1 Iomraidhean Croise

ପକ୍ୟାତାକା 1:5

ଡୁବନ୍‌ହିନି ଯୋହନ ମାନାୟାରିଙ୍ଗ୍ ଏଜୁକାଙ୍ଗ୍ ଡୁବନ୍‌ହିଜି ମାଚାନ୍। ମାତର୍ ଅଲପ୍‌ଦିନ୍ ପାଚେ ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ଡୁବନ୍ ଆନାଦେର୍।”

ପକ୍ୟାତାକା 1:8

ମାତର୍ ଏପେଙ୍ଗ୍ ର ବିଷୟ ପୁନି ଦର୍‌କାର୍ ଯେ, ପବିତ୍ର ଆତ୍ମା ମି ଜପି ୱାନାତ୍, ଆରେ ଏପେଙ୍ଗ୍ ଶାକ୍ତି ପାୟ୍ଆନାଦେର୍। ହେପାଦ୍ନା ଏପେଙ୍ଗ୍ ଯିରୁଶାଲାମ ସହର୍, ଯିହୁଦା ଜିଲ୍ଲାନି ଚାରିବେଣ୍‌ତାଙ୍ଗ୍ ଆରେ ଶମିରଣିୟ ଜିଲ୍ଲା ଆରେ ପୁର୍ତିନି ଚାରିବେଣ୍‌ତାଙ୍ଗ୍ ନା ବିଷୟରେ ମାନାୟାରିଙ୍ଗ୍ ୱେଚ୍‌ନାଦେର୍।”

ପକ୍ୟାତାକା 2:46

ଆରେ ହେୱାର୍ ର ମାନ୍‌ଆଜି ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ମେହାଆଜି ମାଚାର୍। ଆରେ ଇଞ୍ଜ-ଇଞ୍ଜ ରୁଟି ଡିକ୍‌ଚି ୱାରିତାଙ୍ଗ୍ ଆରେ ଶାନ୍ତିତାଙ୍ଗ୍ ତିନ୍‌ଞ୍ଜି ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ମାଚାର୍।

ପକ୍ୟାତାକା 20:16

ପାଉଲ ଏସିଆ ଜିଲ୍ଲାତାକେ ମାଞ୍ଜେଙ୍ଗ୍ ଇଚା କିୱାଦାଙ୍ଗ୍ ଏପିସ ସହର୍‌ତାକେ ଜୁଦେଙ୍ଗ୍ ଇଚା କିତାନ୍। ଇନେସ୍‌କି ହେୱାନ୍ ପେଣ୍ଟିକଷ୍ଟ ପାର୍ବୁ ନାଞ୍ଜିଙ୍ଗ୍ ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ତାନ୍ଦ୍ରା ଆଜି ମାଚାନ୍।

ପକ୍ୟାତାକା 4:24

ହେୱାର୍ ହେ ବେଣ୍ ୱେନ୍‌ଞ୍ଜି ର ମାନ୍‌ତାଙ୍ଗ୍ ଈଶ୍ୱରତିଙ୍ଗ୍ ଗାଜାକାଟ୍ କିଜି ପାର୍ତାନା କିଜି ୱେଚ୍‌ଚାର୍, “ଏ ମାପୃ, ଏନେଙ୍ଗ୍ ବାଦାଡ଼୍, ପୁର୍ତି, ହାମ୍‌ଦୁର୍ ଆରେ ହେବେ ମାନି ୱିଜୁ ବିଷୟତିଙ୍ଗ୍ ରସ୍ତାଇନା।

ପକ୍ୟାତାକା 4:31

ହେୱାର୍ ପାର୍ତାନା କିତି ପାଚେ, ଇମ୍‌ଣି ବାହାତାକେ ରବେଆଜି ମାଚାର୍, ହେ ବାହାତିଙ୍ଗ୍ ଈଶ୍ୱର ଲେପ୍‌ତାନ୍‌। ଆରେ ହେବେ ମାନି ୱିଜାକାର୍ ପବିତ୍ର ଆତ୍ମା ପୁରାଆଜି, ଆରେ ସାସ୍‌ତାଙ୍ଗ୍ ଈଶ୍ୱର କାତା ୱେଚ୍‌ଚେଙ୍ଗ୍ ଲାଗାତାର୍।

ପକ୍ୟାତାକା 4:32

ପାର୍ତିକିନି ମାନାୟାର୍ ର ମାନ୍ ଆରେ ର ଆତ୍ମା ଆଜି ମାଚାର୍। ହେୱାର୍ ବିତ୍ରେତାଙ୍ଗ୍ ଇନେର୍ ପା ଜାର୍ ଦନ୍ ସମ୍ପତିତିଙ୍ଗ୍ ନାଦାଙ୍ଗ୍ ଇଞ୍ଜି ଇନ୍‌ୱାଦାଙ୍ଗ୍ ମାଚାର୍। ମାତର୍ ହେୱାର୍ ୱିଜୁ ବିଷୟତିଙ୍ଗ୍ ହାମାନ୍ ଆଦିକାର୍ ମାଚାତ୍।

ପକ୍ୟାତାକା 5:12

ବାଚିକିତି ଚେଲାହିର୍ ମାନାୟାର୍ ବିତ୍ରେ ବେସି ଚିନା ଆରେ ଚାନିଆଆନି କାମାୟ୍ କିତାର୍। ଆରେ ୱିଜୁ ଯୀଶୁଙ୍ଗ୍ ପାର୍ତିକିନି ୱିଜାକାର୍ ର ମାନ୍‌ଆଜି ଈଶ୍ୱର ମାନି ମନ୍ଦିର୍‌ ପିଣ୍ଡାନି ଶଲମନ ମଣ୍ଡପ୍‌ତାକେ ରୁଣ୍ଡାଆଜି ମାଚାର୍।

ରୋମିୟ 15:6

ଲାଗିଙ୍ଗ୍ ଏପେଙ୍ଗ୍ ୱିଜାଦେର୍ ର ମାନ୍‌ଆଜି ଈଶ୍ୱର ମା ମାପୃ ଯୀଶୁ ଖ୍ରୀଷ୍ଟ ଲାତ୍ରାହିଙ୍ଗ୍ ଦନ୍ଯବାଦ୍ ଆରେ ଗୌରବ ହିଦେଙ୍ଗ୍ ଆଡ୍‌ନାଦେର୍।

୧ କରନ୍ତିୟ 16:8

ମାତର୍ ନଙ୍ଗୟ୍ ଆନେଙ୍ଗ୍ ପେଣ୍ଟିକଷ୍ଟ ପାର୍ବୁ ୱିଜ୍‌ନି ପାତେକ୍ ଏପିସ ସହର୍‌ତାକେ ମାନାଙ୍ଗ୍।

ପିଲିପିୟ 1:27

ଖ୍ରୀଷ୍ଟନି ହାର୍ଦିକାବୁର୍‌ତିଙ୍ଗ୍ ପାର୍ତି କିଜି ମାନି ମାନାୟ୍ ଲେକେ ଟିକ୍ ଜିବୁନ୍ କାଟିକିୟାଟ୍। ଏପେଙ୍ଗ୍ ର ମାନ୍‌ଆଜି ମାନାଟ୍, ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିଜି ମାନି କାଜିଙ୍ଗ୍ ଏକ୍ ଆଜି ଲଡ଼ିକିୟାଟ୍। ଆନେଙ୍ଗ୍ ମି ଲାଗାୟ୍ ୱାଜି ହୁଡ଼୍‌ତିସ୍ କି ମାନ୍‌ୱାଦାଙ୍ଗ୍ ମି ବିଷୟ ୱେଚିସ୍ ପା ଏଲେଙ୍ଗ୍ ଆଜି ମାନାଟ୍ ଇଞ୍ଜି ଆନେଙ୍ଗ୍ ଇଚା କିନାଙ୍ଗା।

ପିଲିପିୟ 2:2

ଲାଗିଙ୍ଗ୍ ଜାର୍-ଜାର୍‌ବିତ୍ରେ କାତା ମାନି କିୟାଟ୍, ଆରେ ଜାର୍-ଜାର୍‌ବିତ୍ରେ ଲାଡ୍ କିବା ଆଡ, ୱିଜାକାଦେର୍ ର ମାନ୍ ଆରେ ର ଆତ୍ମା ଆଜି ମାନାଟ୍। ଏପେଙ୍ଗ୍ ଇଲେକେ ମାଚିସ୍ ଆନେଙ୍ଗ୍ ବେସି ୱାରି ଆନାଙ୍ଗ୍।