ପକ୍ୟାତାକା 18:2 - New Testament in Pengo Parja Language

² ହେୱାନ୍ ହେ ସହର୍‌ତାକେ ଆର୍କିଲା ତର୍‌ଦାକାନିଙ୍ଗ୍ ଗିଟାଆତାନ୍। ହେୱାନ୍ ରକାନ୍ ଯିହୁଦି ମାନାୟ୍ ମାଚାନ୍। ହେୱାନ୍ ପନ୍ତ ଜିଲ୍ଲାତାକେ ଜନମ୍ ଆଜି ମାଚାନ୍। କ୍ଲାଉଦିଅ ମହା ରାଜା ଯିହୁଦି ମାନାୟାରିଙ୍ଗ୍ ରୋମ୍ ଦେସ୍ ପିସ୍ତି ହାଞ୍ଜେଙ୍ଗ୍ ଆଦେସ୍ ହିଜିମାଚାନ୍, ହେଦାଙ୍ଗ୍ କାଜିଙ୍ଗ୍ ଆର୍କିଲା ତା ଡକ୍ରୁହି ପ୍ରିସ୍‌କିଲା ହୁଦାଙ୍ଗ୍ ଇତାଲିଆ ଦେସ୍‌ତାଙ୍ଗ୍ ଜାର୍ ବାହାତାକେ ୱାଜିମାଚାର୍। ଲାଗିଙ୍ଗ୍ ପାଉଲ ହେୱାର୍ ହୁଦାଙ୍ଗ୍ ମେହାଆଦେଙ୍ଗ୍ ହାଚାନ୍।

ସତ୍‌ ବଚନ୍‌ ପୁନି ନିୟମ୍‌

² ଆରେ, ହେୱାନ୍‌ ଆକ୍ୱିଲା ତର୍‌ନି ରୱାନ୍‌ ଜିହୁଦିଙ୍ଗ୍‌ ବେଟା ଆତାନ୍‌, ପନ୍ତ ହେୱାନ୍ତି ଜଲମ୍‌ ବାହା; ହେୱାନ୍‌ ଅଲପ୍‍ ଦିନ୍‌ ଆତାତ୍‌ ଜାର୍‌ କଗ୍‌ଲେ ପ୍ରିସ୍କିଲ୍ଲା ଲାହାଙ୍ଗ୍‌ ଇତାଲିଆତାଂ ୱାଜ଼ି ମାଚାର୍, ଇନାକିଦେଂକି କ୍ଲାଉଦିଅ ୱିଜ଼ାର୍‌ ଜିହୁଦିରିଂ ରମ୍‌ତାଂ ହସି ହାଞ୍ଜେଙ୍ଗ୍‌ ବଲ୍‌ ହିଜ଼ି ମାଚାନ୍‌ । ହେୱାନ୍‌ ହେୱାର୍‌ ଲାହାଙ୍ଗ୍‌ ବେଟାୟ୍‌ କିଦେଙ୍ଗ୍‌ ହାଚାନ୍‌,

ପକ୍ୟାତାକା 18:2 Iomraidhean Croise

ପକ୍ୟାତାକା 11:28

ହେୱାର୍ ବିତ୍ରେତାଙ୍ଗ୍ ଆଗାବ ତର୍‍ଦାକାନ୍ ରକାନ୍ ଭବିଷ୍ଯତବକ୍ତା ନିଙ୍ଗ୍‌ତାନ୍ ଆରେ ଈଶ୍ୱର ଆତ୍ମାତାଙ୍ଗ୍ ପୁରାଆଜି ୱେଚ୍‌ଚାନ୍, “ପୁର୍ତିନି ଚାରିବେଣ୍‌ତାଙ୍ଗ୍ ଗାଜା ମାର୍‌ଡି ଆନାତ୍।” କ୍ଲାଉଦିଅ ତର୍‍ଦାଙ୍ଗ୍ ରକାନ୍ ରାଜା ମାନିହିଙ୍ଗ୍ ଇ ମାର୍‌ଡି ଆଜି ମାଚାତ୍।

ପକ୍ୟାତାକା 18:18

ପାଉଲ ହେ ସହର୍‌ତାକେ କେତେକ୍ ଦିନ୍ ପାତେକ୍ ମାଚାନ୍। ହେବେ ମାନି ଟଣ୍ଡାରିଙ୍ଗ୍ ପିସ୍ତି କେଙ୍କ୍ରେୟା ସହର୍‌ତାକେ ପ୍ରିସ୍‌କିଲା ଆରେ ଆର୍କିଲା ହୁଦାଙ୍ଗ୍ ମେହାଆଜି ହାଚାନ୍। ର ମାନତ୍ ଇଡ଼୍‌ଜି ମାଚିଲେ ପାଉଲ ହେବେ କାପ୍‌ଡ଼ା କୁରାଇ କିୟାଆତାନ୍। ତାପାଚେ ହେୱାର୍ ସିରିୟା ଜିଲ୍ଲାତାକେ ହାଚାର୍।

ପକ୍ୟାତାକା 18:26

ହେୱାନ୍ ପାର୍ତାନା ଇଞ୍ଜ ସାହାସ୍ ହୁଦାଙ୍ଗ୍ ହିକ୍ଷାହିଜି ମାଚାନ୍। ଲାଗିଙ୍ଗ୍ ପ୍ରିସ୍‌କିଲା ଆରେ ଆର୍କିଲା ତାଞ୍ଜ କୁକ୍‌ଚି ଅଜି ହେୱାନିଙ୍ଗ୍ ଆରେ ଈଶ୍ୱର ଇନେସ୍ ମାନାୟାରିଙ୍ଗ୍ ଉଦାର୍ କିନାନ୍, ହେ ବିଷୟରେ ହେୱାନିଙ୍ଗ୍ ହାର୍‌ଦାଙ୍ଗ୍ ବୁଜାଇ କିତାର୍।

ପକ୍ୟାତାକା 2:9

ମା ବିତ୍ରେ କେତେକ୍ ହେନି ମାନାୟ୍ ପାର୍ତିଆ, ମାଦୀୟ, ଏଲାମିୟା ରାଜି ନିକାର୍, ଆରେ କେତେକ୍ ହେନି ମାନାୟ୍ ମେସପଟାମିଆ, ଯିହୁଦା ଆରେ କାପାଦକିଆ, ପନ୍ତ ଆରେ ଏସିଆ ରାଜି ନିକାପ୍‌,

ପକ୍ୟାତାକା 27:1

ପେଷ୍ଟସ୍‌ ରାଜା ଇଚା କିତାନ୍ ଯେ ଆପେଙ୍ଗ୍ ଜାଜ୍‌ତାକେ ଦୁମ୍‌ଜି ରୋମ୍ ଦେସ୍‌ନି ଇତାଲିଆ ଜିଲ୍ଲାତାକେ ହାଞ୍ଜେଙ୍ଗ୍। ହେପାଦ୍ନା ପାଉଲ ଆରେ ଜେକନି କେତେକ୍ ବନ୍ଦି ଆତି ମାନାୟାରିଙ୍ଗ୍ ଶହେ ସେନାର୍ ମୁକ୍ୟା ଯୁଲିଅ କେଇଦ ହାର୍‌ପି କିଜି ହିତାନ୍। ହେୱାନ୍ ଅଗଷ୍ଟସ୍ ମାହା ରାଜାନି ସେନା ମାଚାନ୍।

ପକ୍ୟାତାକା 27:6

ଲାଗିଙ୍ଗ୍ ଯୁଲିଅ ଇତାଲିଆ ଜିଲ୍ଲାତାକେ ହାନି ରଞ୍ଜାଙ୍ଗ୍ ଆଲେକ୍‌ଜାଣ୍ଡ୍ରିଆ ସହର୍‌ତାଙ୍ଗ୍ ୱାଜିମାଚି ଜାଜ୍‌ତାକେ ମାଙ୍ଗେଙ୍ଗ୍ ଦୁପ୍‌ତାତାନ୍।

୧ କରନ୍ତିୟ 16:19

ଏସିଆ ଦେସ୍‌ନି ମଣ୍ଡ୍‌ଲିନି ପାର୍ତିକିନି ଟଣ୍ଡାର୍ ମିଙ୍ଗେଙ୍ଗ୍ ଜୱାର୍ କିଦ୍‌ନାରା, ଆର୍କିଲା ଆରେ ତା ଡକୃହି ପ୍ରିସ୍‌କିଲା ଆରେ ତାଞ୍ଜ ରୁଣ୍ଡା ଆନି ୱିଜାକାର୍ ଜୱାର୍ କିନାରା।

୨ ତିମଥି 4:19

ପ୍ରିସ୍‌କିଲା ଆରେ ଆର୍କିଲା ଆରେ ଅନୀସିଫରନି ପରିବାର୍‌ତିଙ୍ଗ୍ ଆନେଙ୍ଗ୍ ଜୱାର୍ କିଦ୍‌ନାଙ୍ଗା।

ଏବ୍ରି 13:24

ହେବେ ମାନି ମି ୱିଜାକାର୍ ନେତା ଆରେ ପାର୍ତି କିନାକାରିଙ୍ଗ୍ ନା ଜୱାର୍ କିନାକା ୱେଚାଟ୍। ଇତାଲିଆ ଦେସ୍‌ତାଙ୍ଗ୍ ୱାଜିମାନି ପାର୍ତି କିନାକାର୍ ମିଙ୍ଗେଙ୍ଗ୍ ଜୱାର୍ କିଦ୍‌ନାରା।

୧ ପିତର 1:1

ଇ ଚିଟି ଆନେଙ୍ଗ୍ ଯୀଶୁ ଖ୍ରୀଷ୍ଟ ଚେଲାହି ପିତର ଲେକିକିତାଙ୍ଗ୍‌ନା। ଆନେଙ୍ଗ୍ ଇ ଚିଟି ଈଶ୍ୱର ବାଚିକିତି ଚେଲାହିର୍ କାଜିଙ୍ଗ୍ ଲେକିକିତାଙ୍ଗ୍‌ନା, ଇମ୍‌ଣି ମାନାୟାର୍ ଜେକନି ଦେସ୍‌ତାକେ ମାନିଲେକେ ପନ୍ତ, ଗାଲାତିୟ, କାପାଦକିଆ, ଏସିଆ ଆରେ ବେଥୁନିଆ ଇ ୱିଜୁ ଦେସ୍‌ତାକେ ମାନାରା।