ପକ୍ୟାତାକା 17:4 - New Testament in Pengo Parja Language

⁴ ଲାଗିଙ୍ଗ୍ ହେୱାର୍ ବିତ୍ରେତାଙ୍ଗ୍ କେତ୍‌ଜାଣ୍ ଯିହୁଦି ମାନାୟାର୍ ପାର୍ତି କିଜି ପାଉଲ ଆରେ ଶିଲା ହୁଦାଙ୍ଗ୍ ମେହାଆତାର୍। ଆରେ ଯିହୁଦି ଦରମ୍‌ତିଙ୍ଗ୍ ମାନିକିନି ବିନ୍‌ଜାତିନି କେତେକ୍ ମାନାୟାର୍ ଆରେ ଈଶ୍ୱରତିଙ୍ଗ୍ ପାଣ୍ଡ୍ରାଆନି କେତେକ୍ କଗ୍‍ଲେକ୍ ପାର୍ତି କିଜି ହେୱାର୍ ହୁଦାଙ୍ଗ୍ ମେହାଆତାର୍।

ସତ୍‌ ବଚନ୍‌ ପୁନି ନିୟମ୍‌

⁴ ହେବେଣ୍ଡାଂ ହେୱାର୍‌ ବିତ୍ରେ କେତେକ୍‌ ଜାଣ୍‌ ପାର୍ତି କିଜ଼ି ପାଉଲ୍‌ ଆରି ସିଲାତି ଲାହାଙ୍ଗ୍‌ ମେହା ଆତାନ୍‌; ଆରେ, ଜିହୁଦି ପାର୍ତାନା କିନାକାର୍ ଗ୍ରିକ୍‌ତି ବିତ୍ରେ ହେନି ଲକୁ ଆରି ଆଦେକ୍‌ କଗ୍‍ଲେକ୍ ହେୱାର୍‌ ଲାହାଙ୍ଗ୍‌ ମେହାତିକ୍‌ ।

ପକ୍ୟାତାକା 17:4 Iomraidhean Croise

ଜହନ୍‌ 7:35

ଯିହୁଦିର୍ ଜାର୍-ଜାର୍ ୱେଚ୍‌ପା ୱେଚ୍‌ପି ଆତାର୍, “ଇୱାନ୍ ଇମେତାକେ ହାନାନ୍ ଆସେଙ୍ଗ୍ ଇୱାନିଙ୍ଗ୍ ଗାଟାଆଉସ୍? ଇୱାନ୍ ଇନାକା ବିନ୍‌ଜାତିନି ନାସ୍‌କୁକାଙ୍ଗ୍ ହାଲ୍‌ଜି ହିକ୍ଷାହିଦେଙ୍ଗ୍ ହତାନ୍‌ନା କି? ଇମେତାକେ ମା ବିଚାଆତି ଲକ୍‌ବାକ୍ ମାନାର୍।

ପକ୍ୟାତାକା 13:43

ପାର୍ତାନା ଇଲ୍‌ନି ମିଟିଙ୍ଗ୍ ୱିସ୍ତି ପାଚେ ଯିହୁଦି ଦରମ୍ ମାନିକିନି ବିନ୍‌ଜାତିନି ମାନାୟାର୍ ବିତ୍ରେତାଙ୍ଗ୍ କେତେକ୍ ମାନାୟାର୍ ପାଉଲ ଆରେ ବର୍ଣ୍ଣବା ପାଚେ-ପାଚେ ହାଚାର୍। ହେୱାର୍ ହେୱାରିଙ୍ଗ୍ କେତେକ୍ କାତା ୱେଚ୍‌ଚି ସାହାସ୍ କିୟିକିତାର୍, ଆରେ ଈଶ୍ୱର ଦୟାତାଙ୍ଗ୍ ତିର୍‌ଆଜି ମାଞ୍ଜେଙ୍ଗ୍ ୱେଚ୍‌ଚାର୍।

ପକ୍ୟାତାକା 13:50

ମାତର୍ ଯିହୁଦି ନେତାର୍ ଯିହୁଦି ଦରମ୍ ମାନିକିନି ବିନ୍‌ଜାତି ଜଣାସୁଣା କଗ୍‍ଲେକାଙ୍ଗ୍ ଆରେ ସହର୍‌ନି ମୁଡ଼୍‌ଦାକାରିଙ୍ଗ୍, ପାଉଲ ଆରେ ବର୍ଣ୍ଣବା ବିରଦ୍‌ତାକେ ଟିଉଲାୟ୍ କିତାର୍। ଲାଗିଙ୍ଗ୍ ହେୱାର୍ ପାଉଲ ଆରେ ବର୍ଣବାଙ୍ଗ୍ ଦୁକ୍‌କଷ୍ଟ ହିତାର୍। ଆରେ ହେୱାର୍ ଏରିଆତାଙ୍ଗ୍ ହପ୍ତାର୍।

ପକ୍ୟାତାକା 14:1

ଇକନିୟ ସହର୍‌ତାକେ ପା ହେଲେକେ ଗଟାଆତାତ୍, ପାଉଲ ଆରେ ବର୍ଣ୍ଣବା ଯିହୁଦିର୍ ପାର୍ତାନା ଇଞ୍ଜ ହଣ୍‌ଜି ଯୀଶୁ ବିଷୟରେ ହିକ୍ଷା ହିତାର୍, ଯିହୁଦିର୍ ଆରେ ବିନ୍‌ଜାତିନି ମାନାୟାର୍ ବିତ୍ରେତାଙ୍ଗ୍ ବେସିହେନି ଯୀଶୁତାକେ ପାର୍ତି କିତାର୍।

ପକ୍ୟାତାକା 14:4

ମାତର୍ ସହର୍‌ନି ମାନାୟାର୍ ରିବାଗ୍ ଆତାର୍। ର ବାଗ୍ ପାର୍ତିକିୱି ଯିହୁଦିର୍ ନିପଣ୍ ଆତାର୍, ଆରେ ର ବାଗ୍ ବାଚିକିତି ଚେଲା ପାଉଲ ଆରେ ବର୍ଣ୍ଣବା ନିପଣ୍ ଆତାର୍।

ପକ୍ୟାତାକା 15:22

ଲାଗିଙ୍ଗ୍ ବାଚିକିତି ଚେଲାର୍ ଆରେ ପ୍ରାଚିନାର୍ ମଣ୍ଡ୍‌ଲିନି ମାନାୟାର୍ ହୁଦାଙ୍ଗ୍ ମେହାଆଜି ହେୱାର୍ ବିତ୍ରେତାଙ୍ଗ୍ କେତେକ୍ ଜାଣ୍‌ତିଙ୍ଗ୍ ବାଚିକିଜି, ପାଉଲ ଆରେ ବର୍ଣ୍ଣବା ହୁଦାଙ୍ଗ୍ ଆନ୍ତିୟକିଆ ସହର୍‌ନି ମଣ୍ଡ୍‌ଲିତାକେ ପକ୍ତେଙ୍ଗ୍ ଇଚାକିତାର୍। ଲାଗିଙ୍ଗ୍ ହେୱାର୍ ବର୍ଶବା ଆରେ ଶିଲା ତର୍‌ଦାକାନିଙ୍ଗ୍ ବାଚିକିତାର୍। ବର୍ଣ୍ଣବାଙ୍ଗ୍ ଯିହୁଦା ଇଞ୍ଜି ପା କୁକ୍‌ଚି ମାଚାର୍। ଆରେ ଇ ରିକାର୍ ପାର୍ତି କିନାକାର୍ ବିତ୍ରେ ବେସି ସନ୍‌ମାନ୍ ପାୟାଆଜି ମାଚାର୍।

ପକ୍ୟାତାକା 15:27

ଲାଗିଙ୍ଗ୍ ଆପେଙ୍ଗ୍ ଯିହୁଦା ଆରେ ଶିଲାଙ୍ଗ୍ ପକ୍ତାତାପ୍, ଇୱାର୍ ପା ମିଙ୍ଗେଙ୍ଗ୍ ହେ ୱିଜୁ କାତା ୱେଚ୍‌ଚାନାର୍।

ପକ୍ୟାତାକା 15:32

ଯିହୁଦା ଆରେ ଶିଲା ପା ରିକାର୍ ଭବିଷ୍ଯତବକ୍ତା ମାଚାର୍। ଲାଗିଙ୍ଗ୍ ହେୱାର୍ ପାର୍ତିକିନି ଟଣ୍ଡାରିଙ୍ଗ୍ ସାହାସ୍‌ନି ବେଣ୍ ୱେଚ୍‌ଚି, ପାର୍ତି କିନିତାକେ ବାଡ଼୍‌କାସ୍ କିତାର୍।

ପକ୍ୟାତାକା 15:40

ମାତର୍ ପାଉଲ ଶିଲାଙ୍ଗ୍ ବାଚିକିଜି ଆନ୍ତିୟକିଆ ସହର୍‌ତାକେ ହାଚାର୍। ହେପାଦ୍ନା ଈଶ୍ୱର ପାଉଲ ଆରେ ଶିଲାଙ୍ଗ୍ ଦୟା କିୟେନ୍ ଇଞ୍ଜି ପାର୍ତିକିନି ଟଣ୍ଡାର୍ ପାର୍ତାନା କିତାର୍।

ପକ୍ୟାତାକା 16:3

ପାଉଲ ତିମତିଙ୍ଗ୍ ତା ହୁଦାଙ୍ଗ୍ ଅସାହାଚାନ୍ ଆରେ ସୁନତ କିତାନ୍। ଇନେସ୍‌କି ହେ ଏରିୟାନି ଯିହୁଦି ଜାତିନି ମାନାୟାର୍ ଲାତ୍ରାହି ରକାନ୍ ବିନ୍‌ଜାତିନି ମାନାୟ୍ ଇଞ୍ଜି ୱିଜାକାର୍ ପୁନ୍‌ଞ୍ଜି ମାଚାର୍।

ପକ୍ୟାତାକା 17:10

ଲାଗିଙ୍ଗ୍ କେତେକ୍ ପାର୍ତିକିନି ଟଣ୍ଡାର୍ ପାଉଲ ଆରେ ଶିଲାଙ୍ଗ୍ ବିଲମ୍ କିୱାଦାଙ୍ଗ୍ ହେ ମିକା ନେ ବେରିୟା ସହର୍‌ତାକେ ପକ୍ତାର୍। ହେୱାର୍ ହେ ସହର୍‌ତାକେ ଇକାତାର୍ ଆରେ ଯିହୁଦିର୍ ପାର୍ତାନା ଇଞ୍ଜ ହାଚାର୍।

ପକ୍ୟାତାକା 17:12

ଲାଗିଙ୍ଗ୍ ବେସିହେନି ଯିହୁଦି ମାନାୟାର୍ ଆରେ ଜଣାସୁଣା ଗ୍ରୀକ୍ ଜାତିନି କଗ୍‌ଲେ ଆରେ ଆଣ୍ଡ୍ରାଙ୍ଗ୍ ପାର୍ତି କିତାର୍।

ପକ୍ୟାତାକା 17:14

ଲାଗିଙ୍ଗ୍ କେତେକ୍ ପାର୍ତିକିନି ଟଣ୍ଡାର୍ ବିଲମ୍ କିୱାଦାଙ୍ଗ୍ ପାଉଲତିଙ୍ଗ୍ ହାମ୍‌ଦୁର୍ କାଣ୍ଡିତାକେ ପକ୍ତାର୍। ମାତର୍ ଶିଲା ଆରେ ତିମତି ହେ ସହର୍‌ତାକେ ମାଚାର୍।

ପକ୍ୟାତାକା 17:17

ଲାଗିଙ୍ଗ୍ ପାଉଲ ପାର୍ତାନା ଇଞ୍ଜ ଯିହୁଦିରିଙ୍ଗ୍ ଆରେ ଯିହୁଦି ଦରମ୍‌ତିଙ୍ଗ୍ ମାନିକିନି ବିନ୍‌ଜାତିରିଙ୍ଗ୍ ଆରେ ସହର୍ ଚକ୍‌ତାକେ ଇମ୍‌ଣାକାର୍ ତା ହୁଦାଙ୍ଗ୍ ଗିଟାଆଜି ମାଚାର୍, ହେୱାର୍ ହୁଦାଙ୍ଗ୍ ଯୀଶୁ ବିଷୟରେ ଆଲ୍‌ଚାନା କିଜି ମାଚାନ୍।

ପକ୍ୟାତାକା 17:34

ମାତର୍ କେତେକ୍ ମାନାୟାର୍ ପାଉଲ ପାଚେ ହାଚାର୍, ଆରେ ମାପୃତିଙ୍ଗ୍ ପାର୍ତି କିତାର୍। ଇୱାର୍ ବିତ୍ରେତାଙ୍ଗ୍ ଆରୟପାଗ ବିଚାର୍‌କିନି ଦିୟନୁସିୟ ତର୍‍ଦାକାନ୍ ରକାନ୍ ମେମର୍ ମାଚାନ୍, ଆରେ ଦାମାରି ତର୍‌ଦି ରଞ୍ଜେଲ୍ ଗକ୍‌ଲେ ଆରେ କେତେକ୍ ମାନାୟ୍ ମାଚାର୍।

ପକ୍ୟାତାକା 18:4

ପାଉଲ ୱିଜୁ ଜମ୍‌ନିଦିନ୍‌ ପାର୍ତାନା ଇଞ୍ଜ ହାଲ୍‌ଜି ମାଚାନ୍। ଆରେ ହେୱାନ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ହୁଦାଙ୍ଗ୍ ଆଲ୍‌ଚାନା କିଜି ଯୀଶୁତାକେ ପାର୍ତିକିନି କାଜିଙ୍ଗ୍ ଉପାୟ୍ କିଜି ମାଚାନ୍।

ପକ୍ୟାତାକା 19:10

ଦୁଇ ବାର୍ହୁ ପାତେକ୍ ହେୱାନ୍ ହେ ସ୍କୁଲ୍‌ତାକେ ହିକ୍ଷା ହିତାନ୍। ଲାଗିଙ୍ଗ୍ ଏସିଆ ଜିଲ୍ଲାନି କେତେକ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ମାପୃ କାତା ୱେଚାର୍।

ପକ୍ୟାତାକା 2:44

ଇମ୍‌ଣାକାର୍ ପାର୍ତି କିତାର୍ ହେୱାର୍ ରବେ ମାନ୍‌ଞ୍ଜି, ହେୱାର୍ ଲାଗାୟ୍ ଇନାକା ୱିଜୁ ଦନ୍‌ସମ୍ଫତି ମାଚାତ୍, ହେଦାଙ୍ଗ୍ ଜାର୍-ଜାର୍‌ବିତ୍ରେ ବାଟା କିତାର୍।

ପକ୍ୟାତାକା 21:28

“ଏ ଇସ୍ରାଏଲ ଜାତିନି ମାନାୟ୍ କାଦେର୍! ମାଙ୍ଗେଙ୍ଗ୍ ସାଇଜ କିଦାଟ୍! ଇୱାନ୍‌ନେ ମା ଜାତି, ମା ନିୟମ୍ ସାସ୍ତର୍ ଆରେ ଇ ମନ୍ଦିର୍‌ ବିରୁଦ୍‌ରେ ୱିଜାକାରିଙ୍ଗ୍ ହିକ୍ଷା ହିଜିମାନ୍‌ଞ୍ଚାନ୍। ଆରେ ହେୱାନ୍ ବିନ୍‌ଜାତିନି ମାନାୟାରିଙ୍ଗ୍ ଈଶ୍ୱର ମାନି ମନ୍ଦିର୍‌ ବିତ୍ରେ ତାସି ଇ ପବିତ୍ର ବାହାତିଙ୍ଗ୍ ଅପବିତ୍ର କିତାନ୍‌ନା।”

ପକ୍ୟାତାକା 28:24

ଲାଗିଙ୍ଗ୍ ପାଉଲ ୱେଚ୍‌ଚି କାତାତିଙ୍ଗ୍ କେତ୍‌ଜାଣ୍ ପାର୍ତି କିତାର୍ ଆରେ କେତ୍‌ଜାଣ୍ ପାର୍ତି କିୱାତାର୍।

ପକ୍ୟାତାକା 4:23

ପିତର ଆରେ ଯୋହନ ଯିହୁଦି ନେତାର୍ ମିଟିଙ୍ଗ୍ ଇଞ୍ଜାଙ୍ଗ୍ ହସି ତା ହାଙ୍ଗ୍‌ଦାକାର୍‌ତାକେ ହାଚାର୍। ଆରେ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିର୍ ଆରେ ପ୍ରାଚିନ୍‌ ହେୱାରିଙ୍ଗ୍ ଇନା-ଇନାକା ୱେଚ୍‌ଚି ମାଚାର୍, ହେ ୱିଜୁ ତା ହାଙ୍ଗ୍‌ଦାକାରିଙ୍ଗ୍ ୱେଚ୍‌ଚାର୍।

୨ କରନ୍ତିୟ 8:5

ଆପେଙ୍ଗ୍ ହେୱାର୍‌ତାକେ ଆହା କିଜି ମାଚାପ୍, ମାତର୍ ହେୱାର୍ ମା ଆହାତାଙ୍ଗ୍ ଆଦିକ୍ ଡାବୁଙ୍ଗ୍ ହିଜି ସାଇଜ କିଜି ମାନ୍‌ଞ୍ଚାର୍। ଇନେସ୍‌କି ହେୱାର୍ ପାର୍ତୁମ୍ ମା ମାପୃ ଯୀଶୁଙ୍ଗ୍ ୱାରିକିନି କାଜିଙ୍ଗ୍ ତାପାଚେ ମାଙ୍ଗେଙ୍ଗ୍ ୱାରି କିଦ୍‌ନି କାଜିଙ୍ଗ୍ କିଜି ମାଚାର୍। ଇନେସ୍ ଈଶ୍ୱର ହେୱାର୍ କିଏର୍ ଇଞ୍ଜି ଇଚା କିଜି ମାଚାନ୍।