ପକ୍ୟାତାକା 17:2 - New Testament in Pengo Parja Language

² ତା ବିଦିତାଙ୍ଗ୍ ଜମ୍‌ନିଦିନ୍‌ତ ପାଉଲ ପାର୍ତାନା ଇଞ୍ଜ ହାଚାନ୍। ଆରେ ତିନ୍‌ଗଟା ଜମ୍‌ନିଦିନ୍‌ ପାତେକ୍ ଦରମ୍ ସାସ୍ତର୍ କାତା ଆସ୍ତି ହେୱାରିଙ୍ଗ୍ ୱେଚ୍‌ଚାନ୍।

ସତ୍‌ ବଚନ୍‌ ପୁନି ନିୟମ୍‌

² ପାଉଲ୍‌ ତା ରିତି ଇସାବ୍ରେ ହେୱାର୍‌ ଲାଗାଂ ହାଚାନ୍‌, ଆରେ ତିନି ଗଟା ଜମ୍‌ନିବାର୍‌ ପାତେକ୍‌ ସାସ୍ତର୍‌ ବଚନ୍‌ ଅଜ଼ି ହେୱାରିଂ ବୁଜାୟ୍‌ କିତାନ୍‌,

ପକ୍ୟାତାକା 17:2 Iomraidhean Croise

ମାତିଉ 26:24

ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ନା ବିଷୟରେ ସାସ୍ତର୍‌ତାକେ ଇନେସ୍ ଲେକେ ଲେକା ମାନାତ୍, ହେଲେକେ ହେୱାନ୍ ହାଃନାକା ସତ୍। ମାତର୍ ଇମ୍‌ଣାକାନ୍ ନାଙ୍ଗେଙ୍ଗ୍ ଶାତ୍ରୁ କେଇଦ ଆହିକିଦ୍‍ନାନ୍। ହେୱାନିଙ୍ଗ୍ ବୟଙ୍କାର୍ ଦଣ୍ଡ୍ ଗାଟାଆନାତ୍‌। ହେୱାନ୍ ଜନମ୍ ଆୱାଦାଙ୍ଗ୍ ମାଚିସ୍ ହାର୍ ଆତାତ୍‌ମା।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 4:16

ତାପାଚେ ଯୀଶୁ ଇମ୍‌ଣି ସହର୍‌ତାକେ ଗାଜା ଆଜି ମାଚାନ୍ ଆରେରଗ ହେ ନାଜରିତ ସହର୍‌ତାକେ ୱାତାନ୍। ୱିଜୁଦିନ୍ ଲେକେ ହେୱାନ୍ ଜମ୍‌ନିଦିନ୍‌ ଯିହୁଦିର୍ ପାର୍ତାନା ଇଞ୍ଜ ହାଚାନ୍। ଆରେ ହେୱାନ୍ ଦରମ୍ ସାସ୍ତର୍ ପଡ଼ିକିଦେଙ୍ଗ୍ ନିଲ୍‌ତାନ୍।

ଜହନ୍‌ 18:20

ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମାନାୟାରିଙ୍ଗ୍ କୁଲାକୁଲି ହିକ୍ଷା ହିତାଙ୍ଗ୍‌ନା। ଆନେଙ୍ଗ୍ ୱିଜୁଦିନ୍ ପାର୍ତାନା ଇଞ୍ଜ ଆରେ ଈଶ୍ୱର ମାନି ମନ୍ଦିର୍‌ତାକେ ହିକ୍ଷାହିଜି ୱାତାଙ୍ଗ୍‌ନା। ହେବେ ୱିଜୁ ଯିହୁଦିର୍ ରବେ ଆନାର୍। ଆନେଙ୍ଗ୍ ଇମ୍‌ଣି ବିଷୟ ପା ଡ଼ୁକ୍‌ୱାଦାଙ୍ଗ୍ ୱେଚ୍‌ୱାତାଙ୍ଗ୍‌ନା।

ପକ୍ୟାତାକା 13:14

ହେୱାର୍ ପର୍ଗି ସହର୍‌ତାଙ୍ଗ୍ ୱାଜି ଆନ୍ତିୟକିଆ ସହର୍‌ନି ପିସିଦିଆ ଜିଲ୍ଲାତାକେ ଇକାତାର୍। ଆରେ ଜମ୍‌ନିଦିନ୍‌ତ ପାର୍ତାନା ଇଞ୍ଜ ହାଲ୍‌ଜି କୁଚ୍‍ଚାର୍।

ପକ୍ୟାତାକା 13:5

ହେୱାର୍ ସାଲାମି ସହର୍‌ତାକେ ଏକିତି ପାଚେ, ଯିହୁଦିର୍ ପାର୍ତାନା ଇଲ୍‌କୁକାଙ୍ଗ୍ ହାଲ୍‌ଜି ଈଶ୍ୱର କାତା ଶୁଣାୟ୍ କିଦେଙ୍ଗ୍ ଲାଗାତାର୍। ଆରେ ଯୋହନ ହେୱାରିଙ୍ଗ୍ ସାଇଜ କିଜି ମାଚାନ୍।

ପକ୍ୟାତାକା 14:1

ଇକନିୟ ସହର୍‌ତାକେ ପା ହେଲେକେ ଗଟାଆତାତ୍, ପାଉଲ ଆରେ ବର୍ଣ୍ଣବା ଯିହୁଦିର୍ ପାର୍ତାନା ଇଞ୍ଜ ହଣ୍‌ଜି ଯୀଶୁ ବିଷୟରେ ହିକ୍ଷା ହିତାର୍, ଯିହୁଦିର୍ ଆରେ ବିନ୍‌ଜାତିନି ମାନାୟାର୍ ବିତ୍ରେତାଙ୍ଗ୍ ବେସିହେନି ଯୀଶୁତାକେ ପାର୍ତି କିତାର୍।

ପକ୍ୟାତାକା 17:10

ଲାଗିଙ୍ଗ୍ କେତେକ୍ ପାର୍ତିକିନି ଟଣ୍ଡାର୍ ପାଉଲ ଆରେ ଶିଲାଙ୍ଗ୍ ବିଲମ୍ କିୱାଦାଙ୍ଗ୍ ହେ ମିକା ନେ ବେରିୟା ସହର୍‌ତାକେ ପକ୍ତାର୍। ହେୱାର୍ ହେ ସହର୍‌ତାକେ ଇକାତାର୍ ଆରେ ଯିହୁଦିର୍ ପାର୍ତାନା ଇଞ୍ଜ ହାଚାର୍।

ପକ୍ୟାତାକା 17:17

ଲାଗିଙ୍ଗ୍ ପାଉଲ ପାର୍ତାନା ଇଞ୍ଜ ଯିହୁଦିରିଙ୍ଗ୍ ଆରେ ଯିହୁଦି ଦରମ୍‌ତିଙ୍ଗ୍ ମାନିକିନି ବିନ୍‌ଜାତିରିଙ୍ଗ୍ ଆରେ ସହର୍ ଚକ୍‌ତାକେ ଇମ୍‌ଣାକାର୍ ତା ହୁଦାଙ୍ଗ୍ ଗିଟାଆଜି ମାଚାର୍, ହେୱାର୍ ହୁଦାଙ୍ଗ୍ ଯୀଶୁ ବିଷୟରେ ଆଲ୍‌ଚାନା କିଜି ମାଚାନ୍।

ପକ୍ୟାତାକା 18:4

ପାଉଲ ୱିଜୁ ଜମ୍‌ନିଦିନ୍‌ ପାର୍ତାନା ଇଞ୍ଜ ହାଲ୍‌ଜି ମାଚାନ୍। ଆରେ ହେୱାନ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ହୁଦାଙ୍ଗ୍ ଆଲ୍‌ଚାନା କିଜି ଯୀଶୁତାକେ ପାର୍ତିକିନି କାଜିଙ୍ଗ୍ ଉପାୟ୍ କିଜି ମାଚାନ୍।

ପକ୍ୟାତାକା 19:8

ପାଚେ ପାଉଲ ପାକାପାକି ତିନ୍‌ମାସ୍‌ ପାତେକ୍ ପାର୍ତାନା ଇଞ୍ଜ ହାଲ୍‌ଜି ମାଚାନ୍। ହେୱାର୍ ଇନେସ୍ ଈଶ୍ୱର ସାସନ୍ କିନି ରାଜି ବିଷୟରେ ପାର୍ତିକିନାର୍ ହେଦାଙ୍ଗ୍ କାଜିଙ୍ଗ୍ ହେୱାର୍ ହୁଦାଙ୍ଗ୍ ଆଲ୍‌ଚାନା କିଜି ମାଚାନ୍।

ପକ୍ୟାତାକା 24:25

ଆରେ ଈଶ୍ୱର କାତାତିଙ୍ଗ୍ ମାନିକିଜି ମାନାକା, ଜାର୍ କରାପ୍ ବାବ୍‌ନାତିଙ୍ଗ୍ ସମ୍ବାଲି କିନାକା ଆରେ ଈଶ୍ୱର ସେସ୍‌ଦିନ୍‌ତ ବିଚାର୍‌କିନି ବିଷୟରେ ପାଉଲ ୱେଚ୍‌ଚାନ୍। ଲାଗିଙ୍ଗ୍ ଫେଲିକ୍‌ସ ରାଜା ପାଣ୍ଡ୍ରାଆଜି ୱେଚ୍‌ଚାନ୍, “ନେଞ୍ଜେଙ୍ଗ୍ ଏଚେକ୍ ମାନେତ୍, ସୁବିଦା ଆତିସ୍ ନିଙ୍ଗେଙ୍ଗ୍ କୁକ୍ତାନାଙ୍ଗ୍ ଏନେଙ୍ଗ୍ ନଙ୍ଗୟ୍ ହାଲା।”

ପକ୍ୟାତାକା 28:23

ହେ ମୁଡ଼୍‌ଦାକାର୍ ପାଉଲ ହୁଦାଙ୍ଗ୍ ମେହାଆଦେଙ୍ଗ୍ ରଦିନ୍ ଟିକ୍ କିତାର୍, ଆରେ ମାନାୟାର୍ ଅଜି ତାଞ୍ଜ ହାଚାର୍। ଲାଗିଙ୍ଗ୍ ପାଉଲ ନାଡ଼ିସ୍‌ତାଙ୍ଗ୍ ମିକାହାରେସ୍ ପାତେକ୍ ହେୱାରିଙ୍ଗ୍ ଈଶ୍ୱର ସାସନ୍ କିନି ରାଜି ବିଷୟରେ ହିକ୍ଷା ହିତାନ୍। ଆରେ ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତାର୍ ସାସ୍ତର୍‌ତାଙ୍ଗ୍ ଯୀଶୁ ବିଷୟରେ ହେୱାରିଙ୍ଗ୍ ବୁଜାଇ କିଦେଙ୍ଗ୍ ଉପାୟ୍ କିତାନ୍।

ପକ୍ୟାତାକା 8:35

ଲାଗିଙ୍ଗ୍ ପିଲିପ ହେ ପଡ଼ିକିତି ସାସ୍ତର୍ ବିଷୟରେ ବୁଜାଇ କିତାନ୍। ଆରେ ହେୱାନ୍ ଯୀଶୁ ବିଷୟରେ ପା ହାର୍ଦିକାବୁର୍ ଶୁଣାୟ୍ କିତାନ୍। ଲାଗିଙ୍ଗ୍ ହେ ଅପିସର୍ ବୁଜା ଆତାନ୍ ଆରେ ଯୀଶୁତାକେ ପାର୍ତି କିତାନ୍।

ପକ୍ୟାତାକା 9:20

ଶାଉଲ ଦମେସକ ସହର୍‌ତାକେ ମାନିହିଙ୍ଗ୍ ନେ ପାର୍ତାନା ଇଲ୍‌କୁକାଙ୍ଗ୍ ହାଲ୍‌ଜି ଯୀଶୁ ନେ ଈଶ୍ୱର ମେହି ଇଞ୍ଜି ଶୁଣାୟ୍ କିଦେଙ୍ଗ୍ ଲାଗାତାନ୍।

୧ କରନ୍ତିୟ 15:3

ଆନେଙ୍ଗ୍ ୱିଜୁତାଙ୍ଗ୍ ମୁକ୍ୟ ହାର୍ଦିକାବୁର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍ ହେଦାଙ୍ଗ୍ ଆନେଙ୍ଗ୍ ମାପୃ ଯୀଶୁତାଙ୍ଗ୍ ପାୟାଆତାଙ୍ଗ୍‌ନା। ହେ ହାର୍ଦିକାବୁର୍ ଇଲେକେ ଯେ, ଖ୍ରୀଷ୍ଟ ମା ପାପ୍ କାଜିଙ୍ଗ୍ ହାଃତାନ୍ ଇନେସ୍ ଦରମ୍ ସାସ୍ତର୍‌ତାକେ ଲେକାଆତାତ୍‌ନା।