ପକ୍ୟାତାକା 17:16 - New Testament in Pengo Parja Language

¹⁶ ଏଥେନ୍‌ସ୍ ସହର୍‌ତାକେ ଶିଲା ଆରେ ତିମତି ୱାନାକା ପାଉଲ କାସି ମାଚାନ୍, ହେପାଦ୍ନା ପାଉଲ ହେ ସହର୍‌ତାକେ ମୁର୍ତିକାଙ୍ଗ୍ ବାର୍ତି ହୁଡ଼୍‌ଜି ତା ମାନ୍ ବିତ୍ରେ ବେସିଦୁକ୍ ଆତାତ୍‌।

ସତ୍‌ ବଚନ୍‌ ପୁନି ନିୟମ୍‌

¹⁶ ଏତେନ୍‌ସ୍‌ତ ପାଉଲ୍‌ ହେୱାର୍‌ କାଜିଂ ମାନି ୱେଡ଼ାଲିଂ ହେ ଗାଡ଼୍‌ଦ ପୁତ୍‍ଡ଼ାତ ବାର୍ତି ହୁଡ଼୍‌ଜି ତା ଜିବୁନ୍‌ତ ରିସା ଆଜ଼ି ନିଂତାନ୍‌ ।

ପକ୍ୟାତାକା 17:16 Iomraidhean Croise

ମାର୍କ 3:5

ହେବେତାଙ୍ଗ୍ ଯୀଶୁ ହେୱାର୍ ଗରବ୍‌ନି ଆଟ୍‌ୱା ବୁଦି ହୁଡ଼୍‌ଜି ଯୀଶୁ ବେସି ଦୁଃକ୍ ଆତାନ୍, ଆରେ ହେୱାନ୍ ଚାରିବେଣ୍‌ତାଙ୍ଗ୍ ହୁଡ଼୍‌ତାନ୍ ଆରେ ହେ କେଇଦ ହିର୍କଲ୍ ଆହିଆତି ମାନାୟ୍‌ତିଙ୍ଗ୍ ୱେଚ୍‌ଚାନ୍, “ହେ ହିର୍କଲ୍ ଆସ୍ତିକେଇ ଲାମାୟ୍ କିଦା।” ହେୱାନ୍ ତା ହିର୍କଲ୍ ଆସ୍ତିକେଇ ଲାମାୟ୍ କିତାନ୍, ଆରେ ହେ ହିର୍କଲ୍ ଆସ୍ତିକେଇ ହାର୍ ଆତାତ୍।

ଜହନ୍‌ 2:13

ହେପାଦ୍ନା ଯିହୁଦିର୍ ନିସ୍ତାର୍ ପାର୍ବୁ ଆନିଦିନ୍‌ ଲାଗେ ଆଜି ୱାଜି ମାଚାତ୍। ଲାଗିଙ୍ଗ୍ ଯୀଶୁ ଯିରୁଶାଲାମ ସହର୍‌ତାକେ ହାଚାନ୍।

ପକ୍ୟାତାକା 17:15

ପାଉଲତିଙ୍ଗ୍ ଇମ୍‌ଣାକାର୍ ଇଡ୍‌ଗେଦେଙ୍ଗ୍ ହାଲ୍‌ଜି ମାଚାର୍, ହେୱାର୍ ଏଥେନ୍‌ସ୍ ସହର୍ ପାତେକ୍ ଇଡ୍‌ଗାତାର୍। ଶିଲା ଆରେ ତିମତି ନା ହୁଦାଙ୍ଗ୍ ମେହାଆଦେଙ୍ଗ୍ ଏଥେନ୍‌ସ୍ ସହର୍‌ତାକେ ବେଗି ୱାୟେର୍ ଇଞ୍ଜି, ହେ ଇଡ୍‌ଗାତାକାର୍ ଲେଉଟା ଆନିହିଙ୍ଗ୍ ପାଉଲ ହେୱାରିଙ୍ଗ୍ ୱେଚ୍‌ଚାନ୍।

ପକ୍ୟାତାକା 17:21

ଆଥିନୀୟ୍‌ ସହର୍‌ନି ମାନାୟାର୍ ଆରେ ଜେକନି ଦେସ୍ତି ଏଥେନ୍‌ସ୍ ସହର୍‌ତାକେ ହାଲ୍‌ଜି ମାନାକାର୍, ପୁନି-ପୁନି କାତା ୱେଚ୍‌ଚେଙ୍ଗ୍ ଆରେ ୱେଞ୍ଜେଙ୍ଗ୍ ନେ ହେୱାର୍ ଇଚା ଜିଜି ମାଚାର୍।

ପକ୍ୟାତାକା 17:23

ଇନେସ୍‌କି ଆନେଙ୍ଗ୍ ଚାରିବେଣ୍‌ତାଙ୍ଗ୍ ବୁଲାଆନିହିଙ୍ଗ୍ ଏପେଙ୍ଗ୍ ପୁଜାକିନି ଜିନିଷ୍‌ତିଙ୍ଗ୍ ହୁଡ଼୍‌ତାଙ୍ଗ୍‌ନା। ଆନେଙ୍ଗ୍ ହେଲେକେ ବେଦିତିଙ୍ଗ୍ ପା ହୁଡ଼୍‌ତାଙ୍ଗ୍, ହେବେ ଲେକାଆଜି ମାଚାତ୍, ‘ପୁନ୍‌ୱିତି ଈଶ୍ୱର କାଜିଙ୍ଗ୍।’ ଲାଗିଙ୍ଗ୍ ଏପେଙ୍ଗ୍ ପୁନୁୱାଦାଙ୍ଗ୍‌ ଇମ୍‌ଣି ଈଶ୍ୱରତିଙ୍ଗ୍ ହେବା କିନାଦେରା ଆନେଙ୍ଗ୍ ହେ ଈଶ୍ୱର ବିଷୟରେ ଶୁଣାୟ୍ କିଦ୍‌ନାଙ୍ଗା।

ପକ୍ୟାତାକା 18:1

ତାପାଚେ ପାଉଲ ଏଥେନ୍‌ସ୍ ସହର୍ ପିସ୍ତି କରନ୍ତିୟ ସହର୍‌ତାକେ ହାଚାନ୍।

ପକ୍ୟାତାକା 20:22

ନଙ୍ଗୟ୍ ଏପେଙ୍ଗ୍ ୱେନାଟ୍, ପବିତ୍ର ଆତ୍ମା ନାଙ୍ଗେଙ୍ଗ୍ ୱେଚ୍‌ଚିତି କାଜିଙ୍ଗ୍ ଆନେଙ୍ଗ୍ ଯିରୁଶାଲାମ ସହର୍‌ତାକେ ହାନାଙ୍ଗା, ହେବେ ନାଙ୍ଗେଙ୍ଗ୍ ଇନାକା-ଇନାକା ଗାଟାଆଦ୍‍ନାତ୍ ହେଦାଙ୍ଗ୍ ଆନେଙ୍ଗ୍ ପୁନୁଙ୍ଗ୍।

୧ ଥେସଲନୀକିୟ 3:1

ପାଉଲ ଆରେ ସିଲା ଥେସଲନିକିୟ ସହର୍‌ନି ମାନାୟାରିଙ୍ଗ୍ ହୁଡ଼୍‌ୱାଦାଙ୍ଗ୍ ମାଞ୍ଜେଙ୍ଗ୍ ଆଡ୍‌ୱାତାର୍, ଆରେ ହେୱାର୍ ଏଥେନ୍‌ସ୍ ସହର୍‌ତାକେ ମାଚାର୍।

୨ ପିତର 2:7

ମାତର୍ ସଦୋମ ସହର୍‌ତିଙ୍ଗ୍ ନଷ୍ଟ କିନି ଆଗେ, ହେୱାନ୍ ଲୋଟଙ୍ଗ୍ ହେ ସହର୍‌ତାଙ୍ଗ୍ ହପ୍‌ଚି, ହେୱାନିଙ୍ଗ୍ ଉଦାର୍ କିତାନ୍। ଲୋଟ ରକାନ୍ ଦରମ୍ ମାନାୟ୍ ମାଚାନ୍। ସଦୋମ ସହର୍‌ନି ମାନାୟାର୍ ରଞ୍ଜାଙ୍ଗ୍ ପା ନିୟମ୍‌ତିଙ୍ଗ୍ ମାନିକିୱି କାଜିଙ୍ଗ୍ ଆରେ ହେୱାର୍ ଦାରି କାମାୟ୍ ଲେକେ ବେସି କରାପ୍ କାମାୟ୍ କିତି କାଜିଙ୍ଗ୍, ହେୱାନ୍ ବେସି କଷ୍ଟତାଙ୍ଗ୍ ମାଚାନ୍।