ପକ୍ୟାତାକା 16:9 - New Testament in Pengo Parja Language

⁹ ହେ ମିକାଲିଙ୍ଗ୍ ଈଶ୍ୱର ପାଉଲତିଙ୍ଗ୍ ର କେଚ୍‌କଣ୍ ହୁଡ଼ିକିତାନ୍। ହେ କେଚ୍‌କଣ୍‌ତାକେ ମାକିଦନିଆ ଜିଲ୍ଲାନି ରକାନ୍ ମାନାୟ୍ ହେୱାନିଙ୍ଗ୍ ଗୁୱାରି କିଜି ମାଚାନ୍, “ମାକଦନିଆ ନାସିୱାଜି ମାଙ୍ଗେଙ୍ଗ୍ ସାଇଜକିଦା।”

ସତ୍‌ ବଚନ୍‌ ପୁନି ନିୟମ୍‌

⁹ ଆରେ, ନାଣାଲିଂ ପାଉଲ୍‌ ର କେଚ୍‌କଣ୍‌ ଗାଟାତାନ୍‍, ମାକିଦନିଆନି ରୱାନ୍‌ ମାନାୟ୍‍ ଇଞ୍ଜ ତାଙ୍ଗ୍‌ ଗୱାରି କିଜ଼ି ଇନାନ୍ନା, ମାକିଦନିଆ ନାସି “ୱାଜ଼ି ମାଂ ଉପ୍‌କାର୍‌ କିଦା ।”

ପକ୍ୟାତାକା 16:9 Iomraidhean Croise

ପକ୍ୟାତାକା 10:3

ଦିନେକ୍ ମିକାହାରେସ୍ ତିନ୍‌ଟା ୱେଡ଼ାଙ୍ଗ୍ ହେୱାନ୍ ର କେଚ୍‌କଣ୍ ହୁଡ଼୍‌ତାନ୍। ଈଶ୍ୱର ଦୁତ୍ ରକାନ୍ ତା ଲାଗାୟ୍ ୱାଜି କୁକ୍‌ତାନ୍, “ଏ କର୍ଣିଲିୟ।”

ପକ୍ୟାତାକା 10:30

କର୍ଣିଲିୟ ୱେଚ୍‌ଚାନ୍, “ଚାରିଦିନ୍ ଆଗେ ଟିକ୍ ଇ ତିନ୍‌ଟା ୱେଡ଼ାଙ୍ଗ୍ ଆନେଙ୍ଗ୍ ମିକାହାରେସ୍ ମାଞ୍ଜ ପାର୍ତାନା କିଜି ମାଚାଙ୍ଗ୍। ହେଦାପ୍ରେ ଡ଼ିଞ୍ଜ୍‌ନି ହେନ୍ଦ୍ରା ଉସ୍‌ପିତି ରକାନ୍ ମାନାୟ୍ ନା ମୁମ୍‌ଦ ନିଲ୍‌ଚି ୱେଚ୍‌ଚାତାନ୍,

ପକ୍ୟାତାକା 16:10

ହେୱାନ୍ ଇ କେଚ୍‌କଣ୍ ହୁଡ଼୍‌ତି ପାଚେ ନାଡ଼ିସ୍ ମାକଦନିଆ ଜିଲ୍ଲାତାକେ ଆପେଙ୍ଗ୍ ହାଞ୍ଜେଙ୍ଗ୍ ଉପାୟ୍ କିତାପ୍। ଇନେସ୍‌କି ହେୱାର୍ ଲାଗାୟ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଈଶ୍ୱରଆତ୍ମା ମାଙ୍ଗେଙ୍ଗ୍ ହିର୍‌ବାଆତ୍‌ତାନ୍‌ନା ଇଞ୍ଜି ଆପେଙ୍ଗ୍ ବୁଜାଆତାପ୍।

ପକ୍ୟାତାକା 16:12

ହେବେତାଙ୍ଗ୍ ଫିଲିପ ସହର୍‌ତାକେ ହାଚାପ୍। ଇ ସହର୍ ମାକଦନିଆ ଗାଜା ସହର୍ ମାଚାତ୍। ଆରେ ଇବେ ରମିୟ ଦେସ୍‌ନି ମାନାୟାର୍ ବାହାକିଜି ମାଚାର୍। ଆପେଙ୍ଗ୍ ଇ ସହର୍‌ତାକେ କେତେକ୍ ଦିନ୍ ମାଚାପ୍।

ପକ୍ୟାତାକା 18:5

ଶିଲା ଆରେ ତିମତି ମାକଦନିଆ ସହର୍‌ତାଙ୍ଗ୍ ପାଉଲ ଲାଗାୟ୍ ୱାତାର୍। ଲାଗିଙ୍ଗ୍ ହେୱାନ୍ ତମ୍ୱୁ ରହ୍‌ନି କାମାୟ୍ କିୱାତାନ୍, ଆରେ ତା ୱିଜୁ ସମୟତିଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସମୟ୍ ହିତାନ୍। ଯୀଶୁ ନେ ଖ୍ରୀଷ୍ଟ ଇଞ୍ଜି ଯିହୁଦି ମାନାୟାରିଙ୍ଗ୍ ହେୱାନ୍ ସାକି ହିଜିମାଚାନ୍।

ପକ୍ୟାତାକା 19:21

ଇୱିଜୁ ବିଷୟ ଗଟାଆତି ପାଚେ ପାଉଲ ମାକଦନିଆ ଆରେ ଆକାୟା ଜିଲ୍ଲାତାକେ ମାନି ପାର୍ତି କିନାକାରିଙ୍ଗ୍ ମେହାଆଜି ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ପବିତ୍ର ଆତ୍ମା ପାଉଲତିଙ୍ଗ୍ ୱେଚ୍‌ଚାନ୍। ହେୱାନ୍ ୱେଚ୍‌ଚାନ୍, ଆନେଙ୍ଗ୍ ହେବେ ହାଚି ପାଚେ ରୋମ ଦେସ୍‌ତାକେ ପା ହାନାଙ୍ଗ୍।

ପକ୍ୟାତାକା 19:22

ହେୱାନ୍ ହାଲ୍‌ୱି ଆଗେ ତା ହୁଦାଙ୍ଗ୍ ମାନି ରିକାର୍ ତିମତି ଆରେ ଏରାଷ୍ଟତିଙ୍ଗ୍ ମାକଦନିଆ ଜିଲ୍ଲାତାକେ ପକ୍ତାନ୍, ଆରେ ହେୱାନ୍ ଏସିଆ ଜିଲ୍ଲାନି ଏପିସ ସହର୍‌ତାକେ ନେ କେତେକ୍ ଦିନ୍ ମାନ୍‌ଗାତାନ୍।

ପକ୍ୟାତାକା 19:29

ଇ ମାନାୟାର୍ ରାଟୁ ଆନାକା ୱେନ୍‌ଞ୍ଜି ସହର୍‌ନି ମାନାୟାର୍ ହେୱାର୍ ଲାଗାୟ୍ ହାଚାର୍, ତାପାଚେ ସହର୍‌ନି ୱିଜୁ ନିପଣ୍ ରାଟୁଆଜି ଗଉଲି ଆତାର୍। ଆରେ ମାନାୟାର୍ ମାକଦନିଆ ଜିଲ୍ଲାନି ଗାୟ ଆରେ ଆରିସ୍ତାର୍ଖ ତର୍‌ଦି ଇ ରିକାରିଙ୍ଗ୍ ଆସ୍ତି ସହର୍‌ନି ମିଟିଙ୍ଗ୍ ବାହାତାକେ ବେଗି-ବେଗି ହାଚାର୍। ଇ ରିକାର୍ ପାଉଲ ହାଙ୍ଗ୍‌ଦାକାର୍ ମାଚାର୍।

ପକ୍ୟାତାକା 20:1

ଏପିସ ସହର୍‌ନି ମାନାୟାର୍ ଗଣ୍ଡ୍‍ଗଲ୍ କିନାକା ବନ୍ଦ୍ କିତି ପାଚେ, ପାଉଲ ଚେଲାହିରିଙ୍ଗ୍ କୁକ୍‌ଚି ସାହାସ୍ କିତାନ୍। ତାପାଚେ ହେୱାନ୍ ହେୱାର୍‌ତାଙ୍ଗ୍ ହସି ମାକଦନିଆ ଜିଲ୍ଲାତାକେ ହାଚାନ୍।

ପକ୍ୟାତାକା 20:3

ହେ ବାହାତାକେ ହେୱାନ୍ ତିନ୍‌ମାସ୍‌ ମାଚାନ୍। ପାଚେ ହେୱାନ୍ ଜାଜ୍‌ତାକେ ଦୁମ୍‌ଜି ସୁରିଆ ଜିଲ୍ଲାତାକେ ହାଞ୍ଜେଙ୍ଗ୍ ମାନ୍ତ ବାବିକିତାନ୍। ମାତର୍ ଯିହୁଦି ନେତାର୍ ହେୱାନିଙ୍ଗ୍ ଅସ୍ତେଙ୍ଗ୍ ଉପାୟ୍ କିତାର୍‌ନା ଇଞ୍ଜି ପୁନ୍‌ଞ୍ଜି ମାକଦନିଆ ଜିଲ୍ଲା ନିପଣ୍ ଆଜି ସିରିୟା ଜିଲ୍ଲାତାକେ ହାଞ୍ଜେଙ୍ଗ୍ ବାବିକିତାନ୍।

ପକ୍ୟାତାକା 27:2

ହେବେତାଙ୍ଗ୍ ଆଦ୍ରାମୁତ୍ତିୟ ସହର୍‌ତାଙ୍ଗ୍ ୱାଜିମାଚି ଜାଜ୍‌ତାକେ ଦୁମ୍‌ଜି ଆପେଙ୍ଗ୍ ହାଚାପ୍। ହେ ଜାଜ୍ ଏସିଆ ଜିଲ୍ଲାନି ହାମ୍‌ଦୁର୍ କାଣ୍ଡିତାକେ କେତେକ୍ ବାହାତାକେ ହାନାକା ମାଚାତ୍। ମା ହୁଦାଙ୍ଗ୍ ଆରିସ୍ତାର୍ଖ ତର୍‍ଦାକାନ୍ ରକାନ୍ ମାଚାନ୍, ହେୱାନ୍ ମାକଦନିଆ ଜିଲ୍ଲାନି ଥେସଲନିକିୟ ସହର୍‌ତାକେ ମାନି ମାନାୟ୍।

ପକ୍ୟାତାକା 9:38

ପିତର ଲୁଦ ସହର୍‌ତାକେ ମାନାନ୍ ଇଞ୍ଜି ଚେଲାହିର୍ ପୁଚାର୍, ଇ କାତା ୱେଚ୍‌ଚି ରିକାରିଙ୍ଗ୍ ପକ୍ତାର୍, “ମା ଲାଗାୟ୍ ୱାଦେଙ୍ଗ୍ ଡେରି କିମାଟ୍।” ଲୁଦ ସହର୍ ଯାପା ସହର୍ ଲାଗାୟ୍ ମାଚାତ୍।

ରୋମିୟ 15:26

ଇନେସ୍‌କି ମାକଦନିଆ ଆରେ ଆକାୟା ସହର୍‌ନି ମାନାୟାର୍ ଯିରୁଶାଲାମନି କେତେକ୍ ଗରିବ୍‌ନି ଖ୍ରୀଷ୍ଟାନ୍ ଟଣ୍ଡାରିଙ୍ଗ୍ ସାଇଜ କିନି କାଜିଙ୍ଗ୍ କେତେକ୍ ଚାନ୍ଦା ଆଦାୟ୍ କିତାର୍‌ନା।

୨ କରନ୍ତିୟ 11:9

ଆନେଙ୍ଗ୍ ମିହୁଦାଙ୍ଗ୍ ମାନିହିଙ୍ଗ୍ ନାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍‌ତିଙ୍ଗ୍ ପୁରା କିୟାଟ୍ ଇଞ୍ଜି ଆନେଙ୍ଗ୍ ମିଙ୍ଗେଙ୍ଗ୍ ବଜ୍ ହିଦ୍‌ୱାଦାଙ୍ଗ୍ ମାନ୍‌ଞ୍ଚାଙ୍ଗ୍। ଇନେସ୍‌କି ମାକଦନିଆ ସହର୍‌ତାଙ୍ଗ୍ ୱାଜିମାଚି ପାର୍ତିକିନି ଟଣ୍ଡାର୍ ନାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ୱିଜୁ ଜିନିଷ୍‌ତିଙ୍ଗ୍ ହିଜି ମାନ୍‌ଞ୍ଚାର୍। ନାଙ୍ଗେଙ୍ଗ୍ ଦର୍‌କାର୍ ଆଦ୍‌ନି ଜିନିଷ୍ ପୁରାୟ୍ କିନି କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ବଜ୍ ହିଦ୍‌ୱାତାଙ୍ଗ୍‌ନା କି ପାଚେ ପା ହିଦୁଙ୍ଗ୍।

୨ କରନ୍ତିୟ 12:7

ମାତର୍ ଈଶ୍ୱର ନାଙ୍ଗେଙ୍ଗ୍ ଚଚ୍‌ଚି ମାନ୍‌ଞ୍ଚି ଚାନିଆଆନି ବିଷୟରେ ଚଞ୍ଜିଆ ଆନି ଦର୍‌କାର୍ ଆକାୟ୍। ଇନେସ୍‌କି ଶୟତାନନି ଡାଣ୍ଡାସି ନା ଗାଗାଡ଼୍‌ତାକେ ର ୱାଡ଼ି କଷ୍ଟ ପାୟା ଆଦେଙ୍ଗ୍ ହିତ୍‌ତାନ୍‌ନା ଆରେ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ବାଟ୍‌ପାଣ୍ ଆଦେଙ୍ଗ୍ ଆଡୁଙ୍ଗା।

୨ କରନ୍ତିୟ 7:5

ଏଚେପାଦ୍ନା ଆପେଙ୍ଗ୍ ତ୍ରୁୟାସ୍ ସହର୍‌ତିଙ୍ଗ୍ ପିସ୍ତି ମାକଦନିଆ ସହର୍‌ତାକେ ୱାତାପ୍, ଆପେଙ୍ଗ୍ ଜମ୍‌ୱାଦାଙ୍ଗ୍ ମାଚାପ୍। ଇନେସ୍‌କି ମା ଚାରିବେଣ୍‌ତାଙ୍ଗ୍ ଗଣ୍ଡ୍‍ଗଲ୍ ଆଜି ମାଚାର୍ ଆରେ ଆପେଙ୍ଗ୍ ବେସି ପାଣ୍ଡ୍ରାଆଜି ମାଚାପ୍।

୨ କରନ୍ତିୟ 8:1

ଏ ଲାଡ୍‌ନି ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ପୁନି କିଦ୍‌ଦେଙ୍ଗ୍ ଇଚା କିନାଙ୍ଗା ଯେ, ମାକଦନିଆ ସହର୍‌ତାକେ ମାନି ମଣ୍ଡ୍‌ଲିନି ପାର୍ତିକିନି ମାନାୟାର୍ କାଜିଙ୍ଗ୍ ଇନାକା ୱିଜୁ ଈଶ୍ୱର ଦୟାକିଜି କିତାନ୍।

୨ କରନ୍ତିୟ 9:2

ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା ଏପେଙ୍ଗ୍ ହେୱାରିଙ୍ଗ୍ ସାଇଜ କିଦେଙ୍ଗ୍ କେତେକ୍ ତେର୍-ତେର୍ ଆନାଦେରା। ଆରେ ଏପେଙ୍ଗ୍ ଆକାୟା ସହର୍‌ନି ପାର୍ତିକିନି ମାନାୟାର୍ ର ବାର୍ହୁ ଆଗେ ଦାନ୍ ହିଜି ସାଇଜ କିନି ବିଷୟରେ ଆନେଙ୍ଗ୍ ନା ମାକଦନିଆ ସହର୍‌ନି ସାଙ୍ଗର୍ ଆଗେ ବାଟ୍‌ପାଣ୍ ଆଜି ୱେଚ୍‌ନାଙ୍ଗା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ତେର୍-ତେର୍ ଆଜି ସାଇଜ କିନାକା ହୁଡ଼୍‌ଜି, ବେସିହେନି ମାନାୟାର୍ ସାଇଜ କିତାର୍।

୧ ଥେସଲନୀକିୟ 4:10

ଆରେ ମାକଦନିଆନି ସହର୍‌ନି ପାର୍ତିକିନି ୱିଜାର୍ ଟଣ୍ଡାରିଙ୍ଗ୍ ଲାଡ୍ କିନାଦେରା। ହେଦାଙ୍ଗ୍ କାଜିଙ୍ଗ୍ ଏ ଟଣ୍ଡାର୍‌କାଦେର୍ ଏପେଙ୍ଗ୍ ଇନେସ୍ ଜାର୍-ଜାର୍‌ବିତ୍ରେ ଲାଡ୍‌କିଜି ମାଚାଦେର୍, ହେଲେକେ ଏପେଙ୍ଗ୍ ହେୱାରିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ଲାଡ୍ କିୟାଟ୍।