ପକ୍ୟାତାକା 16:6 - New Testament in Pengo Parja Language

⁶ ପବିତ୍ର ଆତ୍ମା ପାଉଲ ଆରେ ତା ହାଙ୍ଗ୍‌ଦାକାରିଙ୍ଗ୍ ଏସିଆ ଜିଲ୍ଲାତାକେ ଈଶ୍ୱର କାତା ଶୁଣାୟ୍ କିଦେଙ୍ଗ୍ ମୁନା କିତାତ୍। ଲାଗିଙ୍ଗ୍ ହେୱାର୍ ଫ୍ରୁଗିଆ ଆରେ ଗାଲାତିୟ ଜିଲ୍ଲା ନିପଣ୍ ଆଜି ହାଚାର୍।

ସତ୍‌ ବଚନ୍‌ ପୁନି ନିୟମ୍‌

⁶ ପୁଇପୁୟା ଜିବୁନ୍‌ ହେୱାର୍‌ ଆସିଆ ଦେସ୍‌ତ ପର୍‌ଚାର୍‌ କିଦେଙ୍ଗ୍‌ ମୁନା କିତ୍‌ଲେ ହେୱାର୍‌ ପ୍ରୁଗିଆ ଆରି ଗାଲାତିୟ ନିପ ହାଚାର୍‌,

ପକ୍ୟାତାକା 16:6 Iomraidhean Croise

ପକ୍ୟାତାକା 10:19

ପିତର ହେ କେଚ୍‌କଣ୍ ହୁଡ଼୍‌ତି ବିଷୟ ଚିନ୍ତା କିନିହିଙ୍ଗ୍ ପବିତ୍ର ଆତ୍ମା ହେୱାନିଙ୍ଗ୍ ୱେଚ୍‌ଚାତ୍, “ଶିମୋନ ନିଙ୍ଗେଙ୍ଗ୍ ତିନ୍‌ଜାଣ୍ ମାନାୟ୍ ଦାସ୍ତାନାରା।

ପକ୍ୟାତାକା 11:12

ହେପାଦ୍ନା ପବିତ୍ର ଆତ୍ମା ନାଙ୍ଗେଙ୍ଗ୍ ୱେଚ୍‌ଚାତାତ୍, ‘ଇନାକା ଡାଉଟ୍ କିୱାଦାଙ୍ଗ୍ ହେୱାର୍ ହୁଦାଙ୍ଗ୍ ହାଲା।’ ଲାଗିଙ୍ଗ୍ ନା ହୁଦାଙ୍ଗ୍ ମାନି ଚଅଜାଣ୍ ଟଣ୍ଡାର୍ କୁକ୍‍ତେଙ୍ଗ୍ ୱାଜିମାଚି ମାନାୟାର୍ ହୁଦାଙ୍ଗ୍ ମେହାଆଜି ଆପେଙ୍ଗ୍ କର୍ଣିଲିୟ ଇଞ୍ଜ ହାଚାପ୍।

ପକ୍ୟାତାକା 16:7

ହେୱାର୍ ମୁସିଆ ଜିଲ୍ଲାନି ହାନ୍ଦିତାକେ ଇକାତାର୍। ଆରେ ହେୱାର୍ ବେଥୁନିଆ ଜିଲ୍ଲାତାକେ ହାଞ୍ଜେଙ୍ଗ୍ ଉପାୟ୍ କିତାର୍। ମାତର୍ ଯୀଶୁ ଆତ୍ମା ହେୱାରିଙ୍ଗ୍ ହେବେ ହାଞ୍ଜେଙ୍ଗ୍ ମୁନା କିତାତ୍।

ପକ୍ୟାତାକା 18:23

ହେ ବାହାତାକେ କେତେକ୍ ସମୟ୍ ମାଚାନ୍, ଆରେ ହେ ବାହାତାଙ୍ଗ୍ ହସିହାଲ୍‍ଜି ଗାଲାତିୟ ଆରେ ଫ୍ରୁଗିଆ ଜିଲ୍ଲାନି କେତେକ୍ ବାହାତାକେ ହାଚାନ୍। ଆରେ ପାର୍ତିକିନି ଚେଲାହିରିଙ୍ଗ୍ ସାହାସ୍‌ନି କାତା ୱେଚ୍‌ଚି, ହେୱାରିଙ୍ଗ୍ ଯୀଶୁତାକେ ପାର୍ତି କିଜି ମାଞ୍ଜେଙ୍ଗ୍ ୱେଚ୍‌ଚାନ୍।

ପକ୍ୟାତାକା 19:10

ଦୁଇ ବାର୍ହୁ ପାତେକ୍ ହେୱାନ୍ ହେ ସ୍କୁଲ୍‌ତାକେ ହିକ୍ଷା ହିତାନ୍। ଲାଗିଙ୍ଗ୍ ଏସିଆ ଜିଲ୍ଲାନି କେତେକ୍ ଯିହୁଦି ଆରେ ବିନ୍‌ଜାତିନି ମାନାୟାର୍ ମାପୃ କାତା ୱେଚାର୍।

ପକ୍ୟାତାକା 20:16

ପାଉଲ ଏସିଆ ଜିଲ୍ଲାତାକେ ମାଞ୍ଜେଙ୍ଗ୍ ଇଚା କିୱାଦାଙ୍ଗ୍ ଏପିସ ସହର୍‌ତାକେ ଜୁଦେଙ୍ଗ୍ ଇଚା କିତାନ୍। ଇନେସ୍‌କି ହେୱାନ୍ ପେଣ୍ଟିକଷ୍ଟ ପାର୍ବୁ ନାଞ୍ଜିଙ୍ଗ୍ ଯିରୁଶାଲାମ ସହର୍‌ତାକେ ହାଞ୍ଜେଙ୍ଗ୍ ତାନ୍ଦ୍ରା ଆଜି ମାଚାନ୍।

ପକ୍ୟାତାକା 20:28

ଏପେଙ୍ଗ୍ ଆରେ ପାର୍ତି କିନାକାଦେର୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ପବିତ୍ର ଆତ୍ମା ଇ ମାନାୟାର୍ ବିତ୍ରେ ବିଶପ୍‌ କିଜି ଦାଇତ୍‌ପ ହିତ୍‌ତାନ୍‌ନା। ଆରେ ଈଶ୍ୱର ତା ମେହି ଯୀଶୁ ନେତେର୍‌ତାଙ୍ଗ୍ ଇମ୍‌ଣି ମଣ୍ଡ୍‌ଲିତିଙ୍ଗ୍ କଡ଼୍‌ତାନ୍‌ନା, ହେ ମଣ୍ଡ୍‌ଲିନି ଗଡ଼ିୟା ଆଜି ମାନାଟ୍।

ପକ୍ୟାତାକା 20:4

କେତେକ୍ ମାନାୟାର୍ ହେୱାନ୍ ହୁଦାଙ୍ଗ୍ ମେହାଆଜି ହାଚାର୍। ହେୱାର୍ ତର୍‌ ବେରିୟା ସହର୍‌ନି ସୋପାତ୍ର, ହେୱାନ୍ ପୁରନି ମେହି ମାଚାନ୍, ଥେସଲନିକି ସହର୍‌ନି ଆରିସ୍ତାର୍ଖ ଆରେ ସେକୁନ୍ଦ, ଦର୍ବି ସହର୍‌ନି ଗାୟ, ଲୁସ୍ତ୍ରା ସହର୍‌ନି ତିମତି ଆରେ ଏସିଆ ଜିଲ୍ଲାନି ତୁକିକ ଆରେ ତ୍ରପିମ ମାଚାର୍।

ପକ୍ୟାତାକା 21:27

ହେ ଜାତି ମାହାଆନି ବିଦି ସାତ୍‌ଦିନ୍ ପୁରା ଆତିହିଙ୍ଗ୍, ଏସିଆ ଜିଲ୍ଲାତାଙ୍ଗ୍ ୱାଜିମାଚି କେତେକ୍ ଯିହୁଦିର୍ ମନ୍ଦିର୍‌ତାକେ ପାଉଲତିଙ୍ଗ୍ ହୁଡ଼୍‌ତାର୍। ଆରେ ମାନାୟାରିଙ୍ଗ୍ ହେୱାର୍ ଉସ୍‌କାଇ କିଜି ପାଉଲତିଙ୍ଗ୍ ଆସ୍ତାର୍। ଆରେ ହେୱାର୍ ରାଟୁ କିଜି ୱେଚ୍‌ଚେଙ୍ଗ୍ ଲାଗାତାର୍,

ପକ୍ୟାତାକା 6:9

ମାତର୍ କେତ୍‌ଜାଣ୍ ସ୍ତିପାନତିଙ୍ଗ୍ ବିରଦ୍ କିତାର୍। ହେୱାର୍ ହଲିଆ କାମାୟ୍‌ତାଙ୍ଗ୍ ମୁକ୍ତି ପାୟାଆତି ଯିହୁଦି ମାନାୟାର୍, କୁରିଣିୟ ସହର୍, ଆଲେକ୍‌ଜାଣ୍ଡ୍ରିଆ ସହର୍‌ନି ପାର୍ତାନା ଇଲ୍‌ନି କେତ୍‌ଜାଣ୍ ମାନାୟ୍, କିଲିକିୟା ଆରେ ଏସିଆ ଜିଲ୍ଲାନି ମାନାୟାର୍ ମାଚାର୍। ଇୱାର୍ ସ୍ତିପାନତିଙ୍ଗ୍ ଜୁକ୍ତି କିଦେଙ୍ଗ୍ ଲାଗାତାର୍।

ପକ୍ୟାତାକା 8:29

ହେପାଦ୍ନା ପବିତ୍ର ଆତ୍ମା ପିଲିପତିଙ୍ଗ୍ ୱେଚ୍‌ଚାତ୍, “ଏନେଙ୍ଗ୍ ରତ ଲାଗାୟ୍ ହାଲା।”

ରୋମିୟ 16:5

ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା ଯେ, ଇଞ୍ଜ କିନି ମଣ୍ଡ୍‌ଲିନି ପାର୍ତିକିନି ଟଣ୍ଡାରିଙ୍ଗ୍ ନା ଜୁୱାର୍ ଜଣାୟ୍ କିୟା। ଆରେ ନା ଲାଡ୍‌ନି ସାଙ୍ଗ ଏପାଇନେତଙ୍ଗ୍ ପା ନା ଜୁୱାର୍ ଜଣାୟ୍ କିୟାଟ୍, ହେୱାନ୍ ନେ ଏସିଆ ଦେସ୍‌ନି ପାର୍ତୁମ୍ ଖ୍ରୀଷ୍ଟାନ୍ ଆଜି ମାଚାନ୍।

୧ କରନ୍ତିୟ 12:11

ଇ ୱିଜୁ ପର୍‌କାର୍ ଦାନ୍ ପବିତ୍ର ଆତ୍ମା ତା ଇଚା ଅନୁସାରେ ୱିଜାରିଙ୍ଗ୍ ହିନାତା।

୧ କରନ୍ତିୟ 16:1

ଯିରୁଶାଲୋମନି ଈଶ୍ୱର ମାନାୟାର୍ କାଜିଙ୍ଗ୍ ଏପେଙ୍ଗ୍ ରୁଣ୍ଡାୟ୍ କିତି ବିଷୟରେ ଇମ୍‌ଣି ପ୍ରଶ୍ନ କିଜି ମାଚାଦେର୍, ହେ ବିଷୟରେ ଆନେଙ୍ଗ୍ ନଙ୍ଗୟ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗ୍। ଏପେଙ୍ଗ୍ ଗାଲାତିୟ ମଣ୍ଡ୍‌ଲିନି ମାନାୟାର୍ କିତିଲେକେ କିୟାଟ୍, ଇନେସ୍ ଆନେଙ୍ଗ୍ ହେୱାରିଙ୍ଗ୍ କିଦେଙ୍ଗ୍ ୱେଚ୍‌ଚି ମାଚାଙ୍ଗ୍।

୧ କରନ୍ତିୟ 16:19

ଏସିଆ ଦେସ୍‌ନି ମଣ୍ଡ୍‌ଲିନି ପାର୍ତିକିନି ଟଣ୍ଡାର୍ ମିଙ୍ଗେଙ୍ଗ୍ ଜୱାର୍ କିଦ୍‌ନାରା, ଆର୍କିଲା ଆରେ ତା ଡକୃହି ପ୍ରିସ୍‌କିଲା ଆରେ ତାଞ୍ଜ ରୁଣ୍ଡା ଆନି ୱିଜାକାର୍ ଜୱାର୍ କିନାରା।

୨ କରନ୍ତିୟ 1:8

ଏ ପାର୍ତିକିନି ଟଣ୍ଡାର୍‌କାଦେର୍ ଆପେଙ୍ଗ୍ ଇମ୍‌ଣି ଦୁକ୍‌କଷ୍ଟ ଏସିଆ ଦେସ୍ ଲାଗାୟ୍ ପାୟାଆଜି ମାଚାପ୍, ହେ ବିଷୟରେ ମିଙ୍ଗେଙ୍ଗ୍ ୱେଚ୍‌ଚାନାପା ଯେ, ଆପେଙ୍ଗ୍ ସମ୍ବାଲି କିନି ଶାକ୍ତିତାଙ୍ଗ୍ ଆଦିକ୍ କଷ୍ଟ ପାୟାଆଜି ମାଚାପ୍ ଆରେ ଆପେଙ୍ଗ୍ ଜିବୁନ୍ ମାନାପ୍ ଇଞ୍ଜି ଆରେ ଆହା ପା ହିଲାତାତ୍।

ଗାଲାତିୟ 1:2

ନା ହୁଦାଙ୍ଗ୍ ମାନି ଟଣ୍ଡାର୍ ହୁଦାଙ୍ଗ୍ ଆନେଙ୍ଗ୍ ଇ ଚିଟି ଗାଲାତିୟ ଜିଲ୍ଲାତାକେ ମାନି ମଣ୍ଡ୍‌ଲିତିଙ୍ଗ୍ ପକ୍‌ନାଙ୍ଗା।

ଗାଲାତିୟ 3:1

ଗାଲାତିୟ ସହର୍‌ତାକେ ମାନି ପାର୍ତିକିନି ମାନାୟ୍ କାଦେର୍ ଏପେଙ୍ଗ୍ ବକୁୱା କାଦେର୍ କି? ଯୀଶୁ ଖ୍ରୀଷ୍ଟ ଇନାକିଦେଙ୍ଗ୍ କୃଶକାଟ୍‌ତାକେ ହାଃଜି ମାଚାନ୍ ହେଦାଙ୍ଗ୍ ମିଙ୍ଗେଙ୍ଗ୍ କିଲେର୍ କିଜି ବୁଜାଇକିଜି ମାନ୍‌ଞ୍ଚାଙ୍ଗ୍। ଲାଗିଙ୍ଗ୍ ଇନେର୍ କାତା ଆସ୍ତି ଏପେଙ୍ଗ୍ ବୁଲ୍‌କା ଆତାଦେର୍‌ନା?

୨ ତିମଥି 1:15

ଏପେଙ୍ଗ୍ ପୁଚାଦେର୍‌ନା ଯେ ଏସିଆ ଜିଲ୍ଲାତାକେ ବାହାକିଜି ମାଚି କେତେକ୍ ପାର୍ତି କିନାକାର୍ ନାଙ୍ଗେଙ୍ଗ୍ ପିସ୍ତାତାର୍‌ନା। ପୁଗେଲ ଆରେ ହର୍ମଗେନା ପା ନାଙ୍ଗେଙ୍ଗ୍ ପିସ୍ତାତାର୍‌ନା।

୨ ତିମଥି 4:10

ଇନେସ୍‌କି ଦୀମା ଇ ପୁର୍ତିତିଙ୍ଗ୍ ଲାଡ୍‌କିଜି ନାଙ୍ଗେଙ୍ଗ୍ ପିସ୍ତି ହାନ୍‌ଞ୍ଚାନ୍ ଆରେ ଥେସଲନିକି ସହର୍‌ତାକେ ହାଚାନ୍‌ନା। କ୍ରେସ୍‌କେନସ୍ ଗାଲାତିୟ ଜିଲ୍ଲାତ ହାଚାନ୍‌ନା, ଆରେ ତିତସ ଦଲ୍ମତିଆ ସହର୍‌ତିଙ୍ଗ୍ ହାଚାନ୍‌ନା।

ଏବ୍ରି 11:8

ପାର୍ତି କାଜିଙ୍ଗ୍ ଅବ୍ରାହାମ ଈଶ୍ୱର କାତାତିଙ୍ଗ୍ ମାନି କିତାନ୍, ଏଚେପାଦ୍ନା ଈଶ୍ୱର ହେୱାନିଙ୍ଗ୍ ତା ଇଲ୍ ପିସ୍ତି ଜେକନି ଦେସ୍‌ତାକେ ହାଞ୍ଜେଙ୍ଗ୍ କୁକ୍‌ତାନ୍। ଅବ୍ରାହାମତିଙ୍ଗ୍ ଈଶ୍ୱର ହେ ଦେସ୍ ଆଦିକାରି କିନି କାଜିଙ୍ଗ୍ ହିଦେଙ୍ଗ୍ ହାଲ୍‌ଜି ମାଚାନ୍। ମାତର୍ ହେୱାନ୍ ଇଦାଙ୍ଗ୍ ପୁନ୍‌ୱାଦାଙ୍ଗ୍ ମାଚାନ୍, ଆତିସ୍‌ପା ହେୱାନ୍ ହସିହାଚାନ୍।

୧ ପିତର 1:1

ଇ ଚିଟି ଆନେଙ୍ଗ୍ ଯୀଶୁ ଖ୍ରୀଷ୍ଟ ଚେଲାହି ପିତର ଲେକିକିତାଙ୍ଗ୍‌ନା। ଆନେଙ୍ଗ୍ ଇ ଚିଟି ଈଶ୍ୱର ବାଚିକିତି ଚେଲାହିର୍ କାଜିଙ୍ଗ୍ ଲେକିକିତାଙ୍ଗ୍‌ନା, ଇମ୍‌ଣି ମାନାୟାର୍ ଜେକନି ଦେସ୍‌ତାକେ ମାନିଲେକେ ପନ୍ତ, ଗାଲାତିୟ, କାପାଦକିଆ, ଏସିଆ ଆରେ ବେଥୁନିଆ ଇ ୱିଜୁ ଦେସ୍‌ତାକେ ମାନାରା।

ହତ୍‌ତି 1:11

ହେଦାଙ୍ଗ୍ ଇଲେକେ ସବଦ୍ ଆତାତ୍, “ଏପେଙ୍ଗ୍ ଇନାକା ହୁଡ଼୍‌ନାଦେରା ହେଦାଙ୍ଗ୍ ର ସାସ୍ତର୍‌ତାକେ ଲେକିକିଜି ଇଟାଟ୍ ଆରେ ଏପିସ, ସ୍ମର୍ଣ୍ଣା, ପର୍ଗମ, ଥୁୟତିରା, ସାର୍ଦ୍ଦୀ, ଫିଲାଦେଲ୍‌ଫିଆ ଆରେ ଲାଅଦିକିଆ ଇ ସାତ୍‌ଗଟା ମଣ୍ଡ୍‌ଲିତାକେ ପକାଟ୍।”

ହତ୍‌ତି 1:4

ଆନେଙ୍ଗ୍ ଯୋହନ ଏସିଆ ଦେସ୍‌ତାକେ ମାନି ସାତ୍‌ଗଟା ମଣ୍ଡ୍‌ଲିନି ମାନାୟାର୍ କାଜିଙ୍ଗ୍ ଆନେଙ୍ଗ୍ ଇ ଚିଟି ଲେକିକିନାଙ୍ଗା। ଆନେଙ୍ଗ୍ ପାର୍ତାନା କିନାଙ୍ଗା ଯେ, ଈଶ୍ୱର ମିଙ୍ଗେଙ୍ଗ୍ ଦୟା ଆରେ ଶାନ୍ତି ହିଦେନ୍। ଇନେର୍ ଆଗେ ମାଚାନ୍, ଇନେର୍ ନଙ୍ଗୟ୍ ମାନାନ୍ ଆରେ ଇନେର୍ ପାଚେ ସାତ୍‌ଗଟା ଆତ୍ମାଙ୍ଗ୍ ହୁଦାଙ୍ଗ୍ ଈଶ୍ୱରନି ସିଙ୍ଗାସନ୍‌ତାକେ ୱାନାନ୍।