ପକ୍ୟାତାକା 15:7 - New Testament in Pengo Parja Language

⁷ ହେୱାର୍ ବେସି ଆଲ୍‌ଚାନା କିତି ପାଚେ, ପିତର ନିଙ୍ଗ୍‌ଞ୍ଜି ହେୱାରିଙ୍ଗ୍ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍, ଆନେଙ୍ଗ୍ ଇନେସ୍ ବିନ୍‌ଜାତିନି ମାନାୟାର୍‌ତାକେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍, ଆରେ ହେୱାର୍ ୱେନ୍‌ଞ୍ଜି ପାର୍ତି କିଦେଙ୍ଗ୍ ଆଡ୍‌ନାର୍, ହେଦାଙ୍ଗ୍ କାଜିଙ୍ଗ୍ କେତେକ୍ ଦିନ୍ ଆଗେ ମି ବିତ୍ରେତାଙ୍ଗ୍ ଈଶ୍ୱର ନାଙ୍ଗେଙ୍ଗ୍ ବାଚି କିତ୍‌ତାନ୍‌ନା, ଇ ବିଷୟରେ ଏପେଙ୍ଗ୍ ପୁଚାଦେର୍‌ନା।

ସତ୍‌ ବଚନ୍‌ ପୁନି ନିୟମ୍‌

⁷ ବେସି କାତାବାର୍ତା ଆତି ପାଚେ ପିତର୍‌ ନିଂଜି ହେୱାରିଂ ଇଚାନ୍‌, “ଏ ଟଣ୍ଡାର୍‌, ତଣ୍‌ଦେକ୍‌ ଏପେଙ୍ଗ୍‌ ପୁଚାଦେର୍ଣ୍ଣା ଜେ, ନା ୱେଇ ହୁଦାଂ ପାର୍ତିକିୱି ଜିହୁଦିର୍‌ ଇନେସ୍‌ ନେକ୍ରିକାବୁର୍‌ ୱେନ୍‌ଞ୍ଜି ପାର୍ତି କିତାର୍‌, ଇଦାଂ କାଜିଂ ବେସି ଦିନ୍‌ ଆଗେ ଇସ୍ୱର୍‌ ବିତ୍ରେତାଂ ନାଙ୍ଗ୍‌ ବାଚି କିତ୍‌ତାନ୍‌ନା ।

ପକ୍ୟାତାକା 15:7 Iomraidhean Croise

ଜହନ୍‌ 15:16

ଏପେଙ୍ଗ୍ ନାଙ୍ଗେଙ୍ଗ୍ ବାଚି କିଦ୍‌ୱାତାଦେର୍‌ନା, ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ବାଚି କିତ୍‌ତାଙ୍ଗ୍‌ନା। ଆରେ ଏପେଙ୍ଗ୍ ଇନେସ୍‌କି ପାଡ଼୍‌ ଆସ୍ତେଙ୍ଗ୍ ଆଡ୍‌ନାଦେର୍, ମି ପାଡ଼୍‌ ତିର୍‌ଆଜି ମାନ୍‌ଗାନାତ୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା ଆବା ଈଶ୍ୱରତାକେ ଏନ୍‌ନାଦେର୍, ହେୱାନ୍ ମିଙ୍ଗେଙ୍ଗ୍ ହିଦ୍‌ନାନ୍, ଇନେସ୍‌କି ଏପେଙ୍ଗ୍ ଚେଲା କାଦେର୍।

ଜହନ୍‌ 3:27

ଡୁବନ୍‌ହିନି ଯୋହନ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ରକାନିଙ୍ଗ୍ ଇନାକା ହିନାନ୍, ହେୱାନ୍ ହେ ଏଚେକ୍ ପାୟା ଆନାନ୍।

ପକ୍ୟାତାକା 1:16

“ଟଣ୍ଡାର୍‌କାଦେର୍, ଇମ୍‌ଣି ଯିହୁଦା ଯୀଶୁଙ୍ଗ୍ ମାନାୟାର୍ କେଇଦ ଆହିକିଦେଙ୍ଗ୍ ସାଇଜ କିଜି ମାଚାନ୍, ତା ବିଷୟରେ ପବିତ୍ର ଆତ୍ମା ଦାଉଦ ରାଜାତାଙ୍ଗ୍ ୱେଚ୍‌ଚି ମାଚାନ୍। ହେ ଯିହୁଦା ବିଷୟରେ ଦରମ୍ ସାସ୍ତର୍‌ତାକେ ଲେକାଆତି ବିଷୟ ପୁରା ଆନି ଦର୍‌କାର୍ ମାଚାତ୍।

ପକ୍ୟାତାକା 1:24

ହେୱାର୍ ଇଲେକେ ପାର୍ତାନା କିତାର୍, “ଏ ମାନ୍ତି କାତା ପୁନି ମାପୃ, ଯିହୁଦା ବାଚିକିତି ଚେଲା ପାଦ୍ ପିସ୍ତି, ଇମ୍‌ଣି ବାହାତାକେ ହାନିକାତା ହେୱାନ୍ ହାଲ୍‌ୱାଦାଙ୍ଗ୍ ହାଃତାନ୍ ହେ ବାହାତାକେ ହାଞ୍ଜେଙ୍ଗ୍, ତା ବାଦୁଲ୍‌ରେ ଇ ରିୟାର୍ ବିତ୍ରେତାଙ୍ଗ୍ ଇନେରିଙ୍ଗ୍ ବାଚିକିତାୟ୍‌ନା, ମାଙ୍ଗେଙ୍ଗ୍ ୱେଚ୍‌ଚା।”

ପକ୍ୟାତାକା 10:19

ପିତର ହେ କେଚ୍‌କଣ୍ ହୁଡ଼୍‌ତି ବିଷୟ ଚିନ୍ତା କିନିହିଙ୍ଗ୍ ପବିତ୍ର ଆତ୍ମା ହେୱାନିଙ୍ଗ୍ ୱେଚ୍‌ଚାତ୍, “ଶିମୋନ ନିଙ୍ଗେଙ୍ଗ୍ ତିନ୍‌ଜାଣ୍ ମାନାୟ୍ ଦାସ୍ତାନାରା।

ପକ୍ୟାତାକା 10:20

ନିଙ୍ଗା, ତାରେନ୍ ହାଲ୍‌ଜି ଇନାକା ଡାଉଟ୍ କିୱାଦାଙ୍ଗ୍ ହେୱାର୍ ହୁଦାଙ୍ଗ୍ ହାଲା। ଇନେସ୍‌କି ଆନେଙ୍ଗ୍ ହେୱାରିଙ୍ଗ୍ ପକ୍ତାତାଙ୍ଗ୍‌ନା।”

ପକ୍ୟାତାକା 13:2

ହେୱାର୍ ଉପାସ୍ କିଜି ମାପୃତିଙ୍ଗ୍ ପୁଜାକିଜି ମାଚାର୍। ହେପାଦ୍ନା ପବିତ୍ର ଆତ୍ମା ହେୱାରିଙ୍ଗ୍ ୱେଚ୍‌ଚାତ୍, “ଇମ୍‌ଣି କାମାୟ୍ କାଜିଙ୍ଗ୍ ଆପେଙ୍ଗ୍ ବର୍ଣ୍ଣବାଙ୍ଗ୍ ଆରେ ଶାଉଲତିଙ୍ଗ୍ କୁକ୍‌ତାପ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଜେକ କିୟାଟ୍।”

ପକ୍ୟାତାକା 15:14

ବିନ୍‌ଜାତିନି ମାନାୟାର୍‌ତାଙ୍ଗ୍ ଈଶ୍ୱର ଆଗେ ଦୟାକିଜି କେତେକ୍ ମାନାୟାରିଙ୍ଗ୍ ତା ଜାର୍ ମାନାୟ୍ କିତି ବିଷୟରେ ମାଙ୍ଗେଙ୍ଗ୍ ବୁଜାଇକିଜି ୱେଚ୍‌ଚାତାନ୍‌ନା।

ପକ୍ୟାତାକା 15:2

ଲାଗିଙ୍ଗ୍ ବାଚିକିତି ଚେଲା ପାଉଲ ଆରେ ବର୍ଣ୍ଣବା ହେୱାର୍ ହିକ୍ଷାତାଙ୍ଗ୍ ମେହା ଆୱାତାର୍ ଆରେ ହେୱାର୍ ହୁଦାଙ୍ଗ୍ ଜୁକ୍ତି କିବାଆତାର୍। ଲାଗିଙ୍ଗ୍ ପାର୍ତି କିନାକାର୍ ଆରେ ପ୍ରାଚିନାର୍ ହୁଦାଙ୍ଗ୍ ଇ ବିଷୟରେ ଆଲ୍‌ଚାନା କିଦେଙ୍ଗ୍, ମଣ୍ଡ୍‌ଲିନି ମାନାୟାର୍ ପାଉଲ, ବର୍ଣ୍ଣବା ଆରେ କେତେକ୍ ପାର୍ତି କିନାକାରିଙ୍ଗ୍ ଯିରୁଶାଲାମ୍ ସହର୍‌ତାକେ ପକ୍ତେଙ୍ଗ୍ ବାଚିକିତାର୍।

ପକ୍ୟାତାକା 15:39

ଇଦାଙ୍ଗ୍ କାଜିଙ୍ଗ୍ ପାଉଲ ଆରେ ବର୍ଣ୍ଣବା ବେସି ଜୁକ୍ତି କିବାଆଜି ହେ ରିକାର୍ ବିନେ ଆତାର୍। ବର୍ଣ୍ଣବା ତା ହୁଦାଙ୍ଗ୍ ମାର୍କଙ୍ଗ୍ ଅଜି ଜାଜ୍‌ତାକେ କୁପ୍ରିୟ ଦ୍ୱିପ୍‌ତାକେ ହାଚାର୍।

ପକ୍ୟାତାକା 20:24

ଈଶ୍ୱର ଇମ୍‌ଣି ଦୟା ଚଚ୍‌ଚାତାନ୍‌ନା ହେ ବିଷୟରେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍, ମାପୃ ଯୀଶୁ ନାଙ୍ଗେଙ୍ଗ୍ ହିତ୍‌ତାନ୍‌ନା ଇ କାମାୟ୍‌ତିଙ୍ଗ୍ ପୁରା କିଜି ୱିହ୍‌ୱି ପାତେକ୍ ଆନେଙ୍ଗ୍ ନା ଜିବୁନ୍‌ତିଙ୍ଗ୍ କିଚି ମୁଲ୍ଯ ଆକାୟ୍ ଇଞ୍ଜି ବାବିକିନାଙ୍ଗା।

ପକ୍ୟାତାକା 21:16

କାଇସରିଆ ସହର୍‌ତାଙ୍ଗ୍ ପା କେତେକ୍ ପାର୍ତିକିନି ଚେଲାହିର୍ ମା ହୁଦାଙ୍ଗ୍ ୱାତାର୍। ହେୱାର୍ ମନାସନ ତର୍‍ଦାକାନ୍ ଇଞ୍ଜ ମାଙ୍ଗେଙ୍ଗ୍ ଅସାହାନ୍‌ଞ୍ଚାର୍। ହେୱାନ୍ କୁପ୍ର ଦ୍ୱିପ୍ ନିକାନ୍ ମାଚାନ୍ ଆରେ ହେୱାନ୍ ଆଗେତାଙ୍ଗ୍ ପାର୍ତିକିନାକାନ୍ ମାଚାନ୍।

ପକ୍ୟାତାକା 3:18

ମାତର୍ ଭବିଷ୍ଯତବକ୍ତାରିଙ୍ଗ୍ ଈଶ୍ୱର ଆଗେ ୱେଚ୍‌ଚି ମାଚାନ୍ ଯେ, ଖ୍ରୀଷ୍ଟ ବେସି ଦୁକ୍‌କଷ୍ଟ ପାୟାଆଜି ହାଃନାନ୍। ଈଶ୍ୱର ହେଦାଙ୍ଗ୍ ପୁରା କିତାନ୍‌ନା।

ପକ୍ୟାତାକା 4:25

ମା ଆକଦାଦି ଦାଉଦ ରାଜା ମିଙ୍ଗେଙ୍ଗ୍ ହେବା କିତ୍‌ତାନ୍। ଏନେଙ୍ଗ୍ ହେୱାନିଙ୍ଗ୍ ପବିତ୍ର ଆତ୍ମାତାଙ୍ଗ୍ ୱେଚ୍‌ଚାଇନା, ‘ଇନା କିଦେଙ୍ଗ୍ ବିନ୍‌ଜାତିନି ମାନାୟାର୍ ରିସା ଆନାଦେରା, ଆରେ ଇସ୍ରାଏଲ ଜାତିନି ମାନାୟାର୍ ବେକାରେ ଇନା କିଦେଙ୍ଗ୍ ଈଶ୍ୱର ବିରଦ୍‌ତାକେ ଜଜ୍‌ନା କିନାରା।

ପକ୍ୟାତାକା 9:15

ମାତର୍ ମାପୃ ୱେଚ୍‌ଚାନ୍, “ଏନେଙ୍ଗ୍ ହାଲା। ଇନେସ୍‌କି ଆନେଙ୍ଗ୍ ହେୱାନିଙ୍ଗ୍ ନା ହେବା କିଦେଙ୍ଗ୍ ବାଚି କିତ୍‌ତାଙ୍ଗ୍‌ନା। ହେୱାନ୍ ବିନ୍‌ଜାତିନି ମାନାୟାର୍ ମୁମ୍‌ଦ, ରାଜାର୍ ମୁମ୍‌ଦ, ଆରେ ଇସ୍ରାଏଲ ଜାତିର୍ ମୁମ୍‌ଦ, ନା ବିଷୟରେ ଶୁଣାୟ୍ କିନାନ୍।

ପିଲିପିୟ 2:14

ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଇନାକା କିନାଦେର୍ ହେଦାଙ୍ଗ୍‌ତିଙ୍ଗ୍ ଗୁଜ୍-ଗୁଜ୍ କିଜି ଜୁକ୍ତି ଆମାଟ୍।