ପକ୍ୟାତାକା 15:10 - New Testament in Pengo Parja Language

¹⁰ ଲାଗିଙ୍ଗ୍ ଯିହୁଦିର୍ ନିୟମ୍ ଆରେ ବିନ୍‌ଜାତିନି ପାର୍ତିକିନି ଚେଲାହିରିଙ୍ଗ୍ ବଜ୍ ଇଲେକେ ଇନା କିଦେଙ୍ଗ୍ ଲେଦି କିନାଦେରା? ଇମ୍‌ଣାକା ମା ଆକଦାଦିର୍ ଆରେ ଆପେଙ୍ଗ୍ ପିଣ୍‌ଦେଙ୍ଗ୍ ଆଡ୍‌ୱାତାର୍। ଏପେଙ୍ଗ୍ ଏଲେଙ୍ଗ୍ କିଜି ଈଶ୍ୱରତିଙ୍ଗ୍ ପରିକ୍ଷା କିନାଦେରା।

ସତ୍‌ ବଚନ୍‌ ପୁନି ନିୟମ୍‌

¹⁰ ଲାଗିଂ ଇମ୍‌ଣି ଜୁୱାଣ୍ଡ୍‌ତ ମାଂ ଆବା ଲାତ୍ରା ଆରି ଆସେଙ୍ଗ୍‌ ପିଣ୍‌ଦେଂ ସାକ୍ତି ହିଲୁତ୍‌, ହେ ଜୁୱାଣ୍ଡ୍‌ ଚେଲାର୍‌ ନିପିତ ହିଜ଼ି ଇନାକିଦେଂ ଏପେଙ୍ଗ୍‌ ଇସ୍ୱର୍‌ତିଂ ପରିକ୍ୟା କିନାଦେରା ?

ପକ୍ୟାତାକା 15:10 Iomraidhean Croise

ମାତିଉ 23:4

ମାନି କିଦେଙ୍ଗ୍ କଷ୍ଟ ଆତିସ୍‌ପା ହେୱାର୍ ମାନାୟାର୍ କାଜିଙ୍ଗ୍ ଆବ୍‌ଡ଼ୁ ନିୟମ୍ ରହ୍‌ନାର୍। ହେ ନିୟମ୍ ମାନି କିଦେଙ୍ଗ୍ ମାନାୟାରିଙ୍ଗ୍ ଜବର୍ ଦସ୍ତ୍ କିନାର୍, ମାତର୍ ହେୱାର୍ ଜାର୍ ଇନାୱେଡ଼ାଙ୍ଗ୍ ପା ହେ ନିୟମ୍‌ତିଙ୍ଗ୍ ରଞ୍ଜି ପା ମାନି କିଦେଙ୍ଗ୍ ମାନ୍‍କିଉର୍।

ମାତିଉ 4:7

ଯୀଶୁ ଶୟତାନତିଙ୍ଗ୍ ୱେଚ୍‌ଚାନ୍, “ଆରେ ଈଶ୍ୱର ସାସ୍ତର୍‌ତାକେ ଇ କାତା ପା ଲେକା ମାନାତ୍, ‘ଏପେଙ୍ଗ୍ ଜାର୍ ମାପୃ ଈଶ୍ୱରତିଙ୍ଗ୍ ଇନାୱେଡ଼ାଙ୍ଗ୍ ପା ପରିକ୍ଷା କିମାଟ୍।’ ”

ପକ୍ୟାତାକା 5:9

ତାପାଚେ ପିତର ହେଦେଲିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ର ମାନ୍‌ଆଜି ପବିତ୍ର ଆତ୍ମାତିଙ୍ଗ୍ ଇନାକାଦେଙ୍ଗ୍ ପରିକ୍ଷା କିତାଦେର୍? ହୁଡ଼ା, ଇମ୍‌ଣାକାର୍ ନି ଡକ୍ରାଦିଙ୍ଗ୍ ଦୁଗେର୍‌ତାକେ ମୁଚ୍‍କାତାର୍, ହେୱାର୍ ଦୁୱେର୍ ଲାଗାୟ୍ ଏକିୱାତାରେ, ଆରେ ହେୱାର୍ ନିଙ୍ଗେଙ୍ଗ୍ ପା ମୁଚ୍‍ଚେଙ୍ଗ୍ ପିଣ୍‌ଜି ଅଦ୍ନାର୍‌।”

ଗାଲାତିୟ 4:9

ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱରତିଙ୍ଗ୍ ପୁଚାଦେର୍‌ନା, ନଇଲେ ଇଦାଙ୍ଗ୍ ପା ଆନେଙ୍ଗ୍ ୱେଚ୍‌ଚାନାଙ୍ଗ୍ ଯେ ଈଶ୍ୱର ନଙ୍ଗୟ୍ ମିଙ୍ଗେଙ୍ଗ୍ ପୁନ୍‌ଞ୍ଚାନ୍‌ନା। ଲାଗିଙ୍ଗ୍ ଇ ଜଗତ୍‌ନି ଦୁର୍‌ବଲ୍ ଆରେ ମୁଲ୍ୟ ହିଲ୍‌ୱି ହିକ୍ଷାନି ଦାସ୍ ଆଦେଙ୍ଗ୍, ଇନେସ୍ ଆରେରଗ ଲେଉଟା ଆଜି ହାଞ୍ଜେଙ୍ଗ୍ ଇଚା କିନାଦେରା?

ଗାଲାତିୟ 5:1

ଖ୍ରୀଷ୍ଟ ମାଙ୍ଗେଙ୍ଗ୍ ମୋଶା ନିୟମ୍ ସାସ୍ତର୍‌ତାଙ୍ଗ୍ ସ୍ୱାଦିନ୍ କିତ୍‌ତାନ୍‌ନା। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ଆରେ ନିୟମ୍ ସାସ୍ତର୍‌ନି ଦାସ୍ ଆଜି ମାଞ୍ଜେଙ୍ଗ୍ ଉପାୟ୍ କିୱାଦାଙ୍ଗ୍, ସ୍ୱାଦିନ୍ ଆଜି ମାନାଟ୍।

ଏବ୍ରି 3:9

“ହେ ଟାଙ୍ଗ୍ରାବାହାତାକେ ଚାଲିଶ୍ ବାର୍ହୁ ପାତେକ୍ ହେୱାର୍ ଆନେଙ୍ଗ୍ କିତି ଚାନିଆଆନି କାମାୟ୍ ହୁଡ଼୍‌ତି ପାଚେ ପା, ମି ଆକଦାଦିର୍ ନାଙ୍ଗେଙ୍ଗ୍ ପରିକ୍ଷା କିଜି ଚେକ୍ କିଜି ମାନ୍‌ଞ୍ଚାର୍।”

ଏବ୍ରି 9:9

ଇ ୱିଜୁ ବିଷୟ ର ଚିନା ଲେକେ, ଆରେ ହେଦାଙ୍ଗ୍ ୱିଜୁ ନଙ୍ଗୟ୍ ଯୀଶୁ ଖ୍ରୀଷ୍ଟତାଙ୍ଗ୍ ପୁରା ଆତାତ୍‌ନା। ଈଶ୍ୱରତିଙ୍ଗ୍ ହେବାକିନି ମାନାୟାର୍ ଇମ୍‌ଣି ଦାନ୍ ଆରେ ବଲିପୁଜା କିଜି ମାଚାର୍, ହେଦାଙ୍ଗ୍ ମାନାୟାର୍ ବୁଦି ଆରେ ମାନ୍‌ତିଙ୍ଗ୍ ଟିକ୍ କିଦେଙ୍ଗ୍ ଆଡ୍‌ୱାଦାଙ୍ଗ୍ ମାଚାତ୍।