ପକ୍ୟାତାକା 13:3 - New Testament in Pengo Parja Language

³ ହେବେତାଙ୍ଗ୍ ହେୱାର୍ ଉପାସ୍‌ତାଙ୍ଗ୍ ପାର୍ତାନା କିତି ପାଚେ, ହେୱାର୍ ଶାଉଲ ଆରେ ବର୍ଣ୍ଣବା ଜପି କେଇ ଇଡ଼୍‌ଜି ଈଶ୍ୱର କାମାୟ୍ କିଦେଙ୍ଗ୍ ପକ୍ତାର୍।

ସତ୍‌ ବଚନ୍‌ ପୁନି ନିୟମ୍‌

³ ହେବେ ହେୱାର୍‌ ଉପାସ୍‌ ଆରି ପାର୍ତାନା କିତି ପାଚେ ହେୱାର୍‌ ଜପି କେଇ ହିଜ଼ି ହେୱାରିଂ ହେଲ ହିତାର୍‌ ।

ପକ୍ୟାତାକା 13:3 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:37

ହେଦେଲ୍ ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ପୁଜାକିଜି ମାନାକା। ଆରେ ହେଦେଲ୍ ୱେଡ଼ା ନାଣା ତିନ୍‌ୱାଦାଙ୍ଗ୍ କି ଉଣ୍‌ୱାଦାଙ୍ଗ୍ ଈଶ୍ୱରତିଙ୍ଗ୍ ହେବାକିଜି ପାର୍ତାନା କିଜି ମାଚାତ୍।

ପକ୍ୟାତାକା 1:24

ହେୱାର୍ ଇଲେକେ ପାର୍ତାନା କିତାର୍, “ଏ ମାନ୍ତି କାତା ପୁନି ମାପୃ, ଯିହୁଦା ବାଚିକିତି ଚେଲା ପାଦ୍ ପିସ୍ତି, ଇମ୍‌ଣି ବାହାତାକେ ହାନିକାତା ହେୱାନ୍ ହାଲ୍‌ୱାଦାଙ୍ଗ୍ ହାଃତାନ୍ ହେ ବାହାତାକେ ହାଞ୍ଜେଙ୍ଗ୍, ତା ବାଦୁଲ୍‌ରେ ଇ ରିୟାର୍ ବିତ୍ରେତାଙ୍ଗ୍ ଇନେରିଙ୍ଗ୍ ବାଚିକିତାୟ୍‌ନା, ମାଙ୍ଗେଙ୍ଗ୍ ୱେଚ୍‌ଚା।”

ପକ୍ୟାତାକା 13:2

ହେୱାର୍ ଉପାସ୍ କିଜି ମାପୃତିଙ୍ଗ୍ ପୁଜାକିଜି ମାଚାର୍। ହେପାଦ୍ନା ପବିତ୍ର ଆତ୍ମା ହେୱାରିଙ୍ଗ୍ ୱେଚ୍‌ଚାତ୍, “ଇମ୍‌ଣି କାମାୟ୍ କାଜିଙ୍ଗ୍ ଆପେଙ୍ଗ୍ ବର୍ଣ୍ଣବାଙ୍ଗ୍ ଆରେ ଶାଉଲତିଙ୍ଗ୍ କୁକ୍‌ତାପ୍‌ନା, ହେଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଜେକ କିୟାଟ୍।”

ପକ୍ୟାତାକା 13:4

ପବିତ୍ର ଆତ୍ମା ଶାଉଲ ଆରେ ବର୍ଣବାଙ୍ଗ୍ ହାଜି ଚଚ୍‌ଚି ମାଚାନ୍। ଲାଗିଙ୍ଗ୍ ହେୱାର୍ ଆନ୍ତିୟକିଆ ସହର୍‌ତାଙ୍ଗ୍ ସେଲୁକିଆ ସହର୍‌ତାକେ ହାଚାର୍। ହେବେତାଙ୍ଗ୍ ହେୱାର୍ ଜାଜ୍‌ତ ଦୁମ୍‌ଜି କୁପ୍ରଦ୍ୱିପ୍‌ତାକେ ହାଚାର୍।

ପକ୍ୟାତାକା 14:23

ପାଉଲ ଆରେ ବର୍ଣ୍ଣବା ୱିଜୁ ମଣ୍ଡ୍‌ଲିତାକେ ପ୍ରାଚିନାରିଙ୍ଗ୍ ବାଚିକିତାର୍ ଆରେ ଉପାସ୍ କିଜି ପାର୍ତାନା କିତାର୍। ହେୱାର୍ ପାର୍ତିକିନି ମାପୃ ଲାଗାୟ୍ ପ୍ରାଚିନ୍‌ ଆରେ ପାର୍ତିକିନି ମାନାୟାରିଙ୍ଗ୍ ହାର୍‌ପି କିଜି ହିତାର୍।

ପକ୍ୟାତାକା 14:26

ହେବେତାଙ୍ଗ୍ ହେୱାର୍ ଆନ୍ତିୟକିଆ ହସର୍‌ତାକେ ଜାଜ୍‌ତାକେ ଲେଉଟା ଆଜି ୱାତାର୍। ଇବାହାତାକେ ପାର୍ତି କିନାକାର୍ ପାଉଲ ଆରେ ବର୍ଣବାଙ୍ଗ୍ ବିନ୍-ବିନ୍ ବାହାତାକେ ହାଲ୍‌ଜି ଈଶ୍ୱର କାତା ଶୁଣାୟ୍ କିଦେଙ୍ଗ୍ ବାଚିକିଜି ମାଚାର୍। ହେୱାର୍ ଈଶ୍ୱରତାକେ ପାର୍ତାନା କିଜି ମାଚାର୍, ହେୱାନ୍ ପାଉଲ ଆରେ ବର୍ଣ୍ଣବା କିନି କାମାୟ୍‌ତାକେ ଦୟା କିୟେନ୍। ହେ କାମାୟ୍ ନଙ୍ଗୟ୍ ହେୱାର୍ ପୁରା କିତାର୍‌ନା।

ପକ୍ୟାତାକା 15:40

ମାତର୍ ପାଉଲ ଶିଲାଙ୍ଗ୍ ବାଚିକିଜି ଆନ୍ତିୟକିଆ ସହର୍‌ତାକେ ହାଚାର୍। ହେପାଦ୍ନା ଈଶ୍ୱର ପାଉଲ ଆରେ ଶିଲାଙ୍ଗ୍ ଦୟା କିୟେନ୍ ଇଞ୍ଜି ପାର୍ତିକିନି ଟଣ୍ଡାର୍ ପାର୍ତାନା କିତାର୍।

ପକ୍ୟାତାକା 6:6

ଜେକନି ଚେଲାର୍ ବାଚିକିତି ଚେଲାହିର୍ ଲାଗାୟ୍ ତାତାର୍। ଲାଗିଙ୍ଗ୍ ବାଚିକିତି ଚେଲାର୍ ପାର୍ତାନା କିଜି ହେ କାମାୟ୍ କିଦେଙ୍ଗ୍ ଦାଇତ୍ ହିତାର୍।

ପକ୍ୟାତାକା 9:17

ହେବେତାଙ୍ଗ୍ ହନନିୟ ଶାଉଲ ଇଞ୍ଜ ହାଚାନ୍। ହେୱାନ୍ ଶାଉଲ ଜପି କେଇ ଇଡ଼୍‌ଜି ୱେଚ୍‌ଚାନ୍, “ଏ ଶାଉଲ ଟଣ୍ଡେନ୍, ଏନେଙ୍ଗ୍ ଇନେସ୍ ଆରେରଗ ହୁଡ଼୍‌ଦେଙ୍ଗ୍ ଆଡ୍‌ନାଇ ଆରେ ପବିତ୍ର ଆତ୍ମାତାଙ୍ଗ୍ ପୁରା ଆନାୟ୍। ହେଦାଙ୍ଗ୍ କାଜିଙ୍ଗ୍ ଯୀଶୁ ମାପୃ ଇନେରିଙ୍ଗ୍ ଏନେଙ୍ଗ୍ ୱାନିହିଙ୍ଗ୍ ହାଜ୍‌ଦ ହୁଡ଼୍‌ତାୟ୍ ହେୱାନ୍ ନାଙ୍ଗେଙ୍ଗ୍ ନି ଲାଗାୟ୍ ପକ୍ତାତାନ୍‌ନା।”

ରୋମିୟ 10:15

ଇନେସ୍‌କି ହେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ରୱାନିଙ୍ଗ୍ ପକ୍ତିତିସ୍‌ନେ ହେୱାନ୍ ହେୱାରିଙ୍ଗ୍ ଶୁଣାୟ୍ କିନାନ୍, ହେଦାଙ୍ଗ୍ କାଜିଙ୍ଗ୍ ଦରମ୍ ସାସ୍ତରତାକେ ଲେକାଆତାତ୍‌ନା, ଇମ୍‌ଣି ମାନାୟ୍ ଈଶ୍ୱରତି ହାର୍ଦିକାବୁର୍‌ତିଙ୍ଗ୍ ତାନାର୍‌ ହେୱାର୍ ପାନାଙ୍ଗ୍ ବେସି ସୁନ୍ଦର୍‌।

୧ ତିମତି 4:14

ପ୍ରାଚିନାର୍ ନି କାପ୍‌ଡ଼ା ଜପି କେଇ ଇଡ଼୍‌ଜି ଈଶ୍ୱର ହିତ୍‌ତି ଇମ୍‌ଣି କାତାତିଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାତାର୍‌ନା, ହେ ବିଷୟତିଙ୍ଗ୍ ଏନେଙ୍ଗ୍ ଏଲା ଆମା।

୧ ତିମତି 5:22

ଇନାକା ବୁଜାଆୱାଦାଙ୍ଗ୍ ଇନେର୍ କାପ୍‌ଡ଼ା ଜପି କେଇ ତିଗ୍‌ଜି ପ୍ରାଚିନ୍‌ କିଦେଙ୍ଗ୍ ବାଚି କିମା। ଯଦି ଏଲେଙ୍ଗ୍ କିତିସ୍ ତା ପାପ୍ କାଜିଙ୍ଗ୍ ଏନେଙ୍ଗ୍ ଦାୟି, ନିଜେ ଜାଗ୍ରତ୍ ଆ ଯେ ଇଲେକେ ପାପ୍ କାମାୟ୍ କିଉଇ।

୨ ତିମଥି 1:6

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ମାନ୍ତ ଏତୁକିୟି କିଦେଙ୍ଗ୍ ଇଚା କିନାଙ୍ଗା ଯେ ଆନେଙ୍ଗ୍ ମି କାପ୍‌ଡ଼ା ଜପି କେଇ ଡ଼ାପ୍‌ତିହିଙ୍ଗ୍ ଇମ୍‌ଣି ଈଶ୍ୱର ଦାନ୍ ପାୟା ଆତାଦେର୍‌ନା, ହେଦାଙ୍ଗ୍‌ତିଙ୍ଗ୍ ଆରେରଗ ଦିରେ-ଦିରେ କିଜି କାଚାୟ୍ କିୟାଟ୍।

୨ ତିମଥି 2:2

ଆନେଙ୍ଗ୍ ନିଙ୍ଗେଙ୍ଗ୍ ବେସି ମାନାୟାର୍ ମୁମ୍‌ଦ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନାକା ୱେଚାଙ୍ଗ୍‌ନା। ଇମ୍‌ଣାକାର୍ ଜେକନିକାରିଙ୍ଗ୍ ପା ହିକ୍ଷାହିଦେଙ୍ଗ୍ ଆଡ୍‌ନାର୍, ଇଲେକେ ବିଶ୍ୱସ୍ତ ମାନାୟାରିଙ୍ଗ୍ ହେ କାତା ୱେଚା।

୩ ଯୋହନ 1:6

ଏନେଙ୍ଗ୍ ହେୱାରିଙ୍ଗ୍ ଲାଡ୍‌କିନି ବିଷୟ, ଆରେ ହାର୍ ବ୍ଯବହାର୍ କିତି ବିଷୟ ମଣ୍ଡ୍‌ଲିତାକେ ୱାଜି ୱେଚ୍‌ନାରା, ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚାନାଙ୍ଗା। ଏନେଙ୍ଗ୍ ଇନେସ୍ ହେୱାରିଙ୍ଗ୍ ସାଇଜ କିଜି ମାଚାୟ୍ ହେଲେକେ ସାଇଜ କିଜି ମାନା, ଲାଗିଙ୍ଗ୍ ଈଶ୍ୱର ୱାରିୟା ଆନାନ୍।

୩ ଯୋହନ 1:8

ଲାଗିଙ୍ଗ୍ ଆପେଙ୍ଗ୍ ଈଶ୍ୱରତିଙ୍ଗ୍ ପାର୍ତିକିନି ମାନାୟାରିଙ୍ଗ୍, ଆସେଙ୍ଗ୍ ନିଜେ ସାଇଜ କିନି ଦର୍‌କାର୍, ଆରେ ଆସେଙ୍ଗ୍ ହେୱାର୍ ହୁଦାଙ୍ଗ୍ ମାହାଆଜି ଈଶ୍ୱରତି ସତ୍ ବିଷୟତିଙ୍ଗ୍ ମାନାୟାରିଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାସ୍।