ପକ୍ୟାତାକା 12:6 - New Testament in Pengo Parja Language

⁶ ଇମ୍‌ଣିଦିନ୍ ହେରୋଦ ରାଜା ପିତରତିଙ୍ଗ୍ ବାର୍ତ ହପ୍‌ଚି ମାନାୟାର୍ ଲାଗାୟ୍ ଦଣ୍ଡ୍ ହିଦେଙ୍ଗ୍ ଇଚାକିଜି ମାଚାନ୍, ହେନାଞ୍ଜ୍ ମିକା ପିତର ରିକାର୍ ସେନାର୍ ମାଦି ହୁନ୍‌ଞ୍ଜି ମାଚାନ୍। ହେୱାନିଙ୍ଗ୍ ରିଣ୍ଡାଙ୍ଗ୍ ହିକ୍‌ଡ଼ିଙ୍ଗ୍‌ତାଙ୍ଗ୍ ଗାଚ୍‌ଚି ମାଚାର୍। ରିକାର୍ ହୁନ୍‌ଞ୍ଜି ମାଚାର୍ ଆରେ ରିକାର୍ ଜଇଲ୍‌ନି ଗେଟ୍ ଲାଗାୟ୍ କାସି ମାଚାର୍।

ସତ୍‌ ବଚନ୍‌ ପୁନି ନିୟମ୍‌

⁶ ପାଚେ ହେରଦ୍‌ ଇମ୍‌ଣି ଦିନ୍‌ ପିତର୍‌ତିଂ ହପ୍‍ଚି ତାତେଙ୍ଗ୍‌ ହାଲ୍‌ଜି ମାଚାନ୍‌, ହେ ଆର୍କାତ୍‌ ନାଣାଲିଂ ରିଣ୍ଡି ହିକ୍‌ଡ଼ିଂତାଂ ଗାଚ୍ୟା ଆଜ଼ି ରି ମେଲ୍ୟାର୍ତି ବିତ୍ରେ ହୁଞ୍ଜି ମାଚାନ୍‌, ଆରେ ଜାଗ୍‌ୱାଡ଼ାର୍‌ ଦୁୱେର୍‌ ମୁମ୍‌ଦ ଜଇଲ୍ ରାକ୍ୟା କିଜ଼ି ମାଚାର୍‌ ।

ପକ୍ୟାତାକା 12:6 Iomraidhean Croise

ମାତିଉ 28:4

ଦୁଗେର୍‌ତିଙ୍ଗ୍ କାସିମାନି ସେନାର୍ ସରଗ୍ ଦୁତ୍‌ତିଙ୍ଗ୍ ହୁଡ଼୍‌ଜି ପାଣ୍ଡ୍ରା ଆତାର୍। ହେୱାର୍ ପାଣ୍ଡ୍ରୁତିଙ୍ଗ୍ ତ୍ରିଗ୍‍ଜି ମାଚାର୍। ହେୱାର୍ ହାଃତି ଲେକେ ଆତାର୍।

ପକ୍ୟାତାକା 12:5

ଲାଗିଙ୍ଗ୍ ପିତର ଜଇଲ୍ ଇଞ୍ଜ କେତେକ୍ ଦିନ୍ ମାଚାନ୍। ମାତର୍ ଯିରୁଶାଲାମ୍ ସହର୍ ମଣ୍ଡ୍‌ଲିନି ପାର୍ତିକିନି ମାନାୟାର୍ ପିତର କାଜିଙ୍ଗ୍ ର ମାନ୍‌ଆଜି ଈଶ୍ୱରତାକେ ପାର୍ତାନା କିଜି ମାଚାର୍।

ପକ୍ୟାତାକା 21:33

ହେପାଦ୍ନା ହାଜାର୍ ସେନାର୍ ମୁକ୍ଯା ପାଉଲ ଲାଗାୟ୍ ୱାଜି ହେୱାନିଙ୍ଗ୍ ଆସ୍ତାନ୍, ଆରେ ହେୱାନିଙ୍ଗ୍ ରିଣ୍ଡାଙ୍ଗ୍ ହିକ୍‌ଡ଼ିଙ୍ଗ୍ ହୁଦାଙ୍ଗ୍ ଗାଚ୍‍ଚେଙ୍ଗ୍ ଆଦେସ୍ ହିତାନ୍, ତାପାଚେ ହେୱାନ୍ ଇନେର୍ ଆରେ ଇନାକା କିନାନା ଇଞ୍ଜି ମାନାୟାରିଙ୍ଗ୍ ୱେନ୍‌ବାତାନ୍।

ପକ୍ୟାତାକା 28:20

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ନା ହୁଦାଙ୍ଗ୍ ମେହାଆଜି କାତାବାର୍ତା ଆଦେଙ୍ଗ୍ କୁକ୍ତାତାଙ୍ଗ୍‌ନା। ଇନେସ୍‌କି ଇସ୍ରାଏଲ ଜାତିନି ମାନାୟାର୍ ଆହାକିଜି ମାଚି ରକ୍ଷାକିଦ୍ନାକାନ୍‌ କାଜିଙ୍ଗ୍ ଆନେଙ୍ଗ୍ ହିକ୍‌ଡ଼ିକାଙ୍ଗ୍ ଗାଚିଆ ଆତାଙ୍ଗ୍‌ନା।”

ପକ୍ୟାତାକା 5:23

“ଜଇଲ୍ ଇଲ୍ ବନ୍ଦ୍ ଆତାତ୍‌ନା, ଆରେ ଦୁୱେର୍‌ତାକେ ଜାଗୁୱାଡ଼ିର୍ ନିଲ୍‌ତାକା ଆପେଙ୍ଗ୍ ହୁଡ଼୍‌ତାପ୍। ମାତର୍ ଆପେଙ୍ଗ୍ ଦୁୱେର୍ ଜେତି ପାଚେ ଆପେଙ୍ଗ୍ ଇନେରିଙ୍ଗ୍ ପା ଗାଟା ଆୱାତାପ୍।”

ଏପିସିୟ 6:20

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଚେନ୍‌ତାଙ୍ଗ୍ ଗାଚିଆ ଆତାଙ୍ଗ୍‌ନା, ଆରେ ଈଶ୍ୱର ରାଜ୍‌ଦୁତ୍ ଲେକେ ଆଜି ଶୁଣାୟ୍ କିନାଙ୍ଗା। ନା କାଜିଙ୍ଗ୍ ପାର୍ତାନା କିୟାଟ୍, ଆନେଙ୍ଗ୍ ଇନେସ୍ ହେ ବିଷୟରେ ଟିକ୍ ବାବ୍‌ରେ ବେଣ୍‌କିଦେଙ୍ଗ୍ ସାହାସ୍ ପାୟାଆନାଙ୍ଗ୍।

୨ ତିମଥି 1:16

ଅନୀସିଫରନି ପରିବାର୍‌ତିଙ୍ଗ୍ ମାପୃ ଦୟା କିଦେନ୍। ଇନେସ୍‌କି ହେୱାନ୍ ନାଙ୍ଗେଙ୍ଗ୍ ବେସିହଟ୍ ଗିଟାଆନି କାଜିଙ୍ଗ୍ ୱାତାନ୍‌ନା ଆରେ ସାଇଜ କିତ୍‌ତାନ୍‌ନା। ଜଇଲ୍ ଇଞ୍ଜ ନାଙ୍ଗେଙ୍ଗ୍ ୱାଜି ଗିଟାଆନି କାଜିଙ୍ଗ୍ ଲାଜୁ କିୱାତାର୍‌ନା।

ଏବ୍ରି 13:6

ହେବେତାଙ୍ଗ୍ ଆସେଙ୍ଗ୍ ସାହାସ୍ ହୁଦାଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାସ୍, “ମାପୃ ନାଙ୍ଗେଙ୍ଗ୍ ସାଇଜ କିଦ୍‌ନାକାନ୍, ଆନେଙ୍ଗ୍ ପାଣ୍ଡ୍ରା ଆଉଙ୍ଗ୍। ମାନାୟ୍ ନାଙ୍ଗେଙ୍ଗ୍ ଇନାକା କିଦ୍‌ନାର୍?”