ପକ୍ୟାତାକା 12:3 - New Testament in Pengo Parja Language

³ ଇ ବିଷୟରେ ଯିହୁଦି ନେତାର୍ ୱାରି ଆନାକା ହୁଡ଼୍‌ଜି, ହେରୋଦ ରାଜା ପିତରତିଙ୍ଗ୍ ପା ବନ୍ଦିକିଜି ଅସ୍ତେଙ୍ଗ୍ ଉପାୟ୍ କିତାନ୍। ହେପାଦ୍ନା ସଡ଼ା ମେହାଆୱିତି ରୁଟିତିନି ପାର୍ବୁ ମାଚାତ୍।

ସତ୍‌ ବଚନ୍‌ ପୁନି ନିୟମ୍‌

³ ଆରେ ଜିହୁଦିର୍‌ ହେବେ ସତକ୍‍ ଆନାକା ହୁଡ଼୍‌ଜି ହେୱାନ୍‌ ପିତର୍‌ତିଂ ପା ଗେସ୍‌ତାର୍‌ । ହେ ୱେଡ଼ାଲିଂ ହଇୱି ରୁଟିନି ପାର୍ବୁ ମାଚାତ୍‌ ।

ପକ୍ୟାତାକା 12:3 Iomraidhean Croise

ମାତିଉ 26:17

ରିଦିନ୍ ପାଚେ ସଡ଼ା ମେହାଆୱିତି ରୁଟି ପାର୍ବୁତ ପାର୍ତୁମ୍ ନାଞ୍ଜିଙ୍ଗ୍, ଚେଲାହିର୍ ଯୀଶୁ ଲାଗେ ୱାଜି ୱେନ୍‌ବାତାର୍, “ନିସ୍ତାର୍ ପାର୍ବୁ ମାନି କିଦେଙ୍ଗ୍ ଆପେଙ୍ଗ୍ ଇମେତାକେ ବଜି ତିନାସ୍ ଇଞ୍ଜି ମାନ୍ କିନାୟା?”

ଜହନ୍‌ 12:43

ହେ ମାନାୟାର୍ ଈଶ୍ୱରତାଙ୍ଗ୍ ଜୟ୍-ଜୟ୍ ପାୟାଆନି ବାଦୁଲ୍ ମାନାୟାର୍ ଜୟ୍-ଜୟ୍ ପାୟା ଆଦେଙ୍ଗ୍ ମାନ୍ କିଜି ମାଚାର୍।

ଜହନ୍‌ 19:11

ଯୀଶୁ ୱେଚ୍‌ଚାନ୍, “ନା ଜପି ମି ଇମ୍‌ଣି ଆଦିକାର୍ ମାନାତ୍ ଇଞ୍ଜି ଏନେଙ୍ଗ୍ ୱେଚ୍‌ନାୟା, ହେ ଆଦିକାର୍ ଈଶ୍ୱର ନିଙ୍ଗେଙ୍ଗ୍ ହିତ୍‌ତାନ୍‌ନା। ଲାଗିଙ୍ଗ୍ ଇନେର୍ ନାଙ୍ଗେଙ୍ଗ୍ ନି କେଇଦ ହିତ୍‌ତାନ୍‌ନା, ତା ପାପ୍ ଆରେ ଗାଜା।”

ଜହନ୍‌ 21:18

ଆନେଙ୍ଗ୍ ନିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗା, ଏନେଙ୍ଗ୍ ଏଚେପାଦ୍ନା ବେଣ୍ଡିଆ ମାଚାଇ, ହେପାଦ୍ନା ଏନେଙ୍ଗ୍ ମେଙ୍ଗାକାଙ୍ଗ୍ ଜାର୍ ହେନ୍ଦ୍ରା ଗାଚ୍‌ଚି ମି ଇଚାତାଙ୍ଗ୍ ଇମ୍‌ଣି ବାହାତାକେ ପା ହାଲ୍‌ଜି ମାଚାଇ। ମାତର୍ ବୁଡ଼ା ଆତିଲେ ଏନେଙ୍ଗ୍ କେଇ ଲାମାୟ୍ କିନାଇ ଆରେ ଇମେନିପଣ୍ ମି ଇଚା ହିଲ୍‌ଗୁତ୍, ହେବେ ଜେକନିକାର୍ ମିଙ୍ଗେଙ୍ଗ୍ ଅସାହାଞ୍ଜ୍‍ନାର୍।”

ପକ୍ୟାତାକା 12:4

ପାଚେ ହେୱାନ୍ ହେୱାନିଙ୍ଗ୍ ଆସ୍ତି ଜଇଲ୍ ଇଞ୍ଜ ବନ୍ଦି କିତାନ୍। ଆରେରଗ ଦଳ୍‌ତାକେ ଚାରି ଜାଣ୍ ଲାକା ମାନି ଚାରିଗଟା ସେନାଦଳ୍ ହେୱାନିଙ୍ଗ୍ କାୟିକିତାନ୍‌। ହେ ନିସ୍ତାର୍ ପାର୍ବୁ ୱିସ୍ତି ପାଚେ ହେୱାନ୍ ପିତରତିଙ୍ଗ୍ ମାନାୟାର୍ ଲାଗାୟ୍ ଦଣ୍ଡ୍ ହିଦେଙ୍ଗ୍ ଇଚା କିତାନ୍।

ପକ୍ୟାତାକା 2:14

ଲାଗିଙ୍ଗ୍ ଏଗାର୍‌ଜାଣ୍ ବାଚିକିତି ଚେଲାହିର୍ ବିତ୍ରେତାଙ୍ଗ୍ ପିତର ନିଲ୍‌ତାନ୍। ଆରେ ହେୱାନ୍ ଗାଜାକାଟ୍ କିଜି ମାନାୟାରିଙ୍ଗ୍ ୱେଚ୍‌ଚାନ୍, “ଏ ଯିହୁଦି ମାନାୟାର୍ ଆରେ ଯିରୁଶାଲାମ ସହର୍‌ନି ମାନାୟାର୍, ଏପେଙ୍ଗ୍ ନା କାତା ମାନ୍‌ଦିୟାନ୍ କିଜି ୱେନାଟ୍, ଆନେଙ୍ଗ୍ ମିଙ୍ଗେଙ୍ଗ୍ ଇ କାତା ବୁଜାଇ କିଦ୍‌ନାଙ୍ଗ୍।

ପକ୍ୟାତାକା 20:6

ମାତର୍ ଆପେଙ୍ଗ୍ ଫିଲିପ ସହର୍‌ତାକେ ହାଚାପ୍। ସଡ଼ା ମେହାଆୱିତି ରୁଟି ପାର୍ବୁ ୱିସ୍ତି ପାଚେ ଜାଜ୍‌ତାକେ ଦୁମ୍‌ଜି ତ୍ରୋୟା ସହର୍‌ତାକେ ହାଞ୍ଜେଙ୍ଗ୍ ହତାପ୍। ପାଞ୍ଚ୍‌ଦିନ୍ ପାଚେ ହେ ସହର୍‌ତାକେ ଇକାତାପ୍, ଆରେ ମା ଆଗେ ହାଲ୍‌ଜି ମାଚି ମାନାୟାର୍ ହୁଦାଙ୍ଗ୍ ମେହା ଆତାପ୍। ଆରେ ହେୱାର୍ ହୁଦାଙ୍ଗ୍ ହେ ବାହାତାକେ ସାତ୍‌ଦିନ୍ ମାଚାପ୍।

ପକ୍ୟାତାକା 24:27

ଦୁଇ ବାର୍ହୁ ପାଚେ ଫେଲିକ୍‌ସ ରାଜା ବାହାତାକେ ପର୍କିୟ ପେଷ୍ଟସ୍‌ ରାଜା ଆତାନ୍। ପେଲିକ୍‌ସ୍‌ ରାଜା ଯିହୁଦି ମାନାୟାର୍ ମୁମ୍‌ଦ ବାଲ୍‌ବଲାଇ ଆଦେଙ୍ଗ୍ ପାଉଲତିଙ୍ଗ୍ ଜଇଲ୍ ଇଞ୍ଜ ବନ୍ଦିକିଜି ନେ ଇଡ଼୍‌ଜି ମାଚାନ୍।

ପକ୍ୟାତାକା 25:9

ପେଷ୍ଟସ୍‌ ରାଜା ଯିହୁଦି ନେତାର୍‌ତାକେ ବାଲ୍‌ବଲାଇ ଆଦେଙ୍ଗ୍ ପାଉଲତିଙ୍ଗ୍ ୱେନ୍‌ବାତାନ୍, “ଏନେଙ୍ଗ୍ ଯିରୁଶାଲାମ ସହର୍‌ତାକେ ହାଲ୍‌ଜି ଇ ବିଷୟରେ ହେବେ ନାଙ୍ଗେଙ୍ଗ୍ ବିଚାର୍ କିଦା ଇଞ୍ଜି ଇଚା କିନାୟା କି?”

ପକ୍ୟାତାକା 4:13

ହେୱାର୍ ପିତର ଆରେ ଯୋହନ ସାହାସ୍ ହୁଡ଼୍‌ଜି, ଆରେ ହେୱାର୍ ପାଟ୍ ପଡ଼ିକିୱାତାର୍ ଆରେ ବୁଦି ହିଲାକାର୍ ଇଞ୍ଜି ପୁନ୍‌ଞ୍ଜି, ଇଦାଙ୍ଗ୍ ବୁଜାଆଜି ଚାନିଆଆତାର୍। ଆରେ ହେୱାର୍ ଯୀଶୁ ହୁଦାଙ୍ଗ୍ ମାଚାର୍ ଇଞ୍ଜି ହେୱାରିଙ୍ଗ୍ ଚିନ୍ କିତାର୍।

ଗାଲାତିୟ 1:10

ସତ୍‌ରେ ଆନେଙ୍ଗ୍ ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଉପାୟ୍ କିଉଙ୍ଗା, ମାତର୍ ଈଶ୍ୱରତିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାଙ୍ଗା। ଯଦି ଆନେଙ୍ଗ୍ ନଙ୍ଗୟ୍ ପା ମାନାୟାରିଙ୍ଗ୍ ୱାରି କିୟିକିଦେଙ୍ଗ୍ ଇଚା କିନାଙ୍ଗା, ଲାଗିଙ୍ଗ୍ ଆନେଙ୍ଗ୍ ଖ୍ରୀଷ୍ଟ ଦାସ୍ ଆକାୟ୍।

୧ ଥେସଲନୀକିୟ 2:4

ଈଶ୍ୱର ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ଟିକ୍ ମାନାୟ୍ ଇଞ୍ଜି ବାଚି କିତ୍‌ତାନ୍‌ନା। ହେଲେକେ ଆପେଙ୍ଗ୍ ଶୁଣାୟ୍ କିନାପା। ଆପେଙ୍ଗ୍ ମାନାୟାରିଙ୍ଗ୍ ସାର୍‌ଦା କିନି କାଜିଙ୍ଗ୍ ହାର୍ଦିକାବୁର୍ ଶୁଣାୟ୍ କିଉପା, ମାତର୍ ମା ଈଶ୍ୱରତିଙ୍ଗ୍ ସାର୍‌ଦା କିନି କାଜିଙ୍ଗ୍ କିନାପା। ଇନେସ୍‌କି ହେୱାନ୍ ମା ଗରବ୍‌ନି ଇଚାତାଙ୍ଗ୍ ପରିକ୍ଷା କିଦ୍‌ନାନ୍।