ପକ୍ୟାତାକା 10:1 - New Testament in Pengo Parja Language

¹ କାଇସରିଆ ସହର୍‌ତାକେ କର୍ଣିଲିୟ ତର୍‍ଦାକାନ୍ ରକାନ୍ ମାନାୟ୍ ମାଚାନ୍। ହେୱାନ୍ ଇତାଲିକ ଦଳ୍‌ନି ଶହେ ସେନାନି ମୁକ୍ଯା ମାଚାନ୍।

ସତ୍‌ ବଚନ୍‌ ପୁନି ନିୟମ୍‌

¹ କାଇସରିୟା ଲକ୍‌ କର୍ଣ୍ଣଲିୟ ତର୍‌ନି ରୱାନ୍‌ ମୁଣିକା ମାଚାନ୍‌, ହେୱାନ୍‌ “ଇତାଲିକ ତର୍‌ନି ମେଲ୍ୟାର୍ତି ରୱାନ୍‌ ପାଞ୍ଚ୍‌କଡ଼ି ମୁଡ଼୍‍ମେଲ୍ୟାର୍ ମାଚାନ୍‌ ।”

ପକ୍ୟାତାକା 10:1 Iomraidhean Croise

ମାତିଉ 27:27

ତାପାଚେ ପିଲାତ ଗବର୍‌ନର୍ ସେନାହିର୍ ଯୀଶୁଙ୍ଗ୍ ପିଲାତ ରାଜା ହାକ୍‌ଡ଼ିତାକେ ଅସାହାଲ୍‌ଜି ୱିଜୁସେନାର୍ ଯୀଶୁ ଚାରିବେଣ୍‌ତାଙ୍ଗ୍ ରୁଣ୍ଡାଆତାର୍।

ମାତିଉ 27:54

ରୋମିୟ ସେନାର୍ ଆରେ ଯୀଶୁଙ୍ଗ୍ କାସିମାଚି ସେନାର୍ ବୁମିକମ୍ପ୍ ଆରେ ଜେକୱିଜୁ ଗଟ୍‌ନା ଗଟାଆନାକା ହୁଡ଼୍‌ତାର୍। ହେୱାର୍ ବେସି ପାଣ୍ଡ୍ରା ଆତାର୍ ଆରେ ହେୱାର୍ ୱେଚ୍‌ଚାର୍, “ହାତ୍‌ପା ଇୱାନ୍ ରକାନ୍ ଈଶ୍ୱର ମେହି ମାଚାନ୍।”

ମାର୍କ 15:16

ତାପାଚେ ପିଲାତ ଗବର୍‌ନର୍ ସେନାହିର୍ ଯୀଶୁଙ୍ଗ୍ ରୋମିୟ ସର୍‌କାର୍ ଇଲ୍‌ନି ହାକ୍‌ଡ଼ିତାକେ ଅସାହାଚାର୍, ହେବେ ୱିଜୁସେନାର୍ ଦଳ୍‌ତିଙ୍ଗ୍ କୁକ୍‌ଚି ରବେ ଆତାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:2

ହେପାଦ୍ନା କପୁର୍‌ନାହୁମ୍‌ ସହର୍‌ତାକେ ରକାନ୍ ଶହେଜାଣ୍‌ ସେନାର୍‌ତାଙ୍ଗ୍ ମୁଡ଼୍‌ଦାକାନ୍ ମାଚାନ୍। ତା ହଲିଆ ବେସି ବେମାର୍ ମାଚାନ୍ ଯେ ହେୱାନ୍ ହାନିଲେକେ ଆଜି ମାଚାନ୍। ଶହେଜାଣ୍‌ ସେନାର୍‌ତାଙ୍ଗ୍ ମୁଡ଼୍‌ଦାକାନ୍ ତା ହଲିଆହିଙ୍ଗ୍ ବେସି ଲାଡ୍‌କିଜି ମାଚାନ୍।

ଜହନ୍‌ 18:12

ତାପାଚେ ସେନାହିର୍, ଆରେ ସେନାପତିର୍, ଆରେ, ଯିହୁଦିର୍ ଜାଗୁୱାଡ଼ିର୍ ଯୀଶୁଙ୍ଗ୍ ଆସ୍ତାର୍।

ଜହନ୍‌ 18:3

ଲାଗିଙ୍ଗ୍ ଯିହୁଦା ର ମାନ୍ଦା ସେନାରିଙ୍ଗ୍ ଅଜି ବଗିଚାତାକେ ହାଚାନ୍। ହେୱାନ୍ ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ପାରୁସିଦଳ୍‍ ବିତ୍ରେତାଙ୍ଗ୍ କେତ୍‌ଜାଣ୍ ଜାଗୁୱାଡ଼ିରିଙ୍ଗ୍ ପା ଅଜି ମାଚାନ୍, ହେୱାର୍ ହାତ୍ ଲାଇଟ୍, ଲାତର୍ ଆରେ କାଣ୍ଡାଙ୍ଗ୍ ଆସ୍ତି ହେବେ ଇକାତାର୍।

ପକ୍ୟାତାକା 10:24

ତା ଆର୍‌କାତ୍ ନାଞ୍ଜିଙ୍ଗ୍ ହେୱାର୍ କାଇସରିଆ ସହର୍‌ତାକେ ହାଚାର୍। ଆରେ କର୍ଣିଲିୟ ଜାର୍ ଲକ୍‌ବାକ୍‌ତିଙ୍ଗ୍ ଆରେ ତା ହାଙ୍ଗ୍‌ଦାକାରିଙ୍ଗ୍ କୁକ୍‌ଚି ରବେକିଜି ପିତରତିଙ୍ଗ୍ ଆରେ ହେ ପକ୍ତାକାରିଙ୍ଗ୍ କାସି ମାଚାର୍।

ପକ୍ୟାତାକା 21:31

ହେୱାର୍ ହେୱାନିଙ୍ଗ୍ ଅସ୍ତେଙ୍ଗ୍ ଉପାୟ୍ କିତିହିଙ୍ଗ୍, ଯିରୁଶାଲାମ ସହର୍‌ତାକେ ବେସି ମାନାୟାର୍ ଗଣ୍ଡ୍‍ଗଲ୍ ଆନାରା ଇଞ୍ଜି ହାଜାର୍ ସେନାର୍ ମୁକ୍ଯାଙ୍ଗ୍ କାବୁର୍ ୱାତାତ୍।

ପକ୍ୟାତାକା 21:8

ଆର୍‌କାତ୍ ନାଞ୍ଜ୍ ହେ ବାହା ପିସ୍ତି ଆପେଙ୍ଗ୍ କାଇସରିଆ ସହର୍‌ତାକେ ହାଚାପ୍। ଆରେ ପିଲିପ ତର୍‍ଦି ଇଞ୍ଜ ମାଚାପ୍। ରାଣ୍ଡିକାଙ୍ଗ୍ ଦେକାଶୁଣା କିଦେଙ୍ଗ୍ ଯିରୁଶାଲାମ ସହର୍‌ତାକେ ମାନି ବାଚିକିତି ଚେଲାର୍, ଇମ୍‌ଣି ସାତ୍ ଜାଣ୍‌ତିଙ୍ଗ୍ ବାଚିକିଜି ମାଚାର୍ ହେ ବିତ୍ରେତାଙ୍ଗ୍ ଇ ପିଲିପ ରକାନ୍ ମାଚାନ୍।

ପକ୍ୟାତାକା 22:25

ସେନାର୍ ପାଉଲତିଙ୍ଗ୍ କର୍‌ଡା ହୁଦାଙ୍ଗ୍ ଟ୍ରାକ୍‌ତେଙ୍ଗ୍ ଗାଚ୍‌ଚି ପାଚେ, ତା ଲାଗାୟ୍ ନିଲ୍‌ଚିମାଚି ଶହେ ସେନାର୍ ମୁକ୍ୟାଙ୍ଗ୍ ୱେଚ୍‌ଚାନ୍, “ରୋମ ଦେସ୍‌ତାକେ ବାହାକିନି ରକାନ୍ ମାନାୟ୍‌ତିଙ୍ଗ୍ ଦସ୍ କିୱାଦାଙ୍ଗ୍ ଟ୍ରାକ୍‌ନାକା ନିୟମ୍ ହିସାବ୍‌ରେ ଟିକ୍ କି?”

ପକ୍ୟାତାକା 23:23

ପାଚେ ହାଜାର୍ ସେନାର୍ ମୁକ୍ୟା ଶହେ ସେନାର୍ ରିକାର୍ ମୁକ୍ୟାଙ୍ଗ୍ କୁକ୍‌ଚି ୱେଚ୍‌ଚାନ୍, “ନେଞ୍ଜେଙ୍ଗ୍ ମିକା ନଟା ୱେଡ଼ାଙ୍ଗ୍ କାଇସରିଆ ସହର୍‌ତାକେ ହାଞ୍ଜେଙ୍ଗ୍ ଦୁଇଶ ଜାଣ୍ ସେନାରିଙ୍ଗ୍, ସତୁରି ଜାଣ୍‌ତିଙ୍ଗ୍ ଗଡ଼ା ଚାଲାଇ କିଦେଙ୍ଗ୍ ଆରେ ଦୁଇଶ ବାଲା ଆହ୍‌ନି ଲଗାଙ୍ଗ୍ ରେଡି କିୟାଟ୍।

ପକ୍ୟାତାକା 23:33

ଗଡ଼ା ଚାଲାଇ କିନି ମାନାୟାର୍ କାଇସରିଆ ସହର୍‌ତାକେ ଇକାତାର୍, ଆରେ ପେଲିକ୍‌ସ୍‌ ଗବର୍‌ନର୍‌ତିଙ୍ଗ୍ ଚିଟି ହିତାର୍। ଆରେ ପାଉଲତିଙ୍ଗ୍ ପା ତା ଲାଗାୟ୍ ନିଲି କିତାର୍।

ପକ୍ୟାତାକା 25:1

ପେଷ୍ଟସ୍‌ ରାଜା ପାଦ୍ ପାୟାଆଜି ଯିହୁଦା ଜିଲ୍ଲାତାକେ ୱାତାନ୍, ଆରେ ତିନ୍‌ଦିନ୍ ପାଚେ ହେୱାନ୍ କାଇସରିଆ ସହର୍‌ତାଙ୍ଗ୍ ଯିରୁଶାଲାମ ସହର୍‌ତାକେ ହାଚାନ୍।

ପକ୍ୟାତାକା 25:13

କେତ୍‌ଦିନ୍ ପାଚେ ଆଗ୍ରିପା ରାଜା ଆରେ ତା ତଣ୍‌ଦେହି ବର୍ଣ୍ଣିକି କାଇସରିଆ ସହର୍‌ତାକେ ୱାତାର୍ ଆରେ ପେଷ୍ଟସ୍‌ ରାଜାଙ୍ଗ୍ ଗିଟାଆତାର୍।

ପକ୍ୟାତାକା 27:1

ପେଷ୍ଟସ୍‌ ରାଜା ଇଚା କିତାନ୍ ଯେ ଆପେଙ୍ଗ୍ ଜାଜ୍‌ତାକେ ଦୁମ୍‌ଜି ରୋମ୍ ଦେସ୍‌ନି ଇତାଲିଆ ଜିଲ୍ଲାତାକେ ହାଞ୍ଜେଙ୍ଗ୍। ହେପାଦ୍ନା ପାଉଲ ଆରେ ଜେକନି କେତେକ୍ ବନ୍ଦି ଆତି ମାନାୟାରିଙ୍ଗ୍ ଶହେ ସେନାର୍ ମୁକ୍ୟା ଯୁଲିଅ କେଇଦ ହାର୍‌ପି କିଜି ହିତାନ୍। ହେୱାନ୍ ଅଗଷ୍ଟସ୍ ମାହା ରାଜାନି ସେନା ମାଚାନ୍।

ପକ୍ୟାତାକା 27:31

ଲାଗିଙ୍ଗ୍ ପାଉଲ ସେନାର୍ ମୁକ୍ଯା ଆରେ ସେନାରିଙ୍ଗ୍ ୱେଚ୍‌ଚାନ୍, “ହେୱାର୍ ଜାଜ୍‌ତାକେ ମାନ୍‌ୱିତିସ୍ ଏପେଙ୍ଗ୍ ରକ୍ଷା ପାୟା ଆଉଦେର୍।”

ପକ୍ୟାତାକା 27:43

ମାତର୍ ଶହେ ସେନାର୍ ମୁକ୍ୟା ପାଉଲତିଙ୍ଗ୍ ଉଦାର୍ କିଦେଙ୍ଗ୍ ଇଚା କିତାନ୍। ଆରେ ସେନାର୍ ବାବିକିତି ବିଷୟତିଙ୍ଗ୍ ଟେବାଇ କିତାନ୍, ଆରେ ହେୱାନ୍ ଆଦେସ୍ ହିତାନ୍, “ମି ବିତ୍ରେ ଇନେର୍ ପଁରାଆଦେଙ୍ଗ୍ ପୁଚାଦେର୍‌ନା ହେୱାର୍ ହାମ୍‌ଦୁର୍‌ତାକେ ଗୁମ୍‌ଜି କାଣ୍ଡିତାକେ ହାଲାଟ୍।

ପକ୍ୟାତାକା 8:40

ମାତର୍ ପିଲିପ ଅସ୍‌ଦୋଦ୍ ତର୍‌ଦି ସହର୍‌ତାକେ ଚଞ୍ଜିଆତାନ୍। ଆରେ ହେୱାନ୍ ହେ ସହର୍‌ନି ନାସ୍‌କୁକାଙ୍ଗ୍ ହାର୍ଦିକାବୁର୍ ଶୁଣାୟ୍ କିଉ-କିଉ କାଇସରିଆ ସହର୍‌ତାକେ ଇକାତାନ୍।