୨ ତିମଥି 4:5 - New Testament in Pengo Parja Language

⁵ ମାତର୍ ଏପେଙ୍ଗ୍ ୱିଜୁ ବିଷୟତାଙ୍ଗ୍ ଜାଗ୍ରତ୍ ଆଜି ମାନାଟ୍, କଷ୍ଟତିଙ୍ଗ୍ ମାନି କିୟାଟ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିୟାଟ୍ ଆରେ ମି ହେବା କାମାୟ୍‌ନି କାମାୟ୍‌ତିଙ୍ଗ୍ ପୁରା କିୟାଟ୍।

୨ ତିମଥି 4:5 Iomraidhean Croise

ମାତିଉ 25:16

ଇମ୍‌ଣି ହଲିଆହି ପାଞ୍ଚ୍ ହାଜାର୍ ରୁପାଡାବୁ ଅଜି ମାଚାନ୍, ହେୱାନ୍ ବେଗି ହେ ଡାବୁଙ୍ଗ୍ ବେପାର୍‌ବାଟ୍‌ କିନି କାମାୟ୍‌ତାକେ ଲାଗାୟ୍ କିତାନ୍। ହେୱାନ୍ ଆରେ ପାଞ୍ଚ୍ ହାଜାର୍ ରୁପାଡାବୁ ଆର୍ଜା ଆତାନ୍।

ମାର୍କ 13:34

ଯୀଶୁ ତା ଚେଲାହିରିଙ୍ଗ୍ କୁକ୍‌ଚି ୱେଚ୍‌ଚାନ୍, ‘ୱାଡ ର କାତା ୱେଚ୍‌ଚାନାଙ୍ଗ୍, ର ମାନାୟ୍ ତା ଇଲ୍ ପିସ୍ତି ବେସି ଦେହା ହାଚାନ୍। ହେୱାନ୍ ହାନିହିଙ୍ଗ୍ ତା ହଲିଆରିଙ୍ଗ୍ ଇମ୍‌ଣି କାମାୟ୍ ହିତାନ୍‌ନା ହେୱାନ୍ କିନାକା ମାନାତ୍, ଆରେ ତା ଜାଗୁୱାଡ଼ିଙ୍ଗ୍ ୱେଚ୍‌ନାନ୍ ଆରେ ହାନାନ୍, ନା ୱାନାକା ଏପେଙ୍ଗ୍ ଜାଗ୍ରତ୍ ଆଜି କାସିମାନାଟ୍।’

ମାର୍କ 13:37

ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାନାଙ୍ଗା, ହେଦାଙ୍ଗ୍ ଜେକନିକାରିଙ୍ଗ୍ ପା ୱେଚ୍‌ଚାନାଙ୍ଗା, ଜାଗ୍ରତ୍ ଆଜି ୱିଜୁଦିନ୍ କାସିମାନାଟ୍।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:37

ହେ ହଲିଆହିର୍ ବାଗ୍ଯ, ଇମ୍‌ଣାକାରିଙ୍ଗ୍ ମାଲିକ୍ ୱାଜି ହୁଡ଼୍‌ତାନ୍ ଯେ ହେୱାର୍ ଜାଗ୍ରତ୍ ଆଜି ହେୱାନିଙ୍ଗ୍ କାତାର୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍‌ଚାନାଙ୍ଗ୍। ମାଲିକ୍ ପା ହଲିଆ ଲେକେ ଆଜି ହେୱାରିଙ୍ଗ୍ ହେବା କିଦେଙ୍ଗ୍ ଇଚାକିନାନ୍। ଆରେ ନିଜେ କାଦି ବାଟାକିଜି ହିନାନ୍।

ପକ୍ୟାତାକା 21:8

ଆର୍‌କାତ୍ ନାଞ୍ଜ୍ ହେ ବାହା ପିସ୍ତି ଆପେଙ୍ଗ୍ କାଇସରିଆ ସହର୍‌ତାକେ ହାଚାପ୍। ଆରେ ପିଲିପ ତର୍‍ଦି ଇଞ୍ଜ ମାଚାପ୍। ରାଣ୍ଡିକାଙ୍ଗ୍ ଦେକାଶୁଣା କିଦେଙ୍ଗ୍ ଯିରୁଶାଲାମ ସହର୍‌ତାକେ ମାନି ବାଚିକିତି ଚେଲାର୍, ଇମ୍‌ଣି ସାତ୍ ଜାଣ୍‌ତିଙ୍ଗ୍ ବାଚିକିଜି ମାଚାର୍ ହେ ବିତ୍ରେତାଙ୍ଗ୍ ଇ ପିଲିପ ରକାନ୍ ମାଚାନ୍।

ରୋମିୟ 15:19

ଈଶ୍ୱର ନାଙ୍ଗେଙ୍ଗ୍ ପବିତ୍ର ଆତ୍ମା ଶାକ୍ତି ହିଜି ମାନ୍‌ଞ୍ଚି କାଜିଙ୍ଗ୍, ଆନେଙ୍ଗ୍ ଶାକ୍ତି ଚିନ୍ ଆରେ ଚାନିଆ କାମାୟ୍ କିଜି ମାଚାଙ୍ଗ୍। ଆନେଙ୍ଗ୍ ଯିରୁଶାଲାମ ସହର୍‌ତାଙ୍ଗ୍ ଇଲୁରିକ ସହର୍‌ତାକେ କେତେକ୍ ବାହାକାଙ୍ଗ୍ ହାଚାଙ୍ଗ୍, ଆନେଙ୍ଗ୍ ଯୀଶୁ ଖ୍ରୀଷ୍ଟ ବିଷୟନି ହାର୍ଦିକାବୁର୍ ୱିଜାକାରିଙ୍ଗ୍ ଶୁଣାୟ୍ କିଜି ମାଚାଙ୍ଗ୍।

ଏପିସିୟ 4:11

ହେ ଖ୍ରୀଷ୍ଟ ନେ ମଣ୍ଡ୍‌ଲିତିଙ୍ଗ୍ ଇ ବର୍‌ଦାନ୍ ହିତାନ୍‌ନା, ହେୱାନ୍ ଇନେ-ଇନେରିଙ୍ଗ୍ ବାଚିକିତି ଚେଲା, ଆରେ ଇନେ-ଇନେରିଙ୍ଗ୍ ଭବିଷ୍ଯତବକ୍ତା ଇନାର୍। ଆରେ ଇନେ-ଇନେରିଙ୍ଗ୍ ହାର୍ଦିକାବୁର୍ ଶୁଣାୟ୍ କିନାକାନ୍, ଇନେ-ଇନେରିଙ୍ଗ୍ ପାଷ୍ଟେର୍ ଆରେ ମାଷ୍ଟେର୍ ଲେକେ ବାଚି କିତାନ୍‌ନା।

ଏପିସିୟ 4:12

ହେୱାର୍ ଇନେସ୍ ଈଶ୍ୱର ମାନାୟାରିଙ୍ଗ୍ ତା ହେବା କିଦେଙ୍ଗ୍ ରେଡି କିନାର୍ ଆରେ ଖ୍ରୀଷ୍ଟନି ଗାଗାଡ଼୍ ଲେକେ ମଣ୍ଡ୍‌ଲିତିଙ୍ଗ୍ ଆତ୍ମିକ୍ ଜିବୁନ୍‌ତାକେ ବାଡା ଆଦେଙ୍ଗ୍ ସାଇଜ କିନାର୍।

କଲସିୟ 1:25

ଈଶ୍ୱର କାତା ପୁରା-ପୁରି ମିଙ୍ଗେଙ୍ଗ୍ ବୁଜାଇକିନି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ମଣ୍ଡ୍‌ଲିନି ଦାସ୍ ଆତାଙ୍ଗ୍‌ନା।

କଲସିୟ 4:17

ଆର୍କିପଙ୍ଗ୍ ୱେଚାଟ୍, “ମାପୃ ହିଜି ମାନ୍‌ଞ୍ଚି ହେବା କାମାୟ୍‌ତିଙ୍ଗ୍ ଜାଗ୍ରତ୍ ଆଜି ପୁରା କିୟା।”

୧ ଥେସଲନୀକିୟ 5:6

ଲାଗିଙ୍ଗ୍ ଆପେଙ୍ଗ୍ ବିନ୍‌ଜାତିର୍ ମାନାୟାର୍‌ଲେକେ ହୁଞ୍ଜୁସ୍‌, ମାତର୍ ଜାଗ୍ରତ୍ ଆଜି ଖ୍ରୀଷ୍ଟ ଆରେରଗ ୱାନାନ୍ ଇଞ୍ଜି କାସି ମାନାସ୍।

୧ ତିମତି 4:12

ଏନେଙ୍ଗ୍ ବେଣ୍ଡିଆ ହିମ୍‌ଣା ଆତାଇନା ଇଞ୍ଜି ଇନେର୍ ନିଙ୍ଗେଙ୍ଗ୍ ଇନସ୍ତା କିଦ୍‌ମେର୍, ଲାଗିଙ୍ଗ୍ ଏନେଙ୍ଗ୍ ବେଣ୍‌କିନିହିଙ୍ଗ୍। ନି ଚାଲିଚଲନ୍‌ତାକେ, ଜେକନିକାରିଙ୍ଗ୍ ଲାଡ୍ କିନିହିଙ୍ଗ୍, ଖ୍ରୀଷ୍ଟ ପାର୍ତିତାଙ୍ଗ୍, ସାଦୁ ଜିବୁନ୍ କାଟିକିଜି ପାର୍ତି କିନାକାର୍ ମୁମ୍‌ଦ ହାର୍ ଆଜି ମାନା।

୧ ତିମତି 4:15

ଇ ୱିଜୁ ବିଷୟତିଙ୍ଗ୍ ଏନେଙ୍ଗ୍ ଦିୟାନ୍ ହିୟା ଆରେ ହେଦାଙ୍ଗ୍‌ତିଙ୍ଗ୍ ଅବ୍ୟାସ୍ କିୟା, ଲାଗିଙ୍ଗ୍ ୱିଜାକାର୍ ପୁନାର୍ ଯେ ଏନେଙ୍ଗ୍ ପାର୍ତିତାଙ୍ଗ୍ ଜିନାୟା।

୨ ତିମଥି 1:8

ଇଦାଙ୍ଗ୍ କାଜିଙ୍ଗ୍ ଜେକନିକାରିଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନି କାଜିଙ୍ଗ୍ ଲାଜା ଆମାଟ୍, କି ଆନେଙ୍ଗ୍ ହେୱାନିଙ୍ଗ୍ ହେବା କିତି କାଜିଙ୍ଗ୍ ବନ୍ଦି ଆତି କାଜିଙ୍ଗ୍ ଲାଜା ଆମାଟ୍। ମାତର୍ ଈଶ୍ୱର ହିତ୍‌ତି ଶାକ୍ତି ବ୍ଯବହାର୍ କିୟାଟ୍ ଆରେ ନା ହୁଦାଙ୍ଗ୍ ମାହାଆଜି ହାର୍ଦିକାବୁର୍ କାଜିଙ୍ଗ୍ ଦୁକ୍‌କଷ୍ଟ ପାୟାଆଡ।

୨ ତିମଥି 2:10

ଲାଗିଙ୍ଗ୍ ଈଶ୍ୱର ବାଚିକିତି ମାନାୟାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ଉଦାର୍ ପାୟାଆନାର୍‌, ଆରେ ୱିଜୁଦିନ୍ ମାନି ଗୌରବ ପାୟାଆନାର୍‌। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ କାଜିଙ୍ଗ୍ ୱିଜୁ ବିଷୟତିଙ୍ଗ୍ ସାହାସ୍ ଆସ୍ତି ମାଞ୍ଜେଙ୍ଗ୍ ରେଡି ମାନାଙ୍ଗ୍।

୨ ତିମଥି 2:3

ଯୀଶୁ ଖ୍ରୀଷ୍ଟନି ରକାନ୍ ହାର୍ଦି ସେନା ଲେକେ ଆଜି ନା ହୁଦାଙ୍ଗ୍ ମାହାଆଜି ଦୁକ୍‌କଷ୍ଟ ପାୟା ଆ।

୨ ତିମଥି 4:17

ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।

ଏବ୍ରି 13:17

ମି ଆତ୍ମିକ୍ ନେତାରିଙ୍ଗ୍ ମାନି କିୟାଟ୍ ଆରେ ହେୱାର୍ ଇନାକା ୱେଚ୍‌ଚାନାର୍ ହେଦାଙ୍ଗ୍ କିୟାଟ୍। ହେୱାର୍ କାମାୟ୍ ଆନାତା ମିଙ୍ଗେଙ୍ଗ୍ ଜାତୁନ୍ ଆନି କାଜିଙ୍ଗ୍ ଆରେ ହେୱାର୍ ଈଶ୍ୱର ଲାଗାୟ୍ ଇଲେକେ ହିଦେଙ୍ଗ୍ ଆନାତ୍ ଇଞ୍ଜି ହେୱାର୍ ପୁନାର୍। ହେୱାରିଙ୍ଗ୍ ଇଦାଙ୍ଗ୍ ୱାରିତାଙ୍ଗ୍ କିଦେଙ୍ଗ୍ ହିୟାଟ୍। ଇନେସ୍‌କି ହେୱାର୍ ଦୁକ୍‌ତାଙ୍ଗ୍ କିତାର୍, ମିଦାଙ୍ଗ୍ ଇନା ଲାବ୍ ଆଉତ୍।

୧ ପିତର 1:13

ହେଦାଙ୍ଗ୍ କାଜିଙ୍ଗ୍ ମାନାୟାର୍ କାମାୟ୍ କିନିହିଙ୍ଗ୍ ମେଙ୍ଗାକାଙ୍ଗ୍ ତୁୱାଲ୍ ଗାଚିଆ ଆନିଲେକେ ମି ମାନ୍‌ତିଙ୍ଗ୍ କିଲେର୍ ଆରେ ଜାର୍‌ତିଙ୍ଗ୍ କଣ୍ଟ୍ରୁଲ୍ କିୟାଟ୍। ଆରେ ଯୀଶୁ ଖ୍ରୀଷ୍ଟ ଆରେରଗ ୱାନି ଦିନ୍‌ତ ଦୟାକିଜି ହିଦ୍‌ନି ଉଦାର୍‌ତିଙ୍ଗ୍ ପାୟାଆନି କାଜିଙ୍ଗ୍ ଆହା କିଜି ମାନାଟ୍।

ହତ୍‌ତି 3:2

ହେଦାଙ୍ଗ୍ କାଜିଙ୍ଗ୍, ଏପେଙ୍ଗ୍ ହୁନ୍‌ଞ୍ଚିତାଙ୍ଗ୍ ନିଙ୍ଗାଟ୍। ଆରେ ନାଙ୍ଗେଙ୍ଗ୍ ଆଦିକ୍ ପାର୍ତି କିଦାଟ୍ ଇନେସ୍‌କି ଏପେଙ୍ଗ୍ କେତ୍‌ଜାଣ୍ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିତାଦେର୍‌ନା, ଲାଗିଙ୍ଗ୍ ମିତାକେ ମାନି ଖ୍ରୀଷ୍ଟାନ୍ ଗୁଣ୍ ପୁରାପୁରି ବାବ୍‌ରେ ମିବେତାଙ୍ଗ୍ ଦେହା ହାଲୁତ୍‌। ଇନେସ୍‌କି ଆନେଙ୍ଗ୍ ପୁଚାଙ୍ଗ୍‌ନା ମିଙ୍ଗେଙ୍ଗ୍ ବେସି ଖ୍ରୀଷ୍ଟାନ୍ ଗୁଣ୍ ଦର୍‌କାର୍ ମାନାତ୍, ଏପେଙ୍ଗ୍ ଈଶ୍ୱରତିଙ୍ଗ୍ ୱାରିଆ ଆନିଲେକେ କାମାୟ୍ କିଉଦେରା।