୨ ତିମଥି 4:2 - New Testament in Pengo Parja Language

² ଈଶ୍ୱର କାତା ଶୁଣାୟ୍ କିୟାଟ୍, ସମୟ୍‌ତ କି ଅସମୟତ ପା କାତା ଶୁଣାୟ୍ କିଦେଙ୍ଗ୍ ରେଡି ଆଡ। ଏପେଙ୍ଗ୍ ପୁରା ଶାନ୍ତି ଆରେ ମାନ୍‌ଦିୟାନ୍ କିଜି ମାନାୟାରିଙ୍ଗ୍ ବୁଲ୍ କିନିହିଙ୍ଗ୍ ଟିକ୍ କିୟିକିୟାଟ୍, ପାପ୍ କାମାୟ୍ କିନିହିଙ୍ଗ୍ ରିସା ଆରେ ହେୱାରିଙ୍ଗ୍ ହାର୍ଦି ହିକ୍ଷାହିଜି ସାହାସ୍ ହିୟାଟ୍।

୨ ତିମଥି 4:2 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:23

ଆରେ ଇନେର୍ ପା ନାଙ୍ଗେଙ୍ଗ୍ ପାର୍ତି କିଦେଙ୍ଗ୍ ପିସ୍ତୁନ୍, ହେୱାନ୍ ଆଶ୍ରିବାଦ୍ ପାୟା ଆନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 7:4

ହେ ନାୟକାର୍ ଯୀଶୁ ଲାଗାୟ୍ ହାଚାର୍ ଆରେ ବେସି ଗୁୱାରି କିଜି ୱେଚ୍‌ଚାର୍, “ଶହେଜାଣ୍‌ ସେନାର୍‌ତାଙ୍ଗ୍ ମୁଡ଼୍‌ଦି ହଲିଆହିଙ୍ଗ୍ ଏନେଙ୍ଗ୍ ହାର୍‌କିନି ଦର୍‌କାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:60

ମାତର୍ ଯୀଶୁ ହେୱାନିଙ୍ଗ୍ ୱେଚ୍‌ଚାନ୍, “ହାଃତାକାର୍ ହାଃତି ମାନାୟ୍‌ତିଙ୍ଗ୍ ମୁଚେର୍‌। ମାତର୍ ଏପେଙ୍ଗ୍ ହାଲ୍‌ଜି ଈଶ୍ୱର ସାସନ୍ କିନି ରାଜିନି ବିଷୟରେ ମାନାୟାରିଙ୍ଗ୍ ଶୁଣାୟ୍ କିୟାଟ୍।”

ପକ୍ୟାତାକା 13:5

ହେୱାର୍ ସାଲାମି ସହର୍‌ତାକେ ଏକିତି ପାଚେ, ଯିହୁଦିର୍ ପାର୍ତାନା ଇଲ୍‌କୁକାଙ୍ଗ୍ ହାଲ୍‌ଜି ଈଶ୍ୱର କାତା ଶୁଣାୟ୍ କିଦେଙ୍ଗ୍ ଲାଗାତାର୍। ଆରେ ଯୋହନ ହେୱାରିଙ୍ଗ୍ ସାଇଜ କିଜି ମାଚାନ୍।

ପକ୍ୟାତାକା 16:13

ଜମ୍‌ନିଦିନ୍‌ ନାଞ୍ଜିଙ୍ଗ୍ ଆପେଙ୍ଗ୍ ହେ ସହର୍‌ତାଙ୍ଗ୍ ହସି ନାଗୁଡ଼୍ କାଣ୍ଡିତାକେ ହାଚାପ୍। ହେବେ ପାର୍ତାନା କିନି ବାହା ମାନାତ୍ ଇଞ୍ଜି ଆପେଙ୍ଗ୍ ୱେନ୍‌ଞ୍ଜି ମାଚାପ୍, ହେବେ କୁଚ୍‌ଚି ମାନି କଗ୍‍ଲେକାଙ୍ଗ୍ ହୁଡ଼୍‌ଜି ଆପେଙ୍ଗ୍ ହେବେ କୁଚ୍‌ଚି ହେୱେକିୟାକାଙ୍ଗ୍ ଯୀଶୁ ବିଷୟରେ ୱେଚ୍‌ଚାପ୍।

ପକ୍ୟାତାକା 20:7

ସାତ୍‌ଦିନ୍‌ନି ପାର୍ତୁମ୍ ନାଞ୍ଜିଙ୍ଗ୍ ଆପେଙ୍ଗ୍ ପ୍ରବୁବଜ୍ ଚିଞ୍ଜେଙ୍ଗ୍ ରବେ ରୁଣ୍ଡାଆଜି ମାଚାପ୍। ହେପାଦ୍ନା ପାଉଲ ମାନାୟାରିଙ୍ଗ୍ ଶୁଣାୟ୍ କିତାନ୍। ହେୱାନ୍ ୱିଗାଲିଙ୍ଗ୍ ହାନାକା ମାଚିଲେ ମାଦିମାଦାନାଣା ପାତେକ୍ ଶୁଣାୟ୍ କିଦେଙ୍ଗ୍ ଲାଗାତାନ୍।

ପକ୍ୟାତାକା 28:16

ଏଚେପାଦ୍ନା ଆପେଙ୍ଗ୍ ରୋମ ସହର୍‌ତାକେ ଇକାତାପ୍, ପାଉଲତିଙ୍ଗ୍ ନିଜେ ମାଞ୍ଜେଙ୍ଗ୍ ୱେଚ୍‌ଚାର୍, ଆରେ ତାଙ୍ଗେଙ୍ଗ୍ କାତେଙ୍ଗ୍ ର ଜାଗୁୱାଡ଼ି ସେନାଙ୍ଗ୍ ହିତାର୍।

ରୋମିୟ 10:15

ଇନେସ୍‌କି ହେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ରୱାନିଙ୍ଗ୍ ପକ୍ତିତିସ୍‌ନେ ହେୱାନ୍ ହେୱାରିଙ୍ଗ୍ ଶୁଣାୟ୍ କିନାନ୍, ହେଦାଙ୍ଗ୍ କାଜିଙ୍ଗ୍ ଦରମ୍ ସାସ୍ତରତାକେ ଲେକାଆତାତ୍‌ନା, ଇମ୍‌ଣି ମାନାୟ୍ ଈଶ୍ୱରତି ହାର୍ଦିକାବୁର୍‌ତିଙ୍ଗ୍ ତାନାର୍‌ ହେୱାର୍ ପାନାଙ୍ଗ୍ ବେସି ସୁନ୍ଦର୍‌।

ରୋମିୟ 12:12

ଯଦି ଏପେଙ୍ଗ୍ ଈଶ୍ୱରତିଙ୍ଗ୍ ଆହା କିନାଦେରା ଲାଗିଙ୍ଗ୍ ୱାରିୟା ଆଡ, ଇନେସ୍‌କି ଈଶ୍ୱର ମି କାଜିଙ୍ଗ୍ ହାର୍ ଉପାୟ୍ କିନାନା। ଏପେଙ୍ଗ୍ ଦୁଃକ୍ କଷ୍ଟ କାଜିଙ୍ଗ୍ ସାସ୍ ଆଜି ମାନାଟ୍, ଆରେ ଏପେଙ୍ଗ୍ ୱିଜୁଦିନ୍ ଈଶ୍ୱରତାକେ ପାର୍ତାନା କିଜି ମାନାଟ୍।

ଗାଲାତିୟ 6:6

ଇମ୍‌ଣାକାର୍ ଈଶ୍ୱର କାତାନି ହିକ୍ଷା ହିକାଆନାରା, ହେୱାର୍ ତା ମାଷ୍ଟେରାରିଙ୍ଗ୍ ୱିଜୁ ହାର୍ଦି ବିଷୟ ହିନି ଦର୍‌କାର୍।

କଲସିୟ 1:25

ଈଶ୍ୱର କାତା ପୁରା-ପୁରି ମିଙ୍ଗେଙ୍ଗ୍ ବୁଜାଇକିନି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନଙ୍ଗୟ୍ ମଣ୍ଡ୍‌ଲିନି ଦାସ୍ ଆତାଙ୍ଗ୍‌ନା।

କଲସିୟ 4:3

ମା କାଜିଙ୍ଗ୍ ପା ପାର୍ତାନା କିୟାଟ୍, ଈଶ୍ୱର ଇନେସ୍ ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନ୍, ଆରେ ଆପେଙ୍ଗ୍ ଖ୍ରୀଷ୍ଟନି ଡ଼ୁକ୍‌ତି ବିଷୟତିଙ୍ଗ୍ ଶୁଣାୟ୍ କିଦେଙ୍ଗ୍ ଆଡ୍‌ନାପ୍। ଆନେଙ୍ଗ୍ ଇ ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍ ବନ୍ଦି ଆତାଙ୍ଗ୍‌ନା।

୧ ଥେସଲନୀକିୟ 1:6

ଆରେ ବେସି ଦୁଃକ୍ କଷ୍ଟ ପାୟାଆଜି ମାଚିସ୍ ପା, ଏପେଙ୍ଗ୍ ପବିତ୍ର ଆତ୍ମା ହିତ୍‌ତି ହାର୍ଦିକାବୁର୍ ୱାରିୟା ଆଜି ଆସ୍ତାଦେର୍। ଆପେଙ୍ଗ୍ ଆରେ ମାପୃ କିତିଲେକେ ଏପେଙ୍ଗ୍ କିତାଦେର୍।

୧ ଥେସଲନୀକିୟ 5:14

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାପା, ଆଡ଼୍‌ସାୟ୍ ଲଗାଙ୍ଗ୍ ସାବ୍‌ଦାନ୍ ଆଦେଙ୍ଗ୍ ହିକ୍ଷା ହିୟାଟ୍। ସାସ୍ ହିଲାକାରିଙ୍ଗ୍ ସାସ୍ ହିୟାଟ୍ ଆରେ ଶାକ୍ତି ହିଲାକାରିଙ୍ଗ୍ ଶାକ୍ତି ହିୟାଟ୍, ଆରେ ୱିଜାର୍ ମାନାୟାର୍‌ତାଙ୍ଗ୍ ସମାନ୍ ମାନାଟ୍।

୧ ଥେସଲନୀକିୟ 5:20

ଭବିଷ୍ଯତବକ୍ତାର୍ କାତାତିଙ୍ଗ୍ ବେକାର୍ ଇଞ୍ଜି ବାବିକିମାଟ୍।

୧ ତିମତି 4:13

ଆନେଙ୍ଗ୍ ନି ଲାଗାୟ୍ ୱାୱି ପାତେକ୍ ଏନେଙ୍ଗ୍ ପାର୍ତି କିନାକାର୍‌ତାକେ ସାସ୍ତର୍ ପଡ଼ିକିଦେଙ୍ଗ୍, ଶୁଣାୟ୍ କିଦେଙ୍ଗ୍ ଆରେ ହିକ୍ଷାହିଜି ମାନା।

୧ ତିମତି 5:20

ଇମ୍‌ଣାକାନ୍ ପାପ୍ କାମାୟ୍ କିଜି ଲାଗାନାନ୍‌, ହେୱାନିଙ୍ଗ୍ ୱିଜୁ ପାର୍ତି କିନାକାର୍ ମୁମ୍‌ଦ କେତା। ଇନେସ୍‌କି ଜେକନି ପାର୍ତି କିନାକାର୍ ପାଣ୍ଡ୍ରାଆଜି ମାନ୍‌ଗାନାର୍।

୨ ତିମଥି 2:21

ଲାଗିଙ୍ଗ୍ ଇମ୍‌ଣି ପାର୍ତିକିନି ମାନାୟାର୍ ଜାର୍‌ତିଙ୍ଗ୍ ୱିଜୁ କରାପ୍ ବିଷୟତାଙ୍ଗ୍ ଦେହା ମାନ୍‌ଗାନାନ୍, ହେୱାନ୍ ରକାନ୍ ହାର୍ଦି ସମୟ୍‌ତ ବ୍ଯବହାର୍ କିତିଲେକେ ସନ୍‌ମାନ୍ ପାୟା ଆନାନ୍। ହେୱାନ୍ ଦରମ୍ ମାନାୟ୍ ଆନାନ୍ ଆରେ ମାଲିକ୍‌ନି ବ୍ଯବହାର୍ କାଜିଙ୍ଗ୍ ହେୱାନ୍ ଟିକ୍ ଆନାନ୍।

୨ ତିମଥି 2:25

ହେୱାନିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଶାନ୍ତିତାଙ୍ଗ୍ ସତ୍ ବିଷୟରେ ବୁଜାଇକିନି ଦର୍‌କାର୍। ଇନେସ୍‌କି ଶୟତାନ ତା ଇଚାତାଙ୍ଗ୍ ଚାଲାଇ କିଦେଙ୍ଗ୍ ଇ ମାନାୟାରିଙ୍ଗ୍ ଜାଲ୍‌ଦ ରାତ୍‌ତାତାତ୍‌ନା। ମାତାର୍ ଇନେସ୍ ହେୱାର୍ ଇଦାଙ୍ଗ୍ ପୁନ୍‌ଞ୍ଜି ହେ ଜାଲ୍‌ଦାଙ୍ଗ୍ ମୁକ୍ତି ଆଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ କେଜାଣେ ଈଶ୍ୱର ହେୱାରିଙ୍ଗ୍ ସତ୍ ବିଷୟରେ ପୁଞ୍ଜେଙ୍ଗ୍ ଆରେ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ସାଇଜ କିଦ୍‌ନାନ୍।

୨ ତିମଥି 3:10

ମାତର୍ ନା ହିକ୍ଷା ହିନାକା ଇନେସ୍, ଚାଲିଚଲନ୍ ଇନେସ୍, ନା ଯଜ୍‌ନା ଇନେସ୍, ନା ପାର୍ତି କିନାକା ଇନେସ୍, ଆରେ ଆନେଙ୍ଗ୍ ଇନାକା ସମ୍ବାଲି କିନାକା ଏପେଙ୍ଗ୍ ପୁଚାଦେର୍‌ନା। ଏପେଙ୍ଗ୍ ପୁଚାଦେର୍‌ନା ଯେ ୱିଜୁ ମାନାୟାର୍ ହୁଦାଙ୍ଗ୍ ଶାନ୍ତିଆଜି ମାନ୍‌ଞ୍ଜି ଆରେ ଲାଡ୍ କିନାନ୍, ଆନେଙ୍ଗ୍ ସାସ୍ ଆସ୍ତି ମାନାଙ୍ଗ୍,

ତୀତସ 1:13

କ୍ରୀତି ଦୀପ୍‌ତାକେ ମାନି ମାନାୟାର୍ ବିଷୟରେ ୱେଚ୍‌ଚିମାଚି ଇ କାତା ସତ୍। ଲାଗିଙ୍ଗ୍ ହେୱାର୍ ଇନେସ୍ ଯୀଶୁ ଖ୍ରୀଷ୍ଟନି ସତ୍ ହିକ୍ଷାତିଙ୍ଗ୍ ପାର୍ତିକିନାର୍।

ତୀତସ 2:15

ଇ ୱିଜୁ ବିଷୟ କ୍ରୀତି ଦୀପ୍‌ତାକେ ମାନି ପାର୍ତି କିନାକାରିଙ୍ଗ୍ ହିକ୍ଷା ହିୟାଟ୍। ଏପେଙ୍ଗ୍ ହେୱାରିଙ୍ଗ୍ ପୁରା ଆଦିକାର୍ ହୁଦାଙ୍ଗ୍ ସାହାସ୍ ହିୟାଟ୍ ଆରେ ହେୱାରିଙ୍ଗ୍ ଟିକ୍ କିୟାଟ୍, ଏପେଙ୍ଗ୍ ଇମ୍‌ଣି ହିକ୍ଷା ହିନାଦେର୍ ହେ ହିକ୍ଷାତିଙ୍ଗ୍ ଇନେର୍ ପା ଗିଣ୍ କିଦ୍‌ମେର୍।

ଏବ୍ରି 13:22

ଏ ପାର୍ତିକିନି ଟଣ୍ଡାର୍‌କାଦେର୍, ଇ ହିରୁ ଚିଟିତାକେ ଆନେଙ୍ଗ୍ ମିଙ୍ଗେଙ୍ଗ୍ ଇନାକା ଲେକିକିତାଙ୍ଗ୍‌ନା, ଦୟାକିଜି ସାହାସ୍ ହୁଦାଙ୍ଗ୍ ୱେନାଟ୍।

ହତ୍‌ତି 3:19

ଆନେଙ୍ଗ୍ ଇନେରିଙ୍ଗ୍ ଲାଡ୍ କିନାଙ୍ଗା ତାଙ୍ଗେଙ୍ଗ୍ ହିକାୟ୍ କିନାଙ୍ଗ୍ ଆରେ ଦନ୍ ହିନାଙ୍ଗ୍, ଲାଗିଙ୍ଗ୍ ହେୱାର୍ ହାର୍ଦି ମାନାୟାର୍ ଆନାର୍। ଲାଗିଙ୍ଗ୍ ଏପେଙ୍ଗ୍ ହାର୍ କାମାୟ୍ କିୟାଟ୍ ଆରେ ପାପ୍ କାମାୟ୍ କିନାକା ବନ୍ଦ୍ କିୟାଟ୍।”