୨ ତିମଥି 4:18 - New Testament in Pengo Parja Language

¹⁸ ମାପୃ ନାଙ୍ଗେଙ୍ଗ୍ ୱିଜୁ କରାପ୍ କାମାୟ୍‌ତାଙ୍ଗ୍ ଉଦାର୍ କିଦ୍‌ନାନ୍ ଆରେ ନାଙ୍ଗେଙ୍ଗ୍ ରକ୍ଷା କିଜି ତା ସରଗ୍ ରାଜିତାକେ ଅସାହାଞ୍ଜ୍‌ନାନ୍। ଯୁଗ୍-ଯୁଗ୍‌ତ ହେୱାନିଙ୍ଗ୍ ଗୌରବ ଆୟେତ୍, ଆମେନ୍।

୨ ତିମଥି 4:18 Iomraidhean Croise

ମାତିଉ 13:43

ଈଶ୍ୱର ସାସନ୍ କିନି ରାଜିତାକେ ଦରମ୍ ମାନାୟାର୍ ୱେଡ଼ାଲେକେ ଅଜଡ଼୍ ଆନାର୍। ଇମ୍‌ଣାକାର୍ ଇବେଣ୍ ୱେଚାଦେର୍ ହେ ବେଣ୍‌ତିଙ୍ଗ୍ ମାନ୍‌ଦିୟାନ୍ କିଜି ବୁଜାଆଡ। ”

ମାତିଉ 25:34

ଆନେଙ୍ଗ୍ ରାଜା ତା ତିନାବାଗାୟ୍ ମାନି ମାନାୟାରିଙ୍ଗ୍ ୱେଚ୍‌ନାଙ୍ଗ୍, ୱାଡ ନା ସରଗ୍‌ନି ଆବା ମିଙ୍ଗେଙ୍ଗ୍ ଆଶ୍ରିବାଦ୍ କିତ୍‌ତାନ୍‌ନା। ଈଶ୍ୱର ମିଙ୍ଗେଙ୍ଗ୍ ଇମ୍‌ଣି ରାଜି ହିଦ୍‌ଦେଙ୍ଗ୍ ଇଚା କିତ୍‌ତାନ୍‌ନା। ହେଦାଙ୍ଗ୍ ଏପେଙ୍ଗ୍ ପାୟାଆଡୁ। ପୁର୍ତି ଉବ୍‌ଜା ଆନି ପାଦ୍ନା ମି କାଜିଙ୍ଗ୍ ହେ ରାଜି ରହିଆତାତ୍‌ନା।

ମାତିଉ 6:13

ଆରେ ମାଙ୍ଗେଙ୍ଗ୍ ଶୟତାନ ପରିକ୍ଷାତାକେ ତାତ୍‌ମା, ମାତର୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା। (ହେଲେକେ ନି ରାଜି, ସାକ୍ତି ଆରେ ନି ଜୟ୍-ଜୟ୍ ଯୁଗ୍ ଯୁଗ୍‌ତ ଆୟେତ୍। ଆମେନ୍।)’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 11:4

ମା ପାପ୍ ୱିଜୁ କେମା କିଦା, ଲାଗିଙ୍ଗ୍ ଇମ୍‌ଣାକାର୍ ମା କାଜିଙ୍ଗ୍ ଅନ୍ୟାୟ୍ କିତ୍‌ତାର୍‌ନା, ଆପେଙ୍ଗ୍ ୱିଜାକାରିଙ୍ଗ୍ ପା କେମା କିତାପ୍। ମାଙ୍ଗେଙ୍ଗ୍ ଶୟତାନନି ପାପ୍ କାମାୟ୍‌ତାଙ୍ଗ୍ ରକ୍ଷା କିଦା।’ ”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:32

ଏପେଙ୍ଗ୍ ରଞ୍ଜାଙ୍ଗ୍ ହିରୁ ମାନ୍ଦାନି ମେଣ୍ଢାଦଳ୍ ଲେକେ, ଲାଗିଙ୍ଗ୍ ପାଣ୍ଡ୍ରା ଆମାଟ୍। ମି ସରଗ୍‌ନି ଆବା ହେ ସରଗ୍ ରାଜି ହିତ୍‌ଦେଙ୍ଗ୍ ମାନ୍‌କିନାନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:29

ନା ଆବା ଈଶ୍ୱର ନାଙ୍ଗେଙ୍ଗ୍ ର ରାଜି ହିତ୍‌ତାନ୍‌ନା। ନା ହୁଦାଙ୍ଗ୍ ଏପେଙ୍ଗ୍ ପା ତା ଜପି ଶାସ୍ କିଦେଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଆଦିକାର୍ ହିଦ୍‌ନାଙ୍ଗା।

ଜହନ୍‌ 17:15

ଏନେଙ୍ଗ୍ ହେୱାରିଙ୍ଗ୍ ପୁର୍ତିତାଙ୍ଗ୍ ଅଦେଙ୍ଗ୍ ୱେଚ୍‌ଚୁଙ୍ଗା। ମାତର୍ ଆନେଙ୍ଗ୍ ହେୱାରିଙ୍ଗ୍ ଶୟତାନ୍‌ତାଙ୍ଗ୍ ରକ୍ଷା କିଜି ଇଡ଼୍‌ଦେଙ୍ଗ୍ ପାର୍ତାନା କିନାଙ୍ଗା।

ରୋମିୟ 11:36

ଇନେସ୍‌କି ୱିଜୁ ଜିନିଷ୍ ଈଶ୍ୱରତାଙ୍ଗ୍ ୱାନାତ୍। ହେୱାନ୍ ୱିଜୁ ଜିନିଷ୍ ରସ୍ତାନ୍‌ନା ଆରେ ହେ ୱିଜୁ ଜିନିଷ୍ ତାଦାଙ୍ଗ୍। ହେୱାନ୍ ୱିଜୁଦିନ୍ ସନ୍‌ମାନ୍ ପାୟାଆନି ଦର୍‌କାର୍। ଆମେନ୍।

ରୋମିୟ 16:27

ଯୀଶୁ ଖ୍ରୀଷ୍ଟ କାଜିଙ୍ଗ୍ ରକାନ୍ ବୁଦି ମାନି ଈଶ୍ୱରତି ଗୌରବ ଆୟେତ୍। ଆମେନ୍।

୧ କରନ୍ତିୟ 1:21

ହେଦାଙ୍ଗ୍ କାଜିଙ୍ଗ୍ ଈଶ୍ୱର ତା ଜ୍ଞାନ୍‌ତାଙ୍ଗ୍ ପୁଞ୍ଜେଙ୍ଗ୍ ଆଡ଼୍‌ତାନ୍ ଯେ, ପୁର୍ତିନି ମାନାୟାର୍ ଜାର୍ ବୁଦିତାଙ୍ଗ୍ ଈଶ୍ୱରତିଙ୍ଗ୍ ଦାସ୍ତେଙ୍ଗ୍ ଆଡୁର୍। ଏଚେଜାଣ୍ ମା ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ପାର୍ତି କିତାର୍, ଲାଗିଙ୍ଗ୍ ହେୱାର୍ ମା ବକୁୱା ଇଞ୍ଜି ବାବିକିଜି ଶୁଣାୟ୍ କିନି କାତା ୱେନ୍‌ଞ୍ଜି ପାର୍ତିକିନି ମାନାୟାରିଙ୍ଗ୍ ଉଦାର୍ କିତାନ୍।

୧ କରନ୍ତିୟ 10:13

ମାତର୍ ଈଶ୍ୱର ଇନାକା ୱେଚ୍‌ଚାନ୍‌ନା ହେୱାନ୍ ହେଦାଙ୍ଗ୍ କିନାନ୍, ହେୱାନ୍ ଆସେଙ୍ଗ୍ ସମ୍ୱାଲି କିଦେଙ୍ଗ୍ ଆଡ୍‌ୱି ପରିକ୍ଷାତାକେ ମାଙ୍ଗେଙ୍ଗ୍ ପରିକ୍ଷା କିଦୁନ୍। ମାତର୍ ହେୱାନ୍ ମିଙ୍ଗେଙ୍ଗ୍ ହେ ପାପ୍ କାମାୟ୍‌ତାଙ୍ଗ୍ ଦେହା ମାଞ୍ଜେଙ୍ଗ୍ ଶାକ୍ତି ହିଦ୍‌ନାନ୍। ଇନେସ୍‌କି ଇଲେକେ ପାପ୍ କାମାୟ୍ କିନି ଇଚା ୱିଜାକାରିଙ୍ଗ୍ ଆନାତ୍, ଆରେ ହେୱିଜୁ ପାପ୍ କାମାୟ୍ କିୱି କାଜିଙ୍ଗ୍ ଈଶ୍ୱର ମିଙ୍ଗେଙ୍ଗ୍ ଉପାୟ୍ ହିଦ୍‌ନାନ୍।

୧ କରନ୍ତିୟ 15:50

ଏ ଟଣ୍ଡାର୍‌କାଦେର୍, ଆନେଙ୍ଗ୍ ମିଙ୍ଗେଙ୍ଗ୍ ଇଦାଙ୍ଗ୍ ୱେଚ୍‌ଚେଦେଙ୍ଗ୍ ଇଚା କିନାଙ୍ଗା ଯେ, ମା ଇ ପୁର୍ତିନି ଗାଗାଡ଼୍ ହୁଦାଙ୍ଗ୍ ଈଶ୍ୱର ସାସନ୍ କିନି ରାଜିତାକେ ହଲିଆ ଆଉତ୍, ଆରେ ଇ ହାଃନି ଗାଗାଡ଼୍ ୱିଜୁଦିନ୍ ମାନି ବାହାତାକେ ହାଲିଆ ଆଉତ୍।

୨ କରନ୍ତିୟ 1:10

ହେୱାନ୍ ମାଙ୍ଗେଙ୍ଗ୍ ମାରାଣ୍‌ନି ବିପତ୍‌ତାଙ୍ଗ୍ ଉଦାର୍ କିତ୍‌ତାନ୍ ଆରେ ହେୱାନ୍ ମାଙ୍ଗେଙ୍ଗ୍ ଜେକନି ବିପତ୍‌ତାଙ୍ଗ୍ ପା ଉଦାର୍ କିଦ୍‌ନାତ୍ ଇଞ୍ଜି ଆହା ହିତ୍‌ତାତ୍‌।

ଗାଲାତିୟ 1:5

ଯୁଗ୍‌ତ-ଯୁଗ୍‌ତ ଈଶ୍ୱରତିଙ୍ଗ୍ ଗୌରବ ଆୟେତ୍। ଆମେନ୍।

୧ ଥେସଲନୀକିୟ 5:23

ଶାନ୍ତି ହିଦ୍‌ନି ଈଶ୍ୱର ହେୱାନ୍ ନିଜେ ମିଙ୍ଗେଙ୍ଗ୍ ପୁରାପୁରି ବାବେ ପବିତ୍ର କିଦ୍‌ନାନ୍। ମି ଆତ୍ମା, ଜିବୁନ୍ ଆରେ ଗାଗାଡ଼୍ ଦସ୍ କିତାନ୍‌ନା ଇଞ୍ଜି ଇଞ୍ଜ୍‌ମେର୍, ମା ମାପୃ ଯୀଶୁ ଖ୍ରୀଷ୍ଟ ମା କାଜିଙ୍ଗ୍ ଆରେରଗ ପୁର୍ତିତାକେ ୱାନି ପାତେକ୍।

୨ ଥେସଲନୀକିୟ 3:3

ଏପେଙ୍ଗ୍ ମାପୃ ଯୀଶୁଙ୍ଗ୍ ଆହା କିୟାଟ୍ ଯେ, ହେୱାନ୍ ମିଙ୍ଗେଙ୍ଗ୍ ସାସ୍ କିଦ୍‌ନାନ୍ ଆରେ ରକ୍ଷା କିଦ୍‌ନାନ୍, ଲାଗିଙ୍ଗ୍ ହେ କରାପ୍ ଶୟତାନ୍ ମିଙ୍ଗେଙ୍ଗ୍ ହରିଆଣ୍ କିଦ୍‌ଦେଙ୍ଗ୍ ଆଡ଼୍‌ଦୁତ୍।

୧ ତିମତି 1:17

ଇମ୍‌ଣି ରାଜା ୱିଜ୍‌ୱି ଜିବୁନ୍ ପାତେକ୍ ସାସନ୍ କିନାନ୍, ହେୱାନ୍ ୱିଜୁଦିନ୍ ମାନ୍‌ଗାନାନ୍ ଆରେ ଇନେର୍ ପା ହେୱାନିଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍, ହେୱାନ୍ ନେ ରକାନ୍ ସତ୍ ଈଶ୍ୱର। ହେୱାନିଙ୍ଗ୍ ସନ୍‌ମାନ୍ ଆରେ ଗୌରବ ଆୟେତ୍। ଆମେନ୍।

୧ ତିମତି 6:16

ହେୱାନ୍ ରକାନ୍ ଇନାୱେଡ଼ାଙ୍ଗ୍ ପା ହାଃଉନ୍, ଆରେ ହେୱାନ୍ ବେସି ଅଜଡ଼୍‌ତାକେ ମାନାନ୍ ଆରେ ତା ଲାଗାୟ୍ ଇନେର୍ ପା ହାଞ୍ଜେଙ୍ଗ୍ ଆଡୁର୍। ହେୱାନିଙ୍ଗ୍ ଇନେର୍ ପା ହୁଡ଼୍‌ୱାତାର୍‌ନା କି ହୁଡ଼୍‌ଦେଙ୍ଗ୍ ଆଡୁର୍, ମାନାୟାର୍ ହେୱାନିଙ୍ଗ୍ ସନ୍‌ମାନ୍ ହିନାର୍, ଆରେ ହେୱାନ୍ ୱିଜୁଦିନ୍ ଶାକ୍ତି ମାନ୍‌ଗାନାନ୍।

୨ ତିମଥି 1:12

ଇ ହାର୍ଦିକାବୁର୍ ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ପା ଆନେଙ୍ଗ୍ ଇୱିଜୁ ଦୁକ୍ ପାୟାଆତାଙ୍ଗ୍‌ନା, ଆତିସ୍‌ପା ଆନେଙ୍ଗ୍ ଲାଜା ଆଉଙ୍ଗା। ଇନେସ୍‌କି ଆନେଙ୍ଗ୍ ଇନେର୍‌ତାକେ ପାର୍ତି କିନାଙ୍ଗା, ହେୱାନିଙ୍ଗ୍ ଆନେଙ୍ଗ୍ ପୁନାଙ୍ଗ୍। ଖ୍ରୀଷ୍ଟ ନାଙ୍ଗେଙ୍ଗ୍ ଇନାକା ହିତ୍‌ତାନ୍‌ନା, ହେୱାନ୍ ୱାନି ପାତେକ୍ ହେୱାନ୍ ରକ୍ଷା କିଦେଙ୍ଗ୍ ଆଡ୍‌ନାନ୍ ଇଞ୍ଜି ଇଦାଙ୍ଗ୍ ବେସି ପାର୍ତି କିନାଙ୍ଗା।

୨ ତିମଥି 4:1

ଯୀଶୁ ଖ୍ରୀଷ୍ଟ ରାଜା ଲେକେ ବିଚାର୍ କିଦେଙ୍ଗ୍ ୱାନାନ୍, ଜିଜି ମାଚି ମାନାୟାର୍ ଆରେ ହାଃଜି ମାଚି ମାନାୟାରିଙ୍ଗ୍ ହେୱାନ୍ ବିଚାର୍ କିନାନ୍। ଲାଗିଙ୍ଗ୍ ଆନେଙ୍ଗ୍ ଈଶ୍ୱର ରାଜିତିଙ୍ଗ୍ ଆରେ ଖ୍ରୀଷ୍ଟଙ୍ଗ୍ ସାକି ଇଡ଼୍‌ଜି, ଆନେଙ୍ଗ୍ ମିଙ୍ଗେଙ୍ଗ୍ ଆଦେସ୍ ହିଦ୍‌ନାଙ୍ଗା,

ଏବ୍ରି 11:16

ମାତର୍ ହେୱାର୍ ରଞ୍ଜାଙ୍ଗ୍ ହାର୍ଦି ଦେସ୍‌ତିଙ୍ଗ୍ ଦାସ୍ତି ମାଚାର୍, ଇଦାଙ୍ଗ୍‌ନି ଅର୍ତ ହେୱାର୍ ସରଗ୍‌ତାକେ ମାନି ଦେସ୍‌ତିଙ୍ଗ୍ ଦାସ୍ତି ମାଚାର୍। ହେଦାଙ୍ଗ୍ କାଜିଙ୍ଗ୍ ଈଶ୍ୱର ହେୱାର୍ ଈଶ୍ୱର ଇଞ୍ଜି ୱେଚ୍‌ନି କାଜିଙ୍ଗ୍ ଲାଜା ଆୱାଦାଙ୍ଗ୍ ମାଚାନ୍, ଆରେ ହେୱାନ୍ ହେୱାର୍ କାଜିଙ୍ଗ୍ ରଞ୍ଜାଙ୍ଗ୍ ସହର୍ ସରଗ୍‌ତାକେ ରସ୍ତାନ୍‌ନା।

ଏବ୍ରି 12:22

ମାତର୍ ଏପେଙ୍ଗ୍ ସିୟୋନ ମାଡ଼ି ଆରେ ସରଗ୍‌ତାକେ ମାନି ଯିରୁଶାଲାମ ସହର୍‌ତାକେ ୱାତାଦେର୍‌ନା। ହେଦାଙ୍ଗ୍ ଜିବୁନ୍ ମାନି ଈଶ୍ୱର ସହର୍ ଆରେ ହେବେ ହାଜାର୍-ହାଜାର୍ ଦୁତ୍‌କୁ ୱାରିନି ପାର୍ବୁ ମାନିକିନିକ୍।

ଜାକ୍‌ବ 2:5

ଏ ନା ପାର୍ତିକିନି ଟଣ୍ଡାର୍‌କାଦେର୍ ୱେନାଟ୍, ଈଶ୍ୱର ଗରିବ୍ ମାନାୟାରିଙ୍ଗ୍ ପାର୍ତିତାଙ୍ଗ୍ ହାଉକାର୍ ଆଦେଙ୍ଗ୍ ଇ ପୁର୍ତିତାଙ୍ଗ୍ ବାଚି କିତାନ୍‌ନା। ଆରେ ଈଶ୍ୱରତିଙ୍ଗ୍ ଲାଡ୍‌କିନି ମାନାୟାରିଙ୍ଗ୍ ଇମ୍‌ଣି ରାଜି ବିଷୟରେ ପାର୍ମାଣ୍ କିତାନ୍‌ନା, ଇ ମାନାୟାର୍ ହେ ରାଜିନି ଆଦିକାର୍ ଆନାର୍।

୧ ପିତର 1:5

ଏପେଙ୍ଗ୍ ଯୀଶୁଙ୍ଗ୍ ପାର୍ତି କିଜିମାଚି କାଜିଙ୍ଗ୍ ଈଶ୍ୱର ତା ଶାକ୍ତିତାଙ୍ଗ୍ ମିଙ୍ଗେଙ୍ଗ୍ ରକ୍ଷା କିଦ୍‌ନାନା। ଯୀଶୁ ଖ୍ରୀଷ୍ଟ ଆରେରଗ ୱାନି ସେସ୍‌ଦିନ୍ ପାତେକ୍ ହେୱାନ୍ ମିଙ୍ଗେଙ୍ଗ୍ ଉଦାର୍ କିଜି ମାଞ୍ଜ୍‌ନାନ୍। ଲାଗିଙ୍ଗ୍ ଏପେଙ୍ଗ୍ ପୁଞ୍ଜେଙ୍ଗ୍ ଆଡ୍‌ନାଦେର୍ ଯେ ଈଶ୍ୱର ମିଙ୍ଗେଙ୍ଗ୍ ପାପ୍ ଆରେ ହାଃନିତାଙ୍ଗ୍ ପୁରାପୁରି ଉଦାର୍ କିତ୍‌ତାନ୍‌ନା।

୧ ପିତର 5:11

ଈଶ୍ୱର ୱିଜୁଦିନ୍ ସନ୍‌ମାନ୍ ପାୟାଆନି ଅଦିକାର୍ ମାନାତ୍, ଇନେସ୍‌କି ତା ଶାକ୍ତି ଇନାୱେଡ଼ାଙ୍ଗ୍ ପା ୱିଜୁତ୍। ଆମେନ୍।

୨ ପିତର 1:11

ଆରେ ମା ମାପୃ ଆରେ ଉଦାର୍ କିଦ୍‌ନାକାନ୍ ଯୀଶୁ ଖ୍ରୀଷ୍ଟ ଇମ୍‌ଣି ରାଜିତାକେ ୱିଜ୍‌ୱିଦିନ୍ ପାତେକ୍ ରାଜା ଲେକେ ସାସନ୍ କିନାନ୍, ହେ ରାଜିତିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ହାର୍‌ଦାଙ୍ଗ୍ ଆସ୍ତାନାନ୍।

୨ ପିତର 3:18

ମାତର୍ ଏପେଙ୍ଗ୍ ମା ମାପୃ ଆରେ ଉଦାର୍ କିଦ୍‌ନି ଯୀଶୁ ଖ୍ରୀଷ୍ଟନି ଦୟାତିଙ୍ଗ୍ ଆରେ ବୁଦିତିଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ବୁଜାଆଡ। ଆରେ ହେୱାନିଙ୍ଗ୍ ଏପେଙ୍ଗ୍ ଆଦିକ୍‌ତାଙ୍ଗ୍ ଆଦିକ୍ ନଙ୍ଗୟ୍ ଆରେ ୱିଜ୍‌ୱିଦିନ୍ ପାତେକ୍ ଗୌରବ କିୟାଟ୍। ଆମେନ୍।

ଜିହୁଦା 1:1

ଆନେଙ୍ଗ୍ ଯିହୁଦା ଯୀଶୁ ଖ୍ରୀଷ୍ଟତି ରକାନ୍ ଚେଲାହିତଙ୍ଗ୍‌ ଆରେ ଯାକୁବନି ହିରୁ ଟଣ୍ଡାହିତଙ୍ଗ୍‌। ଈଶ୍ୱରତାକେ ପାର୍ତିକିନି କାଜିଙ୍ଗ୍ ଇମ୍‌ଣାକାରିଙ୍ଗ୍ ହେୱାନ୍ କୁକ୍ତାନ୍‌ନା, ହେୱାର୍ ଲାଗାୟ୍ ଇ ଚିଟି ଲେକିକିନାଙ୍ଗା। ଆବା ଈଶ୍ୱର ମିଙ୍ଗେଙ୍ଗ୍ ଲାଡ୍ କିଦ୍‌ନାନ୍ ଆରେ ଯୀଶୁ ଖ୍ରୀଷ୍ଟତାକେ ମିଙ୍ଗେଙ୍ଗ୍ ହାର୍‌ଦାଙ୍ଗ୍ ଇଡ଼୍‌ଜି ମାଞ୍ଜ୍‌ନାନ୍।