୨ ତିମଥି 4:17 - New Testament in Pengo Parja Language

¹⁷ ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।

୨ ତିମଥି 4:17 Iomraidhean Croise

ମାତିଉ 10:19

ମାତର୍ ଏଚେକାଡ଼୍‌ଦ ହେୱାର୍ ମିଙ୍ଗେଙ୍ଗ୍ ବିଚାର୍‌ନା କିନି ଇଞ୍ଜ ନିଲି କିଦ୍‌ନାର୍, ହେପାଦ୍ନା ଏପେଙ୍ଗ୍ ଇନେସ୍‌କିଜି ୱେଚ୍‌ନାପ୍ ଇଞ୍ଜି ହେ ବିଷୟତିଙ୍ଗ୍ ଚିନ୍ତା କିମାଟ୍। ହେପାଦ୍ନା ଈଶ୍ୱର ମିଙ୍ଗେଙ୍ଗ୍ ଇନାକା ୱେଚ୍‌ଚେଙ୍ଗ୍ ମାନାତ୍ ହେ କାତା ୱେଚ୍‌ଚେଙ୍ଗ୍ ସାଇଜ କିଦ୍‌ନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:1

ଲାଡ୍‌ନି ଥୀୟଫିଲ, ଇମ୍‌ଣାକାର୍ ଯୀଶୁତି ହାର୍ଦିକାବୁର୍ ଆରମ୍ କିତିତାଙ୍ଗ୍ ନିଜେ ହୁଡ଼୍‌ତାର୍‌ନା, ଆରେ ପାଚେ ଈଶ୍ୱର କାତାତିଙ୍ଗ୍ ଶୁଣାୟ୍ କିତାର୍। ହେୱାର୍ ଇନେସ୍ ୱେଚ୍‌ଚି ମାନ୍‌ଞ୍ଚାର୍, ହେଲେକେ ମା ବିତ୍ରେ ଯୀଶୁ ବିଷୟରେ ଗଟାଆତାତ୍‌ନା, ହେ ବିଷୟରେ କେତେକ୍ ମାନାୟାର୍ ଲେକିକିଦେଙ୍ଗ୍ ଉପାୟ୍ କିତାର୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:15

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଙ୍ଗ୍ ବୁଦି ହିଦ୍‌ନାଙ୍ଗ୍। ଏପେଙ୍ଗ୍ ଇନାକା ଇନାଦେର୍, ମି ଶାତ୍ରୁ ତା ଉତର୍ ହିଦ୍‌ଦେଙ୍ଗ୍ ଆଡ଼୍‌ଦୁନ୍।

ପକ୍ୟାତାକା 23:11

ହେ ଦିନ୍ ମିକାଲିଙ୍ଗ୍ ମାପୃ ପାଉଲ ଲାଗାୟ୍ ନିଲ୍‌ଚି ୱେଚ୍‌ଚାନ୍, “ପାଣ୍ଡ୍ରାଆମା! ଇନେସ୍‌କି ଏନେଙ୍ଗ୍ ଯିରୁଶାଲାମ ସହର୍‌ତାକେ ନା ବିଷୟରେ ମାନାୟାରିଙ୍ଗ୍ ୱେଚ୍‌ଚାଇନା, ହେଲେକେ ରୋମ ଦେସ୍‌ତାକେ ପା ନା ବିଷୟରେ ୱେଚ୍‌ନାକା ଆନାତ୍।”

ପକ୍ୟାତାକା 9:15

ମାତର୍ ମାପୃ ୱେଚ୍‌ଚାନ୍, “ଏନେଙ୍ଗ୍ ହାଲା। ଇନେସ୍‌କି ଆନେଙ୍ଗ୍ ହେୱାନିଙ୍ଗ୍ ନା ହେବା କିଦେଙ୍ଗ୍ ବାଚି କିତ୍‌ତାଙ୍ଗ୍‌ନା। ହେୱାନ୍ ବିନ୍‌ଜାତିନି ମାନାୟାର୍ ମୁମ୍‌ଦ, ରାଜାର୍ ମୁମ୍‌ଦ, ଆରେ ଇସ୍ରାଏଲ ଜାତିର୍ ମୁମ୍‌ଦ, ନା ବିଷୟରେ ଶୁଣାୟ୍ କିନାନ୍।

ରୋମିୟ 15:31

ଏପେଙ୍ଗ୍ ନା କାଜିଙ୍ଗ୍ ପାର୍ତାନା କିୟାଟ୍ ଯେ, ଈଶ୍ୱର କାତାତିଙ୍ଗ୍ ମାନିକିୱି ଯିହୁଦା ଦେସ୍‌ନି ମାନାୟାର୍‌ତାଙ୍ଗ୍ ନାଙ୍ଗେଙ୍ଗ୍ ରକ୍ଷା କିଦେନ୍। ଆରେ ପା ପାର୍ତାନା କିୟାଟ୍ ଯେ, ଯିରୁଶାଲାମ ସହର୍‌ତାକେ ମାନି ଖ୍ରୀଷ୍ଟାନ୍ ଟଣ୍ଡାର୍ ଆନେଙ୍ଗ୍ ଅନି ଚାନ୍ଦା ଡାବୁକାଙ୍ଗ୍ ଆସ୍ତେଙ୍ଗ୍ ଇଚା କିନାର୍।

୨ କରନ୍ତିୟ 12:9

ଆରେ, ହେୱାନ୍ ନାଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାନ୍ ନା ଦୟାନି କାଜିଙ୍ଗ୍ ଜତେଷ୍ଟ, ଇନେସ୍‌କି ଏନେଙ୍ଗ୍ ଦୁର୍‌ବଲ୍ ମାଚିସ୍ ନେ ନା ଶାକ୍ତି ନିତାକେ ପୁରାଆନାତ୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ନା ଦୁର୍‌ବଲ୍ କାଜିଙ୍ଗ୍ ବାଟ୍‌ପାଣ୍ ଆନାଙ୍ଗା, ଲାଗିଙ୍ଗ୍ ଖ୍ରୀଷ୍ଟ ଶାକ୍ତି ନା ଜପି ମାନ୍‌ଗାନାତ୍।

ଏପିସିୟ 3:8

ଈଶ୍ୱର ୱିଜୁ ମାନାୟାର୍ ବିତ୍ରେ ଆନେଙ୍ଗ୍ ରକାଙ୍ଗ୍ ହିରୁକାଙ୍ଗ୍। ମାତର୍ ବିନ୍‌ଜାତିନି ମାନାୟାରିଙ୍ଗ୍ ଖ୍ରୀଷ୍ଟତାକେ ମାନି ୱିଜ୍‌ୱି ହେବାକିନି ବାବ୍‌ନାତାଙ୍ଗ୍ ଆଦିକ୍ ଆଶ୍ରିବାଦ୍‌ନି ହାର୍ଦିକାବୁର୍ ଆନେଙ୍ଗ୍ ୱେଚ୍‌ଚେଙ୍ଗ୍ ଆଡ୍‌ନାଙ୍ଗ୍।

୧ ତିମତି 1:12

ମା ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆନେଙ୍ଗ୍ ଦନ୍ଯବାଦ୍ ହିନାଙ୍ଗା, ଇନେସ୍‌କି ହେୱାନ୍ ନାଙ୍ଗେଙ୍ଗ୍ ତା ହେବା କିଦେଙ୍ଗ୍ ଶାକ୍ତି ହିତ୍‌ତାନ୍‌ନା, ହେୱାନ୍ ନାଙ୍ଗେଙ୍ଗ୍ ବିସ୍‌ବାସ୍ କିଜି ତା ହେବା କାମାୟ୍ କିଦେଙ୍ଗ୍ ଦାୟିତ୍‌ପ ହିତ୍‌ତାନ୍‌ନା।

୨ ତିମଥି 2:1

ଲାଗିଙ୍ଗ୍ ଏ ନା ମାଜି ତିମତି, ଯୀଶୁ ଖ୍ରୀଷ୍ଟନି ଇମ୍‌ଣି ଦୟା ନିଙ୍ଗେଙ୍ଗ୍ ହିତ୍‌ତାନ୍‌ନା ହେବେତାଙ୍ଗ୍ ଜାର୍‌ତିଙ୍ଗ୍ ସାହାସ୍ କିୟା।

୨ ତିମଥି 2:9

ଇ ହାର୍ଦିକାବୁର୍ ଶୁଣାଇକିତି କାଜିଙ୍ଗ୍ ଆନେଙ୍ଗ୍ ରକାଙ୍ଗ୍ ଦସି ଲେକେ ଗାଚିୟାଆଜି ଜଇଲ୍ ଇଞ୍ଜ ଦୁକ୍ ପାୟାଆନାଙ୍ଗା। ମାତର୍ ଇନେର୍ ପା ଈଶ୍ୱର କାତା ଶୁଣାୟ୍ କିନି କାଜିଙ୍ଗ୍ ବନ୍ଦି କିଦ୍‌ଦେଙ୍ଗ୍ ଆଡ଼୍‌ଦୁର୍।

୨ ତିମଥି 3:11

ମାନାୟାର୍ ନାଙ୍ଗେଙ୍ଗ୍ ଦୁକ୍‌କଷ୍ଟ ଆରେ ବେସିଦୁକ୍ ହିତାର୍‌ନା। ଆନ୍ତିୟକିଆ, ଇକନିୟ ଆରେ ଲୁସ୍ତ୍ରା ସହର୍‌କୁକାଙ୍ଗ୍ ନା ହୁଦାଙ୍ଗ୍ ଇନାକା ୱିଜୁ ଗଟାଆତାତ୍‌ନା ହେ ବିଷୟରେ ଏପେଙ୍ଗ୍ ପୁଚାଦେର୍‌ନା। ଆନେଙ୍ଗ୍ ହେ ୱିଜୁ ମାନିକିଜି ମାଚାଙ୍ଗ୍, ଆରେ ମାପୃ ନାଙ୍ଗେଙ୍ଗ୍ ହେ ୱିଜୁତାଙ୍ଗ୍ ଉଦାର୍ କିଜି ମାନ୍‌ଞ୍ଚାନ୍।

୨ ତିମଥି 4:5

ମାତର୍ ଏପେଙ୍ଗ୍ ୱିଜୁ ବିଷୟତାଙ୍ଗ୍ ଜାଗ୍ରତ୍ ଆଜି ମାନାଟ୍, କଷ୍ଟତିଙ୍ଗ୍ ମାନି କିୟାଟ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିୟାଟ୍ ଆରେ ମି ହେବା କାମାୟ୍‌ନି କାମାୟ୍‌ତିଙ୍ଗ୍ ପୁରା କିୟାଟ୍।

ତୀତସ 1:3

ଇଦାଙ୍ଗ୍ ହେ ଟିକ୍ ୱେଡ଼ାଲିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ଇ ହାର୍ଦିକାବୁର୍ ଶୁଣାୟ୍ କିତାନ୍‌ନା ଆରେ ଆସେଙ୍ଗ୍ ୱିଜାକାର୍‌ତାକେ ଶୁଣାୟ୍ କିନାସା। ଈଶ୍ୱର ମାଙ୍ଗେଙ୍ଗ୍ ଉଦାର୍ କିଦ୍‌ନାକା ଦାୟିତ୍‌ପ ହିତ୍‌ତାନ୍‌ନା, ଆରେ ହେୱାନ୍ କାଜିଙ୍ଗ୍ ଇ କାମାୟ୍ କିଦେଙ୍ଗ୍ ଆଦେସ୍ ହିତ୍‌ତାନ୍‌ନା।

ଏବ୍ରି 11:33

ପାର୍ତି କାଜିଙ୍ଗ୍ ଇ ମାନାୟାର୍ ଦେସ୍‌କୁକାଙ୍ଗ୍ ଜିତା ଆତାର୍, ନ୍ୟାୟ୍‌ତାକେ ସାସନ୍ କିତାର୍, ଆରେ ଈଶ୍ୱର ଇନାକା ପାର୍ମାଣ୍ କିଜି ମାଚାନ୍ ହେଦାଙ୍ଗ୍ ପାୟାଆତାର୍। ସିଂହ ପାରାତାକେ ତୁସିହିତିଲେ ପା ହେୱାରିଙ୍ଗ୍ ତିନ୍‌ୱାତାତ୍,

୧ ପିତର 5:8

ଏପେଙ୍ଗ୍ ମି ମାନ୍‌ତିଙ୍ଗ୍ କିଲେର୍ କିୟାଟ୍ ଆରେ ଜାଗ୍ରତ୍ ଆଜି ମାନାଟ୍, ଇନେସ୍‌କି ମି ଶାତୃ ଶୟତାନ ନି ସିଂହ ବୁର୍‌କା ଲେକେ ମାନାୟାରିଙ୍ଗ୍ ବିନାସ୍ କିଦେଙ୍ଗ୍ ଚାରିବେଣ୍‌ତାଙ୍ଗ୍ ଡେକ୍‌ଚି ବୁଲା ଆନାତା।

୨ ପିତର 2:9

ମାପୃ ନିଜେ ରକ୍ଷା ଆରେ ଦଣ୍ଡ୍ ହିନି ବିଷୟ କିଜିମାଚି କାଜିଙ୍ଗ୍, ହେୱାନିଙ୍ଗ୍ ପାଣ୍ଡ୍ରାଆଜି ଇମ୍‌ଣି ମାନାୟାର୍ ଦୁକ୍‌କଷ୍ଟ ପାୟାଆନାର୍‌ ହେୱାରିଙ୍ଗ୍ ରକ୍ଷା କିଦେଙ୍ଗ୍ ପୁଚାନ୍‌ନା। ଆରେ ହେୱାନ୍ କରାପ୍ କାମାୟ୍ କିନି ମାନାୟାରିଙ୍ଗ୍ ବିଚାର୍‌କିନି ଦିନ୍‌ତ ଦଣ୍ଡ୍ ହିଦେଙ୍ଗ୍ ପା ପୁନାନା।