୨ ତିମଥି 4:14 - New Testament in Pengo Parja Language

¹⁴ ଆଲେକ୍‌ଜାଣ୍ଡ୍ରିଆ କଂସାରି ହେୱାନ୍ ନାଙ୍ଗେଙ୍ଗ୍ ବେସି ଅନିଷ୍ଟ କିତ୍‌ତାନ୍‌ନା। ମାପୃ ତା କାରୁମ୍‌ତାଙ୍ଗ୍ ହେୱାନିଙ୍ଗ୍ ପାଡ଼୍‌ ହିନାନ୍।

୨ ତିମଥି 4:14 Iomraidhean Croise

ରୋମିୟ 12:19

ହେଦାଙ୍ଗ୍ କାଜିଙ୍ଗ୍ ଏ ଟଣ୍ଡାର୍‌କାଦେର୍, ଏପେଙ୍ଗ୍ ମି ବିରଦ୍‌ତାକେ କରାପ୍ କାମାୟ୍ କିଜିମାଚି ମାନାୟାର୍ ବିରଦ୍‌ତାକେ କିନି କାଜିଙ୍ଗ୍ ଉଲ୍‌ଟା ହେୱାର୍ ବିରଦ୍‌ତାକେ କରାପ୍ କାମାୟ୍ କିମାଟ୍, ମାତର୍ ଈଶ୍ୱର କାଜିଙ୍ଗ୍ ପିସ୍ତି ହିୟାଟ୍। ହେୱାନ୍ ମି କାଜିଙ୍ଗ୍ ହେୱାରିଙ୍ଗ୍ ଦଣ୍ଡ୍ ହିନାନ୍। ଇନେସ୍‌କି ଦରମ୍ ସାସ୍ତର୍‌ତାକେ ଲେକାଆତାତ୍‌ନା, ମାପୃ ଇନାନା, “ଆନେଙ୍ଗ୍ ମି କାଜିଙ୍ଗ୍ ବାଦ୍‌ଲାୟ୍ କିଦେଙ୍ଗ୍ ନା ଅଦିକାର୍ ମାନାତ୍। ହେୱାର୍ କିତି କାମାୟ୍ କାଜିଙ୍ଗ୍ ଆନେଙ୍ଗ୍ ହେୱାରିଙ୍ଗ୍ ଦଣ୍ଡ୍ ହିନାଙ୍ଗ୍।

ରୋମିୟ 2:6

ହେୱାନ୍ ୱିଜୁ ମାନାୟାର୍ ଜାର୍-ଜାର୍ କାମାୟ୍ କିତି ଅନୁସାରେ ପୁରଷ୍କାର୍ ହିନାନ୍‌,

୨ ଥେସଲନୀକିୟ 1:6

ମାପୃ ଯୀଶୁ ଏଚେକାଡ଼୍‌ଦ ଆରେରଗ ପୁର୍ତିତାକେ ୱାନାନ୍, ହେପାଦ୍ନା ହେୱାନ୍ ତା ଶାକ୍ତିକାଟି ଦୁତ୍‌କୁ ହୁଦାଙ୍ଗ୍ ଆରେ କାଚାଆନି ନାଣି ହୁଦାଙ୍ଗ୍ ସରଗ୍‌ତାଙ୍ଗ୍ ୱାନାନ୍।

୧ ତିମତି 1:20

ହେୱାର୍ ବିତ୍ରେ ହୁମନାୟ ଆରେ ଆଲେକଜାଣ୍ଡ୍ରିଆ ମାନାୟାର୍ ମାଚାର୍। ଇୱାର୍ ଇନେସ୍ ଈଶ୍ୱରତିଙ୍ଗ୍ ନିନ୍ଦା କିୱେଦେଙ୍ଗ୍ ହିକାଆନାର୍। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାରିଙ୍ଗ୍ ମଣ୍ଡ୍‌ଲିତାଙ୍ଗ୍ ହପ୍‌ଚି ଶୟତାନ କେଇଦ ହିଜି ଦଣ୍ଡ୍ ହିତାଙ୍ଗ୍‌ନା।

୨ ତିମଥି 4:15

ଏପେଙ୍ଗ୍ ପା ହେୱାନ୍‌ତାଙ୍ଗ୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ହେୱାନ୍ ଖ୍ରୀଷ୍ଟ ବିଷୟନି ହିକ୍ଷାତିଙ୍ଗ୍ ବେସି ବିରଦ୍ କିଜି ମାନ୍‌ଞ୍ଚାନ୍।

୧ ଯୋହନ 5:16

ଯଦି ଏପେଙ୍ଗ୍ ମି ପାର୍ତିକିନି ଟଣ୍ଡେନିଙ୍ଗ୍ ହାଃନି ଦଣ୍ଡ୍ ପାୟାଆୱିଲେଗ୍‌ଦି ପାପ୍ କାମାୟ୍ କିନାକା ହୁଡ଼୍‌ନାଦେର୍, ଲାଗିଙ୍ଗ୍ ଏପେଙ୍ଗ୍ ତା କାଜିଙ୍ଗ୍ ପାର୍ତାନା କିୟାଟ୍। ଈଶ୍ୱର ତା ଜିବୁନ୍‌ତିଙ୍ଗ୍ ରକ୍ଷା କିନାନ୍। ଯଦି ଇନେର୍ ହାଃନି ଦଣ୍ଡ୍ ପାୟା ଆତିଲେକେ ପାପ୍ କାମାୟ୍ କିଜି ମାନ୍‌ଗାନାନ୍, ମାତର୍ ହେୱାନ୍ ହାଃନି ଦଣ୍ଡ୍ ପାୟା ଆତିଲେକେ ପାପ୍ କାମାୟ୍ କିନି ମାନାୟାର୍ କାଜିଙ୍ଗ୍ ଏପେଙ୍ଗ୍ ପାର୍ତାନା କିୟାଟ୍ ଇଞ୍ଜି ୱେଚ୍‌ଚୁଙ୍ଗା।

ହତ୍‌ତି 18:20

ଏ ସରଗ୍‌ତାକେ ମାନି ମାନାୟାର୍ ହେ ସହର୍ ବିନାସ୍‌ଆତି କାଜିଙ୍ଗ୍ ୱାରିୟା ଆଡ। ହେ ସାଦୁ ମାନାୟ୍ କାଦେର୍, ଏ ବାଚିକିତି ଚେଲା କାଦେର୍, ଇ ଭବିଷ୍ଯତବକ୍ତା ୱାରି କିୟାଟ୍, ଇନେସ୍‌କି ବାବିଲନ୍‌ ସହର୍‌ନି ମାନାୟାର୍ ମି ବିରଦ୍‌ତାଙ୍ଗ୍ କିଜିମାଚି ପାପ୍ କାଜିଙ୍ଗ୍ ଈଶ୍ୱର ହେ ସହର୍‌ତିଙ୍ଗ୍ ବିନାସ୍ କିତାନ୍।

ହତ୍‌ତି 18:6

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ୱେଚ୍‌ଚାନାଙ୍ଗା ଏପେଙ୍ଗ୍ ବାବିଲନ୍‌ ସହର୍‌ନି ମାନାୟାରିଙ୍ଗ୍ ଦଣ୍ଡ୍ ହିୟାଟ୍, ଇନେସ୍ ହେୱାର୍ ଜେକନିକାରିଙ୍ଗ୍ ଦଣ୍ଡ୍‌ହିଜି ମାଚାର୍। ହେୱାର୍ ମିଙ୍ଗେଙ୍ଗ୍ ଇନେସ୍ ଦଣ୍ଡ୍‌ହିଜି ମାନ୍‌ଞ୍ଚାର୍ ହେଲେକେ ଡବଲ୍ ଦଣ୍ଡ୍ ହେୱାରିଙ୍ଗ୍ ହିୟାଟ୍। ହେ ସହର୍‌ନି ମାନାୟାର୍ ହେୱାର୍ ଜାର୍‌କିନି କରାପ୍ କାମାୟ୍‌ତିଙ୍ଗ୍ ହିକାୟ୍ କିଜି ମାନ୍‌ଞ୍ଚାର୍, ଲାଗିଙ୍ଗ୍ ହେ ସହର୍‌ନି ମାନାୟାର୍ ପା ଈଶ୍ୱର ଦଣ୍ଡ୍ ଡବଲ୍ ପାୟାଆନି ଦର୍‌କାର୍।

ହତ୍‌ତି 6:10

ହେୱାର୍ ଗାଜାକାଟ୍ କିଜି ଈଶ୍ୱରତିଙ୍ଗ୍ ୱେଚ୍‌ଚାର୍, “ହେ ପବିତ୍ର ଆରେ ସତ୍ ମାପୃ ଆରେ ୱିଜୁ ଶାକ୍ତିମାନି ଈଶ୍ୱର, ଏନେଙ୍ଗ୍ ଇନାକିଦେଙ୍ଗ୍ ପୁର୍ତିତାକେ ମାନି କରାପ୍ ମାନାୟାରିଙ୍ଗ୍ ଦଣ୍ଡ୍ ହିଦେଙ୍ଗ୍ ବେସି ଲେଟ୍ କିନାୟା? ଆପେଙ୍ଗ୍ ନିଙ୍ଗେଙ୍ଗ୍ ଗୁୱାରି କିଦ୍‌ନାପା ମାଙ୍ଗେଙ୍ଗ୍ ମାର୍ନେ ଅସ୍ତାତାକାରିଙ୍ଗ୍ ଏନେଙ୍ଗ୍ ମାର୍ନେ ଅହା।”