୨ ତିମଥି 3:3 - New Testament in Pengo Parja Language

³ ହେୱାର୍ ଜେକନିକାରିଙ୍ଗ୍ ଦୟା କିଉର୍, ଜେକନିକାରିଙ୍ଗ୍ କେମା କିଉର୍, ଜେକନିକାର୍ ବିରଦ୍‌ତାକେ ମିଚ୍ କାତା ୱେଚ୍‌ନାର୍। ହେୱାର୍ ଜାର୍ ଇଚାତାଙ୍ଗ୍ କଣ୍ଟ୍ରୁଲ୍ କିଉର୍, ଅମାନ୍ଯା ମାନ୍ ଆନାର୍, ହେୱାର୍ ହାର୍ଦି ବିଷୟତିଙ୍ଗ୍ ମାନିକିଉର୍।

୨ ତିମଥି 3:3 Iomraidhean Croise

ମାତିଉ 10:21

ହେପାଦ୍ନା ଇମ୍‌ଣି ମାନାୟ୍ ନାଙ୍ଗେଙ୍ଗ୍ ପାର୍ତି କିଦୁର୍, ହେୱାନ୍ ନାଙ୍ଗେଙ୍ଗ୍ ପାର୍ତି କିଦ୍‌ନି ଟଣ୍ଡାରିଙ୍ଗ୍ ମାର୍ନେ ଅହିକିଦେଙ୍ଗ୍ ପାର୍ତିକିୱି ଟଣ୍ଡାହିର୍‌ତାକେ ଆହିକିନାର୍। ଆବାର୍‌ ପା ତା ହିମ୍‌ଣାକାଙ୍ଗ୍ ହେଲେକେ କିନାର୍। ଆରେ, ହିମ୍‌ଣାଙ୍ଗ୍ ଆବାଆୟାଙ୍ଗ୍‌ ବିରଦ୍‌ତାକେ ନିଙ୍ଗ୍‌ଞ୍ଜି ହେୱାରିଙ୍ଗ୍ ମାର୍ନେ ଅହ୍‌ନାର୍।

ମାତିଉ 4:1

ପାଚେ ପବିତ୍ର ଆତ୍ମା ଯୀଶୁଙ୍ଗ୍ ଟାଙ୍ଗ୍ରାବାହାତ ଅଶାହାଚାତ୍। ହେବେ ଶୟତାନ ତାଙ୍ଗେଙ୍ଗ୍ ପରିକ୍ଷା କିଜି ମାଚାତ୍,

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:16

“ଏଚେପାଦ୍ନା ଇମ୍‌ଣାକାନ୍ ମି କାତାତିଙ୍ଗ୍ ୱେନାନ୍, ହେୱାନ୍ ହାତ୍‌ପା ନା କାତାତିଙ୍ଗ୍ ପା ୱେନାନ୍। ହେପାଦ୍ନା ରକାନ୍ ମିଙ୍ଗେଙ୍ଗ୍ ଆସ୍ତେଙ୍ଗ୍ ମୁନା କିଦ୍‌ନାନ୍, ହେୱାନ୍ ନାଙ୍ଗେଙ୍ଗ୍ ପା ଆସ୍ତେଦେଙ୍ଗ୍ ମୁନା କିନାନ୍। ଆରେ ଏଚେପାଦ୍ନା ନାଙ୍ଗେଙ୍ଗ୍ ମୁନା କିଦ୍‌ନାନ୍, ହେୱାନ୍ ହାତ୍‌ପା ନାଙ୍ଗେଙ୍ଗ୍ ପକ୍ତିତି ଈଶ୍ୱରତିଙ୍ଗ୍ ଆସ୍ତେଙ୍ଗ୍ ମୁନା କିନାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 16:14

ପାରୁସିଦଳ୍‍ନି ମାନାୟାର୍ ଡାବୁକାଙ୍ଗ୍ ବେସି ଲାଡ୍‌କିଜି ମାଚାର୍। ହେଦାଙ୍ଗ୍ କାଜିଙ୍ଗ୍ ଇ ୱିଜୁବେଣ୍ ୱେନ୍‌ଞ୍ଜି ଯୀଶୁଙ୍ଗ୍ ଇନସ୍ତା କିତାର୍।

ଜହନ୍‌ 6:70

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଆନେଙ୍ଗ୍ ମିଙ୍ଗେଙ୍ଗ୍ ବାରଜାଣ୍‌ତିଙ୍ଗ୍ ଇଚାକିଜି ବାଚି କିତ୍‌ତାଙ୍ଗ୍‌ନା। ମାତର୍ ମି ବିତ୍ରେତାଙ୍ଗ୍ ରକାନ୍ ଶୟତାନ୍ ମାନାନ୍।”

ରୋମିୟ 1:29

ହେୱାର୍ ୱିଜୁ ପର୍‌କାର୍ ପାପ୍, ଅଦରମ୍‌ କାମାୟ୍, ଲବ୍ରା ଆନାକା, ଆକାର୍ ଆନାକା, ରିସା ଆନାକା, ମାନାୟ୍ ଅହ୍‌ନାକା, ଗଣ୍ଡ୍‍ଗଲ୍ କିନାକା, ମିଚ୍ ୱେଚ୍‌ନାକା, ଟକାୟ୍ କିନାକା ଆରେ ଜାର୍-ଜାର୍‌ବିତ୍ରେ ବେସି କରାପ୍ ଚିନ୍ତା କିଜି ଯିବୁନ୍ କାଟିକିନାରା।

ରୋମିୟ 1:31

ହେୱାର୍ ବକୁୱା, ନିୟମ୍‌ତିଙ୍ଗ୍ ମାନିକିୱାକାର୍, ହେୱାର୍ ତା ପାର୍ତି ହିଲି ମାନାୟ୍, ଆରେ ହେୱାର୍ ଲାଡ୍ ଆରେ ଦୟା କିନାକା ପୁନ୍‌ୱାତାର୍‌ନା।

୧ କରନ୍ତିୟ 7:5

ଏପେଙ୍ଗ୍ ହୁଞ୍ଜା ମାଗା ଆୱେଦେଙ୍ଗ୍ ଜାର୍-ଜାର୍‌ବିତ୍ରେ ଅଲ୍‌ଗା ମାନ୍‌ମାଟ୍, ମାତର୍ ଯଦି ଏପେଙ୍ଗ୍ ବେସି ପାର୍ତାନା କିନି କାଜିଙ୍ଗ୍ ଅଲ୍‌ଗା ମାନାଦେରା, ଲାଗିଙ୍ଗ୍ ଜାର୍-ଜାର୍‌ବିତ୍ରେ ରାଜି ଆଜି ଅଲ୍‌ଗା ମାନାଟ୍। ଶୟତାନ ମିଙ୍ଗେଙ୍ଗ୍ ପରିକ୍ଷା କିଦେଙ୍ଗ୍ ଆଡ଼୍‌ଦାନାନ୍, ଇନେସ୍‌କି ଏପେଙ୍ଗ୍ ଜାର୍‌ତିଙ୍ଗ୍ କଣ୍ଟ୍ରୁଲ୍ କିଦେଙ୍ଗ୍ ଆଡୁଦେରା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଆରେରଗ ହୁଞ୍ଜା ମାଗା ଆଡ।

୧ କରନ୍ତିୟ 7:9

ମାତର୍ ଯଦି ହେୱାର୍ ଜାର୍‌ତିଙ୍ଗ୍ କଣ୍ଟ୍ରୁଲ୍ କିଜି ମାଞ୍ଜେଙ୍ଗ୍ ଆଡ୍‌ୱିତିସ୍ ହେୱାର୍ ବିବା ଆୟେର୍। ହେଦାଙ୍ଗ୍ ବିବା ଆୱାଦାଙ୍ଗ୍ ହୁଞ୍ଜା ମାଗା ଆନି କାଜିଙ୍ଗ୍ ଇଚା କିନାନା, ଲାଗିଙ୍ଗ୍ ହେୱାନ୍ ବିବା ଆନାକା ହାର୍।

୧ ଥେସଲନୀକିୟ 4:8

ଲାଗିଙ୍ଗ୍ ଇମ୍‌ଣି ମାନାୟ୍, ଇ ହିକ୍ଷାତିଙ୍ଗ୍ ଆହୁନ୍, ହେୱାନ୍ ମାନାୟାର୍ ହିକ୍ଷାତିଙ୍ଗ୍ ଆହ୍‌ନାନା, ଲାଗିଙ୍ଗ୍ ହେୱାନ୍ ପବିତ୍ର ଆତ୍ମା ହିଦ୍‌ନି ଈଶ୍ୱରତିଙ୍ଗ୍ ଆହୁନ୍।

୧ ତିମତି 3:11

ହେଲେକେ କଗ୍‍ଲେକ୍ ପା ସନ୍‌ମାନ୍ ପାୟାଆନି ତା କଗ୍‌ଲେ ଆନାକା ମାନାତ୍, ଗାଣ୍‌ଜୁ କିୱାକା ମାନାତ୍, ୱିଜୁ ପରିସ୍ତିତିତାକେ ପା ହେଦେଲ୍ କଣ୍ଟ୍ରୁଲ୍ ଆରେ ବିସ୍‌ବାସ୍‌ତ ଆଜି ମାନାକା ମାନାତ୍।

ତୀତସ 1:8

ହେୱାନ୍ ହାର୍ଦି ବିଷୟ କିଦେଙ୍ଗ୍ ଇଚା କିଜି ମାନ୍‌ଗାନାନ୍, ବୁଦିତାଙ୍ଗ୍ ଚାଲିଚଲନ୍ କିଜି ମାନ୍‌ଗାନାନ୍, ନ୍ଯାୟ୍‌ତାଙ୍ଗ୍ ବ୍ଯବହାର୍ କିଜି ମାନ୍‌ଗାନାନ୍, ଦରମ୍ ମାନାୟ୍ ଆଜି ମାନ୍‌ଗାନାନ୍, ଆରେ ଜାର୍‌ତିଙ୍ଗ୍ କଣ୍ଟ୍ରୁଲ୍ କିନି ଦର୍‌କାର୍।

ତୀତସ 2:3

ହେଲେକେ ହାତାନିକାଙ୍ଗ୍ ପା ହିକ୍ଷା ହିୟାଟ୍ ଇନେସ୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ହେୱେକ୍ ବ୍ଯବହାର୍ କିନିକ୍, ଜେକନିକାରିଙ୍ଗ୍ ନିନ୍ଦା କିଉକ୍। କାଲିଙ୍ଗ୍ ଉଣୁକ୍, ଆରେ ହେୱେକ୍ ଇନେସ୍ ସତ୍ ଆରେ ହାର୍ଦି ବିଷୟରେ ଜେକନିକାରିଙ୍ଗ୍ ହିକାଇ କିନିକ୍।

ଜାକ୍‌ବ 2:6

ଏପେଙ୍ଗ୍ ଗରିବ୍ ମାନାୟାରିଙ୍ଗ୍ ଇନସ୍ତା କିନାଦେରା। ମାତର୍ ହାଉକାର୍ ମାନାୟାର୍ ମିଙ୍ଗେଙ୍ଗ୍ ଅନ୍ୟାୟ୍ କିଦ୍‌ନାର୍ ଆରେ ମିଙ୍ଗେଙ୍ଗ୍ ହେୱାର୍ ବିଚାର୍‌କିନି ବାହାତାକେ ଜେଲ୍‌ଜି ଅସାହାଞ୍ଜ୍‍ନାର୍।

୨ ପିତର 2:14

ହେୱାର୍ ହୁଡ଼୍‌ତି କଗ୍‌ଲେକ୍‌ତାଙ୍ଗ୍ ଦାରି କାମାୟ୍ କିଦେଙ୍ଗ୍ ଇଚା କିନାର୍। ହେୱାର୍ ପାପ୍ କାମାୟ୍ କିନି ସୁଯଗ୍‌ତିଙ୍ଗ୍ ପିହୁର୍। ଖ୍ରୀଷ୍ଟତାକେ ଇମ୍‌ଣାକାର୍ ଷ୍ଟ୍ରଙ୍ଗ୍‌କିଜି ପାର୍ତି କିଉର୍, ହେୱାରିଙ୍ଗ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଟକାୟ୍ କିନାର୍, ଆରେ ହେୱାରିଙ୍ଗ୍ ଇ ମାଷ୍ଟେରାର୍ ପାପ୍ କାମାୟ୍ କିୟିକିନାର୍। ଆରେ ହେୱାର୍ ବେସି ଲବ୍ରା ଆତି କାଜିଙ୍ଗ୍, ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍।

୨ ପିତର 2:19

ଇ ମାଷ୍ଟେରାର୍ ମାନାୟାରିଙ୍ଗ୍ ୱେଚ୍‌ନାର୍ ଯେ ହେୱାର୍ ଇନାକା ଇଚା ହେଦାଙ୍ଗ୍ କିଦେଙ୍ଗ୍ ହେୱାର୍ ସ୍ୱାଦିନ୍ ଆତାର୍‌ନା, ମାତର୍ ହେୱାର୍ ପାପ୍ କାମାୟ୍ କାଜିଙ୍ଗ୍ ହେୱାର୍ ନିଜେ ଦାସ୍ ଆତାର୍‌ନା। ଇନେସ୍‌କି ଇନାକା ମିଙ୍ଗେଙ୍ଗ୍ କଣ୍ଟ୍ରୁଲ୍ କିଦ୍‌ନାତ୍, ଏପେଙ୍ଗ୍ ହେବେନି ଦାସ୍ କାଦେର୍।

୨ ପିତର 3:3

ପାର୍ତୁମ୍ ଇଦାଙ୍ଗ୍ ଏପେଙ୍ଗ୍ ବୁଜାଆଡ ଯେ, ସେସ୍ କାଡ଼୍‌ଦ ଜାର୍ କରାପ୍ ଇଚା ବ୍ୟବହାର୍ କିନି ମାନାୟାର୍ ଚଞ୍ଜ୍‌ନାର୍। ଖ୍ରୀଷ୍ଟ ଆରେରଗ ୱାନି କାତାତିଙ୍ଗ୍ ହେୱାର୍ ଇନସ୍ତା କିନାର୍।

ଜିହୁଦା 1:16

ଇ ଅସାଦୁ ମାନାୟାରିଙ୍ଗ୍ ଗିଟାଆନି ବିଷୟ କାଜିଙ୍ଗ୍ ଈଶ୍ୱରତିଙ୍ଗ୍ ବିରଦ୍ କିଜି ବେଣ୍ ଇନାର୍, ଆରେ ହେୱାର୍ ମାନ୍ ଇଚାରେ କରାପ୍ କାମାୟ୍ କିନାର୍। ହେୱାର୍ ଜାର୍ ବିଷୟରେ ଗାଜା-ଗାଜା ବେଣ୍ ୱେଚ୍‌ନାର୍, ଆରେ ଜେକନିକାର୍‌ତାଙ୍ଗ୍ ହେୱାର୍ ଇଚ୍‍କେ ଇନାକା ପାୟାଆନି କାଜିଙ୍ଗ୍ ହାର୍ଦି ବେଣ୍ ୱେଚ୍‌ନାର୍।

ଜିହୁଦା 1:18

ବାଚିକିତି ଚେଲାର୍ ମିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାର୍ ଯେ, ମା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନି ଆଗେ, ମାନାୟାର୍ ମାପୃ ଆରେ ତା ମାନାୟାରିଙ୍ଗ୍ ନିନ୍ଦା କିନାର୍। ଇ ମାନାୟାର୍ କରାପ୍ ଇଚାରେ ଜିବୁନ୍ କାଟିକିନାର୍।

ହତ୍‌ତି 13:15

ହେ ଦୁଇ ନମ୍ବର୍ ପଶୁତିଙ୍ଗ୍ ପାର୍ତୁମ୍ ପଶୁ ମୁର୍ତିତିଙ୍ଗ୍ ଜିବୁନ୍ କିନି ଅଦିକାର୍ ଈଶ୍ୱର ହିଜିମାଚାନ୍। ଲାଗିଙ୍ଗ୍ ହେ ମୁର୍ତି ବେଣ୍‌କିଦେଙ୍ଗ୍ ଆଡ଼୍‍ତାତ୍ ଆରେ ହେ ମୁର୍ତି ୱିଜାର୍ ମାନାୟାରିଙ୍ଗ୍ ଆଦେସ୍ ହିନାତ୍ ଯେ, ତାଙ୍ଗେଙ୍ଗ୍ ପୁଜା କିୱି ମାନାୟାରିଙ୍ଗ୍ ମାର୍ନେ ଅହାଟ୍।

ହତ୍‌ତି 13:17

ଆରେ, ହେ ଚିନା, ତିନା କେଇଦ କି ନିଦାଣ୍‌ତାକେ ଅୱାଦାଙ୍ଗ୍ ମାଚିସ୍ ଇନେର୍ ପା କଡ଼୍‍ଦେଙ୍ଗ୍ କି ପତେଙ୍ଗ୍ ଆଡୁର୍, ହେ ଚିନା ପଶୁ ତର୍‌ କି ନମ୍ବର୍ ଆଜି ମାନ୍‌ଙ୍ଗାନାତ୍।

ହତ୍‌ତି 16:6

ଇନେସ୍‌କି ନି ପବିତ୍ର ମାନାୟାରିଙ୍ଗ୍ ଆରେ ନି ଭବିଷ୍ଯତବକ୍ତାରିଙ୍ଗ୍ ମାର୍ନେ ଅସ୍ତି ମାଚାର୍, ଆରେ ହେୱାର୍ ନେତେର୍ ପୁର୍ତିତାକେ ୱାକ୍‌ୟା ଆଜିମାଚାତ୍। ହେଦାଙ୍ଗ୍ କାଜିଙ୍ଗ୍ ଏନେଙ୍ଗ୍ ନଙ୍ଗୟ୍ ହେୱାର୍ ଉଣି ଏଜୁକାଙ୍ଗ୍ ନେତେର୍ କିନାୟ୍ ଆରେ ହେଦାଙ୍ଗ୍ ନେ ହେୱାର୍‌ତି ପୁରଷ୍କାର୍।”

ହତ୍‌ତି 17:6

ଆନେଙ୍ଗ୍ ହୁଡ଼୍‌ଜି ମାଚାଙ୍ଗ୍ ଯେ, ହେ କଗ୍‌ଲେଙ୍ଗ୍ କାଲିଙ୍ଗ୍ ଉଣିଲେକେ ଈଶ୍ୱର ପବିତ୍ର ମାନାୟାର୍ ନେତେର୍‌ତିଙ୍ଗ୍ ଉଣ୍‌ଜି ମାଚାତ୍। ଇମ୍‌ଣି ମାନାୟାରିଙ୍ଗ୍ ଯୀଶୁ କାଜିଙ୍ଗ୍ ମାର୍ନେ ଅସ୍ତି ମାଚାର୍, ଇନେସ୍‌କି ହେୱାର୍ ଖ୍ରୀଷ୍ଟ କାତା ମାନିକିଜି ମାଚାର୍। ଆରେ ହେ କଗ୍‌ଲେଙ୍ଗ୍ ହୁଡ଼୍‌ଜି ଆନେଙ୍ଗ୍ ଚାନିଆ ଆତାଙ୍ଗ୍।