୨ ତିମଥି 3:2 - New Testament in Pengo Parja Language2 ମାନାୟାର୍ ଜାର୍ ବିଷୟରେ ନେ ଜାର୍ତିଙ୍ଗ୍ ବଲ୍ପାୟା ଆନାର୍, ହେୱାର୍ ଦନ୍ତିଙ୍ଗ୍ ଲବ୍ରା ଆନାର୍। ହେୱାର୍ ଜାର୍ ବିଷୟରେ ଗାଜା-ଗାଜା ବାଟ୍ପାଣିଆ ବେଣ୍ କିନାର୍, ଜାର୍ତିଙ୍ଗ୍ ଜେକନି ମାନାୟ୍ତାଙ୍ଗ୍ ହାର୍ ଇଞ୍ଜି ଚଚ୍ନାର୍। ହେୱାର୍ ଜେକନିକାରିଙ୍ଗ୍ ନିନ୍ଦା କାତାକିଜି ବେଣ୍ କିନାର୍, ଆବାର୍ କାତା ମାନିକିଉର୍, ସାଇଜ କିଦ୍ନି ମାନାୟାରିଙ୍ଗ୍ ଦନ୍ଯବାଦ୍ ହିଉର୍, ଈଶ୍ୱର ନିୟମ୍ତିଙ୍ଗ୍ ମାନିକିଉର୍। Faic an caibideil |
୨ ତିମଥି 3:2
43 Iomraidhean Croise
ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜାର୍ ଶାତ୍ରୁରିଙ୍ଗ୍ ଲାଡ୍ କିୟାଟ୍। ହେୱାରିଙ୍ଗ୍ ଉପ୍କାର୍ କିୟାଟ୍। ଆରେ ଡାବୁଙ୍ଗ୍ ଗାଟାଆୱି ଆହା ଇଟ୍ୱାଦାଙ୍ଗ୍ ହେୱାରିଙ୍ଗ୍ ଡାବୁଙ୍ଗ୍ ରୁଣ୍ ହିୟାଟ୍। ଇଦାଙ୍ଗ୍ କିତିସ୍ ମିଙ୍ଗେଙ୍ଗ୍ ବେସି ପୁରଷ୍କାର୍ ଗାଟାଆଦ୍ନାତ୍। ଏପେଙ୍ଗ୍ ୱିଜୁ ଶାକ୍ତିନିକାନ୍ ଗାଜା ଈଶ୍ୱର ମେହି ଆନାଦେର୍। ଇନେସ୍କି ହେୱାନ୍ ହାର୍ଦି ମାନାୟ୍ତିଙ୍ଗ୍ ଆରେ ବାନ୍ୟା ମାନାୟାରିଙ୍ଗ୍ ପା ଦୟା ଚଚ୍ଚାନାନ୍।
ଇ ବୁଲ୍ ହିକ୍ଷାହିନି ମାଷ୍ଟେରାରିଙ୍ଗ୍ ହାତ୍ପା ଈଶ୍ୱର ଦଣ୍ଡ୍ ହିନାନ୍। ଇନେସ୍କି ଇ ବୁଲ୍ ହିକ୍ଷାହିନି ମାଷ୍ଟେରାର୍ ଦାରି ଲେକେ ବେସି କରାପ୍ କାମାୟ୍ କିଜି ଜାର୍ ଇଚାରେ କିନାର୍, ଆରେ ହେୱାର୍ ଇନେର୍ ତାରେନ୍ ମାଞ୍ଜେଙ୍ଗ୍ ଇଚା କିଉର୍। ହେୱାର୍ ମୁର୍କିୟା ଆରେ ବାଟ୍ପାଣିଆ ଇଞ୍ଜି ୱେଚ୍ନି ମାନାୟାର୍। ହେୱାର୍ ଗୌରବନି ଦୁତ୍କୁ ବିଷୟରେ ନିନ୍ଦା କିଦେଙ୍ଗ୍ ପାଣ୍ଡ୍ରାଆଉର୍।
ମାତର୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ରାନ୍ତି ପଶୁ ଲେକେ। ଇ ପଶୁ ଚିନ୍ତା କିଦେଙ୍ଗ୍ ଆଡୁକ୍, ଶିକାର୍ କିନାକା ନେ ହେୱେକ୍ ଚିନ୍ତା କିଜି ମାନିକ୍। ଇ ମାନାୟାର୍ ମାନ୍ ବିତ୍ରେ ଇମ୍ଣି ଚିନ୍ତା ୱାନାତ୍, ହେୱାଙ୍ଗ୍ ହେୱାର୍ କିନାର୍, ଆରେ ହେୱାର୍ ଇନାକା ବୁଜା ଆଉର୍, ହେ ବିଷୟତିଙ୍ଗ୍ ହେୱାର୍ ବିରଦ୍ କିଜି ନିନ୍ଦା କାତା ୱେଚ୍ନାର୍। ହେୱାର୍ ହାତ୍ପା ନଷ୍ଟ ଆନାର୍।
ଇ ମାଷ୍ଟେରାର୍ ଏଚେପାଦ୍ନା ହିକ୍ଷା ହିନାର୍, ହେୱାର୍ ମୁଲ୍ୟ ହିଲାକା ଆରେ ନିଜେ ଗାଜାକାଙ୍ଗ୍ ଇଞ୍ଜି ଚଚିୟାଆନି କାତା ୱେଚ୍ନାର୍। ଅପ୍ମାନ୍ ପାୟାଆନି କାମାୟ୍ ହେୱାର୍ ଗାଗାଡ଼୍ ଇଚା କିତିସ୍ ହେଦାଙ୍ଗ୍ କିଦେଙ୍ଗ୍ ଆଡ୍ନାର୍ ଇଞ୍ଜି ହେୱାର୍ ମାନାୟାରିଙ୍ଗ୍ ୱେଚ୍ନାର୍। ଇମ୍ଣାକାର୍ ଇଲେକେ କରାପ୍ ଜିବୁନ୍ତାଙ୍ଗ୍ ହସି ନୁଆଁରେ ଖ୍ରୀଷ୍ଟାନ୍ ଆତାର୍ନା, ହେୱାରିଙ୍ଗ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଟକାୟ୍ କିଜି ପାପ୍ କାମାୟ୍ କିୟିକିନାର୍।
ଇ ମାଷ୍ଟେରାର୍ ବେସି ଲବ୍ରାର୍। ହେୱାର୍ ମିବେତାଙ୍ଗ୍ ଡାବୁଙ୍ଗ୍ ଲାବ୍ ପାୟାଆନି କାଜିଙ୍ଗ୍, ହେୱାର୍ ମାନ୍ତାଙ୍ଗ୍ ରସ୍ତି କାତା ୱେଚ୍ଚି ମିଙ୍ଗେଙ୍ଗ୍ ଟକାୟ୍ କିଦ୍ନାର୍। ଲାଗିଙ୍ଗ୍ ଈଶ୍ୱର ବେସି ବାହ୍ରୁ ଆଗେ ହେୱାରିଙ୍ଗ୍ ଦଣ୍ଡ୍ ହିନାନ୍ ଇଞ୍ଜି ଇଚା କିତାନ୍ନା, ଆରେ ହେୱାନ୍ ଇଦାଙ୍ଗ୍ କିନି କାଜିଙ୍ଗ୍ ରେଡି ଆତାନ୍ନା। ହେୱାନ୍ ହେୱାରିଙ୍ଗ୍ ହାତ୍ପା ନଷ୍ଟ କିନାନ୍।
Sanasan