୨ ତିମଥି 3:15 - New Testament in Pengo Parja Language

¹⁵ ଏପେଙ୍ଗ୍ ହିରୁ ୱାଡ଼ାତାଙ୍ଗ୍ ସାସ୍ତର୍ ବିଷୟରେ ପୁଚାଦେର୍‌ନା ଯେ ଯୀଶୁ ଖ୍ରୀଷ୍ଟତାକେ ପାର୍ତି କିନାସ୍ ଆରେ ଉଦାର୍ ପାୟାଆନି କାଜିଙ୍ଗ୍ ହେଦାଙ୍ଗ୍ ବୁଦି ହିଦେଙ୍ଗ୍ ଆଡ୍‌ନାଦେର୍ ଇଞ୍ଜି।

୨ ତିମଥି 3:15 Iomraidhean Croise

ମାତିଉ 22:29

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ଦରମ୍ ସାସ୍ତର୍‌ତିଙ୍ଗ୍ ଆରେ ଈଶ୍ୱର ଶାକ୍ତି ବିଷୟରେ ପୁନ୍‌ୱାତାଦେର୍‌ନା। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ବୁଲ୍ ବୁଜାଆନାଦେରା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:15

ଇନେସ୍‌କି ମାପୃ ହେୱାନିଙ୍ଗ୍ ଗାଜାକାନ୍ କିନାନ୍। ହେୱାନ୍ ଇନାୱେଡ଼ାଙ୍ଗ୍ ପା ଅଙ୍ଗୁର୍ ରାସ୍ କି କାଲିଙ୍ଗ୍ ଉଣୁନ୍। ହେୱାନିଙ୍ଗ୍ ଜଲମ୍‌ତାଙ୍ଗ୍ ନେ ପବିତ୍ର ଆତ୍ମା ଶାକ୍ତି ତା ହୁଦାଙ୍ଗ୍ ମାନ୍‌ଗାନାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:40

ଆରେ ହିମ୍‌ଣା ଯୀଶୁ ଦିରେ-ଦିରେ ଗାଜା ଆତାନ୍। ଆରେ ବୁଦି ପା ହେଲେକେନେ ଦିରେ-ଦିରେ ବାଡାଆତାତ୍‌, ଆରେ ଈଶ୍ୱର ଆଶ୍ରିବାଦ୍ ତା ଜପି ମାଚାତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:27

ତାପାଚେ ଯୀଶୁ ଦରମ୍ ସାସ୍ତର୍‌ନି ବିଷୟରେ ଇନାକା ୱିଜୁ ଲେକା ମାନାତ୍, ହେ ୱିଜୁ ରଞ୍ଜାଙ୍ଗ୍-ରଞ୍ଜାଙ୍ଗ୍ କିଜି ବୁଜାଇ କିଦେଙ୍ଗ୍ ଲାଗାତାନ୍। ଯୀଶୁ ମୋଶା ଲେକିକିତି ନିୟମ୍‌ନି ସାସ୍ତର୍‌ତାଙ୍ଗ୍ ଆରମ୍ କିଜି ଜେକନି ଭବିଷ୍ଯତବକ୍ତାର୍ ପାତେକ୍ ୱିଜାକାର୍ ହେୱାନ୍ ବିଷୟରେ ଇନାକା ୱିଜୁ ୱେଚ୍‌ଚି ମାନ୍‌ଞ୍ଚାନ୍, ହେ ୱିଜୁ ବୁଜାଇ କିତାନ୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:32

ହେୱାର୍ ଜାର୍-ଜାର୍ ୱେଚ୍‌ପା ୱେଚ୍‌ପି ଆତାର୍, “ହାଜ୍‌ଦ ହେୱାନ୍ ମା ହୁଦାଙ୍ଗ୍ ବେଣ୍ କିଦ୍‌ନିହିଙ୍ଗ୍ ଆରେ ଦରମ୍ ସାସ୍ତର୍ ବିଷୟରେ ବୁଜାଇ କିଦ୍‌ନିହିଙ୍ଗ୍ ମା ଗରବ୍ ବିତ୍ରେ ବେସି ହାରିଆୱାଦାଙ୍ଗ୍ ମାଚାତ୍ କି?”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:45

ତାପାଚେ ଯୀଶୁ ଚେଲାହିରିଙ୍ଗ୍ ୱିଜୁ ଦରମ୍ ସାସ୍ତର୍ ବିଷୟରେ ବୁଜାଇ କିତାନ୍।

ଜହନ୍‌ 5:47

ଏପେଙ୍ଗ୍ ଯଦି ମୋଶା ଲେକିକିତି ସାସ୍ତର୍‌ତିଙ୍ଗ୍ ପାର୍ତି କିଉଦେରା। ଲାଗିଙ୍ଗ୍ ଏପେଙ୍ଗ୍ ନା କାତାତିଙ୍ଗ୍ ଇନେସ୍ ପାର୍ତି କିନାଦେର୍?”

ପକ୍ୟାତାକା 10:43

ହେଦାଙ୍ଗ୍ କାଜିଙ୍ଗ୍ ଇମ୍‌ଣାକାନ୍ ହେୱାନ୍‌ତାକେ ପାର୍ତିକିନାର୍, ହେୱାନ୍ ତା ତର୍‍ଦାଙ୍ଗ୍ ପାପ୍ କେମା ପାୟା ଆନାନ୍, ଇ କାତା ୱିଜୁ ଭବିଷ୍ଯତବକ୍ତାର୍ ହେୱାନ୍ ବିଷୟରେ ଶୁଣାୟ୍ କିତାର୍‌ନା।”

ପକ୍ୟାତାକା 13:29

ତା ବିଷୟରେ ସାସ୍ତର୍‌ତାକେ ଇନାକା ୱିଜୁ ଲେକା ମାନାତ୍, ହେ ୱିଜୁ ପୁରା ଆତିପାଚେ, ହେୱାନିଙ୍ଗ୍ କୃଶକାଟ୍‌ତାଙ୍ଗ୍ ଜୁତ୍‌ତି ତାହିୱାଜି ଦୁଗେର୍‌ତାକେ ମୁଚ୍‍ଚାର୍।

ପକ୍ୟାତାକା 16:1

ତାପାଚେ ପାଉଲ ଆରେ ଶିଲା ଦର୍ବି ସହର୍‌ତାକେ ହାଚାର୍। ପାଚେ ହେୱାର୍ ଲୁସ୍ତ୍ରା ସହର୍‌ତାକେ ହାଚାର୍। ହେବେ ତିମତି ତର୍‍ଦାକାନ୍ ରକାନ୍ ପାର୍ତିକିନି ଚେଲାହି ମାଚାନ୍। ତା ତେହି ରଞ୍ଜେଲ୍ ପାର୍ତି କିନାକାଦେଲ୍ ମାଚାତ୍, ହେଦେଲ୍ ଯିହୁଦି ଜାତି ନିକାଦେଲ୍ ମାଚାତ୍। ଲାତ୍ରାହି ରକାନ୍ ବିନ୍‌ଜାତିନି ମାନାୟ୍ ମାଚାନ୍।

ପକ୍ୟାତାକା 17:2

ତା ବିଦିତାଙ୍ଗ୍ ଜମ୍‌ନିଦିନ୍‌ତ ପାଉଲ ପାର୍ତାନା ଇଞ୍ଜ ହାଚାନ୍। ଆରେ ତିନ୍‌ଗଟା ଜମ୍‌ନିଦିନ୍‌ ପାତେକ୍ ଦରମ୍ ସାସ୍ତର୍ କାତା ଆସ୍ତି ହେୱାରିଙ୍ଗ୍ ୱେଚ୍‌ଚାନ୍।

ପକ୍ୟାତାକା 26:24

ପାଉଲ ତା ବିଷୟରେ ୱେଚ୍‌ନିହିଙ୍ଗ୍ ପେଷ୍ଟସ୍‌ ରାଜା ଗାଜାକାଟ୍ କିଜି ୱେଚ୍‌ଚାନ୍, “ପାଉଲ ଏନେଙ୍ଗ୍ ବାୟା! ବେସି ବିଷୟ ପୁଚିଲେ ଏନେଙ୍ଗ୍ ବାୟା ଆତାଇନା।”

ରୋମିୟ 1:2

ଈଶ୍ୱର ଇ ହାର୍ଦିକାବୁର୍ ହିଦ୍‌ଦେଙ୍ଗ୍ ବେସିଦିନ୍ ଆଗେ ପାର୍ମାଣ୍ କିଜି ମାଚାନ୍। ଆରେ ଭବିଷ୍ଯତବକ୍ତା ତା ଦରମ୍ ସାସ୍ତର୍‌ତାକେ ଲେକିକିଜି ମାଚାର୍।

ରୋମିୟ 16:26

ମାତର୍ ନଙ୍ଗୟ୍ ୱିଜୁ ବିନ୍‌ଜାତିନି ମାନାୟାର୍ ପୁନାର୍, ଆରେ ଈଶ୍ୱରତିଙ୍ଗ୍ ପାର୍ତି କିଜି ମାନିକିନାର୍। ହେଦାଙ୍ଗ୍ କାଜିଙ୍ଗ୍ ଭବିଷ୍ଯତବକ୍ତାର୍, ୱିଜୁଦିନ୍ ଜିବୁନ୍ ମାନି ଈଶ୍ୱର ସାସ୍ତର୍‌ତାକେ ଲେକାଆଜି ମାଚି ୱିଜୁ ବିଷୟ ପୁନି କିତାତ୍।

ରୋମିୟ 2:27

ଆରେ ଯଦି ସୁନତ ଆୱିତି ବିନ୍‌ଜାତିନି ମାନାୟ୍ ମଶା ଲେକିକିତି ନିୟମ୍‌ତିଙ୍ଗ୍ ମାନି କିନାରା ହେୱାନ୍ ମଶା ଲେକିକିତି ଦରମ୍ ସାସ୍ତର୍‌ତିଙ୍ଗ୍ ପୁଚାର୍‌ନା ଆରେ ସୁନତ ଆତି ମାନାୟ୍‌ତାଙ୍ଗ୍ ହାର୍।

୧ କରନ୍ତିୟ 1:21

ହେଦାଙ୍ଗ୍ କାଜିଙ୍ଗ୍ ଈଶ୍ୱର ତା ଜ୍ଞାନ୍‌ତାଙ୍ଗ୍ ପୁଞ୍ଜେଙ୍ଗ୍ ଆଡ଼୍‌ତାନ୍ ଯେ, ପୁର୍ତିନି ମାନାୟାର୍ ଜାର୍ ବୁଦିତାଙ୍ଗ୍ ଈଶ୍ୱରତିଙ୍ଗ୍ ଦାସ୍ତେଙ୍ଗ୍ ଆଡୁର୍। ଏଚେଜାଣ୍ ମା ହାର୍ଦିକାବୁର୍‌ତିଙ୍ଗ୍ ୱେନ୍‌ଞ୍ଜି ପାର୍ତି କିତାର୍, ଲାଗିଙ୍ଗ୍ ହେୱାର୍ ମା ବକୁୱା ଇଞ୍ଜି ବାବିକିଜି ଶୁଣାୟ୍ କିନି କାତା ୱେନ୍‌ଞ୍ଜି ପାର୍ତିକିନି ମାନାୟାରିଙ୍ଗ୍ ଉଦାର୍ କିତାନ୍।

ଏପିସିୟ 6:4

ଏ ଆବା କାଦେର୍ ଜାର୍-ଜାର୍ ହିମ୍‌ଣାକାଙ୍ଗ୍ ରିସା ଆମାଟ୍, ମାତର୍ ହେୱାରିଙ୍ଗ୍ ମାପୃ କାତାତାଙ୍ଗ୍ ହିକ୍ଷା ଆରେ ଜାଗ୍ରତ୍ କିୟିକିଜି ଗାଜାୟ୍ କିୟାଟ୍।

୧ ତିମତି 4:13

ଆନେଙ୍ଗ୍ ନି ଲାଗାୟ୍ ୱାୱି ପାତେକ୍ ଏନେଙ୍ଗ୍ ପାର୍ତି କିନାକାର୍‌ତାକେ ସାସ୍ତର୍ ପଡ଼ିକିଦେଙ୍ଗ୍, ଶୁଣାୟ୍ କିଦେଙ୍ଗ୍ ଆରେ ହିକ୍ଷାହିଜି ମାନା।

୨ ତିମଥି 1:1

ଆନେଙ୍ଗ୍ ପାଉଲ ଇ ଚିଟି ପକ୍ତାନାଙ୍ଗା। ଯୀଶୁ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ଇମ୍‌ଣି ୱିଜ୍‌ୱି ଜିବୁନ୍ ହିଦ୍‌ନି କାଜିଙ୍ଗ୍ ପାର୍ମାଣ୍ କିତ୍‌ତାନ୍‌ନା, ହେ କାତା ଶୁଣାୟ୍ କିନି କାଜିଙ୍ଗ୍, ଈଶ୍ୱର ନାଙ୍ଗେଙ୍ଗ୍ ଖ୍ରୀଷ୍ଟନି ରକାନ୍ ବାଚିକିତି ଚେଲା କିତ୍‌ତାନ୍‌ନା।

୨ ତିମଥି 1:5

ଏପେଙ୍ଗ୍ ହାର୍ଦି ମାନ୍‌ତାଙ୍ଗ୍ ଖ୍ରୀଷ୍ଟତାକେ ପାର୍ତି କିନାଦେରା ଇଞ୍ଜି ଆନେଙ୍ଗ୍ କାବୁର୍ ପାୟାଆତାଙ୍ଗ୍‌ନା। ଏପେଙ୍ଗ୍ ପାର୍ତିକିନି ଆଗେ ମି ବୁଡିଆୟା ଲୋହି ଆରେ ମି ଆୟା ଇଉନିକିତାକେ ମାଚାତ୍। ଆରେ ମିବେ ପା ମାନାତ୍ ଇଞ୍ଜି ନା ପୁରା ପାର୍ତି ମାନାତ୍।

୨ ପିତର 3:16

ହେୱାନ୍ ତା ଚିଟିତାକେ ଇୱିଜୁ ବିଷୟ ଲେକିକିତାନ୍‌ନା। ମାତର୍ ହେୱାନ୍ ଲେକିକିତି ବିଷୟତାଙ୍ଗ୍ କେତେକ୍ ବିଷୟ ମାନାତ୍, ହେଦାଙ୍ଗ୍ ବୁଜା ଆଦେଙ୍ଗ୍ ବେସି କଷ୍ଟ। ଆରେ ଅଶିକିତ୍ ମାନାୟ୍ ଆରେ ପାର୍ତିତାକେ ତିର୍ ହିଲ୍‌ୱି ମାନାୟ୍, ସାସ୍ତର୍ ଜେକନି କାତାଲେକେ ଇ ବୁଜାଆୱି ବିଷୟତିଙ୍ଗ୍ ଇ ମାନାୟାର୍ ବୁଲ୍ ବାବ୍‌ରେ ବୁଜାୟ୍ କିନାର୍। ଇଦାଙ୍ଗ୍ କାଜିଙ୍ଗ୍ ହେୱାର୍ ନିଜେତିଙ୍ଗ୍ ନିଜେ ନଷ୍ଟ ଗଟାୟ୍ କିନାରା।

ହତ୍‌ତି 19:10

ତାପାଚେ ଆନେଙ୍ଗ୍ ହେ ଦୁତ୍ କାଲ୍‌ପାନାତାକେ ମୁଣ୍ଡିଆ ଇଡ଼୍‌ଜି ପୁଜା କିତାଙ୍ଗ୍, ମାତର୍ ହେୱାନ୍ ନାଙ୍ଗେଙ୍ଗ୍ ୱେଚ୍‌ଚାତାତ୍, “ଆକାୟ୍ ନାଙ୍ଗେଙ୍ଗ୍ ମୁଣ୍ଡିଆ ଇଡ଼୍‌ଦାମା। ଇନେସ୍‌କି ଆନେଙ୍ଗ୍ ପା ନିଲେକେ ଆରେ ଜେକନି ଟଣ୍ଡାର୍‌ଲେକେ ଈଶ୍ୱର ଦାସ୍ ଇମ୍‌ଣି ମାନାୟାର୍ ଯୀଶୁଙ୍ଗ୍ ପାର୍ତିକିନାରା ଇଞ୍ଜି ପୁନାରା ଲାଗିଙ୍ଗ୍ ଏନେଙ୍ଗ୍ ଈଶ୍ୱରତିଙ୍ଗ୍ ପୁଜାକିୟା। ଇନେସ୍‌କି ପବିତ୍ର ଆତ୍ମା ହେ ମାନାୟ୍ ଇନେର୍ ମାନାୟାରିଙ୍ଗ୍ ଯୀଶୁ ଖ୍ରୀଷ୍ଟ ସତ୍ ବିଷୟ ଶୁଣାୟ୍ କିଦେଙ୍ଗ୍ ସାଇଜ କିନାତା।”