୨ ତିମଥି 3:13 - New Testament in Pengo Parja Language

¹³ ମାତର୍ କରାପ୍ ମାନାୟାର୍ ଆରେ ଟକ୍‌ୱା ମାନାୟାର୍ ଆଦିକ୍‌ତାଙ୍ଗ୍ ଆଦିକ୍ କରାପ୍ କାମାୟ୍ କିନାର୍। ହେୱାର୍ ମାନାୟାରିଙ୍ଗ୍ ଟକାଇ କିନାର୍ ଆରେ ନିଜେ ପା ଜେକନିକାର୍‌ତାଙ୍ଗ୍ ଟକାଇ କିୟିଆନାର୍।

୨ ତିମଥି 3:13 Iomraidhean Croise

୨ କରନ୍ତିୟ 6:8

ଆସେଙ୍ଗ୍ ଈଶ୍ୱର ହେବା କିନାପା, ମାନାୟାର୍ ମାଙ୍ଗେଙ୍ଗ୍ ସନ୍‌ମାନ୍ ହିଦେର୍ କି ଗିଣ୍ କିଦେର୍, ହେୱାର୍ ମାଙ୍ଗେଙ୍ଗ୍ କରାପ୍ ଇଞ୍ଜି ଜେକନିକାରିଙ୍ଗ୍ ୱେଚେର୍ କି ମା ଜୟ୍-ଜୟ୍ କିୟେର୍। ଆପେଙ୍ଗ୍ ଦରମ୍ ଲକ୍, ମାତର୍ ହେୱାର୍ ମାଙ୍ଗେଙ୍ଗ୍ ମିଚ୍‌ୱା ଇଞ୍ଜି ଇଞ୍ଜ୍‌ନାରା।

୧ ତିମତି 4:1

ନଙ୍ଗୟ୍ ପବିତ୍ର ଆତ୍ମା ହାର୍‌ଦାଙ୍ଗ୍ ୱେଚ୍‌ଚାନାତା, ଇ ସେସ୍ କାଡ଼୍‌ଦ କେତେକ୍ ହେନି ଖ୍ରୀଷ୍ଟାନ୍ ହିକ୍ଷାତିଙ୍ଗ୍ ପାର୍ତି କିଉର୍। ଆରେ ଜେକ ହାଜ୍‌ଦିଙ୍ଗ୍ ଅସାହାନି କରାପ୍ ଆତ୍ମା ହିକ୍ଷାତିଙ୍ଗ୍ ଆହ୍‌ନାର୍, ଆରେ ବୁତ୍ଆତ୍ମାକାଙ୍ଗ୍ ୱାନି ବୁଲ୍ ହିକ୍ଷାତିଙ୍ଗ୍ ପାର୍ତିକିନାର୍।

୨ ତିମଥି 3:8

ଆରେ ଇନେସ୍ ଯନ୍ନିସ୍ ଆରେ ଯମ୍ୱ୍ରସ୍ ମୋଶାଙ୍ଗ୍ ବିରଦ୍ କିଜି ମାଚାର୍, ହେଲେକେ ମିଚ୍‌ୱା ମାଷ୍ଟେରାର୍ ପା ସତ୍‌ତିଙ୍ଗ୍ ବିରଦ୍ କିନାର୍। ହେୱାର୍ ମାନ୍ ବିତ୍ରେ କରାପ୍ ଚିନ୍ତା ମାନାତ୍ ଆରେ ପାର୍ତିକିନି ବିଷୟରେ ପିସ୍ତାର୍‌ନା।

ତୀତସ 3:3

ଇନେସ୍‌କି ଯୀଶୁଙ୍ଗ୍ ପାର୍ତିକିୱି ଆଗେ ଆପେଙ୍ଗ୍ ପା ମୁର୍କ ଆଜି ଈଶ୍ୱରତିଙ୍ଗ୍ ମାନିକିୱାଦାଙ୍ଗ୍ ମାଚାପ୍, ମାନାୟାର୍ ମାଙ୍ଗେଙ୍ଗ୍ ଟକାଇ କିଜି ମାନ୍‌ଞ୍ଚାର୍। ଆରେ ଆପେଙ୍ଗ୍ ବାରବିନି କରାପ୍ ଇଚା ଆରେ ୱାରିନି ଜିବୁନ୍ କାଟିକିନି ଦାସ୍ ଆଜି ମାଚାପ୍। ଆପେଙ୍ଗ୍ ପୁରା କରାପ୍ ଆରେ ଜେକନିକାରିଙ୍ଗ୍ ଆକାର୍ ଆଜି ଜିବୁନ୍ କାଟିକିଜି ମାଚାପ୍। ମାନାୟାର୍ ମାଙ୍ଗେଙ୍ଗ୍ ଗିଣ୍‌କିଜି ମାନ୍‌ଞ୍ଚାର୍ ଆରେ ଆପେଙ୍ଗ୍ ପା ଜେକନିକାରିଙ୍ଗ୍ ଗିଣ୍‌କିଜି ମାଚାପ୍।

୨ ପିତର 2:20

ମାନାୟାର୍ ଯୀଶୁ ଖ୍ରୀଷ୍ଟଙ୍ଗ୍ ହେୱାର୍ ମାପୃ ଆରେ ଉଦାର୍ କିଦ୍‌ନାକାନ୍ ଇଞ୍ଜି ଆସ୍ତି ପାଚେ, ହେୱାର୍ ଇ ଜଗତ୍‌ନି କରାପ୍ ବିଷୟତାଙ୍ଗ୍ ହନ୍‌ଞ୍ଚି ହାଚାର୍‌ନା। ମାତର୍ ହେୱାର୍ ଆରେରଗ ନଙ୍ଗୟ୍ କରାପ୍ କାମାୟ୍ କିନାରା ଆରେ କରାପ୍ କାମାୟ୍ ହେୱାରିଙ୍ଗ୍ କଣ୍ଟ୍ରୁଲ୍ କିନାତା। ଲାଗିଙ୍ଗ୍ ହେୱାର୍ ଖ୍ରୀଷ୍ଟାନ୍ ଆୱି ପରିସ୍ତିତିତାଙ୍ଗ୍ ଖ୍ରୀଷ୍ଟଙ୍ଗ୍ ମାନିକିୱି ପରିସ୍ତିତି ଆଦିକ୍ କରାପ୍ ଆନାତ୍।

୨ ପିତର 3:3

ପାର୍ତୁମ୍ ଇଦାଙ୍ଗ୍ ଏପେଙ୍ଗ୍ ବୁଜାଆଡ ଯେ, ସେସ୍ କାଡ଼୍‌ଦ ଜାର୍ କରାପ୍ ଇଚା ବ୍ୟବହାର୍ କିନି ମାନାୟାର୍ ଚଞ୍ଜ୍‌ନାର୍। ଖ୍ରୀଷ୍ଟ ଆରେରଗ ୱାନି କାତାତିଙ୍ଗ୍ ହେୱାର୍ ଇନସ୍ତା କିନାର୍।

ହତ୍‌ତି 12:9

ଲାଗିଙ୍ଗ୍ ହେ ରାଚ୍ ଆରେ ତା ଦୁତ୍‌କୁକାଙ୍ଗ୍ ପୁର୍ତିତାକେ ତୁସିହିତାର୍, ହେ ରାଚ୍‌ତିଙ୍ଗ୍ ଆଗେ ପୁର୍‌ବେନି ଶୟତାନ୍ ଇନେର୍ ପୁର୍ତିନି ୱିଜୁ ମାନାୟାରିଙ୍ଗ୍ ଟକାୟ୍ କିନାତା। ହେୱାନ୍ ନେ ଗାଜା ରାଚ୍ ଲେକେ ଚଞ୍ଜ୍‌ନାତା।

ହତ୍‌ତି 13:14

ହେ ପାର୍ତୁମ୍ ପଶୁନି ବାଦୁଲ୍‌ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍‌ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍‌ନା।

ହତ୍‌ତି 18:23

ହେବେନି ମାନାୟାର୍ ଇନାୱେଡ଼ାଙ୍ଗ୍ ପା ବଇଟା ଅଜଡ଼୍ ହୁଡ଼୍‌ଦେଙ୍ଗ୍ ଆଡୁର୍, ଆରେ କାଡ଼୍‍ଦେ କି ଗାଡ଼୍‌ଚେ ବିବାଆନି ୱାରି କାବୁର୍ ୱେନ୍ୟା ଆଉତ୍। ଇନେସ୍‌କି ହେ ସହର୍‌ନି ବେପ୍‌ରିଆର୍ ବେସି ଶାକ୍ତି କାଟାକାର୍ ଆଜି ମାନାର୍, ଆରେ ପୁର୍ତିନି ୱିଜୁ ଜାତିନି ମାନାୟାରିଙ୍ଗ୍ ଗୁରୁ ଗୁଣିଆଁ କିଜି ଟକାୟ୍ କିଜି ଦେହା ଇଡ଼୍‌ଜି ମାନାର୍।