୨ ତିମଥି 3:11 - New Testament in Pengo Parja Language

¹¹ ମାନାୟାର୍ ନାଙ୍ଗେଙ୍ଗ୍ ଦୁକ୍‌କଷ୍ଟ ଆରେ ବେସିଦୁକ୍ ହିତାର୍‌ନା। ଆନ୍ତିୟକିଆ, ଇକନିୟ ଆରେ ଲୁସ୍ତ୍ରା ସହର୍‌କୁକାଙ୍ଗ୍ ନା ହୁଦାଙ୍ଗ୍ ଇନାକା ୱିଜୁ ଗଟାଆତାତ୍‌ନା ହେ ବିଷୟରେ ଏପେଙ୍ଗ୍ ପୁଚାଦେର୍‌ନା। ଆନେଙ୍ଗ୍ ହେ ୱିଜୁ ମାନିକିଜି ମାଚାଙ୍ଗ୍, ଆରେ ମାପୃ ନାଙ୍ଗେଙ୍ଗ୍ ହେ ୱିଜୁତାଙ୍ଗ୍ ଉଦାର୍ କିଜି ମାନ୍‌ଞ୍ଚାନ୍।

୨ ତିମଥି 3:11 Iomraidhean Croise

ପକ୍ୟାତାକା 13:14

ହେୱାର୍ ପର୍ଗି ସହର୍‌ତାଙ୍ଗ୍ ୱାଜି ଆନ୍ତିୟକିଆ ସହର୍‌ନି ପିସିଦିଆ ଜିଲ୍ଲାତାକେ ଇକାତାର୍। ଆରେ ଜମ୍‌ନିଦିନ୍‌ତ ପାର୍ତାନା ଇଞ୍ଜ ହାଲ୍‌ଜି କୁଚ୍‍ଚାର୍।

ପକ୍ୟାତାକା 13:45

ମାତର୍ ଯିହୁଦି ନେତାର୍ ବିନ୍‌ଜାତିର୍ ମାନାୟାରିଙ୍ଗ୍ ହୁଡ଼୍‌ଜି ରିସାଆତାର୍। ଆରେ ହେୱାର୍ ପାଉଲ ୱେଚ୍‌ଚି କାତାତିଙ୍ଗ୍ ବିରଦ୍ କିଜି ନିନ୍ଦା କିଦେଙ୍ଗ୍ ଲାଗାତାର୍।

ପକ୍ୟାତାକା 14:8

ଲୁସ୍ତ୍ରା ସହର୍‌ତାକେ ରକାନ୍ ମାନାୟ୍ ମାଚାନ୍। ତା କାଲ୍‌ପାନା ଶାକ୍ତି ହିଲାତାତ୍, ଆରେ ହେୱାନ୍ ଜନମ୍‌ତାଙ୍ଗ୍ ନେ ଚଟା ମାଚାନ୍। ଆରେ ହେୱାନ୍ ଇନାୱେଡ଼ାଙ୍ଗ୍ ପା ତାଙ୍ଗ୍‌ୱାଦାଙ୍ଗ୍ ମାଚାନ୍।

ପକ୍ୟାତାକା 20:19

ଯିହୁଦି ନେତାର୍ ନାଙ୍ଗେଙ୍ଗ୍ ଅସ୍ତେଦେଙ୍ଗ୍ ଉପାୟ୍ କିତିଲେ ଆନେଙ୍ଗ୍ ବେସି ଦୁକ୍‌କଷ୍ଟ ପାୟାଆତାଙ୍ଗ୍‌ନା, ମାତର୍ ଆନେଙ୍ଗ୍ ଆଡ଼୍‌ବିସ୍‌-ଆଡ଼୍‌ବିସ୍‌ ନିଜେତିଙ୍ଗ୍ ହିରୁ କିଜି ମାପୃତିଙ୍ଗ୍ ହେବା କିତାଙ୍ଗ୍‌ନା।

ପକ୍ୟାତାକା 23:10

ହେୱାର୍ ବେସି ଜୁକ୍ତି କିବାଆଜି ମାଚାର୍, ହେଦାଙ୍ଗ୍ କାଜିଙ୍ଗ୍ ପାଉଲତିଙ୍ଗ୍ ହେୱାର୍ କେଜାଣେ ମାର୍ନେ ଅହ୍‌ନାର୍ ଇଞ୍ଜି ହାଜାର୍ ସେନାର୍ ମୁକ୍ୟା ବାବିକିଜି ହେ ବିଚାର୍ ବାହାତାଙ୍ଗ୍, ହେୱାନିଙ୍ଗ୍ ଆସ୍ତି ସେନାର୍ ମାନି ବାହା ବିତ୍ରେ ଅସାହାଞ୍ଜେଙ୍ଗ୍ ସେନାରିଙ୍ଗ୍ ଆଦେସ୍ ହିତାନ୍।

ପକ୍ୟାତାକା 26:17

ଆନେଙ୍ଗ୍ ନିଙ୍ଗେଙ୍ଗ୍ ଜାର୍ ମାନାୟ୍ ଆରେ ବିନ୍‌ଜାତିନି ମାନାୟାର୍‌ତାଙ୍ଗ୍ ଉଦାର୍ କିଦ୍‌ନାଙ୍ଗ୍, ଈଶ୍ୱର କାତା ଶୁଣାୟ୍ କିଦେଙ୍ଗ୍ ନଙ୍ଗୟ୍ ହେୱାର୍‌ତାକେ ପକ୍ତାନାଙ୍ଗା।

ପକ୍ୟାତାକା 26:22

ମାତର୍ ଈଶ୍ୱରତାଙ୍ଗ୍ ସାଇଜ ପାୟାଆଜି ଆନେଙ୍ଗ୍ ନେଞ୍ଜେଙ୍ଗ୍ ପାତେକ୍ ଗାଜାକାର୍‌ ଆରେ ହିରୁକାର୍ ମୁମ୍‌ଦ ଶୁଣାୟ୍ କିଜି ୱାତାଙ୍ଗ୍‌ନା, ଭବିଷ୍ଯତବକ୍ତାର୍ ଆରେ ମୋଶା ଇନା-ଇନାକା ଗଟାଆନାତ୍ ଇଞ୍ଜି ୱେଚ୍‌ଚାର୍‌ନା ହେଦାଙ୍ଗ୍‌ନେ ଆନେଙ୍ଗ୍ ୱେଚ୍‌ନାଙ୍ଗା।

ପକ୍ୟାତାକା 9:16

ଆରେ ନା ବିଷୟରେ ହେୱାନ୍ ମାନାୟାରିଙ୍ଗ୍ ୱେଚ୍‌ନିହିଙ୍ଗ୍ ଏଚେକ୍ ଦୁକ୍‌କଷ୍ଟ ପାୟା ଆନାନ୍, ହେ ବିଷୟରେ ଆନେଙ୍ଗ୍ ହେୱାନିଙ୍ଗ୍ ୱେଚ୍‌ନାଙ୍ଗ୍।”

ରୋମିୟ 15:31

ଏପେଙ୍ଗ୍ ନା କାଜିଙ୍ଗ୍ ପାର୍ତାନା କିୟାଟ୍ ଯେ, ଈଶ୍ୱର କାତାତିଙ୍ଗ୍ ମାନିକିୱି ଯିହୁଦା ଦେସ୍‌ନି ମାନାୟାର୍‌ତାଙ୍ଗ୍ ନାଙ୍ଗେଙ୍ଗ୍ ରକ୍ଷା କିଦେନ୍। ଆରେ ପା ପାର୍ତାନା କିୟାଟ୍ ଯେ, ଯିରୁଶାଲାମ ସହର୍‌ତାକେ ମାନି ଖ୍ରୀଷ୍ଟାନ୍ ଟଣ୍ଡାର୍ ଆନେଙ୍ଗ୍ ଅନି ଚାନ୍ଦା ଡାବୁକାଙ୍ଗ୍ ଆସ୍ତେଙ୍ଗ୍ ଇଚା କିନାର୍।

୨ କରନ୍ତିୟ 1:5

ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଆଦିକ୍ ଦୁକ୍‌କଷ୍ଟ ପାୟାଆନାପା, ଲାଗିଙ୍ଗ୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଈଶ୍ୱର ମାଙ୍ଗେଙ୍ଗ୍ ତାବେତାଙ୍ଗ୍ ଆଦିକ୍ ସାହାସ୍ ହିଦ୍‌ନାନ୍।

୨ କରନ୍ତିୟ 1:7

ଆପେଙ୍ଗ୍ ପୁଚାପ୍‌ନା ଯେ, ଏପେଙ୍ଗ୍ ମା ହୁଦାଙ୍ଗ୍ ମାହାଆଜି ଦୁକ୍‌କଷ୍ଟ ପାୟାଆନାଦେରା ଆରେ ହେଲେକେ ଏପେଙ୍ଗ୍ ପା ମା ହୁଦାଙ୍ଗ୍ ମାହାଆଜି ଈଶ୍ୱର ହିତ୍‌ତି ଆହାତିଙ୍ଗ୍ ପାୟାଆନାଦେର୍।

୨ କରନ୍ତିୟ 12:10

ଆନେଙ୍ଗ୍ ପୁଚାଙ୍ଗ୍‌ନା ଯେ, ଇ ୱିଜୁ ଖ୍ରୀଷ୍ଟ କାଜିଙ୍ଗ୍ ଆନାତା, ଆନେଙ୍ଗ୍ ଦୁର୍‌ବଲ୍ ମାଚିସ୍ କି, ମାନାୟାର୍ ଇନସ୍ତା କିତ୍‌ତିସ୍ କି, ନାଙ୍ଗେଙ୍ଗ୍ କଷ୍ଟଆଜି ମାଚିସ୍ କି, ମାନାୟାର୍ ଦୁଃକ୍ କଷ୍ଟ ହିଜି ମାନ୍‌ଞ୍ଚିସ୍ କି ଆରେ ନାଙ୍ଗେଙ୍ଗ୍ ବିପତ୍ ୱାତିସ୍ ପା ଆନେଙ୍ଗ୍ ୱାରିତାଙ୍ଗ୍ ମାନାଙ୍ଗ୍। ଇନେସ୍‌କି ଏଚେପାଦ୍ନା ଆନେଙ୍ଗ୍ ଦୁର୍‌ବଲ୍ ମାନାଙ୍ଗା ହେପାଦ୍ନା ଆନେଙ୍ଗ୍ ଶାକ୍ତି ଆନାଙ୍ଗା।

୨ ତିମଥି 4:7

ଜୁଜ୍ କିନିତାକେ ମାନି ସେନା ଇନେସ୍ ଜୁଜ୍‌କିଜି ମାନାନ୍, ହେଲେକେ ଆନେଙ୍ଗ୍ ଖ୍ରୀଷ୍ଟ କାଜିଙ୍ଗ୍ ବେସି କଷ୍ଟ କିନାଙ୍ଗା। ଆନେଙ୍ଗ୍ ହନ୍‌ନି ଲାଇନ୍ ୱିସ୍ତାଙ୍ଗେ, ଆନେଙ୍ଗ୍ ପାର୍ତିତିଙ୍ଗ୍ ଆସ୍ତି ଇଡ଼୍‌ତାଙ୍ଗ୍‌ନା।

୨ ପିତର 2:9

ମାପୃ ନିଜେ ରକ୍ଷା ଆରେ ଦଣ୍ଡ୍ ହିନି ବିଷୟ କିଜିମାଚି କାଜିଙ୍ଗ୍, ହେୱାନିଙ୍ଗ୍ ପାଣ୍ଡ୍ରାଆଜି ଇମ୍‌ଣି ମାନାୟାର୍ ଦୁକ୍‌କଷ୍ଟ ପାୟାଆନାର୍‌ ହେୱାରିଙ୍ଗ୍ ରକ୍ଷା କିଦେଙ୍ଗ୍ ପୁଚାନ୍‌ନା। ଆରେ ହେୱାନ୍ କରାପ୍ କାମାୟ୍ କିନି ମାନାୟାରିଙ୍ଗ୍ ବିଚାର୍‌କିନି ଦିନ୍‌ତ ଦଣ୍ଡ୍ ହିଦେଙ୍ଗ୍ ପା ପୁନାନା।