୨ ତିମଥି 2:9 - New Testament in Pengo Parja Language

⁹ ଇ ହାର୍ଦିକାବୁର୍ ଶୁଣାଇକିତି କାଜିଙ୍ଗ୍ ଆନେଙ୍ଗ୍ ରକାଙ୍ଗ୍ ଦସି ଲେକେ ଗାଚିୟାଆଜି ଜଇଲ୍ ଇଞ୍ଜ ଦୁକ୍ ପାୟାଆନାଙ୍ଗା। ମାତର୍ ଇନେର୍ ପା ଈଶ୍ୱର କାତା ଶୁଣାୟ୍ କିନି କାଜିଙ୍ଗ୍ ବନ୍ଦି କିଦ୍‌ଦେଙ୍ଗ୍ ଆଡ଼୍‌ଦୁର୍।

୨ ତିମଥି 2:9 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 23:32

ସେନାର୍ ରିକାର୍ ଚର୍‌କୁକାଙ୍ଗ୍ ପା ହାଃନି ଦଣ୍ଡ୍ ହିଦେଙ୍ଗ୍ ସେନାର୍ ଯୀଶୁ ହୁଦାଙ୍ଗ୍ ଅଜିମାଚାର୍।

ପକ୍ୟାତାକା 21:33

ହେପାଦ୍ନା ହାଜାର୍ ସେନାର୍ ମୁକ୍ଯା ପାଉଲ ଲାଗାୟ୍ ୱାଜି ହେୱାନିଙ୍ଗ୍ ଆସ୍ତାନ୍, ଆରେ ହେୱାନିଙ୍ଗ୍ ରିଣ୍ଡାଙ୍ଗ୍ ହିକ୍‌ଡ଼ିଙ୍ଗ୍ ହୁଦାଙ୍ଗ୍ ଗାଚ୍‍ଚେଙ୍ଗ୍ ଆଦେସ୍ ହିତାନ୍, ତାପାଚେ ହେୱାନ୍ ଇନେର୍ ଆରେ ଇନାକା କିନାନା ଇଞ୍ଜି ମାନାୟାରିଙ୍ଗ୍ ୱେନ୍‌ବାତାନ୍।

ପକ୍ୟାତାକା 28:31

ଆରେ ତା ଲାଗାୟ୍ ୱାଜିମାଚାର୍ ହେ ୱିଜାକାରିଙ୍ଗ୍ ଶାସ୍ ହୁଦାଙ୍ଗ୍ ଆରେ ପାଣ୍ଡ୍ରା ଆୱାଦାଙ୍ଗ୍ ଈଶ୍ୱର ସାସନ୍ କିନି ରାଜି ବିଷୟରେ ଶୁଣାୟ୍ କିଜି ମାଚାନ୍, ଆରେ ମାପୃ ଯୀଶୁ ଖ୍ରୀଷ୍ଟ ବିଷୟରେ ହିକ୍ଷା କିଜି ମାଚାନ୍।

ପକ୍ୟାତାକା 9:16

ଆରେ ନା ବିଷୟରେ ହେୱାନ୍ ମାନାୟାରିଙ୍ଗ୍ ୱେଚ୍‌ନିହିଙ୍ଗ୍ ଏଚେକ୍ ଦୁକ୍‌କଷ୍ଟ ପାୟା ଆନାନ୍, ହେ ବିଷୟରେ ଆନେଙ୍ଗ୍ ହେୱାନିଙ୍ଗ୍ ୱେଚ୍‌ନାଙ୍ଗ୍।”

ଏପିସିୟ 3:1

ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପାଉଲ ମି କାଜିଙ୍ଗ୍ ପାର୍ତାନା କିନାଙ୍ଗା। ଏପେଙ୍ଗ୍ ବିନ୍‌ଜାତିର୍‌ତାକେ ଯୀଶୁ ଖ୍ରୀଷ୍ଟ କାମାୟ୍ କିଜି ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍, ଆନେଙ୍ଗ୍ ନଙ୍ଗୟ୍ ଜଇଲ୍ ଇଞ୍ଜ ବନ୍ଦି ଆତାଙ୍ଗ୍‌ନା।

ପିଲିପିୟ 1:17

ମାତର୍ ନାଙ୍ଗେଙ୍ଗ୍ ଆକାର୍ ଆନି ମାନାୟ୍ ଜାର୍ ବିଷୟରେ ନେ ବାବିକିଜି ଖ୍ରୀଷ୍ଟ ବିଷୟତିଙ୍ଗ୍ ଶୁଣାୟ୍ କିନାରା। ଇନେସ୍‌କି ହେୱାର୍ ବନ୍ଦିତାକେ ମାନିହିଙ୍ଗ୍ ହେୱାର୍ ନାଙ୍ଗେଙ୍ଗ୍ କଷ୍ଟ ହିଦ୍‌ଦେଙ୍ଗ୍ ଇଚା କିନାରା।

ପିଲିପିୟ 1:7

ଆନେଙ୍ଗ୍ ମିଙ୍ଗେଙ୍ଗ୍ ଇ ଲେକେ ବାବି କିନାକା ଟିକ୍ ମାନ୍‌ଗାନାତ୍, ଆନେଙ୍ଗ୍ ଜଇଲ୍ ଇଞ୍ଜ ବନ୍ଦି ଆଜି ମାଚିସ୍ କି ହାର୍ଦିକାବୁର୍ ବିଷୟରେ ଜୁକ୍ତି ଆଜି ସତ୍ ଇଞ୍ଜି ପାର୍ମାଣ୍ କିନିହିଙ୍ଗ୍। ଏପେଙ୍ଗ୍ ଆରେ ଆନେଙ୍ଗ୍ ମାହାଆଜି ଯୀଶୁ ଖ୍ରୀଷ୍ଟ ବିଷୟରେ ଶୁଣାୟ୍ କିଦେଙ୍ଗ୍ ମାଙ୍ଗେଙ୍ଗ୍ ଈଶ୍ୱର ଦୟା କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମି ୱିଜାକାରିଙ୍ଗ୍ ବେସି ଲାଡ୍ କିଦ୍‌ନାଙ୍ଗା।

କଲସିୟ 4:18

ଆନେଙ୍ଗ୍ ପାଉଲ ଇ ଚିଟି ନିଜେ ଲେକିକିଜି ଜୱାର୍ କିଦ୍‌ନାଙ୍ଗା। ଆନେଙ୍ଗ୍ ଜଇଲ୍ ଇଞ୍ଜ ମାନାକା ଏତୁକିଜି ନା କାଜିଙ୍ଗ୍ ପାର୍ତାନା କିୟାଟ୍। ଈଶ୍ୱର ମିଙ୍ଗେଙ୍ଗ୍ ଦୟା କିଦେନ୍।

କଲସିୟ 4:3

ମା କାଜିଙ୍ଗ୍ ପା ପାର୍ତାନା କିୟାଟ୍, ଈଶ୍ୱର ଇନେସ୍ ମାଙ୍ଗେଙ୍ଗ୍ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍ ସୁଯଗ୍ ହିଦ୍‌ନାନ୍, ଆରେ ଆପେଙ୍ଗ୍ ଖ୍ରୀଷ୍ଟନି ଡ଼ୁକ୍‌ତି ବିଷୟତିଙ୍ଗ୍ ଶୁଣାୟ୍ କିଦେଙ୍ଗ୍ ଆଡ୍‌ନାପ୍। ଆନେଙ୍ଗ୍ ଇ ହାର୍ଦିକାବୁର୍ ଶୁଣାୟ୍ କିନି କାଜିଙ୍ଗ୍ ବନ୍ଦି ଆତାଙ୍ଗ୍‌ନା।

୧ ଥେସଲନୀକିୟ 1:8

ଏପେଙ୍ଗ୍ ମାପୃ ହାର୍ଦିକାବୁର୍‌ତିଙ୍ଗ୍ ମାକଦନିଆ ଆରେ ଆକାୟା ସହର୍‌ତାକେ ୱେଚ୍‌ଚାଦେର୍ ହେଦାଙ୍ଗ୍ ଆକାୟ୍, ମାତର୍ ଏପେଙ୍ଗ୍ ଈଶ୍ୱରତିଙ୍ଗ୍ ପାର୍ତି କିନାଦେରା ଇଞ୍ଜି ୱିଜୁ ନିପଣ୍ ବିଚାଆତାତ୍। ଈଶ୍ୱର ମି କାଜିଙ୍ଗ୍ ଇନାକା କିତାନ୍‌ନା, ହେଦାଙ୍ଗ୍ ଆପେଙ୍ଗ୍ ମାନାୟାରିଙ୍ଗ୍ ୱେଚ୍‌ଚିନି ଦର୍‌କାର୍ ଆକାୟ୍।

୨ ଥେସଲନୀକିୟ 3:1

ଏ ପାର୍ତିକିନି ଟଣ୍ଡାର୍‌କାଦେର୍, ମା କାଜିଙ୍ଗ୍ ପାର୍ତାନା କିୟାଟ୍ ଯେ, ଆପେଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ବେଗି-ବେଗି ୱିଜୁ ବାହାତାକେ ଶୁଣାୟ୍ କିନାପ୍, ଆରେ ହେଦାଙ୍ଗ୍ ୱେନି ମାନାୟାର୍ ପାର୍ତି କିୟେର୍। ଏପେଙ୍ଗ୍ ଇନେସ୍‌ଲେକେ ପାର୍ତି କିତାଦେର୍।

୨ ତିମଥି 1:12

ଇ ହାର୍ଦିକାବୁର୍ ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ପା ଆନେଙ୍ଗ୍ ଇୱିଜୁ ଦୁକ୍ ପାୟାଆତାଙ୍ଗ୍‌ନା, ଆତିସ୍‌ପା ଆନେଙ୍ଗ୍ ଲାଜା ଆଉଙ୍ଗା। ଇନେସ୍‌କି ଆନେଙ୍ଗ୍ ଇନେର୍‌ତାକେ ପାର୍ତି କିନାଙ୍ଗା, ହେୱାନିଙ୍ଗ୍ ଆନେଙ୍ଗ୍ ପୁନାଙ୍ଗ୍। ଖ୍ରୀଷ୍ଟ ନାଙ୍ଗେଙ୍ଗ୍ ଇନାକା ହିତ୍‌ତାନ୍‌ନା, ହେୱାନ୍ ୱାନି ପାତେକ୍ ହେୱାନ୍ ରକ୍ଷା କିଦେଙ୍ଗ୍ ଆଡ୍‌ନାନ୍ ଇଞ୍ଜି ଇଦାଙ୍ଗ୍ ବେସି ପାର୍ତି କିନାଙ୍ଗା।

୨ ତିମଥି 1:16

ଅନୀସିଫରନି ପରିବାର୍‌ତିଙ୍ଗ୍ ମାପୃ ଦୟା କିଦେନ୍। ଇନେସ୍‌କି ହେୱାନ୍ ନାଙ୍ଗେଙ୍ଗ୍ ବେସିହଟ୍ ଗିଟାଆନି କାଜିଙ୍ଗ୍ ୱାତାନ୍‌ନା ଆରେ ସାଇଜ କିତ୍‌ତାନ୍‌ନା। ଜଇଲ୍ ଇଞ୍ଜ ନାଙ୍ଗେଙ୍ଗ୍ ୱାଜି ଗିଟାଆନି କାଜିଙ୍ଗ୍ ଲାଜୁ କିୱାତାର୍‌ନା।

୨ ତିମଥି 1:8

ଇଦାଙ୍ଗ୍ କାଜିଙ୍ଗ୍ ଜେକନିକାରିଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନି କାଜିଙ୍ଗ୍ ଲାଜା ଆମାଟ୍, କି ଆନେଙ୍ଗ୍ ହେୱାନିଙ୍ଗ୍ ହେବା କିତି କାଜିଙ୍ଗ୍ ବନ୍ଦି ଆତି କାଜିଙ୍ଗ୍ ଲାଜା ଆମାଟ୍। ମାତର୍ ଈଶ୍ୱର ହିତ୍‌ତି ଶାକ୍ତି ବ୍ଯବହାର୍ କିୟାଟ୍ ଆରେ ନା ହୁଦାଙ୍ଗ୍ ମାହାଆଜି ହାର୍ଦିକାବୁର୍ କାଜିଙ୍ଗ୍ ଦୁକ୍‌କଷ୍ଟ ପାୟାଆଡ।

୨ ତିମଥି 2:3

ଯୀଶୁ ଖ୍ରୀଷ୍ଟନି ରକାନ୍ ହାର୍ଦି ସେନା ଲେକେ ଆଜି ନା ହୁଦାଙ୍ଗ୍ ମାହାଆଜି ଦୁକ୍‌କଷ୍ଟ ପାୟା ଆ।

୨ ତିମଥି 4:17

ମାତର୍ ମାପୃ ନା ନିପଣ୍ ଆଜି ନାଙ୍ଗେଙ୍ଗ୍ ଶାକ୍ତି କିତ୍‌ତାନ୍, ଆରେ ଆନେଙ୍ଗ୍ ଇନେସ୍ ହାର୍ଦିକାବୁର୍ ପୁରାପୁରି କିଲେର୍ କିଜି ଶୁଣାୟ୍ କିଦେଙ୍ଗ୍ ଆଡ୍‌ନାଙ୍ଗ୍। ଆରେ ବିନ୍‌ଜାତିର୍ ୱିଜୁ ମାନାୟାର୍ ହେଦାଙ୍ଗ୍ ୱେଞ୍ଜେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ହାଃନିତାଙ୍ଗ୍ ରକ୍ଷା କିତ୍‌ତାନ୍।

୧ ପିତର 2:12

ଈଶ୍ୱରତିଙ୍ଗ୍ ପୁନ୍‌ୱିତି ମାନାୟାର୍ ମି ଚାରିବେଣ୍‌ତାଙ୍ଗ୍ ମାନାର୍, ଆରେ ହେୱାର୍ ମିଙ୍ଗେଙ୍ଗ୍ ବୁଲ୍ କାମାୟ୍ କିନାରା ଇଞ୍ଜି ବିରଦ୍ କିଦେଙ୍ଗ୍ ଆଡ୍‌ନାର୍। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ହାର୍ ଜିବୁନ୍ କାଟିକିନି ଦର୍‌କାର୍, ଲାଗିଙ୍ଗ୍ ହେୱାର୍ ମି ହାର୍ କାମାୟ୍ ହୁଡ଼୍‌ଜି ଈଶ୍ୱରତିଙ୍ଗ୍ ଗୌରବ ହିନାର୍, ଏଚେପାଦ୍ନା ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ବିଚାର୍ କିଦେଙ୍ଗ୍ ୱାନାନ୍।

୧ ପିତର 2:14

ଏପେଙ୍ଗ୍ ଗବର୍‌ନର୍ କାତାତିଙ୍ଗ୍ ପା ମାନିକିନି ଦର୍‌କାର୍, ଇନେସ୍‌କି ରାଜା ଗବର୍‌ନର୍‌ରିଙ୍ଗ୍ ଆସ୍ତି ବୁଲ୍ କାମାୟ୍ କିନାକାରିଙ୍ଗ୍ ଦଣ୍ଡ୍ ହିନାନ୍, ଆରେ ହାର୍ କାମାୟ୍ କିନାକାରିଙ୍ଗ୍ ଜୟ୍-ଜୟ୍ କିନାନ୍।

୧ ପିତର 3:16

ଏପେଙ୍ଗ୍ ଦରମ୍‌ଆଜି ସନ୍‌ମାନ୍ ହୁଦାଙ୍ଗ୍ ହେ ବିଷୟତିଙ୍ଗ୍ ବୁଜାୟ୍ କିନି ଦର୍‌କାର୍, ଏପେଙ୍ଗ୍ ଜାର୍ ମାନ୍‌ତିଙ୍ଗ୍ କିଲେର୍ କିଜି ଇଟାଟ୍। ଲାଗିଙ୍ଗ୍ ମାନାୟାର୍ ଯଦି ମି ବିରୁଦ୍‌ତାକେ ଇଞ୍ଜ୍‌ନାର୍, ଆରେ ଏପେଙ୍ଗ୍ ହାର୍ ଜିବୁନ୍ କାଟି କିନାକା ହେୱାର୍ ହୁଡ଼୍‍ଦାନାର୍ ଆରେ ହେୱାର୍ ଲାଜ୍ ପାୟାଆନାର୍‌, ଇନେସ୍‌କି ଏପେଙ୍ଗ୍ ଖ୍ରୀଷ୍ଟ ଲକ୍ ଆତାଦେର୍‌ନା।

୧ ପିତର 4:15

ଯଦି ମାନାୟାର୍ ମିଙ୍ଗେଙ୍ଗ୍ ଦୁଃକ୍ କଷ୍ଟ ହିଦ୍‌ନାର୍, ହେଦାଙ୍ଗ୍ ମାନାୟ୍ ଅସ୍ତି କାଜିଙ୍ଗ୍, ଚରି କିତି କାଜିଙ୍ଗ୍, ଗଣ୍ଡ୍‍ଗଲ୍ କିତି କାଜିଙ୍ଗ୍, କରାପ୍ ଜିନିଷ୍ କିତି କାଜିଙ୍ଗ୍, ମିଙ୍ଗେଙ୍ଗ୍ ଦଣ୍ଡ୍ ହିଦ୍‌ମେର୍।