୨ ତିମଥି 2:7 - New Testament in Pengo Parja Language

⁷ ଆନେଙ୍ଗ୍ ନଙ୍ଗୟ୍ ଇନାକା ୱେଚ୍‌ଚାତାଙ୍ଗ୍, ହେ ବିଷୟରେ ଚିନ୍ତା କିୟା। ଇ ୱିଜୁ ବିଷୟରେ ବୁଜା ଆଦେଙ୍ଗ୍ ମାପୃ ନିଙ୍ଗେଙ୍ଗ୍ ସାଇଜ କିଦ୍‌ନାନ୍।

୨ ତିମଥି 2:7 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:15

ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍‌ଚେଙ୍ଗ୍ ବୁଦି ହିଦ୍‌ନାଙ୍ଗ୍। ଏପେଙ୍ଗ୍ ଇନାକା ଇନାଦେର୍, ମି ଶାତ୍ରୁ ତା ଉତର୍ ହିଦ୍‌ଦେଙ୍ଗ୍ ଆଡ଼୍‌ଦୁନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:45

ତାପାଚେ ଯୀଶୁ ଚେଲାହିରିଙ୍ଗ୍ ୱିଜୁ ଦରମ୍ ସାସ୍ତର୍ ବିଷୟରେ ବୁଜାଇ କିତାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:44

ଯୀଶୁ ଇନା ଇନାକା କାମାୟ୍ କିଜି ମାଚାନ୍ ମାନାୟାର୍ ହେଦାଙ୍ଗ୍ ହୁଡ଼୍‌ଜି କାବାଆଜି ମାଚାର୍। ହେପାଦ୍ନା ହେୱାନ୍ ଜାର୍ ଚେଲାହିରିଙ୍ଗ୍ ୱେଚ୍‌ଚାନ୍, “ନଙ୍ଗୟ୍ ଆନେଙ୍ଗ୍ ମିଙ୍ଗେଙ୍ଗ୍ ଇନାକା ୱେଚ୍‌ଚାନାଙ୍ଗ୍, ହେଦାଙ୍ଗ୍ ବାଣା ଆମାଟ୍। ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣାତିଙ୍ଗ୍ ର ମାନାୟ୍ ଶାତ୍ରୁ କେଇଦ ଆହିକିନାନ୍।”

ଜହନ୍‌ 14:26

ମାତର୍ ମିଙ୍ଗେଙ୍ଗ୍ ସାଇଜ କିଦ୍‌ନାକାର୍, ପବିତ୍ର ଆତ୍ମାତିଙ୍ଗ୍ ଆବା ଈଶ୍ୱର ନା ତର୍‍ଦାଙ୍ଗ୍ ପକ୍ତାନାନ୍, ହେୱାନ୍ ମିଙ୍ଗେଙ୍ଗ୍ ୱିଜୁ ହିକ୍ଷା ହିଦ୍‌ନାନ୍। ଆରେ ଆନେଙ୍ଗ୍ ଇମ୍‌ଣି-ଇମ୍‌ଣି କାତା ୱେଚ୍‌ଚାତାଙ୍ଗ୍‌ନା, ହେୱାନ୍ ହେ ୱିଜୁ କାତା ମିଙ୍ଗେଙ୍ଗ୍ ମାନ୍ତ ଏତୁ କି କିଦ୍‌ନାନ୍।

ଜହନ୍‌ 16:13

ମାତର୍ ଏଚେପାଦ୍ନା ଈଶ୍ୱରଆତ୍ମା ୱାନାତ୍, ହେପାଦ୍ନା ହେୱାନ୍ ମିଙ୍ଗେଙ୍ଗ୍ ୱିଜୁ ସତ୍ ହାଜ୍‌ଦିଙ୍ଗ୍ ଅସାହାଞ୍ଜ୍‌ନାନ୍। ହେୱାନ୍ ତା ଜାର୍ କାତା ୱେଚ୍‌ଚୁନ୍। ଈଶ୍ୱର ହେୱାନିଙ୍ଗ୍ ଇନାକା ୱେଚ୍‌ନାନ୍, ହେଦାଙ୍ଗ୍ ହେୱାନ୍ ୱେଚ୍‌ଚାନାନ୍। ହେୱାନ୍ ନଙ୍ଗୟ୍‌ୱାନି ଗଟ୍‌ନା ବିଷୟରେ ୱେଚ୍‌ଚାନାନ୍।

ପକ୍ୟାତାକା 7:10

ଆରେ ଈଶ୍ୱର ଯୋଷେପତିଙ୍ଗ୍ ୱିଜୁ ଦୁଃକ୍‌କଷ୍ଟତାଙ୍ଗ୍ ଉଦାର୍ କିତାନ୍। ଈଶ୍ୱର ହେୱାନିଙ୍ଗ୍ ବୁଦି ହିତାନ୍, ଆରେ ମିସର ଦେସ୍ ରାଜା ଫାର ମୁମ୍‌ଦ ଦୟା କିୟିକିତାନ୍‌। ହେବେତାଙ୍ଗ୍ ଫାର ହେୱାନିଙ୍ଗ୍ ମିସର୍ ଦେସ୍ ଆରେ ତା ଦନ୍‌ସମ୍ପତିଙ୍ଗ୍ ଦେକାଶୁଣା କିଦେଙ୍ଗ୍ ଦାଇତ୍‌ପ ହିତାନ୍।

୧ କରନ୍ତିୟ 12:8

ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ବୁଦିନି କାତା ୱେଚ୍‌ଚେଙ୍ଗ୍ ହିତାନ୍‌ନା, ଆରେ ହେ ଈଶ୍ୱର ରକାନିଙ୍ଗ୍ ତା ପବିତ୍ର ଆତ୍ମା ଜେକନିକାନିଙ୍ଗ୍ ଜ୍ଞାନ୍‌ନି କାତା ୱେଚ୍‌ନି କାଜିଙ୍ଗ୍ ଶାକ୍ତି ହିନାନ୍।

ପିଲିପିୟ 4:8

ହାରିହାରା, ଏ ପାର୍ତିକିନି ଟଣ୍ଡାର୍‌କାଦେର୍, ସତ୍ ବିଷୟରେ, ସନ୍‌ମାନ୍ ପାୟାଆନି ବିଷୟରେ, ଟିକ୍ ବିଷୟରେ, ଇମ୍‌ଣି ୱିଜୁ ବିଷୟରେ ପାପ୍ ହିଲ୍‌ଗୁତ୍, ହଲ୍‌ନି ବିଷୟରେ, ଇମ୍‌ଣି ବିଷୟରେ ହାର୍ଦି ତର୍‌ ମାନାତ୍। ହାର୍ଦି ବିଷୟରେ ଆରେ ଇମ୍‌ଣି ବିଷୟରେ ମାନାୟାର୍ ଜୟ୍-ଜୟ୍ କିନାର୍ ଇ ୱିଜୁ ବିଷୟରେ ଏପେଙ୍ଗ୍ ଚିନ୍ତା କିୟାଟ୍।

କଲସିୟ 1:9

ହେଦାଙ୍ଗ୍ କାଜିଙ୍ଗ୍ ହେ କାତା ୱେଚି ଦିନ୍‌ତାଙ୍ଗ୍ ୱିଜୁଦିନ୍ ଆପେଙ୍ଗ୍ ମି କାଜିଙ୍ଗ୍ ପାର୍ତାନା କିନାପା। ଆପେଙ୍ଗ୍ ପାର୍ତାନା କିନାପା ଯେ, ମିଙ୍ଗେଙ୍ଗ୍ ଈଶ୍ୱର ଆତ୍ମା ଜ୍ଞାନ୍ ଆରେ ବୁଦି ହିଦେନ୍, ଇନେସ୍‌କି ଏପେଙ୍ଗ୍ ତା ଇଚାତାଙ୍ଗ୍ ପୁରାପୁରି ପୁଞ୍ଜେଙ୍ଗ୍ ଆଡ୍‌ନାଦେର୍।

୧ ତିମତି 4:15

ଇ ୱିଜୁ ବିଷୟତିଙ୍ଗ୍ ଏନେଙ୍ଗ୍ ଦିୟାନ୍ ହିୟା ଆରେ ହେଦାଙ୍ଗ୍‌ତିଙ୍ଗ୍ ଅବ୍ୟାସ୍ କିୟା, ଲାଗିଙ୍ଗ୍ ୱିଜାକାର୍ ପୁନାର୍ ଯେ ଏନେଙ୍ଗ୍ ପାର୍ତିତାଙ୍ଗ୍ ଜିନାୟା।

୨ ତିମଥି 2:6

ଇମ୍‌ଣାକାନ୍ କାମାୟ୍ କିନାକାନ୍ ବେସି କଷ୍ଟ କିନାନ୍, ହେୱାନ୍ ନେ ପାର୍ତୁମ୍ ତିନି ଦର୍‌କାର୍।

୨ ତିମଥି 2:8

ଯୀଶୁ ଖ୍ରୀଷ୍ଟ ବିଷୟରେ ୱିଜୁଦିନ୍ ଏନେଙ୍ଗ୍ ମାନ୍ତ ଏତୁକିଜି ମାନା। ହେୱାନ୍ ଦାଉଦ ରାଜା ଲାତ୍ରାନି ମାନାୟ୍ ଆରେ ଈଶ୍ୱର ହେୱାନିଙ୍ଗ୍ ହାଃତି ମାନାୟାର୍‌ତାଙ୍ଗ୍ ଆରେରଗ ଜିବୁନ୍ କିଜି ନିକ୍ତାନ୍‌ନା। ଇ ହାର୍ଦିକାବୁର୍ ଆନେଙ୍ଗ୍ ଶୁଣାୟ୍ କିନାଙ୍ଗା।

ଏବ୍ରି 12:3

ଯୀଶୁ ବିଷୟରେ ଚିନ୍ତା କିଜି ହୁଡ଼ାଟ୍, ଏଚେପାଦ୍ନା ପାପି ମାନାୟାର୍ ହେୱାନିଙ୍ଗ୍ ବେସି କଷ୍ଟ ହିଜି ମାଚାର୍, ହେୱାନ୍ ସାହାସ୍ ଆସ୍ତି ମାଚାନ୍। ଲାଗିଙ୍ଗ୍ ଏପେଙ୍ଗ୍ ଇମ୍‌ଣି ବିଷୟରେ ଚିନ୍ତା କିୱାଦାଙ୍ଗ୍ ସାହାସ୍ ଆସ୍ତି ମାନାଟ୍।

ଏବ୍ରି 13:7

ଇମ୍‌ଣାକାର୍ ମିଙ୍ଗେଙ୍ଗ୍ ଈଶ୍ୱର କାତା ୱେଚ୍‌ଚି ମାନ୍‌ଞ୍ଚାର୍, ହେ ନେତାରିଙ୍ଗ୍ ମାନ୍ତ ଏତୁକିୟାଟ୍। ହେୱାର୍ ଜିବୁନ୍‌ତାକେ ମାନି ହାର୍ଦି ଗୁଣ୍ ବିଷୟରେ ଚିନ୍ତା କିୟାଟ୍ ଆରେ ହେୱାର୍ ୱେଚ୍‌ଚିତି ଲେକେ ମାପୃତାକେ ପାର୍ତିକିୟାଟ୍।

ଏବ୍ରି 3:1

ଇଦାଙ୍ଗ୍ କାଜିଙ୍ଗ୍ ଏ ଈଶ୍ୱର ମାନାୟାର୍ ଆରେ ତା ହୁଦାଙ୍ଗ୍ ସରଗ୍‌ତାକେ ମାହାଆଜି ମାଞ୍ଜେଙ୍ଗ୍ ବାଚିକିତି ମାନାୟାର୍, ଆସେଙ୍ଗ୍ ଯୀଶୁଙ୍ଗ୍ ଈଶ୍ୱର ଦୁତ୍ ଆରେ ପ୍ରଦାନ୍ ମୁଡ଼୍‌ଦି ପୁଜାରି ଇଞ୍ଜି ଶୁଣାୟ୍ କିନାସା ହେ ଯୀଶୁ ବିଷୟରେ ବାବିକିଜି ହୁଡ଼ାଟ୍।

ଏବ୍ରି 7:4

ଇ ମଲ୍‌କିଷେଦକ କେତେକ୍ ଗାଜା ମାନାୟ୍ ମାଚାନ୍, ଇଦାଙ୍ଗ୍ ବାବିକିଜି ହୁଡ଼ାଟ୍! ଅବ୍ରାହାମ ଇସ୍ରାଏଲନି ଆକଦାଦି ଆତିସ୍‌ପା, ହେୱାନ୍ ମଲ୍‌କିଷେଦକଙ୍ଗ୍ ଗାଜାକାନ୍ ଇଞ୍ଜି ବାବିକିଜି ଯୁଜ୍‌ତାଙ୍ଗ୍ ତାସିୱାତି ୱିଜୁ ଜିନିଷ୍‌ତାଙ୍ଗ୍ ଦଶମାଂଶ ହିଜିମାଚାନ୍।

ଜାକ୍‌ବ 1:5

ମାତର୍ ମି ବିତ୍ରେ ଇନେରିଙ୍ଗ୍ ବୁଦି ହିଲ୍‌ଗୁତ୍ ହେୱାନ୍ ଈଶ୍ୱରତାକେ ପାର୍ତାନା କିୟେନ୍, ଲାଗିଙ୍ଗ୍ ଈଶ୍ୱର ହେୱାନିଙ୍ଗ୍ ବୁଦି ହିନାନ୍, ଇନେସ୍‌କି ହେୱାନ୍ ଇନେର୍ ଦସ୍ ପା ଆହ୍‌ୱାଦାଙ୍ଗ୍ ହିନାନ୍।

ଜାକ୍‌ବ 3:15

ଈଶ୍ୱର ଇ ଲେକେ ଜ୍ଞାନ୍ ହିଦୁନ୍। ମାତର୍ ଇ ଲେକେ ଜ୍ଞାନ୍ ଇ ପୁର୍ତିନି ମାନାୟ୍, ଲବ୍ରା ମାନାୟ୍ ଆରେ ଶୟତାନ୍‌ତାଙ୍ଗ୍ ୱାନାତ୍।

ଜାକ୍‌ବ 3:17

ମାତର୍ ଈଶ୍ୱରତାଙ୍ଗ୍ ପାୟାଆତି ଜ୍ଞାନ୍ ପାର୍ତୁମ୍‌ ହେୱାନ୍ ପବିତ୍ର ଆଜି ମାନାନ୍। ରି ନମ୍ବର୍ ତାକେ ହେୱାନ୍ ଶାନ୍ତିଆଜି ମାଞ୍ଜେଙ୍ଗ୍ ଇଚାକିନାନ୍, ସାଦୁ ଆଜି ମାନାନ୍, କାତା ମାନିକିଜି ମାନାନ୍, ୱିଜୁଦିନ୍ ହାର୍ଦି କାମାୟ୍ କିଜି ଦୟା କିନାନ୍, ବାଟ୍‌ପାଣିଆ ଆୱାଦାଙ୍ଗ୍ ଆରେ ମାନାୟ୍ ହୁଡ଼୍‌ଜି ପା ବ୍ଯବହାର୍ କିଉନ୍।

୧ ଯୋହନ 5:20

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ତା ମେହିଙ୍ଗ୍ ପୁର୍ତିତାକେ ପକ୍ତାତାନ୍‌ନା। ଆରେ ହେୱାନ୍ ମାଙ୍ଗେଙ୍ଗ୍ ସତ୍ ଈଶ୍ୱରତିଙ୍ଗ୍ ପୁଞ୍ଜେଙ୍ଗ୍ ସାଇଜ କିତ୍‌ତାନ୍‌ନା। ନଙ୍ଗୟ୍ ଆପେଙ୍ଗ୍ ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟତାକେ ମାହାଆଜି ମାନାପ୍। ହେୱାନ୍‌ନେ ରକାନ୍ ସତ୍ ଈଶ୍ୱର, ଆରେ ହେୱାନ୍‌ନେ ୱିଜ୍‌ୱି ଜିବୁନ୍।