୨ ତିମଥି 2:3 - New Testament in Pengo Parja Language

³ ଯୀଶୁ ଖ୍ରୀଷ୍ଟନି ରକାନ୍ ହାର୍ଦି ସେନା ଲେକେ ଆଜି ନା ହୁଦାଙ୍ଗ୍ ମାହାଆଜି ଦୁକ୍‌କଷ୍ଟ ପାୟା ଆ।

୨ ତିମଥି 2:3 Iomraidhean Croise

ପକ୍ୟାତାକା 23:31

ହାଜାର୍ ସେନାର୍ ମୁକ୍ଯା ଇନେସ୍ ୱେଚ୍‌ଚି ମାଚାନ୍ ହେଲେକେ ସେନାର୍ ପାଉଲତିଙ୍ଗ୍ ଆସ୍ତି ଆନ୍ତିପାତ୍ରି ସହର୍‌ତାକେ ହେ ନାଣା ଅସାହାଚାର୍।

୧ କରନ୍ତିୟ 13:7

ଇମ୍‌ଣାକାର୍ ସତ୍ ଲାଡ୍ କିନାରା, ହେୱାର୍ ୱିଜୁଦିନ୍ ସମ୍ବାଲି କିନାର୍, ହେୱାର୍ ପାର୍ତି ଇନାୱେଡ଼ାଙ୍ଗ୍ ଉଣା ଆଉତ୍, ହେୱାର୍ ୱିଜୁଦିନ୍ ଈଶ୍ୱରତାକେ ଆହା ଇଟ୍‌ନାର୍ ଆରେ ଇମ୍‌ଣି ପର୍‌କାର୍ ପରିସ୍ତିତି ମାଚିସ୍ ପା ସମ୍ବାଲି କିନାର୍।

୧ କରନ୍ତିୟ 9:7

ର ସେନା ତା କାଜିଙ୍ଗ୍ ହେୱାନ୍ କର୍ଚ କିଉନ୍, ଇମ୍‌ଣି ମାନାୟ୍ ଅଙ୍ଗୁର୍ ବାଡ଼୍ କିଜି ମାନାନ୍ ହେୱାନ୍ ହେ ବାଡ଼୍‍ଦି ପାଡ଼୍‌ ପାୟା ଆଦେଙ୍ଗ୍ ଆହା କିଜି ମାନାନ୍। ଆରେ ହେଲେକେ କଡିଙ୍ଗ୍ ପହା କିନାକାନ୍ ତା ପାଲ୍ ଉଣାଙ୍ଗ୍ ଇଞ୍ଜି ଆହା କିଜି ମାନାନ୍।

୨ କରନ୍ତିୟ 1:6

ଯଦି ଆସେଙ୍ଗ୍ ଦୁକ୍‌କଷ୍ଟ ପାୟାଆନାସା, ଲାଗିଙ୍ଗ୍ ହେଦାଙ୍ଗ୍ ମି କାଜିଙ୍ଗ୍ ସାହାସ୍ ଆରେ ଉଦାର୍ ଆନାତ୍। ଯଦି ଈଶ୍ୱର ମାଙ୍ଗେଙ୍ଗ୍ ସାହାସ୍ ହିତ୍‌ତାନ୍‌ନା, ଲାଗିଙ୍ଗ୍ ହେ ସାହାସ୍ ମି ଦୁକ୍‌କଷ୍ଟ ୱେଡ଼ାଙ୍ଗ୍ ସାମ୍ୱାଲି କିନି କାଜିଙ୍ଗ୍ ସାଇଜ କିଦ୍‌ନାତ୍ ଇମ୍‌ଣି ଦୁକ୍‌କଷ୍ଟ ଆପେଙ୍ଗ୍ ପାୟାଆନାପା।

୧ ତିମତି 1:18

ଏ ତିମତି ଏନେଙ୍ଗ୍ ରକାଇ ନା ହିମ୍‌ଣା ଲେକେ, ଆନେଙ୍ଗ୍ ନିଙ୍ଗେଙ୍ଗ୍ ଇ ଆଦେସ୍ ହିଦ୍‌ନାଙ୍ଗା ଯେ, ଭବିଷ୍ଯତବକ୍ତାର୍ ଇମ୍‌ଣି କାତା ଆଗେ ନିଙ୍ଗେଙ୍ଗ୍ ୱେଚ୍‌ଚି ମାନ୍‌ଞ୍ଚାର୍, ହେ କାତାତିଙ୍ଗ୍ ଏତୁ କିୟା। ଆରେ ବୁଲ୍ ହିକ୍ଷାହିନି ମାଷ୍ଟେରାର୍ ତାକେ ହାର୍ ଆଜି ଜୁଜ୍ କିଦେଙ୍ଗ୍ ହେ କାତାତିଙ୍ଗ୍ ର କାଣ୍ଡା ଲେକେ ବାଉରା ଆ।

୨ ତିମଥି 1:1

ଆନେଙ୍ଗ୍ ପାଉଲ ଇ ଚିଟି ପକ୍ତାନାଙ୍ଗା। ଯୀଶୁ ଖ୍ରୀଷ୍ଟତାକେ ପାର୍ତିକିନି କାଜିଙ୍ଗ୍ ଈଶ୍ୱର ଇମ୍‌ଣି ୱିଜ୍‌ୱି ଜିବୁନ୍ ହିଦ୍‌ନି କାଜିଙ୍ଗ୍ ପାର୍ମାଣ୍ କିତ୍‌ତାନ୍‌ନା, ହେ କାତା ଶୁଣାୟ୍ କିନି କାଜିଙ୍ଗ୍, ଈଶ୍ୱର ନାଙ୍ଗେଙ୍ଗ୍ ଖ୍ରୀଷ୍ଟନି ରକାନ୍ ବାଚିକିତି ଚେଲା କିତ୍‌ତାନ୍‌ନା।

୨ ତିମଥି 1:8

ଇଦାଙ୍ଗ୍ କାଜିଙ୍ଗ୍ ଜେକନିକାରିଙ୍ଗ୍ ମାପୃ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ନି କାଜିଙ୍ଗ୍ ଲାଜା ଆମାଟ୍, କି ଆନେଙ୍ଗ୍ ହେୱାନିଙ୍ଗ୍ ହେବା କିତି କାଜିଙ୍ଗ୍ ବନ୍ଦି ଆତି କାଜିଙ୍ଗ୍ ଲାଜା ଆମାଟ୍। ମାତର୍ ଈଶ୍ୱର ହିତ୍‌ତି ଶାକ୍ତି ବ୍ଯବହାର୍ କିୟାଟ୍ ଆରେ ନା ହୁଦାଙ୍ଗ୍ ମାହାଆଜି ହାର୍ଦିକାବୁର୍ କାଜିଙ୍ଗ୍ ଦୁକ୍‌କଷ୍ଟ ପାୟାଆଡ।

୨ ତିମଥି 2:10

ଲାଗିଙ୍ଗ୍ ଈଶ୍ୱର ବାଚିକିତି ମାନାୟାର୍ ଇନେସ୍ ଯୀଶୁ ଖ୍ରୀଷ୍ଟତାକେ ପାର୍ତି କିଜି ଉଦାର୍ ପାୟାଆନାର୍‌, ଆରେ ୱିଜୁଦିନ୍ ମାନି ଗୌରବ ପାୟାଆନାର୍‌। ଇଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ହେୱାର୍ କାଜିଙ୍ଗ୍ ୱିଜୁ ବିଷୟତିଙ୍ଗ୍ ସାହାସ୍ ଆସ୍ତି ମାଞ୍ଜେଙ୍ଗ୍ ରେଡି ମାନାଙ୍ଗ୍।

୨ ତିମଥି 2:9

ଇ ହାର୍ଦିକାବୁର୍ ଶୁଣାଇକିତି କାଜିଙ୍ଗ୍ ଆନେଙ୍ଗ୍ ରକାଙ୍ଗ୍ ଦସି ଲେକେ ଗାଚିୟାଆଜି ଜଇଲ୍ ଇଞ୍ଜ ଦୁକ୍ ପାୟାଆନାଙ୍ଗା। ମାତର୍ ଇନେର୍ ପା ଈଶ୍ୱର କାତା ଶୁଣାୟ୍ କିନି କାଜିଙ୍ଗ୍ ବନ୍ଦି କିଦ୍‌ଦେଙ୍ଗ୍ ଆଡ଼୍‌ଦୁର୍।

୨ ତିମଥି 3:11

ମାନାୟାର୍ ନାଙ୍ଗେଙ୍ଗ୍ ଦୁକ୍‌କଷ୍ଟ ଆରେ ବେସିଦୁକ୍ ହିତାର୍‌ନା। ଆନ୍ତିୟକିଆ, ଇକନିୟ ଆରେ ଲୁସ୍ତ୍ରା ସହର୍‌କୁକାଙ୍ଗ୍ ନା ହୁଦାଙ୍ଗ୍ ଇନାକା ୱିଜୁ ଗଟାଆତାତ୍‌ନା ହେ ବିଷୟରେ ଏପେଙ୍ଗ୍ ପୁଚାଦେର୍‌ନା। ଆନେଙ୍ଗ୍ ହେ ୱିଜୁ ମାନିକିଜି ମାଚାଙ୍ଗ୍, ଆରେ ମାପୃ ନାଙ୍ଗେଙ୍ଗ୍ ହେ ୱିଜୁତାଙ୍ଗ୍ ଉଦାର୍ କିଜି ମାନ୍‌ଞ୍ଚାନ୍।

୨ ତିମଥି 4:5

ମାତର୍ ଏପେଙ୍ଗ୍ ୱିଜୁ ବିଷୟତାଙ୍ଗ୍ ଜାଗ୍ରତ୍ ଆଜି ମାନାଟ୍, କଷ୍ଟତିଙ୍ଗ୍ ମାନି କିୟାଟ୍ ହାର୍ଦିକାବୁର୍‌ତିଙ୍ଗ୍ ଶୁଣାୟ୍ କିୟାଟ୍ ଆରେ ମି ହେବା କାମାୟ୍‌ନି କାମାୟ୍‌ତିଙ୍ଗ୍ ପୁରା କିୟାଟ୍।

ଫିଲୀମୋନ 1:2

ଆରେ ମା ପାର୍ତିକିନି ତଣ୍‌ଦେଲ୍ ଆପିୟା, ଆରେ ସେନାର୍ ଲେକେ ମାପୃତିଙ୍ଗ୍ ହେବାକିନି ଆର୍କିପ, ଆରେ ମିଞ୍ଜ ପାର୍ତାନା କିଦେଙ୍ଗ୍ କୁଚ୍‌ନି ପାର୍ତିକିନି ମଣ୍ଡ୍‌ଲିନି ମାନାୟାରିଙ୍ଗ୍ ପା ମା ଜୱାର୍।

ଏବ୍ରି 10:32

ଏପେଙ୍ଗ୍ ଇମ୍‌ଣିଦିନ୍ ଖ୍ରୀଷ୍ଟ ବିଷୟରେ ହିକା ଆତାଦେର୍ ହେ ସମୟ୍‌ତିଙ୍ଗ୍ ଇନାୱେଡ଼ାଙ୍ଗ୍ ବାଣା ଆମାଟ୍। ଦୁକ୍‌କଷ୍ଟ ଆତିସ୍‌ପା ଏପେଙ୍ଗ୍ ପାର୍ତିତାଙ୍ଗ୍ ତିର୍‌ଆଜି ମାନି ବିଷୟତିଙ୍ଗ୍ ମାନ୍ତ ଏତୁକିୟାଟ୍।

ଏବ୍ରି 11:27

ପାର୍ତି କାଜିଙ୍ଗ୍ ମୋଶା ମିସର ଦେସ୍ ପିସ୍ତି ହାଲ୍‌ଜି ମାଚାନ୍। ରାଜା ରିସା ଆଦ୍‌ନାନ୍ ଇଞ୍ଜି ହେୱାନ୍ ପାଣ୍ଡ୍ରା ଆୱାଦାଙ୍ଗ୍ ମାଚାନ୍। ହେୱାନ୍ ଆରେ ମିସର ଦେସ୍‌ତାକେ ଲେଉଟା ଆଜି ୱାୱାତାନ୍, ଇନେସ୍‌କି ଚଞ୍ଜି ଆଦ୍‌ୱି ଈଶ୍ୱର ହେୱାନ୍ ହୁଦାଙ୍ଗ୍ ମାନାନ୍ ଇଞ୍ଜି ହେୱାନ୍ ପୁଚାନ୍।

ଏବ୍ରି 6:15

ଅବ୍ରାହାମ ବେସି ବାହ୍‌ରୁ ସାହାସ୍ ଆସ୍ତିମାଚି ପାଚେ, ଈଶ୍ୱର ଇନାକା ପାର୍ମାଣ୍ କିଜି ମାଚାନ୍ ହେୱାନ୍ ହେଦାଙ୍ଗ୍ ପାୟାଆଜି ମାଚାନ୍।

ଜାକ୍‌ବ 1:12

ଇମ୍‌ଣି ମାନାୟ୍ ପରିକ୍ଷା ଆତିହିଙ୍ଗ୍ ପା ଈଶ୍ୱରତାକେ ପାର୍ତି କିଜି ମାନାନ୍, ହେୱାନ୍ ଆଶ୍ରିବାଦ୍‌ନି ମାନାୟ୍। ଇନେସ୍‌କି ଈଶ୍ୱରତିଙ୍ଗ୍ ଲାଡ୍‌କିନି ମାନାୟ୍‌ରିଙ୍ଗ୍ ଇମ୍‌ଣି ୱିଜ୍‌ୱି ଜିବୁନ୍‌ନି ମୁକୁଟ୍ ହିଦେଙ୍ଗ୍ ଈଶ୍ୱର ପାର୍ମାଣ୍ କିତାନ୍‌ନା। ପରିକ୍ଷାତାଙ୍ଗ୍ ଜିତାଆତି ପାଚେ ହେ ମାନାୟାରିଙ୍ଗ୍ ହେ ମୁକୁଟ୍ ଈଶ୍ୱର ହିନାନ୍।