୨ ତିମଥି 2:25 - New Testament in Pengo Parja Language

^25-26 ହେୱାନିଙ୍ଗ୍ ବିରଦ୍ କିନି ମାନାୟାରିଙ୍ଗ୍ ଶାନ୍ତିତାଙ୍ଗ୍ ସତ୍ ବିଷୟରେ ବୁଜାଇକିନି ଦର୍‌କାର୍। ଇନେସ୍‌କି ଶୟତାନ ତା ଇଚାତାଙ୍ଗ୍ ଚାଲାଇ କିଦେଙ୍ଗ୍ ଇ ମାନାୟାରିଙ୍ଗ୍ ଜାଲ୍‌ଦ ରାତ୍‌ତାତାତ୍‌ନା। ମାତାର୍ ଇନେସ୍ ହେୱାର୍ ଇଦାଙ୍ଗ୍ ପୁନ୍‌ଞ୍ଜି ହେ ଜାଲ୍‌ଦାଙ୍ଗ୍ ମୁକ୍ତି ଆଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ କେଜାଣେ ଈଶ୍ୱର ହେୱାରିଙ୍ଗ୍ ସତ୍ ବିଷୟରେ ପୁଞ୍ଜେଙ୍ଗ୍ ଆରେ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ସାଇଜ କିଦ୍‌ନାନ୍।

୨ ତିମଥି 2:25 Iomraidhean Croise

ମାତିଉ 11:29

ଏପେଙ୍ଗ୍ ନା ପାଚେ ୱାଡୁ, ଆନେଙ୍ଗ୍ ମିଙ୍ଗେଙ୍ଗ୍ ହିକାୟ୍ କିଦ୍‌ନାଙ୍ଗ୍। ଇନେସ୍‌କି ଆନେଙ୍ଗ୍ ର ସାଦାସିଦା ଆରେ ଦରମ୍ ମାନାୟ୍‌ତଙ୍ଗ୍‌। ହେଦାଙ୍ଗ୍ କାଜିଙ୍ଗ୍ ଏପେଙ୍ଗ୍ ଜିବୁନ୍ ପାୟାଆନାଦେର୍।

ମାତିଉ 21:32

ଡୁବନ୍‌ହିନି ଯୋହନ ମି ଲାଗେ ୱାଜି ଦରମ୍ ହାଜ୍‌ଦିଙ୍ଗ୍ ହାଲ୍‌ଜି ହାର୍‌ଦାଙ୍ଗ୍ ଜିନାକା ଚଚ୍‌ଚି ମାନ୍‌ଞ୍ଚାନ୍। ମାତର୍ ଏପେଙ୍ଗ୍ ତାଙ୍ଗେଙ୍ଗ୍ ପାର୍ତି କିୱାତାଦେର୍। ମାତର୍ ସିସ୍ତୁଏନ୍‌ନାକାର୍ ଆରେ ଦାରି କାମାୟ୍ କିନାକାର୍ ତା କାତାତିଙ୍ଗ୍ ପାର୍ତି କିତାର୍। ଇଦାଙ୍ଗ୍ ହୁଡ଼୍‌ଜି ପା ଏପେଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଜି ତାଙ୍ଗେଙ୍ଗ୍ ପାର୍ତି କିୱାତାଦେର୍।”

ମାର୍କ 1:15

ହେୱାନ୍ ଇଦାଙ୍ଗ୍ ୱେଚ୍‌ଚେଙ୍ଗ୍ ହାଙ୍ଗ୍‌ତାନ୍, “ଈଶ୍ୱର ବାଚିକିତି ସମୟ୍ ଆତାତ୍, ଈଶ୍ୱର ସାସନ୍ କିନି ରାଜି ଲାଗେ ଇକାୱାନାତା। ହେଦାଙ୍ଗ୍ କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଡ ଆରେ ହାର୍ଦିକାବୁର୍‌ତିଙ୍ଗ୍ ପାର୍ତିକିୟାଟ୍।”

ଜହନ୍‌ 5:34

ନା ବିଷୟରେ ୱେଚ୍‌ଚେଙ୍ଗ୍ ମାନାୟାର୍ ସାକି ଦର୍‌କାର୍ ଆକାୟ୍। ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ଇୱିଜୁ ୱେଚ୍‌ଚାନାଙ୍ଗା ଇନେସ୍‌କି ଏପେଙ୍ଗ୍ ଯୋହନ କାତା ୱେନ୍‌ଞ୍ଜି ରକ୍ଷା ପାୟାଆନାଦେର୍।

ପକ୍ୟାତାକା 11:18

ଯିହୁଦି ଜାତିର୍ ପାର୍ତି କିନାକାର୍ ଇ ୱିଜୁବେଣ୍ ୱେଚାର୍ ହେୱାର୍ ଚିମ୍ରା ଆଜି ମାଚାର୍। ଆରେ ଈଶ୍ୱରତିଙ୍ଗ୍ ଜୟ୍-ଜୟ୍ କିଜି ୱେଚ୍‌ଚାର୍, “ଲାଗିଙ୍ଗ୍ ଈଶ୍ୱର ବିନ୍‌ଜାତିରିଙ୍ଗ୍ ପା ୱିଜ୍‌ୱି ଜିବୁନ୍ ପାୟାଆନି କାଜିଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ୱାଦେଙ୍ଗ୍ ଦାନ୍ କିତାନ୍‌ନା।”

ପକ୍ୟାତାକା 2:38

ପିତର ହେୱାରିଙ୍ଗ୍ ୱେଚ୍‌ଚାନ୍, “ଏପେଙ୍ଗ୍ ୱିଜାକାଦେର୍ ପାପ୍ କାମାୟ୍ ପିସ୍ତି ମାପୃତାକେ ୱାଡ, ଆରେ ପାପ୍ କେମା ପାୟା ଆଦେଙ୍ଗ୍ ଯୀଶୁ ଖ୍ରୀଷ୍ଟ ତର୍‍ଦାଙ୍ଗ୍ ଡୁବନ୍ ଆଡ, ଲାଗିଙ୍ଗ୍ ଏପେଙ୍ଗ୍ ପବିତ୍ର ଆତ୍ମାନି ଦାନ୍ ପାୟାଆନାଦେର୍।

ପକ୍ୟାତାକା 20:21

ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ଆରେ ମା ମାପୃ ଯୀଶୁତାକେ ପାର୍ତିକିନି କାଜିଙ୍ଗ୍, ଯିହୁଦି ଆରେ ବିନ୍‌ଜାତିନି ମାନାୟାରିଙ୍ଗ୍ ଶୁଣାୟ୍ କିତ୍‌ତାଙ୍ଗ୍‌ନା।

ପକ୍ୟାତାକା 5:21

ଦୁତ୍ ୱେଚ୍‌ଚି ହିସାବ୍‌ରେ ହେୱାର୍ ନାଣାଙ୍ଗେ ଈଶ୍ୱର ମାନି ମନ୍ଦିର୍‌ତାକେ ହଣ୍‌ଜି ହିକ୍ଷାହିଦେଙ୍ଗ୍ ଲାଗାତାର୍। ଲାଗିଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରି ଆରେ ତା ହାଙ୍ଗ୍‌ଦାକାର୍ ଇସ୍ରାଏଲ ଜାତିନି ପ୍ରାଚିନାରିଙ୍ଗ୍ କୁକ୍‌ଚି ର ଗାଜା ବିଚାର୍ କିତାର୍। ବାଚିକିତି ଚେଲାରିଙ୍ଗ୍ ଜଇଲ୍ ଇଞ୍ଜାଙ୍ଗ୍ ତାହିୱାଦେଙ୍ଗ୍ ମନ୍ଦିର୍‌ ଜାଗୁୱାଡ଼ିରିଙ୍ଗ୍ ପକ୍ତାର୍।

ପକ୍ୟାତାକା 5:31

ଈଶ୍ୱର ହେୱାନିଙ୍ଗ୍ ସରଗ୍‌ଜପି ଅଜି ଆଦିକାର୍ ହିତାନ୍‌ନା, ଆରେ ହେୱାନ୍ ଯୀଶୁଙ୍ଗ୍ ଉଦାର୍ କିଦ୍‌ନାକାନ୍ ଲେକେ ରସ୍ତାନ୍‌ନା। ଇନେସ୍‌କି ହେୱାନ୍ ଇସ୍ରାଏଲ ଜାତିନି ମାନାୟାରିଙ୍ଗ୍ ତା ପାପ୍ କାମାୟ୍ ପିସ୍ତି ଈଶ୍ୱରତାକେ ୱାଦେଙ୍ଗ୍ ସାଇଜ କିନାନ୍। ଆରେ ହେୱାର୍ ପାପ୍‌ତିଙ୍ଗ୍ କେମା କିନାନ୍।

ପକ୍ୟାତାକା 8:22

ଲାଗିଙ୍ଗ୍ ନି କରାପ୍ ବିଷୟତାଙ୍ଗ୍ ପାପ୍ କାମାୟ୍ ପିସ୍ତି ମାପୃତାକେ ପାର୍ତାନା କିୟା। ଈଶ୍ୱର କେଜାଣେ ନି ଗରବ୍‌ନି ବୁଲ୍ ବାବ୍‌ନାତିଙ୍ଗ୍ କେମା କିଦ୍‌ନାନ୍।

ଗାଲାତିୟ 6:1

ଏ ପାର୍ତିକିନି ଟଣ୍ଡାର୍‌କାଦେର୍, ଏପେଙ୍ଗ୍ ପବିତ୍ର ଆତ୍ମାତାଙ୍ଗ୍ ବ୍ଯବହାର୍ କିତିଲେକେ, ଏପେଙ୍ଗ୍ ଇଦାଙ୍ଗ୍ କିୟାଟ୍: ଯଦି ଇନେର୍ ଇମ୍‌ଣି ପର୍‌କାର୍ ପାପ୍ କାମାୟ୍‌ତାଙ୍ଗ୍ ଦରାପାଡ଼ା ଆନାନ୍। ଏପେଙ୍ଗ୍ ହେୱାନିଙ୍ଗ୍ ହାର୍ଦି ମାନ୍‌ତାଙ୍ଗ୍ ଟିକ୍ କିୟାଟ୍ ଆରେ ହାର୍ଦି ହାଜ୍‌ଦିଙ୍ଗ୍ ତାସି ୱାଦେଙ୍ଗ୍ ସାଇଜ କିୟାଟ୍। ଏପେଙ୍ଗ୍ ଇନେସ୍ ହେଲେଗ୍‌ଦି ପାପ୍‌ତାକେ ପଡ଼ାଆଉଦେର୍‌, ଇଦାଙ୍ଗ୍ କାଜିଙ୍ଗ୍ ଜାଗ୍ରତ୍ ଆଜି ମାନାଟ୍।

୧ ତିମତି 2:4

ଇନେସ୍‌କି ହେୱାନ୍ ୱିଜାକାରିଙ୍ଗ୍ ସତ୍ ବିଷୟ ପୁନେର୍ ଇଞ୍ଜି ଆରେ ରକ୍ଷା ପାୟାଆୟେର୍‌ ଇଞ୍ଜି ଇଚାକିନାନ୍।

୧ ତିମତି 6:11

ଏ ଈଶ୍ୱରତିଙ୍ଗ୍ ହେବାକିନି ତିମତି, ଏନେଙ୍ଗ୍ ଇ ୱିଜୁ ବିଷୟତାଙ୍ଗ୍ ଜେକ ଆନି ଦର୍‌କାର୍। ଆରେ ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା, ଈଶ୍ୱରତିଙ୍ଗ୍ ସନ୍‌ମାନ୍ ଆତିଲେକେ ଜିବୁନ୍ କାଟି କିୟା, ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା। ବିପତ୍ ୱେଡ଼ାଙ୍ଗ୍ ସାହାସ୍ ଆସ୍ତି ମାନା, ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

୨ ତିମଥି 3:7

ଇ କଗ୍‍ଲେକ୍ ୱିଜୁଦିନ୍ ବିନ୍-ବିନ୍ ହିକ୍ଷା ହିକାଆନିକ୍, ମାତର୍ ହେୱେକ୍ ଇନାୱେଡ଼ାଙ୍ଗ୍ ପା ଯୀଶୁ ଖ୍ରୀଷ୍ଟ ବିଷୟରେ ସତ୍ ହିକ୍ଷା ପୁଞ୍ଜେଙ୍ଗ୍ ଆଡୁକ୍।

ତୀତସ 1:1

ଆନେଙ୍ଗ୍ ପାଉଲ ଇ ଚିଟି ଲେକିକିନାଙ୍ଗା, ତିତସ ଏନେଙ୍ଗ୍ ନା କାଜିଙ୍ଗ୍ ରକାଇ ସତ୍ ହିମ୍‌ଣା ଲେକେ। ଇନେସ୍‌କି ମା ରିକାସ୍ ପାର୍ତି କିନାକା ରଞ୍ଜାଙ୍ଗ୍। ଆନେଙ୍ଗ୍ ରକାଙ୍ଗ୍ ଈଶ୍ୱର ଦାସ୍ ଆରେ ଯୀଶୁ ଖ୍ରୀଷ୍ଟନି ବାଚିକିତି ଚେଲା। ଈଶ୍ୱର ବାଚିକିଜି ମାଚି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଡ଼୍‌କାସ୍ କିନି କାଜିଙ୍ଗ୍ ଆରେ ସତ୍ ହିକ୍ଷା ବିଷୟରେ ପୁଞ୍ଜେଙ୍ଗ୍ ସାଇଜ କିନି କାଜିଙ୍ଗ୍ ଆନେଙ୍ଗ୍ ଦାଇତ୍‌ପ ପାୟାଆତାଙ୍ଗ୍‌ନା। ଇନେସ୍ ହେୱାର୍ ଈଶ୍ୱରତିଙ୍ଗ୍ ସନ୍‌ମାନ୍ କିତିଲେକେ ଜିବୁନ୍ କାଟିକିନାର୍।

ତୀତସ 3:2

ଇନେରିଙ୍ଗ୍ ନିନ୍ଦା କିୱେଦେଙ୍ଗ୍, ଇନେର୍ ହୁଦାଙ୍ଗ୍ ଗଣ୍ଡ୍‍ଗଲ୍ ଆୱେଦେଙ୍ଗ୍। ଜେକନିକାର୍ ହୁଦାଙ୍ଗ୍ ସାଙ୍ଗ୍‌ସାତି ଲେକେ ମାଞ୍ଜେଙ୍ଗ୍, ଆରେ ୱିଜୁ ମାନାୟାର୍ ହୁଦାଙ୍ଗ୍ ସାଦୁ ମାନାୟ୍ ଲେକେ ବ୍ଯବହାର୍ କିଦେଙ୍ଗ୍ ଏପେଙ୍ଗ୍ ପାର୍ତି କିନାକାରିଙ୍ଗ୍ ୱିଜୁଦିନ୍ ମାନ୍ତ ଏତୁକିୟାଟ୍।

ଜାକ୍‌ବ 1:17

ଇନେସ୍‌କି ମା ଆବା ଈଶ୍ୱର ୱିଜୁ ପର୍‌କାର୍ ହାର୍ଦି ବର୍‌ଦାନ୍, ଆରେ ଟିକ୍‌ଟାକ୍ ବର୍‌ଦାନ୍ ହିଦ୍‌ନାନ୍। ହେୱାନ୍ ବାଦାଡ଼୍‌ନି ହୁକାଙ୍ଗ୍, ୱେଡ଼ା ଆରେ ଲେଞ୍ଜ୍‌ତିଙ୍ଗ୍ ରସ୍ତାନ୍‌ନା। ହେୱାନ୍ ଇନାୱେଡ଼ାଙ୍ଗ୍ ପା ଡ଼ିଗା ଲେକେ ବାଦ୍‌ଲା ଆଉନ୍, ୱିଜୁଦିନ୍ ହାମାନ୍ ମାନ୍‌ଗାନାନ୍।

୧ ପିତର 3:15

ଏପେଙ୍ଗ୍ ଖ୍ରୀଷ୍ଟଙ୍ଗ୍ ମାପୃ ଇଞ୍ଜି ହେବା କିନି ଦର୍‌କାର୍। ଆରେ ଇନେର୍ ଯଦି ମିଙ୍ଗେଙ୍ଗ୍ ୱେନ୍‌ବା ଆଦ୍‌ନାର୍ ଏପେଙ୍ଗ୍ ଇନାକିଦେଙ୍ଗ୍ ଖ୍ରୀଷ୍ଟଙ୍ଗ୍ ଆହା କିନାଦେରା, ଲାଗିଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ବୁଜାୟ୍ କିନି କାଜିଙ୍ଗ୍ ୱିଜୁନାଞ୍ଜିଙ୍ଗ୍‌ ରେଡି ମାନି ଦର୍‌କାର୍।

୧ ଯୋହନ 5:16

ଯଦି ଏପେଙ୍ଗ୍ ମି ପାର୍ତିକିନି ଟଣ୍ଡେନିଙ୍ଗ୍ ହାଃନି ଦଣ୍ଡ୍ ପାୟାଆୱିଲେଗ୍‌ଦି ପାପ୍ କାମାୟ୍ କିନାକା ହୁଡ଼୍‌ନାଦେର୍, ଲାଗିଙ୍ଗ୍ ଏପେଙ୍ଗ୍ ତା କାଜିଙ୍ଗ୍ ପାର୍ତାନା କିୟାଟ୍। ଈଶ୍ୱର ତା ଜିବୁନ୍‌ତିଙ୍ଗ୍ ରକ୍ଷା କିନାନ୍। ଯଦି ଇନେର୍ ହାଃନି ଦଣ୍ଡ୍ ପାୟା ଆତିଲେକେ ପାପ୍ କାମାୟ୍ କିଜି ମାନ୍‌ଗାନାନ୍, ମାତର୍ ହେୱାନ୍ ହାଃନି ଦଣ୍ଡ୍ ପାୟା ଆତିଲେକେ ପାପ୍ କାମାୟ୍ କିନି ମାନାୟାର୍ କାଜିଙ୍ଗ୍ ଏପେଙ୍ଗ୍ ପାର୍ତାନା କିୟାଟ୍ ଇଞ୍ଜି ୱେଚ୍‌ଚୁଙ୍ଗା।