୨ ତିମଥି 2:22 - New Testament in Pengo Parja Language

²² ମାତର୍ ଏନେଙ୍ଗ୍ ବେଣ୍ଡିଆ ୱେଡ଼ାତାଙ୍ଗ୍ କରାପ୍ କାମାୟ୍‌ତାଙ୍ଗ୍ ଦେହା ମାନା। ମାପୃତିଙ୍ଗ୍ ହାର୍ଦି ମାନ୍‌ତାଙ୍ଗ୍ ହେବାକିନି ମାନାୟାର୍ ହୁଦାଙ୍ଗ୍ ଏନେଙ୍ଗ୍ ଇ ୱିଜୁ ମାନି କିଦେଙ୍ଗ୍ ଉପାୟ୍ କିୟା ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା। ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା, ଆରେ ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

୨ ତିମଥି 2:22 Iomraidhean Croise

ପକ୍ୟାତାକା 7:59

ହେୱାର୍ ସ୍ତିପାନତିଙ୍ଗ୍ କାଲ୍‌କୁ ହୁଦାଙ୍ଗ୍ ଟ୍ରାକ୍‌ଚି ମାଚିହିଙ୍ଗ୍, ହେପାଦ୍ନା ହେୱାନ୍ ପାର୍ତାନା କିଜି ୱେଚ୍‌ଚାନ୍, “ଏ ମାପୃ ଯୀଶୁ ନା ଆତ୍ମାତିଙ୍ଗ୍ ଆସ୍ତା।”

ପକ୍ୟାତାକା 9:14

ଆରେ ଇ ବାହାତାକେ ଏଚେଜାଣ୍ ମାନାୟାର୍ ନିବେ ପାର୍ତି କିନାକାରିଙ୍ଗ୍, ହେୱାନ୍ ଗାଚ୍‌ଚି ଯିରୁଶାଲାମ୍ ସହର୍‌ତାକେ ଅଦେଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିର୍‌ତାଙ୍ଗ୍ ଆଦେସ୍ ପାୟାଆତାନ୍‌ନା, ଇଞ୍ଜି ଆନେଙ୍ଗ୍ କେତେକ୍ ହେନି ମାନାୟାର୍‌ତାକେ ଇୱାନ୍ ବିଷୟରେ ୱେଚାଙ୍ଗ୍‌ନା।”

ରୋମିୟ 14:17

ଇନେସ୍‌କି ଈଶ୍ୱର ସାସନ୍ କିନି ରାଜି ତିନି ଉଣି ବିଷୟରେ ଆକାୟ୍, ମାତର୍ ଦରମ୍ ଲକ୍ ଆନି ବିଷୟ, ଶାନ୍ତିରେ ମାନି ବିଷୟ ଆରେ ପବିତ୍ର ଆତ୍ମା ହୁଦାଙ୍ଗ୍ ୱାରିୟାଆନି ବିଷୟ ନେ ମୁକ୍ୟ।

ରୋମିୟ 14:19

ହେଦାଙ୍ଗ୍ କାଜିଙ୍ଗ୍ ଆପେଙ୍ଗ୍ ମଣ୍ଡ୍‌ଲିତାକେ ଜାର୍-ଜାର୍‌ବିତ୍ରେ ହାମାନ୍ ଆଜି ମାଞ୍ଜେଙ୍ଗ୍ ଚିନ୍ତା କିନି ଦର୍‌କାର୍, ଆରେ ବେସି ପାର୍ତିକିନି କାଜିଙ୍ଗ୍ ଜାର୍-ଜାର୍‌ବିତ୍ରେ ସାଇଜ କିନି କାଜିଙ୍ଗ୍ ଉପାୟ୍ କିନି ଦର୍‌କାର୍।

୧ କରନ୍ତିୟ 1:10

ଏ ପାର୍ତିକିନି ଟଣ୍ଡାର୍‌କାଦେର୍, ଆନେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ଅଦିକାର୍‌ତାଙ୍ଗ୍ ଗୁୱାରି କିଜି ୱେଚ୍‌ଚାନାଙ୍ଗା ଯେ, ଏପେଙ୍ଗ୍ ୱିଜାଦେର୍ ଜାର୍-ଜାର୍ କାତାତିଙ୍ଗ୍ ରାଜି ଆଡ ଆରେ ମି ବିତ୍ରେତାଙ୍ଗ୍ ବାଗ୍-ବାଗ୍ ଆୱାଦାଙ୍ଗ୍ ମାହାଆଜି ମାନାଟ୍। ଆରେ ଏପେଙ୍ଗ୍ ୱିଜାଦେର୍ ର ମାନ୍ କିୟାଟ୍ ଆରେ ର ଚିନ୍ତା କିୟାଟ୍ ଆରେ ଏକ୍ ଆଜି କାମାୟ୍ କିୟାଟ୍।

୧ କରନ୍ତିୟ 1:2

ଆନେଙ୍ଗ୍ କରନ୍ତିୟ ସହର୍‌ନି ଈଶ୍ୱର ମଣ୍ଡ୍‌ଲିତାକେ ଇ ଚିଟି ଲେକିକିନାଙ୍ଗା, ଈଶ୍ୱର ମିଙ୍ଗେଙ୍ଗ୍ ତା ପବିତ୍ର ମାନାୟ୍ ଆନି କାଜିଙ୍ଗ୍ ବାଚିକିତ୍‌ତାନ୍। ଏଚେଜାଣ୍ ମାନାୟ୍ ଇମ୍‌ଣି ବାହାତାକେ ମାଚିସ୍ ପା ଯୀଶୁ ଖ୍ରୀଷ୍ଟ ମା ମାପୃ ଇଞ୍ଜି ପାର୍ତାନା କିନାରା, ହେୱାରିଙ୍ଗ୍ ପବିତ୍ର କିତିଲେକେ ହେୱାନ୍ ମିଙ୍ଗେଙ୍ଗ୍ ପା ପବିତ୍ର କିତ୍‌ତାନ୍‌ନା। ଇନେସ୍‌କି ଯୀଶୁ ଖ୍ରୀଷ୍ଟ ନେ ମା ୱିଜାକାର୍ ମାପୃ।

୧ କରନ୍ତିୟ 10:14

ଲାଗିଙ୍ଗ୍ ଏ ନା ଟଣ୍ଡାର୍‌କାଦେର୍ ଏପେଙ୍ଗ୍ ର ବିପତ୍ ୱାତିସ୍ ଇନେସ୍ ହନ୍‌ଞ୍ଚି ହାନାଦେର୍, ହେଲେକେ ମୁର୍ତି ପୁଜା କିନିତାଙ୍ଗ୍ ଦେହା ମାନାଟ୍।

୧ କରନ୍ତିୟ 14:1

ଲାଗିଙ୍ଗ୍ ଟଣ୍ଡାରିଙ୍ଗ୍ ଲାଡ୍ କିଦେଙ୍ଗ୍ ମି ୱିଜୁ ଶାକ୍ତି ୱିହାଟ୍। ପବିତ୍ର ଆତ୍ମା ଇମ୍‌ଣି ୱିଜୁ ଶାକ୍ତି ହିଦ୍‌ନାତା, ହେଦାଙ୍ଗ୍ ପାୟା ଆଦେଙ୍ଗ୍ ପା ମାନ୍ କିୟାଟ୍। ହେ ବିତ୍ରେତାଙ୍ଗ୍ ଈଶ୍ୱର କାତା ୱେଚ୍‌ଚେଙ୍ଗ୍ ଶାକ୍ତି ପାୟା ଆଦେଙ୍ଗ୍ ମାନ୍ କିୟାଟ୍।

୧ କରନ୍ତିୟ 6:18

ଏପେଙ୍ଗ୍ ଦାରି କାମାୟ୍‌ତାଙ୍ଗ୍ ଦେହା ମାନାଟ୍, ଇମ୍‌ଣାକାନ୍ ୱିଜୁ ପାପ୍ କାମାୟ୍ କିନାନ୍ ହେୱାନ୍ ତା ଗାଗାଡ଼୍ ବାର୍ତ କିନାନ୍, ମାତର୍ ଦାରି କାମାୟ୍ କିନାକାନ୍ ତା ଜାର୍ ଗାଗାଡ଼୍‌ନି ବିରଦ୍‌ତାକେ ପାପ୍ କିନାନ୍।

୧ ତିମତି 1:14

ମା ମାପୃ ନାଙ୍ଗେଙ୍ଗ୍ ବେସି ଦୟା କିତ୍‌ତାନ୍‌ନା, ଆନେଙ୍ଗ୍ ଯୀଶୁ ଖ୍ରୀଷ୍ଟତାକେ ମାହାଆଜି ମାନି କାଜିଙ୍ଗ୍ ହେୱାନ୍ ନାଙ୍ଗେଙ୍ଗ୍ ବିସ୍‌ବାସ୍ ଆରେ ଲାଡ୍ ହିତ୍‌ତାନ୍‌ନା।

୧ ତିମତି 1:5

ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

୧ ତିମତି 2:8

ଆନେଙ୍ଗ୍ ଇଚା କିନାଙ୍ଗା ଯେ, ରିସା, ଜୁକ୍ତି କିୱାଦାଙ୍ଗ୍ ହାର୍ଦି ଜିବୁନ୍ କାଟିକିନି ଆଣ୍ଡ୍ରା ହିମ୍‌ଣାଙ୍ଗ୍ ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଇମେତାକେ ରବେ ଆତିହିଙ୍ଗ୍ ହେୱାର୍ କେଇ ଜପିକିଜି ପାର୍ତାନା କିୟେର୍।

୧ ତିମତି 4:12

ଏନେଙ୍ଗ୍ ବେଣ୍ଡିଆ ହିମ୍‌ଣା ଆତାଇନା ଇଞ୍ଜି ଇନେର୍ ନିଙ୍ଗେଙ୍ଗ୍ ଇନସ୍ତା କିଦ୍‌ମେର୍, ଲାଗିଙ୍ଗ୍ ଏନେଙ୍ଗ୍ ବେଣ୍‌କିନିହିଙ୍ଗ୍। ନି ଚାଲିଚଲନ୍‌ତାକେ, ଜେକନିକାରିଙ୍ଗ୍ ଲାଡ୍ କିନିହିଙ୍ଗ୍, ଖ୍ରୀଷ୍ଟ ପାର୍ତିତାଙ୍ଗ୍, ସାଦୁ ଜିବୁନ୍ କାଟିକିଜି ପାର୍ତି କିନାକାର୍ ମୁମ୍‌ଦ ହାର୍ ଆଜି ମାନା।

୧ ତିମତି 6:11

ଏ ଈଶ୍ୱରତିଙ୍ଗ୍ ହେବାକିନି ତିମତି, ଏନେଙ୍ଗ୍ ଇ ୱିଜୁ ବିଷୟତାଙ୍ଗ୍ ଜେକ ଆନି ଦର୍‌କାର୍। ଆରେ ଏନେଙ୍ଗ୍ ଇନାକା ଟିକ୍ ହେଦାଙ୍ଗ୍ କିଦେଙ୍ଗ୍ ଉପାୟ୍ କିୟା, ଈଶ୍ୱରତିଙ୍ଗ୍ ସନ୍‌ମାନ୍ ଆତିଲେକେ ଜିବୁନ୍ କାଟି କିୟା, ଖ୍ରୀଷ୍ଟଙ୍ଗ୍ ପାର୍ତି କିୟା, ଜେକନିକାରିଙ୍ଗ୍ ଲାଡ୍ କିୟା। ବିପତ୍ ୱେଡ଼ାଙ୍ଗ୍ ସାହାସ୍ ଆସ୍ତି ମାନା, ରିସା ଆୱାଦାଙ୍ଗ୍ ଜେକନିକାର୍‌ତାକେ ହାର୍ ଆଜି ମାନା।

ଏବ୍ରି 12:14

ୱିଜାକାର୍ ହୁଦାଙ୍ଗ୍ ଶାନ୍ତିରେ ମାଞ୍ଜେଙ୍ଗ୍ ଆରେ ପବିତ୍ର ଜିବୁନ୍ କାଟି କିଦେଙ୍ଗ୍ ଉପାୟ୍ କିୟାଟ୍। ଇନେସ୍‌କି ଇମ୍‌ଣାକାର୍ ପବିତ୍ର ଆକାୟ୍ ହେୱାର୍ ମାପୃଙ୍ଗ୍ ହୁଡ଼୍‌ଦେଙ୍ଗ୍ ଆଡୁର୍।

୧ ପିତର 2:11

ଏ ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ବିନ୍‌ଦେସ୍ ଆରେ ପୁନ୍‌ୱିତି ମାନାୟ୍ ଲେକେ ଇ ପୁର୍ତିତାକେ ମାନାଦେରା। ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଗୁୱାରି କିଦ୍‌ନାଙ୍ଗା ଯେ, ଏପେଙ୍ଗ୍ ୱିଜୁ ପର୍‌କାର୍ ପାପ୍ କାମାୟ୍‌ତାଙ୍ଗ୍ ଦେହା ମାନାଟ୍, ଇନେସ୍‌କି ହେଦାଙ୍ଗ୍ ମି ଜିବୁନ୍ ବିରୁଦ୍‌ତାକେ ଜୁଜ୍ କିଦ୍‌ନାତ୍।

୧ ପିତର 3:11

ଏପେଙ୍ଗ୍ କରାପ୍ କାମାୟ୍ କିନାକା ବନ୍ଦ୍ କିୟାଟ୍ ଆରେ ହାର୍ କାମାୟ୍ କିୟାଟ୍। ଏପେଙ୍ଗ୍ ଶାନ୍ତିତାଙ୍ଗ୍ ମାଞ୍ଜେଙ୍ଗ୍ ଆରେ ଶାନ୍ତି କିଦେଙ୍ଗ୍ ଉପାୟ୍ କିୟାଟ୍।”

୩ ଯୋହନ 1:11

ଏ ନା ଲାଡ୍‌ନି ସାଙ୍ଗ କାଦେର୍, କରାପ୍ ମାନାୟାର୍ କାମାୟ୍‌ତିଙ୍ଗ୍ ଏପେଙ୍ଗ୍ ହିକାଆମାଟ୍, ମାତର୍ ହାର୍ଦି କାମାୟ୍ କିନାକାର୍ କାମାୟ୍ ହିକାଆଡ। ଇମ୍‌ଣି ମାନାୟ୍ ହାର୍ କାମାୟ୍ କିନାନ୍ ହେୱାନ୍ ଈଶ୍ୱର ମେହି ଇଞ୍ଜି ପୁନ୍ୟା ଆନାତ୍, ଆରେ ଇମ୍‌ଣି ମାନାୟ୍ କରାପ୍ କାମାୟ୍ କିନାନ୍ ତା କରାପ୍ କାମାୟ୍‌ତିଙ୍ଗ୍ ହୁଡ଼୍‌ଜି ପୁନିୟା ଆନାତ୍‌ ଯେ, ହେୱାନ୍ ଈଶ୍ୱରତିଙ୍ଗ୍ ପୁନ୍‌ୱାତାନ୍‌ନା।