୨ ତିମଥି 2:20 - New Testament in Pengo Parja Language

²⁰ ର ଗାଜା ଇଞ୍ଜ ଆପ୍‌କା ହନା ଆରେ ରୁପା ଟାଙ୍ଗା ମାନ୍‌ଗାନାତ୍, ହେଦାଙ୍ଗ୍ ଆକାୟ୍, ମାତର୍ ମାର୍ ଆରେ ଚିକ୍‌ଲାନି ଟାଙ୍ଗା ପା ମାନ୍‌ଗାନାତ୍। କେତେକ୍ ବେସି ଦାମ୍‌ନି ଜିନିଷ୍ ହାର୍ଦି ନାଞ୍ଜିଙ୍ଗ୍ ବ୍ଯବହାର୍ କିୟାଆନାତ୍ ଆରେ କେତେକ୍ ସାସ୍ତା ଜିନିଷ୍ ୱିଜୁଦିନ୍ ପା ବ୍ଯବହାର୍ କିୟାଆନାତ୍।

୨ ତିମଥି 2:20 Iomraidhean Croise

ଜହନ୍‌ 8:49

ଯୀଶୁ ହେୱାରିଙ୍ଗ୍ ୱେଚ୍‌ଚାନ୍, “ନାଙ୍ଗେଙ୍ଗ୍ ବୁତ୍ଆତ୍ମା ଡାଞ୍ଜ୍‌ଜାତାତ୍‌ନା। ଆନେଙ୍ଗ୍ ନା ଆବା ଈଶ୍ୱରତିଙ୍ଗ୍ ସନ୍‌ମାନ୍ ହିନାଙ୍ଗ୍। ମାତର୍ ନାଙ୍ଗେଙ୍ଗ୍ ଏପେଙ୍ଗ୍ ସନ୍‌ମାନ୍ ହିଦୁଦେରା।

ରୋମିୟ 9:20

ଏପେଙ୍ଗ୍ ତାଙ୍ଗେଙ୍ଗ୍ ଇନ୍‌ମାଟ୍ ଏନେଙ୍ଗ୍ ଇନାକାୟ୍‌? ଇନେସ୍‌କି ଏନେଙ୍ଗ୍ ରକାୟ୍ ନାର୍‌ ମାନାୟ୍ ଈଶ୍ୱର ହୁଦାଙ୍ଗ୍ ଜିକାଟାଣା ଆଦେଙ୍ଗ୍ ଆଡୁୟ୍। ଏନେଙ୍ଗ୍ ହେୱାନ୍ ରସ୍ତି ଜିନିଷ୍ ଆରେ ତାଙ୍ଗେଙ୍ଗ୍ ଇଲେକେ ଇନାକା ଟିକ୍ ଆକାୟ୍, “ଏନେଙ୍ଗ୍ ନାଙ୍ଗେଙ୍ଗ୍ ଇନାକିଦେଙ୍ଗ୍ ଇଲେକେ ରସ୍ତାତାୟ୍‌ନା?”

୧ କରନ୍ତିୟ 3:9

ଏପେଙ୍ଗ୍ ଈଶ୍ୱରତି ଜମି ଲେକେ, ଆରେ ଈଶ୍ୱରତି ରହ୍‌ନି ଇଲ୍ ଲେକେ, ମାତର୍ ଆପେଙ୍ଗ୍ ହେବେ ଈଶ୍ୱର କାଜିଙ୍ଗ୍ କାମାୟ୍ କିନାପା।

୨ କରନ୍ତିୟ 4:7

ଆସେଙ୍ଗ୍ ବେଗି ନଷ୍ଟ ଆନି ର ଚିକ୍‍ଲା ଟାଣ୍ଡିଲେକେ ମାନାସ୍। ଆରେ ମା ବିତ୍ରେ ଦାମ୍‌ଦି ଦନ୍ ଅଜଡ଼୍‌ଲେକେ ଖ୍ରୀଷ୍ଟତି ହାର୍ଦିକାବୁର୍ ମାନାତା, ଲାଗିଙ୍ଗ୍ ହେଦାଙ୍ଗ୍ ମାଙ୍ଗେଙ୍ଗ୍ ପୁନି କିଦ୍‌ନାତା ଯେ, ମା ବିତ୍ରେ ମାନି ଶାକ୍ତି ମାଦାଙ୍ଗ୍ ଆକାୟ୍ ମାତର୍ ହେଦାଙ୍ଗ୍ ଈଶ୍ୱରତି ଗାଜା ଶାକ୍ତି।

ଏପିସିୟ 2:22

ଏ ବିନ୍‌ଜାତିନି ମାନାୟ୍ କାଦେର୍ ଏପେଙ୍ଗ୍ ଖ୍ରୀଷ୍ଟତାକେ ରବେ ଆତି କାଜିଙ୍ଗ୍, ଈଶ୍ୱରତି ପବିତ୍ର ଆତ୍ମା ବାହାକିନି ଇଲ୍ ଲେକେ ଏପେଙ୍ଗ୍ ଆତାଦେର୍‌ନା।

୧ ତିମତି 3:15

ମାତର୍ ଇନାୱେଡ଼ାଙ୍ଗ୍ ଆନେଙ୍ଗ୍ ୱାନାକା ଲେଟ୍ ଆନାତ୍, ଲାଗିଙ୍ଗ୍ ଆସେଙ୍ଗ୍ ଈଶ୍ୱର ପରିବାର୍‌ନି ମାନାୟ୍ ଆନି କାଜିଙ୍ଗ୍ ଇନେସ୍‌ଆଜି ମାନାକା ମାନାତ୍ ହେ ବିଷୟରେ ପୁନି ଦର୍‌କାର୍, ହେଦାଙ୍ଗ୍ କାଜିଙ୍ଗ୍ ଇ ଚିଟି ଲେକିକିତାଙ୍ଗ୍‌ନା। ଜିବୁନ୍ ମାନି ଈଶ୍ୱରନି ମଣ୍ଡ୍‌ଲି ଆନାତା ଈଶ୍ୱରନି ପରିବାର୍। ର ଇଲ୍‌ତିଙ୍ଗ୍ ପାଉଣ୍ଡେସେନ୍ ଆରେ ପିଲେର୍ ଇନେସ୍ ସପଟ୍ ଆରେ ବାଡ଼୍‌କାସ୍ କିନାତ୍, ହେଲେକେ ଈଶ୍ୱରତିଙ୍ଗ୍ ପାର୍ତିକିନି ମାନାୟାର୍ ପା ସତ୍ ହିକ୍ଷାତିଙ୍ଗ୍ ସପଟ୍ ଆରେ ପାର୍ତି କିଜି ମାନି ଦର୍‌କାର୍।