୨ ତିମଥି 2:19 - New Testament in Pengo Parja Language

¹⁹ ପାଉଣ୍ଡେସେନ୍ ଇନେସ୍ ପୁରା ଆଟ୍‌ୱା ଆଜି ମାନ୍‌ଗାନାତ୍ ହେଲେକେ ଈଶ୍ୱର ମାନାୟାର୍ ମାନ୍‌ଗାନାର୍। ଇ ପାଉଣ୍ଡେସେନ୍ ଜପି ଇଦାଙ୍ଗ୍ ଲେକାଆତାତ୍‌ନା, “ମାପୃ ତା ଜାର୍ ମାନାୟାରିଙ୍ଗ୍ ପୁଚାନ୍‌ନା।” ଆରେ, “ଇନେର୍ ମାପୃ ତର୍‍ଦାଙ୍ଗ୍ ହେବା କିନାନ୍, ହେୱାନ୍ କରାପ୍ କାମାୟ୍ କିନାକା ପିହେନ୍।”

୨ ତିମଥି 2:19 Iomraidhean Croise

ମାତିଉ 24:24

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।

ମାତିଉ 28:19

ଲାଗିଙ୍ଗ୍ ଏପେଙ୍ଗ୍ ହାଲାଟ୍ ଆରେ ୱିଜୁଜାତି ମାନାୟାରିଙ୍ଗ୍ ନା ଚେଲା ରହାଟ୍। ଆବା ଈଶ୍ୱର ଆରେ ତା ମେହି ଯୀଶୁ ଖ୍ରୀଷ୍ଟ ଆରେ ପବିତ୍ର ଆତ୍ମା ତର୍‍ଦାଙ୍ଗ୍ ଏପେଙ୍ଗ୍ ହେୱାରିଙ୍ଗ୍ ଡୁବନ୍ ହିୟାଟ୍।

ମାତିଉ 7:23

ହେପାଦ୍ନା ଆନେଙ୍ଗ୍ ହେୱାରିଙ୍ଗ୍ ହାର୍‌ଦାଙ୍ଗ୍ ୱେଚ୍‌ନାଙ୍ଗ୍, ଆନେଙ୍ଗ୍ ମିଙ୍ଗେଙ୍ଗ୍ ଇନାୱେଡ଼ାଙ୍ଗ୍ ପା ପୁଞ୍ଜୁଙ୍ଗ୍। ଏ ଅଦରମ୍‌ନି ମାନାୟାର୍ ନା ଲାଗାୟ୍‌ତାଙ୍ଗ୍ ଦେହାଆଡ।

ମାତିଉ 7:25

ହେୱାନ୍ କାଲ୍‌କୁ ଜପି କୁନାଦି କିଜି ହାର୍‌ଦାଙ୍ଗ୍ ଇଲ୍ ଗାଚ୍‌ଚି ମାନାୟ୍‌ତି, ଏଚେକାଡ଼୍‌ଦ ପା ବାର୍ହା ୱାତିସ୍, ଡ଼ୁଇଦୁକା ଆତିସ୍, ପୁର୍ ୱାଜି ହେ ଇଞ୍ଜିଙ୍ଗ୍ ଏଜୁଙ୍ଗ୍ ଡୁକା ଆତିସ୍‌ପା ହାର୍‌ଦାଙ୍ଗ୍ ଗାଚ୍‌ଚି ଇଲ୍ ବାଡ଼୍‌ହା ଆଉତ୍।

ମାର୍କ 12:16

ହେବେତାଙ୍ଗ୍ ହେୱାର୍ ହେ ରୁପାଡାବୁ ତାହିୱାଜି ଯୀଶୁଙ୍ଗ୍ ହିତାର୍। ଯୀଶୁ ହେୱାରିଙ୍ଗ୍ ୱେନ୍‌ବାତାନ୍, “ଇ ଡାବୁତାକେ ଇନେର୍ ମୁର୍ତ୍ତି ମାନାତ୍ ଆରେ ଇନେର୍ ତର୍‌ ମାନାତ୍?” ହେୱାର୍ ଯୀଶୁଙ୍ଗ୍ ୱେଚ୍‌ଚାର୍, “କାଇସର୍ ରୋମ୍‍ନି ମହା ରାଜାତି।”

ମାର୍କ 13:22

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ବୁଲ୍‌କାଇ କିନାର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 13:27

ତାପାଚେ ହେୱାନ୍ ମିଙ୍ଗେଙ୍ଗ୍ ୱେଚ୍‌ଚାନାନ୍, ‘ଆନେଙ୍ଗ୍ ମିଙ୍ଗେଙ୍ଗ୍ ପୁଞ୍ଜ୍‌ୱାତାଙ୍ଗ୍‌ନା। ଏପେଙ୍ଗ୍ ଇମେତାଙ୍ଗ୍ ୱାତାଦେର୍‌ନା? ଏପେଙ୍ଗ୍ ବାନ୍ଯା କାମାୟ୍ କିନାକାଦେର୍ ନା ଲାଗାୟ୍‌ତାଙ୍ଗ୍ ହାଲାଟ୍।’

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 6:48

ହେୱାନ୍ କାଲ୍‌କୁ ଜପି କୁନାଦି କିଜି ହାର୍‌ଦାଙ୍ଗ୍ ଇଲ୍ ଗାଚ୍‌ନି ମାନାୟ୍ ଲେକେ। ଇ ଇଲ୍ ହାର୍‌ଦାଙ୍ଗ୍ ଗାଚ୍‌ଚି ମାଚିଲେ, ଏଚେକାଡ଼୍‌ଦ ପା ବାତ୍ୟା ୱାଜି ଡୁକା ଆତିସ୍‌ପା ହେ ଇଲ୍ ବାଡ଼୍‌ହା ଆଉତ୍।

ଜହନ୍‌ 10:14

ଆନେଙ୍ଗ୍ ହାର୍ଦି ମେଣ୍ଢାଗଡ଼ିଆ। ଆବା ଈଶ୍ୱର ନାଙ୍ଗେଙ୍ଗ୍ ଇନେସ୍ ପୁନ୍‌ଞ୍ଚାନ୍‌ନା, ଆନେଙ୍ଗ୍ ପା ହେଲେକେ ଆବା ଈଶ୍ୱରତିଙ୍ଗ୍ ପୁଚାଙ୍ଗ୍‌ନା।

ଜହନ୍‌ 13:18

ଆନେଙ୍ଗ୍ ମିଙ୍ଗେଙ୍ଗ୍ ୱିଜାକାର୍ ବିଷୟରେ ୱେଚ୍‌ଚୁଙ୍ଗା। ଆନେଙ୍ଗ୍ ଇମ୍‌ଣାକାରିଙ୍ଗ୍ ବାଚିକିତାଙ୍ଗ୍‌ନା, ହେୱାରିଙ୍ଗ୍ ପୁନାଙ୍ଗ୍। ମାତର୍ ଦରମ୍ ସାସ୍ତର୍‌ତାକେ ଇନାକା ଲେକା ମାନାତ୍, ହେଦାଙ୍ଗ୍ ଗଟାଆନାତ୍। ଇମ୍‌ଣାକାନ୍ ନା ହୁଦାଙ୍ଗ୍ ମେହାଆଜି ତିନାନ୍, ହେୱାନ୍ ନାଙ୍ଗେଙ୍ଗ୍ ଶତ୍ରୁ କେଇଦ ଆହିକିଦ୍‍ନାନ୍।

ଜହନ୍‌ 3:33

ମାତର୍ ଇମ୍‌ଣାକାନ୍ ହେୱାନ୍ ୱେଚ୍‌ଚି ବେଣ୍‌ତିଙ୍ଗ୍ ଆହ୍‌ନାର୍, ହେୱାନ୍ ଈଶ୍ୱର ନେ ସତ୍ ଇଞ୍ଜି ପାର୍ମାଣ୍ କିନାନ୍।

ପକ୍ୟାତାକା 11:26

ହେୱାନ୍ ହେବେ ଶାଉଲତିଙ୍ଗ୍ ଗିଟାଆତାନ୍। ଆରେ ବର୍ଣ୍ଣବା ହେୱାନିଙ୍ଗ୍ ଆନ୍ତିୟକିଆ ସହର୍‌ତାକେ କୁକ୍‌ଚି ତାତାନ୍‌। ଲାଗିଙ୍ଗ୍ ଶାଉଲ ଆରେ ବର୍ଣ୍ଣବା ହେ ମଣ୍ଡ୍‌ଲି ହୁଦାଙ୍ଗ୍ ର ବାର୍ହୁ ପାତେକ୍ ମାଚାର୍, ବେସିହେନି ମାନାୟାରିଙ୍ଗ୍ ହିକ୍ଷା ହିତାର୍। ଆରେ ଆନ୍ତିୟକିଆ ସହର୍‌ତାକେ ପାର୍ତିକିନି ଚେଲାହିରିଙ୍ଗ୍ ପାର୍ତୁମ୍ ଖ୍ରୀଷ୍ଟାନ୍ ଇଞ୍ଜି ୱେଚ୍‌ଚାର୍।

ପକ୍ୟାତାକା 15:17

ଜେକନିକାର୍ ଆରେ ବିନ୍‌ଜାତିନି ମାନାୟାର୍ ମାପୃତିଙ୍ଗ୍ ଦାହ୍‌ନାର୍, ଇନେରିଙ୍ଗ୍ ନା ଜାର୍ ମାନାୟ୍ କିତାଙ୍ଗ୍‌ନା। ଇ କାତା ଈଶ୍ୱର ୱେଚ୍‌ନାନ୍।

ପକ୍ୟାତାକା 9:14

ଆରେ ଇ ବାହାତାକେ ଏଚେଜାଣ୍ ମାନାୟାର୍ ନିବେ ପାର୍ତି କିନାକାରିଙ୍ଗ୍, ହେୱାନ୍ ଗାଚ୍‌ଚି ଯିରୁଶାଲାମ୍ ସହର୍‌ତାକେ ଅଦେଙ୍ଗ୍ ଈଶ୍ୱର ହେବାକିନି ପ୍ରଦାନ୍ ମୁଡ଼୍‌ଦି ପୁଜାରିର୍‌ତାଙ୍ଗ୍ ଆଦେସ୍ ପାୟାଆତାନ୍‌ନା, ଇଞ୍ଜି ଆନେଙ୍ଗ୍ କେତେକ୍ ହେନି ମାନାୟାର୍‌ତାକେ ଇୱାନ୍ ବିଷୟରେ ୱେଚାଙ୍ଗ୍‌ନା।”

ରୋମିୟ 11:2

ଈଶ୍ୱର ହେୱାରିଙ୍ଗ୍ ପାର୍ତୁମ୍‌ତାଙ୍ଗ୍ ବାଚି କିତାନ୍‌ନା, ଆରେ ହେୱାନ୍ ତା ମାନାୟ୍‌ତିଙ୍ଗ୍ ଇନାୱେଡ଼ାଙ୍ଗ୍ ପିହ୍‌ୱାତାନ୍‌ନା। ଏପେଙ୍ଗ୍ ତ ହେଦାଙ୍ଗ୍ ପୁଚାଦେର୍‌ନା, ଭବିଷ୍ଯତବକ୍ତା ଏଲିୟ ତା ସାସ୍ତର୍‌ତାକେ ଇନାକା ଇଞ୍ଜି ୱେଚ୍‌ଚାନ୍‌ନା, ହେୱାନ୍ ଇନେସ୍ କିଜି ଇସ୍ରାଏଲତିଙ୍ଗ୍‌ ବିରୁଦ୍ କିଜି ଈଶ୍ୱରତାକେ ପାର୍ତାନା କିତାନ୍‌ନା।

ରୋମିୟ 12:9

ଏପେଙ୍ଗ୍ ଜେକନିକାରିଙ୍ଗ୍ ଲାଡ୍ କିନାଙ୍ଗା ଇଞ୍ଜି ମିଚ୍ ୱେଚ୍‌ମାଟ୍, ମାତର୍ ସତ୍ ଲାଡ୍ କିୟାଟ୍। କରାପ୍ କାମାୟ୍ କାଜିଙ୍ଗ୍ ଗିଣ୍ କିୟାଟ୍ ଆରେ ୱିଜୁଦିନ୍ ହାର୍ କାମାୟ୍ କିନି ମାନାୟାର୍ ହୁଦାଙ୍ଗ୍ ରବେ ମାହାଆଜି ହାର୍ କାମାୟ୍ କିୟାଟ୍।

ରୋମିୟ 15:20

ଆନେଙ୍ଗ୍ ନା ମାନ୍ତ ଇ ର ବିଷୟ ଇଚା କିଜି ମାଚାଙ୍ଗ୍ ଯେ, ଇମ୍‌ଣି ବାହାତାକେ ଖ୍ରୀଷ୍ଟ ବିଷୟରେ ୱେଚାର୍ ହେ ବାହାତାକେ ହାଲୁଙ୍ଗ୍, ଇମ୍‌ଣି ବାହାତାକେ ଯୀଶୁ ଖ୍ରୀଷ୍ଟ ବିଷୟରେ ପୁନ୍‌ୱାତାର୍‌ନା ହେ ବାହାତାକେ ହାର୍ଦିକାବୁର୍ ଶୁଣାୟ୍ କିନାଙ୍ଗ୍।

ରୋମିୟ 15:9

ଆରେ, ହେୱାନ୍ ବିନ୍‌ଜାତିନି ମାନାୟାର୍ କାଜିଙ୍ଗ୍ ପା ୱାଜିମାଚାନ୍, ହେୱାର୍ ଇନେସ୍ ଈଶ୍ୱରତିଙ୍ଗ୍ ଗୌରବ ହିନାର୍, ଇନେସ୍‌କି ଈଶ୍ୱର ହେୱାରିଙ୍ଗ୍ ପା ଦୟା କିତାନ୍‌ନା। ହେଦାଙ୍ଗ୍ କାଜିଙ୍ଗ୍ ଦରମ୍ ସାସ୍ତର୍‌ତାକେ ଇଲେକେ ଲେକାଆତାତ୍‌ନା “ଆନେଙ୍ଗ୍ ନିଙ୍ଗେଙ୍ଗ୍ ବିନ୍‌ଜାତିନି ମାନାୟାର୍ ବିତ୍ରେ ଜୟ୍-ଜୟ୍ କିନାଙ୍ଗ୍। ଆନେଙ୍ଗ୍ ନି ତର୍‌ଦିଙ୍ଗ୍ ଜୟ୍-ଜୟ୍ କିଜି କେର୍‌କଣ୍ କେର୍‌ନାଙ୍ଗ୍‌।”

ରୋମିୟ 8:28

ଆସେଙ୍ଗ୍ ପୁଚାସ୍‌ନା ଯେ, ଈଶ୍ୱର ୱିଜୁ ଜିନିଷ୍‌ତିଙ୍ଗ୍ ହାର୍ କିଜି ସେସ୍ କିୟିକିନାତ୍, ଏଚେଜାଣ୍ ହେୱାନିଙ୍ଗ୍ ଲାଡ୍ କିନାରା ଆରେ ହେୱାନ୍ ତା କାମାୟ୍ କାଜିଙ୍ଗ୍ ହେୱାରିଙ୍ଗ୍ ବାଚି କିତାନ୍‌ନା।

ରୋମିୟ 9:11

ମାତର୍ ହେୱାର୍ ଜନମ୍ ଆୱି ଆଗେ, ହାର୍ କି କରାପ୍ ଗଟାଆୱି ଆଗେ ହେ କଗ୍‌ଲେ ଈଶ୍ୱରତାଙ୍ଗ୍ ର କାବୁର୍ ୱେନ୍‌ଞ୍ଜି ମାଚାତ୍ ହେ କାବୁର୍ ପୁନିକିନାତା ଯେ, ମାଦି ହାର୍ କି କରାପ୍ କାମାୟ୍ କାଜିଙ୍ଗ୍ ଆକାୟ୍, ମାତର୍ ଈଶ୍ୱର ଜାର୍ ଇଚା ଆନୁସାରେ ବାଚିକିନାନ୍।

୧ କରନ୍ତିୟ 1:2

ଆନେଙ୍ଗ୍ କରନ୍ତିୟ ସହର୍‌ନି ଈଶ୍ୱର ମଣ୍ଡ୍‌ଲିତାକେ ଇ ଚିଟି ଲେକିକିନାଙ୍ଗା, ଈଶ୍ୱର ମିଙ୍ଗେଙ୍ଗ୍ ତା ପବିତ୍ର ମାନାୟ୍ ଆନି କାଜିଙ୍ଗ୍ ବାଚିକିତ୍‌ତାନ୍। ଏଚେଜାଣ୍ ମାନାୟ୍ ଇମ୍‌ଣି ବାହାତାକେ ମାଚିସ୍ ପା ଯୀଶୁ ଖ୍ରୀଷ୍ଟ ମା ମାପୃ ଇଞ୍ଜି ପାର୍ତାନା କିନାରା, ହେୱାରିଙ୍ଗ୍ ପବିତ୍ର କିତିଲେକେ ହେୱାନ୍ ମିଙ୍ଗେଙ୍ଗ୍ ପା ପବିତ୍ର କିତ୍‌ତାନ୍‌ନା। ଇନେସ୍‌କି ଯୀଶୁ ଖ୍ରୀଷ୍ଟ ନେ ମା ୱିଜାକାର୍ ମାପୃ।

୧ କରନ୍ତିୟ 8:3

ମାତର୍ ଇମ୍‌ଣି ମାନାୟ୍ ଈଶ୍ୱରତିଙ୍ଗ୍ ଲାଡ୍ କିନାନା, ହେୱାନ୍ ଈଶ୍ୱର ମାନାୟ୍ ଇଞ୍ଜି ପୁଚାନ୍‌ନା।

୨ କରନ୍ତିୟ 7:1

ଏ ନା ଲାଡ୍‌ନି ପାର୍ତିକିନି ଟଣ୍ଡାର୍‌କାଦେର୍, ଈଶ୍ୱର ମାଙ୍ଗେଙ୍ଗ୍ ତା ହିମ୍‌ଣାୱାକ୍‌ଡ଼ା ଆଦେଙ୍ଗ୍ ପାର୍ମାଣ୍ କିତ୍‌ତାନ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ କରାପ୍ କାମାୟ୍ ୱିଜୁ କିନାକା ବନ୍ଦ୍ କିନି ଦର୍‌କାର୍ ଇମ୍‌ଣାକା ମା ଗାଗାଡ଼୍‌ତିଙ୍ଗ୍ ଆରେ ଆତ୍ମାତିଙ୍ଗ୍ କରାପ୍ କିନାତା। ଆରେ ଆସେଙ୍ଗ୍ ଈଶ୍ୱରତିଙ୍ଗ୍ ସନ୍‌ମାନ୍ କିଜି ମାନି କାଜିଙ୍ଗ୍ ଆସେଙ୍ଗ୍ ଈଶ୍ୱର ଇଚା କିନିଲେକେ କାମାୟ୍ କିନି ଦର୍‌କାର୍।

ଗାଲାତିୟ 4:9

ମାତର୍ ନଙ୍ଗୟ୍ ଏପେଙ୍ଗ୍ ଈଶ୍ୱରତିଙ୍ଗ୍ ପୁଚାଦେର୍‌ନା, ନଇଲେ ଇଦାଙ୍ଗ୍ ପା ଆନେଙ୍ଗ୍ ୱେଚ୍‌ଚାନାଙ୍ଗ୍ ଯେ ଈଶ୍ୱର ନଙ୍ଗୟ୍ ମିଙ୍ଗେଙ୍ଗ୍ ପୁନ୍‌ଞ୍ଚାନ୍‌ନା। ଲାଗିଙ୍ଗ୍ ଇ ଜଗତ୍‌ନି ଦୁର୍‌ବଲ୍ ଆରେ ମୁଲ୍ୟ ହିଲ୍‌ୱି ହିକ୍ଷାନି ଦାସ୍ ଆଦେଙ୍ଗ୍, ଇନେସ୍ ଆରେରଗ ଲେଉଟା ଆଜି ହାଞ୍ଜେଙ୍ଗ୍ ଇଚା କିନାଦେରା?

ଏପିସିୟ 2:20

ବାଚିକିତି ଚେଲା ଆରେ ଭବିଷ୍ଯତବକ୍ତା ପାଉଣ୍ଡେସେନ୍, ଆରେ ତା ଜପି ର ଇଲ୍ ରସ୍ତି ଲେକେ ଆସେଙ୍ଗ୍ ଆତାସ୍‌ନା। ଆରେ ଯୀଶୁ ଖ୍ରୀଷ୍ଟ ନିଜେ ହେ ଇଲ୍ କନାନି ମୁଡ଼୍ କାଲ୍।

ଏପିସିୟ 4:30

ଈଶ୍ୱର ମିଙ୍ଗେଙ୍ଗ୍ ସିଲ୍ କିତ୍‌ତାନ୍‌ନା। ଇ ସିଲ୍ ଆନାତା ପବିତ୍ର ଆତ୍ମା ଇନାକା ହେୱାନ୍ ହିଦ୍‌ଦେଙ୍ଗ୍ ପାର୍ମାଣ୍ କିତାନ୍‌ନା। ଇ ପବିତ୍ର ଆତ୍ମା ର ଡିପଜିଟ୍ ଲେକେ ଗେରେଷ୍ଟି ହିଦ୍‌ନାତ୍ ଯେ ଈଶ୍ୱର ମାଙ୍ଗେଙ୍ଗ୍ ତା ଜାର୍ ମାନାୟ୍ କିଦେଙ୍ଗ୍ ମୁକ୍ତି କିତ୍‌ତାନ୍‌ନା, ଲାଗିଙ୍ଗ୍ ହେୱାନିଙ୍ଗ୍ ଦୁକ୍ ହିମାଟ୍।

୧ ତିମତି 3:15

ମାତର୍ ଇନାୱେଡ଼ାଙ୍ଗ୍ ଆନେଙ୍ଗ୍ ୱାନାକା ଲେଟ୍ ଆନାତ୍, ଲାଗିଙ୍ଗ୍ ଆସେଙ୍ଗ୍ ଈଶ୍ୱର ପରିବାର୍‌ନି ମାନାୟ୍ ଆନି କାଜିଙ୍ଗ୍ ଇନେସ୍‌ଆଜି ମାନାକା ମାନାତ୍ ହେ ବିଷୟରେ ପୁନି ଦର୍‌କାର୍, ହେଦାଙ୍ଗ୍ କାଜିଙ୍ଗ୍ ଇ ଚିଟି ଲେକିକିତାଙ୍ଗ୍‌ନା। ଜିବୁନ୍ ମାନି ଈଶ୍ୱରନି ମଣ୍ଡ୍‌ଲି ଆନାତା ଈଶ୍ୱରନି ପରିବାର୍। ର ଇଲ୍‌ତିଙ୍ଗ୍ ପାଉଣ୍ଡେସେନ୍ ଆରେ ପିଲେର୍ ଇନେସ୍ ସପଟ୍ ଆରେ ବାଡ଼୍‌କାସ୍ କିନାତ୍, ହେଲେକେ ଈଶ୍ୱରତିଙ୍ଗ୍ ପାର୍ତିକିନି ମାନାୟାର୍ ପା ସତ୍ ହିକ୍ଷାତିଙ୍ଗ୍ ସପଟ୍ ଆରେ ପାର୍ତି କିଜି ମାନି ଦର୍‌କାର୍।

୧ ତିମତି 6:19

ଇଲେକେ କିତିସ୍ ହେୱାର୍ ବାକି ଜିବୁନ୍ କାଜିଙ୍ଗ୍ ହାତ୍‌ପା ମୁଡ଼୍‌ଦନ୍ ଜାର୍-ଜାର୍ କାଜିଙ୍ଗ୍ ରୁଣ୍ଡାଇ କିନାର୍, ହେଲେକେ ସତ୍ ଜିବୁନ୍ ପାୟାଆନାର୍‌।

ଏବ୍ରି 11:10

ଅବ୍ରାହାମ ହେଲେକେ ବାହା କିତାନ୍, ଇନେସ୍‌କି ଈଶ୍ୱର ନିଜେ ରସ୍ତି ୱିଜୁଦିନ୍ ମାନି ପାଣ୍ଡୁସେନ୍‌ନି ସହର୍‌ତିଙ୍ଗ୍ ଅବ୍ରାହାମ କାସି ମାଚାନ୍।

୨ ପିତର 3:14

ଲାଗିଙ୍ଗ୍ ଏ ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ଇ ୱିଜୁ ବିଷୟତିଙ୍ଗ୍ କାସିମାନି କାଜିଙ୍ଗ୍, ଏପେଙ୍ଗ୍ ପବିତ୍ର ଆନି କାଜିଙ୍ଗ୍, ଦସ୍ ହିଲ୍‌ୱି ଲେକେ ଜିବୁନ୍ କାଟିକିନି କାଜିଙ୍ଗ୍ ଆରେ ଜାର୍-ଜାର୍ ଶାନ୍ତିରେ ମାନି କାଜିଙ୍ଗ୍ ଉପାୟ୍ କିୟାଟ୍।

୧ ଯୋହନ 2:19

ହେୱାର୍ ମା ମଣ୍ଡ୍‌ଲିତାଙ୍ଗ୍ ହୋସି ହାଚାର୍, ଇନେସ୍‌କି ହେୱାର୍ ମା ମଣ୍ଡ୍‌ଲିନିକାର୍ ଆୱାଦାଙ୍ଗ୍ ମାଚାର୍, ଯଦି ହେୱାର୍ ମା ମଣ୍ଡ୍‌ଲିନିକାର୍ ଆତାର୍‌ମା, ଲାଗିଙ୍ଗ୍ ହେୱାର୍ ମା ହୁଦାଙ୍ଗ୍ ମାଚାର୍‌ମା। ମାତର୍ ଏଚେପାଦ୍ନା ମା ମଣ୍ଡ୍‌ଲିତିଙ୍ଗ୍ ପିସ୍ତି ହାଚାର୍, ହେପାଦ୍ନା ଆପେଙ୍ଗ୍ ପୁଚାପ୍ ଯେ, ହେୱାର୍ ମା ମଣ୍ଡ୍‌ଲିନିକାର୍ ଆକାୟ୍।

ହତ୍‌ତି 17:8

ନଙ୍ଗୟ୍ ଏନେଙ୍ଗ୍ ଇମ୍‌ଣି ପଶୁତିଙ୍ଗ୍ ହୁଡ଼୍‌ତାୟ୍‌ନା, ହେଦାଙ୍ଗ୍ ଆଗେ ଜିବୁନ୍ ମାଚାତ୍, ଆରେ ନଙ୍ଗୟ୍ ହେ ପଶୁ ହାଃତାତ୍‌ନା। ମାତର୍ ହେ ପଶୁ ପାତାଳ୍‌ ବିତ୍ରେତାଙ୍ଗ୍ ବେଗି ୱାନାତ୍ ଆରେ ଈଶ୍ୱର ତାଙ୍ଗେଙ୍ଗ୍ ପୁରାପୁରି ବାବ୍‌ରେ ବିନାସ୍ କିନାନ୍। ଇମ୍‌ଣି ମାନାୟାର୍ ଇ ପୁର୍ତିତାକେ ମାନାରା, ଇନେର୍ ତର୍‌ ପୁର୍ତି ଉବ୍‌ଜା ଆୱି ଆଗେ ଜିବୁନ୍ ମାନି ବହିତାକେ ଲେକାଆୱାତାତ୍‌ନା, ହେୱାର୍ ହେ ପଶୁତିଙ୍ଗ୍ ହୁଡ଼୍‌ଜି ଚାନିଆ ଆନାର୍। ଇନେସ୍‌କି ହେ ପଶୁ ହାଃତିତାଙ୍ଗ୍ ଆରେରଗ ଜିବୁନ୍‌ଆଜି ମାନ୍‌ଗାନାତ୍।

ହତ୍‌ତି 2:13

ଆନେଙ୍ଗ୍ ପୁଚାଙ୍ଗ୍‌ନା ଯେ, ଶୟତାନ ମି ସହର୍‌ତିଙ୍ଗ୍ କଣ୍ଟ୍ରୁଲ୍ କିନାତା, ମାତର୍ ଆନ୍ତିପାଙ୍ଗ୍ ବେସି ଆଗେ ମାର୍ନେ ଅସ୍ତି ମାଚାର୍। ହେୱାନ୍ ପା ମି ଲେକେ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିୱାତାନ୍‌ନା ଆରେ ଆନେଙ୍ଗ୍ ହିକାୟ୍ କିତ୍‌ତି ହିକ୍ଷାତିଙ୍ଗ୍‌ ବାଣା ଆୱାତାଦେର୍‌ନା। ହେୱାନ୍ ଦରମ୍‌ଆଜି ମି ସହର୍‌ତାକେ ନା ହାର୍ଦିକାବୁର୍ ଶୁଣାୟ୍ କିତି କାଜିଙ୍ଗ୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍ ଇନେସ୍‌କି ମି ସହର୍‌ତିଙ୍ଗ୍ ଶୟତାନ କଣ୍ଟ୍ରୁଲ୍ କିନାତା।

ହତ୍‌ତି 21:14

ହେ ସହର୍‌ନି ବାଉଣ୍ଡ୍ରି ବାରଗଟା କାଲ୍‌କୁକାଙ୍ଗ୍ ପାଉଣ୍ଡେସେନ୍ ଆଜି ମାଚାତ୍, ଆରେ ପାଉଣ୍ଡେସେନ୍ ଜପି ମେଣ୍ଢା ଇନେର୍‌କି ଯୀଶୁ ବାଚିକିତି ଚେଲା ବାରଜାଣ୍ ତର୍‌ ଲେକାଆଜି ମାଚାତ୍।

ହତ୍‌ତି 22:4

ହେୱାର୍ ଈଶ୍ୱର ମୁମ୍‌ତିଙ୍ଗ୍ ହୁଡ଼୍‌ଦେଙ୍ଗ୍ ଆଡ୍‌ନାର୍, ଆରେ ତା ତର୍‌ ହେୱାର୍ ନିଦାଣ୍‌ତାକେ ଲେକା ଆଜିମାନାତ୍।

ହତ୍‌ତି 3:8

ଆନେଙ୍ଗ୍ ପୁଚାଙ୍ଗ୍‌ନା ଯେ, ମିଙ୍ଗେଙ୍ଗ୍ ଅଲପ୍ ଶାକ୍ତି ମାନାତ୍। ମାତର୍ ଏପେଙ୍ଗ୍ ନା କାତାତିଙ୍ଗ୍ ପାର୍ତି କିତାଦେର୍‌ନା ଆରେ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ମୁନା କିୱାତାଦେର୍‍ନା, ଲାଗିଙ୍ଗ୍ ମି କାଜିଙ୍ଗ୍ ର କାପାଟ୍ ଜେତାଙ୍ଗ୍‌ନା ହେଦାଙ୍ଗ୍ ଇନେର୍ ଗେସ୍ତେଙ୍ଗ୍ ଆଡୁର୍।