୨ ତିମଥି 2:16 - New Testament in Pengo Parja Language

¹⁶ ମାତର୍ ଈଶ୍ୱରତିଙ୍ଗ୍ ସନ୍‌ମାନ୍ ଆୱିତି ଲେକେ ବେଣ୍‌ବାଟ୍‌ତାଙ୍ଗ୍ ଦେହା ମାନାଟ୍। ଇନେସ୍‌କି ଇମ୍‌ଣାକାର୍ ହେବେ ମାହାଆନାର୍, ହେୱାର୍ ଈଶ୍ୱରତିଙ୍ଗ୍ ବେସି ଅପ୍‌ମାନ୍ କିନାର୍।

୨ ତିମଥି 2:16 Iomraidhean Croise

୧ କରନ୍ତିୟ 15:33

ଲାଗିଙ୍ଗ୍ ଇଲେକେ ବେଣ୍ ୱେଚ୍‌ନି ମାନାୟାର୍ କାତା ୱେନ୍‌ଞ୍ଜି ଜାର୍‌ତିଙ୍ଗ୍‌ ଟକାୟ୍ କିୟାଆମାଟ୍, ଇନେସ୍‌କି “କରାପ୍ ମାନାୟ୍ ହୁଦାଙ୍ଗ୍ ମାହାଆତିସ୍ କରାପ୍ ବ୍ଯବହାର୍ କିୟିଆନାତ୍।”

୧ କରନ୍ତିୟ 5:6

ଲାଗିଙ୍ଗ୍ ଏପେଙ୍ଗ୍ ଇଲେକେ ବାଟ୍‌ପାଣ୍ ଆନାକା ହାର୍ ଆକାୟ୍। ଏପେଙ୍ଗ୍ ପୁଚାଦେର୍‌ନା ଯେ, ଇଚୁକ୍ ସଡ଼ାକାର୍ ୱିଜୁ ମଇଦାତିଙ୍ଗ୍ ପୁଲାଇ କିନାତ୍, ହେଲେକେ ଯଦି ର ମାନାୟ୍ ପାପ୍ କାମାୟ୍ କିଜି ମାନାନ୍ ଆରେ ଏପେଙ୍ଗ୍ ତାଙ୍ଗେଙ୍ଗ୍ ମୁନା କିଉଦେର୍ ଲାଗିଙ୍ଗ୍ ୱିଜାର୍ ମାନାୟ୍ ତା ଲେକେ ପାପ୍ କାମାୟ୍ କିଦେଙ୍ଗ୍ ହିକାଆନାର୍।

୧ ତିମତି 1:9

ଦାରି କାମାୟ୍ କିନି ମାନାୟାର୍ କାଜିଙ୍ଗ୍, ଗାଗାଡ଼୍‌ତିଙ୍ଗ୍ ହାର୍‌ଦାଙ୍ଗ୍ ବାଉରା ଆୱି ମାନାୟାର୍ କାଜିଙ୍ଗ୍। ମାନାୟ୍ ଚର୍, ମିଚ୍ ୱେଚ୍‌ନାକାର୍ କାଜିଙ୍ଗ୍ ଆରେ ମିଚ୍‌ତାଙ୍ଗ୍ ପାର୍ମାଣ୍ କିନାକାର୍ କାଜିଙ୍ଗ୍, ହାର୍ଦି ହିକ୍ଷା ବିରଦ୍‌ତାକେ କାମାୟ୍ କିନାକାର୍ କାଜିଙ୍ଗ୍ ଇଦାଙ୍ଗ୍ ହିୟାଆତାତ୍‌ନା।

୧ ତିମତି 4:7

କାତା ଆରେ ଈଶ୍ୱରତିଙ୍ଗ୍ ସନ୍‌ମାନ୍ ହିୱି ଲେକେ କାତାତିଙ୍ଗ୍ ଏନେଙ୍ଗ୍ ଦିୟାନ୍ ହିମା, ମାତର୍ ଏନେଙ୍ଗ୍ ଈଶ୍ୱର ଇଚାତାଙ୍ଗ୍ ଜିବୁନ୍ କାଟି କିଦେଙ୍ଗ୍ ଜାର୍‌ତିଙ୍ଗ୍ ଅବ୍ୟାସ୍ କିୟା।

୧ ତିମତି 6:20

ଏ ଟଣ୍ଡେନ୍ ତିମତି ନିଙ୍ଗେଙ୍ଗ୍ ଇନାକା ହିତ୍‌ତାର୍‌ନା, ହେଦାଙ୍ଗ୍‌ତିଙ୍ଗ୍ ରକ୍ଷା କିୟା। ଈଶ୍ୱରତିଙ୍ଗ୍ ପୁନ୍‌ୱି ଲକାର୍‌ତାଙ୍ଗ୍ ଆରେ ବେକାର୍ କାତା ୱେଚ୍‌ନାକାର୍‌ତାଙ୍ଗ୍ ଦେହା ଆଜି ମାନା।

୨ ତିମଥି 2:14

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇୱିଜୁ କାତା ପାର୍ତି କିନାକାରିଙ୍ଗ୍ ବାଣା ଆମାଟ୍ ଇଞ୍ଜି ୱେଚା। ର କାତାତିଙ୍ଗ୍ ଅଜି ଯୁକ୍ତି କିୱେଦେଙ୍ଗ୍, ମାପୃତିଙ୍ଗ୍ ସାକି ଇଡ଼୍‌ଜି ହେୱାରିଙ୍ଗ୍ ଜାଗ୍ରତ୍ କିୟିକିୟା। ଇନେସ୍‌କି ଇଲେକେ ଯୁକ୍ତି କିବା ଆନାକା ଇନା ମୁଲ୍ଯ ଆକାୟ୍, ମାତର୍ ଇଦାଙ୍ଗ୍ ୱେଚି ମାନାୟାରିଙ୍ଗ୍ ଗାଜା କଷ୍ଟ ହିନାତ୍।

୨ ତିମଥି 2:21

ଲାଗିଙ୍ଗ୍ ଇମ୍‌ଣି ପାର୍ତିକିନି ମାନାୟାର୍ ଜାର୍‌ତିଙ୍ଗ୍ ୱିଜୁ କରାପ୍ ବିଷୟତାଙ୍ଗ୍ ଦେହା ମାନ୍‌ଗାନାନ୍, ହେୱାନ୍ ରକାନ୍ ହାର୍ଦି ସମୟ୍‌ତ ବ୍ଯବହାର୍ କିତିଲେକେ ସନ୍‌ମାନ୍ ପାୟା ଆନାନ୍। ହେୱାନ୍ ଦରମ୍ ମାନାୟ୍ ଆନାନ୍ ଆରେ ମାଲିକ୍‌ନି ବ୍ଯବହାର୍ କାଜିଙ୍ଗ୍ ହେୱାନ୍ ଟିକ୍ ଆନାନ୍।

୨ ତିମଥି 3:13

ମାତର୍ କରାପ୍ ମାନାୟାର୍ ଆରେ ଟକ୍‌ୱା ମାନାୟାର୍ ଆଦିକ୍‌ତାଙ୍ଗ୍ ଆଦିକ୍ କରାପ୍ କାମାୟ୍ କିନାର୍। ହେୱାର୍ ମାନାୟାରିଙ୍ଗ୍ ଟକାଇ କିନାର୍ ଆରେ ନିଜେ ପା ଜେକନିକାର୍‌ତାଙ୍ଗ୍ ଟକାଇ କିୟିଆନାର୍।

ତୀତସ 1:11

ହେୱାରିଙ୍ଗ୍ ହିକ୍ଷାହିନି କାଜିଙ୍ଗ୍ ସୁଯଗ୍ ହିମାଟ୍। ଇନେସ୍‌କି ହେୱାର୍ ହିକ୍ଷା ହିୱି କାତା, ହେୱାର୍ ହେ ହିକ୍ଷା ହିନାର୍, ଆରେ ପୁରା ପରିବାର୍‌ନି ମାନାୟାରିଙ୍ଗ୍ ପାର୍ତିତିଙ୍ଗ୍ ବାଙ୍ଗାଇ କିନାର୍‌। ହେୱାର୍ ଡାବୁଙ୍ଗ୍ ପାୟାଆନି ଆହାତାଙ୍ଗ୍ ଇଦାଙ୍ଗ୍ କିନାର୍।

ତୀତସ 1:14

ଆରେ ହେୱାର୍ ଇନେସ୍ ଯିହୁଦିର୍ କାତାତିଙ୍ଗ୍ ୱେଞ୍ଜେଙ୍ଗ୍ ମାନ୍ କିନାର୍, ଆରେ ସତ୍ ହିକ୍ଷାତିଙ୍ଗ୍ ମାନିକିୱି ମାନାୟାର୍ ନିୟମ୍‌ତିଙ୍ଗ୍ ହେୱାର୍ ଇନେସ୍ ୱେନୁର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଷ୍ଟିଟ୍‌କିଜି ଜାଗ୍ରତ୍ କିୟିକିୟାଟ୍।

ତୀତସ 3:9

ମାତର୍ ଏନେଙ୍ଗ୍ ମୁର୍କିୟା ଜୁକ୍ତି, ଆକଦାଦିନି କୁଟୁମ୍ ବିଷୟରେ, ଆରେ ମୋଶା ଲେକିକିତି ସାସ୍ତର୍ ବିଷୟରେ ଜୁକ୍ତିତାଙ୍ଗ୍ ଆରେ ଗଣ୍ଡ୍‌ଗଲ୍‌ତାଙ୍ଗ୍ ପାର୍ତି କିନାକାଦେର୍ ଦେହା ମାନେର୍। ଇନେସ୍‌କି ଇୱିଜୁ ଇନା ଲାବ୍‌ନି ବିଷୟ ଆକାୟ୍ ଆରେ ଇନେର୍ କାଜିଙ୍ଗ୍ ପା ଇନାକା ସାଇଜ ଆଦୁତ୍।

ଏବ୍ରି 12:15

ଇନେସ୍ ଇନେର୍ ଈଶ୍ୱର ଦୟାତାଙ୍ଗ୍ ଜିୱାତାର୍‌ନା, ହେଦାଙ୍ଗ୍ କାଜିଙ୍ଗ୍ ଜାର୍-ଜାର୍ ସାଇଜ କିବା ଆଡ। ମି ବିତ୍ରେ ଇନେସ୍ ଇମ୍‌ଣି ଅବିସ୍‌ବାସ୍‌ନି କେନି ମାର୍‌ତି ଚିରାଙ୍ଗ୍ ଉବ୍‌ଜା ଆଉତ୍, ହେଦାଙ୍ଗ୍ କାଜିଙ୍ଗ୍ ଜାଗ୍ରତ୍ ଆଜି ମାନାଟ୍। ଇନେସ୍‌କି ଇଦାଙ୍ଗ୍ ଇନାୱେଡ଼ାଙ୍ଗ୍ ଉବ୍‌ଜା ଆନାତ୍, କେତେକ୍ ମାନାୟ୍ ଇ ବିଷୟତାଙ୍ଗ୍ କରାପ୍ ଆନାର୍।

୨ ପିତର 2:18

ଇ ମାଷ୍ଟେରାର୍ ଏଚେପାଦ୍ନା ହିକ୍ଷା ହିନାର୍, ହେୱାର୍ ମୁଲ୍ୟ ହିଲାକା ଆରେ ନିଜେ ଗାଜାକାଙ୍ଗ୍ ଇଞ୍ଜି ଚଚିୟାଆନି କାତା ୱେଚ୍‌ନାର୍। ଅପ୍‌ମାନ୍ ପାୟାଆନି କାମାୟ୍ ହେୱାର୍ ଗାଗାଡ଼୍ ଇଚା କିତିସ୍ ହେଦାଙ୍ଗ୍ କିଦେଙ୍ଗ୍ ଆଡ୍‌ନାର୍ ଇଞ୍ଜି ହେୱାର୍ ମାନାୟାରିଙ୍ଗ୍ ୱେଚ୍‌ନାର୍। ଇମ୍‌ଣାକାର୍ ଇଲେକେ କରାପ୍ ଜିବୁନ୍‌ତାଙ୍ଗ୍ ହସି ନୁଆଁରେ ଖ୍ରୀଷ୍ଟାନ୍ ଆତାର୍‌ନା, ହେୱାରିଙ୍ଗ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଟକାୟ୍ କିଜି ପାପ୍ କାମାୟ୍ କିୟିକିନାର୍।

୨ ପିତର 2:2

ପାର୍ତି କିନାକାପ୍ ଇଞ୍ଜି ୱେଚ୍‌ନି ବେସି ମାନାୟ୍ ଇ ବୁଲ୍ ହିକ୍ଷାହିନି ମାଷ୍ଟେରାର୍ ଲାଜ୍ ପାୟାଆନି ଲେକେ କରାପ୍ ହାଜିତିଙ୍ଗ୍ ହାନାର୍, ଆରେ ପାର୍ତିକିୱି ମାନାୟାର୍ ହାର୍‌ଦାଙ୍ଗ୍ ଜିବୁନ୍ କାଟିକିନି ବିଷୟରେ ନିନ୍ଦା କାତା ୱେଚ୍‌ନାର୍।

ହତ୍‌ତି 13:14

ହେ ପାର୍ତୁମ୍ ପଶୁନି ବାଦୁଲ୍‌ତାଙ୍ଗ୍ ଦୁଇ ନମ୍ବର୍ ପଶୁତିଙ୍ଗ୍ ଚାନିଆ କାମାୟ୍ କିନି ଅଦିକାର୍ ଈଶ୍ୱର ହିଜିମାଚାନ୍। ହେ ପଶୁ ଚାନିଆଆନି କାମାୟ୍ କିଜି ପୁର୍ତିନି ୱିଜାର୍ ମାନାୟାରିଙ୍ଗ୍ ଟକାୟ୍ କିଜି ମାଚାତ୍। ହେ ପଶୁ ମାନାୟାରିଙ୍ଗ୍ ପାର୍ତୁମ୍ ପଶୁନି ମୁର୍ତି ରସ୍ତେଙ୍ଗ୍ ଆଦେସ୍ ହିତାନ୍, ଇମ୍‌ଣି ପାର୍ତୁମ୍ ପଶୁ କାଣ୍ଡାତାଙ୍ଗ୍ ହାଃଜି ମାଚାତ୍ ମାତର୍ ଆରେରଗ ଜିବୁନ୍ ଆତାତ୍‌ନା।

ହତ୍‌ତି 13:3

ହେ ପଶୁତି ର କାପ୍‌ଡ଼ାତ ବେସି ମାଡ୍ ବାଜାଆତି ଗାଅଲେକେ ଚନ୍‌ଞ୍ଜି ମାଚାତ୍, ମାତର୍ ହେୱାନ୍ ହାର୍ ଆଜି ମାଚାନ୍। ହେ ପଶୁ ଗାଅତିଙ୍ଗ୍‌ ହାର୍ ଆନାକା ହୁଡ଼୍‌ଜି ପୁର୍ତିନି ୱିଜାର୍ ମାନାୟ୍ ଚାନିଆ ଆଜି ମାଚାର୍ ଆରେ ହେୱାର୍ ହେ ପଶୁନି ଚେଲାର୍ ଆତାର୍।