୨ ତିମଥି 2:12 - New Testament in Pengo Parja Language

¹² ଯଦି ଆସେଙ୍ଗ୍ ହେୱାନ୍ କାଜିଙ୍ଗ୍ ସାହାସ୍ ଆସ୍ତି କିନାସ୍, ଲାଗିଙ୍ଗ୍ ହେୱାନ୍ ହୁଦାଙ୍ଗ୍ ପା ରାଜା ଲେକେ ଆଜି ସାସନ୍ କିନାସ୍। ଯଦି ଆସେଙ୍ଗ୍ ହେୱାନିଙ୍ଗ୍ ପୁନୁଙ୍ଗ୍ ଇଞ୍ଜି ୱେଚ୍‌ନାସ୍, ଲାଗିଙ୍ଗ୍ ହେୱାନ୍ ପା ମାଙ୍ଗେଙ୍ଗ୍ ତା ମାନାୟ୍ ଇଞ୍ଜି ୱେଚୁନ୍।

୨ ତିମଥି 2:12 Iomraidhean Croise

ମାତିଉ 10:33

ମାତର୍ ଇନେର୍ ପା ମାନାୟ୍ ମୁମ୍‌ଦ ନିଲ୍‌ଚି ପାର୍ତି କିଉଙ୍ଗା ଇଞ୍ଜି ୱେଚ୍‌ନାନ୍, ଆନେଙ୍ଗ୍ ପା ନା ସରଗ୍‌ନି ଆବା ମୁମ୍‌ଦ ୱେଚ୍‌ନାଙ୍ଗ୍ ଯେ ଇୱାନ୍ ନା ଜାର୍ ଲକ୍ ଆକାଇ।”

ମାତିଉ 26:35

ପିତର ଇବେଣ୍ ୱେନ୍‌ଞ୍ଜି ଯୀଶୁଙ୍ଗ୍ ୱେଚ୍‌ଚାନ୍, “ନି ହୁଦାଙ୍ଗ୍ ଆନେଙ୍ଗ୍ ହାଃନାଙ୍ଗ୍ ହିନା ମାତର୍ ଇନାୱେଡ଼ାଙ୍ଗ୍ ପା ନିଙ୍ଗେଙ୍ଗ୍ ପୁଞ୍ଜୁଙ୍ଗ୍ ଇଞ୍ଜି ୱେଚ୍‌ଚେଙ୍ଗ୍ ଆଡୁଙ୍ଗ୍।” ବାକି ଚେଲାହିର୍ ପା ହେଲେକେ ବେଣ୍ ଇଚାର୍।

ମାତିଉ 26:75

ନଙ୍ଗୟ୍ ପିତରତିଙ୍ଗ୍ ଯୀଶୁ ଆଗେ ଇମ୍‍ଣିବେଣ୍ ୱେଚିମାଚାନ୍ ହେ ବେଣ୍ ତା ମାନ୍ତ ୱାତିଲେ, “କୁଜୁ କେୱି ଆଗେ ନାଙ୍ଗେଙ୍ଗ୍ ତିନ୍‌ହଟ୍ ପୁଞ୍ଜୁୟ୍ ଇଞ୍ଜି ୱେଚ୍‍ନାଇ।” ଲାଗିଙ୍ଗ୍ ପିତର ବେସିଦୁକ୍ ଆଜି ଆଡ଼୍‌ବାତାନ୍।

ମାର୍କ 10:33

“ୱେନାଟ୍, ଆସେଙ୍ଗ୍ ଯିରୁଶାଲାମ ସହର୍‌ତାକେ ହାନାସ୍। ଆରେ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଈଶ୍ୱର ହେବାକିନି ମୁଡ଼୍‌ଦି ପୁଜାରିର୍ ଆରେ ଯିହୁଦି ଦରମ୍‌ନି ପଣ୍ଡିତାର୍ କେଇଦ ଆହିଆନାନ୍, ଆରେ ହେୱାର୍ ହେୱାନିଙ୍ଗ୍ ଜିବୁନ୍ ହିଲାଦାଙ୍ଗ୍ ମାଡ୍‌ହିଜି ବିନ୍‌ଜାତିର୍ କେଇଦ ଆହିକିନାର୍।

ମାର୍କ 8:38

ଇ ଜୁଗ୍‍ନି ପାର୍ତିକିୱାକାର୍ ଆରେ ପାପ୍‍କିନି ମାନାୟାର୍ କଷ୍ଟ ହିଦ୍‌ନାର୍ ଇଞ୍ଜି ପାଣ୍ଡ୍ରାଆଜି ଯଦି ଇନେର୍ ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଲାଗିଙ୍ଗ୍ ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ହେପାଦ୍ନା ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 12:9

ମାତର୍ ଇମ୍‌ଣି ମାନାୟାର୍ ମୁମ୍‌ଦ ଆଗେ ନିଲ୍‌ଚି ୱେଚ୍‌ନାନ୍ ଯେ, ହେୱାନ୍ ନାବେ ପାର୍ତି କିଦୁନ୍, ଲାଗିଙ୍ଗ୍ ଆନେଙ୍ଗ୍ ପା ଈଶ୍ୱର ଦୁତ୍‌କୁ ଆଗେ ୱେଚ୍‌ନାଙ୍ଗ୍ ଯେ ହେ ମାନାୟ୍ ନା ଜାର୍ ଲକ୍ ଆକାୟ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:29

ନା ଆବା ଈଶ୍ୱର ନାଙ୍ଗେଙ୍ଗ୍ ର ରାଜି ହିତ୍‌ତାନ୍‌ନା। ନା ହୁଦାଙ୍ଗ୍ ଏପେଙ୍ଗ୍ ପା ତା ଜପି ଶାସ୍ କିଦେଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଆଦିକାର୍ ହିଦ୍‌ନାଙ୍ଗା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 22:30

ଇନେସ୍ ଲେକେ ଏପେଙ୍ଗ୍ ନା ରାଜିତାକେ ନା ହୁଦାଙ୍ଗ୍ ଟେବୁଲ୍ ଜପି ତିନାଦେରା, ଆରେ ଏପେଙ୍ଗ୍ ସିଂହାସନ୍ ଜପି କୁକ୍‌ଚି ଇସ୍ରାଏଲନି ବାରଗଟା କୁଟମ୍‌ନି ମାନାୟାରିଙ୍ଗ୍ ସାସନ୍ କିନାଦେର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 9:26

ଯଦି ଇନେର୍ ପା ନାଙ୍ଗେଙ୍ଗ୍ ମାପୃ ଇଞ୍ଜେଙ୍ଗ୍ ଲାଜ୍ ଆନାର୍, ଆରେ ନା ହିକ୍ଷାତିଙ୍ଗ୍ ମାନିକିଉର୍, ଆନେଙ୍ଗ୍ ପା ନା ଚେଲା ଆକାୟ୍ ଇଞ୍ଜି ୱେଚ୍‌ନାଙ୍ଗ୍। ଆନେଙ୍ଗ୍ ସରଗ୍‌ତାଙ୍ଗ୍ ୱାଜିମାଚି ମାନାୟ୍ ହିମ୍‌ଣା ଏଚେକାଡ଼୍‌ଦ ସରଗ୍‌ତାଙ୍ଗ୍ ପବିତ୍ର ଦୁତ୍‌କୁ ହୁଦାଙ୍ଗ୍ ପୁର୍ତିତାକେ ଆରେରଗ ୱାନାଙ୍ଗ୍, ମାଞ୍ଜିଆବାଙ୍ଗ୍ ଇନେସ୍ ଗୌରବ ମାନାତ୍ ହେଲେକେ ଆନେଙ୍ଗ୍ ଗୌରବତାଙ୍ଗ୍ ୱାନିହିଙ୍ଗ୍ ୱିଜାକାର୍ ହୁଡ଼୍‌ନାର୍।”

ପକ୍ୟାତାକା 14:22

ଆରେ ହେୱାର୍ ୱିଜୁ ସହର୍‌ତାକେ ମାନି ପାର୍ତିକିନି ଚେଲାହିର୍ ମେହାଆଜି ହେୱାରିଙ୍ଗ୍ ଶାନ୍ତି କିଜି ମାଚାର୍। ଆରେ ହେୱାର୍ ହେୱାରିଙ୍ଗ୍ ପାର୍ତି କିଜି ମାଞ୍ଜେଙ୍ଗ୍ ସାହାସ୍‌ନି କାତା ୱେଚ୍‌ଚାର୍। ଆରେ ହେୱାର୍ ୱେଚ୍‌ଚାର୍, “ଈଶ୍ୱର ସାସନ୍ କିନି ରାଜିତାକେ ହାଞ୍ଜେଙ୍ଗ୍ ମାଙ୍ଗେଙ୍ଗ୍ ବେସି ଦୁକ୍‌କଷ୍ଟ ପାୟାଆନାକା ଆନାତ୍।”

ରୋମିୟ 5:17

ଯଦି ର ମାନାୟ୍ ପାପ୍ କିତି କାଜିଙ୍ଗ୍ ୱିଜାକାରିଙ୍ଗ୍ ମାରାଣ୍ ୱାତାତ୍‌ନା, ଲାଗିଙ୍ଗ୍ ଇମ୍‌ଣି ମାନାୟାର୍ ଈଶ୍ୱର ଦୟା ଆରେ ଦରମ୍ ମାନାୟ୍ ଆନି ଦାନ୍‌ତିଙ୍ଗ୍ ପାୟାଆତାର୍‌ନା, ହେୱାର୍ ଯୀଶୁ ଖ୍ରୀଷ୍ଟ କାଜିଙ୍ଗ୍ ଆଦିକ୍ ୱିଜ୍‌ୱି ଜିବୁନ୍ ପାୟାଆନାର୍‌। ଆରେ ହେୱାର୍ ଯୀଶୁ ହୁଦାଙ୍ଗ୍ ସାସନ୍ କିନାର୍। ଇନେସ୍‌କି ହେୱାର୍ ତାଙ୍ଗେଙ୍ଗ୍ ପାର୍ତି କିତାର୍‌ନା।

ରୋମିୟ 8:17

ଆରେ ଯଦି ଆପେଙ୍ଗ୍ ଈଶ୍ୱର ମେହିକାପ୍ ଆତାପ୍‌ନା, ଲାଗିଙ୍ଗ୍ ତା ମେହି ଖ୍ରୀଷ୍ଟଙ୍ଗ୍ ହିନି ଦନ୍ ସମ୍ପତି ପା ମାଦାଙ୍ଗ୍ ଆନାତ୍। ମାତର୍ ଯଦି ଆସେଙ୍ଗ୍ ତା ଗୌରବ ପାୟାଆନାସ୍‌, ଲାଗିଙ୍ଗ୍ ହେୱାନ୍ ଦୁଃକ୍ କଷ୍ଟ ପାୟା ଆତିଲେକେ ଆସେଙ୍ଗ୍ ପା ପାୟା ଆଦେଙ୍ଗ୍ ଆନାତ୍।

ପିଲିପିୟ 1:28

ମିଙ୍ଗେଙ୍ଗ୍ ଇନା ବିଷୟରେ ପା ବିରଦ୍ କିଦ୍‌ନି ମାନାୟାରିଙ୍ଗ୍ ଏପେଙ୍ଗ୍ ପାଣ୍ଡ୍ରା ଆମାଟ୍। ମି ସାହାସ୍ ହେୱାର୍ କାଜିଙ୍ଗ୍ ନଷ୍ଟ ଆନି ଚିନା, ମାତର୍ ମି କାଜିଙ୍ଗ୍ ଈଶ୍ୱର ହିତ୍‌ତି ଉଦାର୍ ପାୟାଆନି ଚିନା।

୧ ତିମତି 5:8

ମାତର୍ ଯଦି ଇନେର୍ ଜାର୍ ଲକ୍‌ବାକ୍‌ତିଙ୍ଗ୍ ଆରେ ତା ଜାର୍ ପରିବାରିଙ୍ଗ୍ ଦାୟିତ୍‌ପ ଅଉନ୍, ହେୱାନ୍ ପାର୍ତି କିନାକା ପିହ୍‌ନାନ୍। ଆରେ ହେୱାନ୍ ପାର୍ତିକିୱି ମାନାୟ୍‌ତାଙ୍ଗ୍ ପା ବେସି କରାପ୍ ଆନାନ୍।

ଜିହୁଦା 1:4

ଈଶ୍ୱରତିଙ୍ଗ୍ ମାନିକିୱି ବୁଲ୍ ହିକ୍ଷାହିନି ମାଷ୍ଟେରାର୍ ଆସେଙ୍ଗ୍ ପୁନ୍‌ୱାଦାଙ୍ଗ୍ କେତେକ୍ ମା ବିତ୍ରେ ହଟାର୍‌ନା। ଇ ମାନାୟାର୍ ବିଷୟରେ ଈଶ୍ୱର ବେସି ବାହ୍‌ରୁ ଆଗେ ସାସ୍ତର୍‌ତାକେ ୱେଚ୍‌ଚାନ୍‌ନା ଯେ ଈଶ୍ୱର ହେୱାରିଙ୍ଗ୍ ଦଣ୍ଡ୍ ହିନାନ୍। ହେୱାର୍ କରାପ୍ କାମାୟ୍ କିଜି ଜାର୍‌ତିଙ୍ଗ୍ ରକ୍ଷା କିନି କାଜିଙ୍ଗ୍, ହେୱାର୍ ମା ଈଶ୍ୱର ଦୟାନି କାତାତିଙ୍ଗ୍ ବିଗ୍‌ଡ଼ାୟ୍ କିତାର୍‌ନା। ମା ରକାନ୍ ଇଞ୍ଜି ମାଷ୍ଟେର୍ ଆରେ ମାପୃ ଯୀଶୁ ଖ୍ରୀଷ୍ଟଙ୍ଗ୍ ଆହୁର୍।

ହତ୍‌ତି 1:6

ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ର କୁଟମ୍‌ନି ମାନାୟାର୍ ଆଜି ତା ଲାତ୍ରାହି ଈଶ୍ୱରତିଙ୍ଗ୍ ହେବା କିନି ପୁଜାରି ଆତାସ୍‌ନା ହେୱାନ୍ ସନ୍‌ମାନ୍ ଆରେ ଶାକ୍ତି ୱିଜୁଦିନ୍ ପାୟା ଆଏନ୍। ଆମେନ୍।

ହତ୍‌ତି 1:9

ଆନେଙ୍ଗ୍ ଯୋହନ ମି ଟଣ୍ଡେନ୍‌ତଙ୍ଗ୍, ଆନେଙ୍ଗ୍ ଯୀଶୁ ହୁଦାଙ୍ଗ୍ ମାହାଆଜି ମାଚି କାଜିଙ୍ଗ୍ ଆନେଙ୍ଗ୍ ପା ମି ଲେକେ ତା ଦୁଃକ୍ କଷ୍ଟତାକେ, ଈଶ୍ୱର ସାସନ୍ କିନି ରାଜିତାକେ, ଆରେ ୱିଜୁ ସମ୍ବାଲି କିନି ଶାକ୍ତିତାକେ ମାହା ଆତାଙ୍ଗ୍‌ନା। ଆନେଙ୍ଗ୍ ଈଶ୍ୱର ହାର୍ଦିକାବୁର୍ ଆରେ ଖ୍ରୀଷ୍ଟ ୱେଚ୍‌ଚି ସତ୍ କାତାତିଙ୍ଗ୍ ଶୁଣାୟ୍ କିତିଲେ, ଖ୍ରୀଷ୍ଟଙ୍ଗ୍ ବିରଦ୍ କିନି ମାନାୟାର୍ ନାଙ୍ଗେଙ୍ଗ୍ ପାତ୍ମ ତର୍‌ଦି ଦ୍ୱିପ୍‌ତାକେ ବନ୍ଦିକିଜି ମାନ୍‌ଞ୍ଚାର୍।

ହତ୍‌ତି 2:13

ଆନେଙ୍ଗ୍ ପୁଚାଙ୍ଗ୍‌ନା ଯେ, ଶୟତାନ ମି ସହର୍‌ତିଙ୍ଗ୍ କଣ୍ଟ୍ରୁଲ୍ କିନାତା, ମାତର୍ ଆନ୍ତିପାଙ୍ଗ୍ ବେସି ଆଗେ ମାର୍ନେ ଅସ୍ତି ମାଚାର୍। ହେୱାନ୍ ପା ମି ଲେକେ ନାଙ୍ଗେଙ୍ଗ୍ ପାର୍ତି କିଦ୍‌ନାକା ବନ୍ଦ୍ କିୱାତାନ୍‌ନା ଆରେ ଆନେଙ୍ଗ୍ ହିକାୟ୍ କିତ୍‌ତି ହିକ୍ଷାତିଙ୍ଗ୍‌ ବାଣା ଆୱାତାଦେର୍‌ନା। ହେୱାନ୍ ଦରମ୍‌ଆଜି ମି ସହର୍‌ତାକେ ନା ହାର୍ଦିକାବୁର୍ ଶୁଣାୟ୍ କିତି କାଜିଙ୍ଗ୍ ତାଙ୍ଗେଙ୍ଗ୍ ମାର୍ନେ ଅସ୍ତାର୍ ଇନେସ୍‌କି ମି ସହର୍‌ତିଙ୍ଗ୍ ଶୟତାନ କଣ୍ଟ୍ରୁଲ୍ କିନାତା।

ହତ୍‌ତି 20:4

ତାପାଚେ ବେସି ଜବର୍ ସିଙ୍ଗାସନକୁ ହୁଡ଼୍‌ତାଙ୍ଗ୍, ଆରେ ହେ ସିଙ୍ଗାସନ୍‌ତାକେ କୁଚ୍‌ଚି ମାଚି ମାନାୟାରିଙ୍ଗ୍ ବିଚାର୍‌କିନି ଅଦିକାର୍ ହିଜି ମାନାନ୍, ଆରେ ପା କେତେକ୍ ହାଃତି ମାନାୟାର୍ ଆତ୍ମାକାଙ୍ଗ୍ ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାରିଙ୍ଗ୍ ଯୀଶୁ ଖ୍ରୀଷ୍ଟ ବିଷୟରେ ୱେଚ୍‌ଚି କାଜିଙ୍ଗ୍ ଆରେ ଈଶ୍ୱର କାତାତିଙ୍ଗ୍ ଶୁଣାୟ୍ କିତି କାଜିଙ୍ଗ୍ ହେୱାରିଙ୍ଗ୍ ହାକ୍‌ତ ହଣ୍‌ଜି ମାର୍ନେ ଅସ୍ତି ମାଚାର୍। ଆରେ ହେ ପଶୁତିଙ୍ଗ୍ କି ତା ମୁର୍ତିତିଙ୍ଗ୍ ପୁଜା କିୱିତି ମାନାୟାର୍ କି ତା ଚିନାତିଙ୍ଗ୍ କେଇଦ କି ନିଦାଣ୍‌ତାକେ ଅୱିତି ଆତ୍ମାଙ୍ଗ୍ ହେବେ ମାନାକା ଆନେଙ୍ଗ୍ ହୁଡ଼୍‌ତାଙ୍ଗ୍। ହେୱାର୍ ଆରେରଗ ଜିବୁନ୍ ଆତାର୍ ଆରେ ଖ୍ରୀଷ୍ଟ ହୁଦାଙ୍ଗ୍ ହାଜାର୍ ବାର୍ହୁ ପାତେକ୍ ସାସନ୍ କିତାର୍।

ହତ୍‌ତି 20:6

ଇମ୍‌ଣି ମାନାୟାର୍ ପାର୍ତୁମ୍ ହାଃତିତାଙ୍ଗ୍ ଆରେରଗ ଜିବୁନ୍ ଆନାର୍। ହେୱାର୍ ପବିତ୍ର ଆରେ ଆଶ୍ରିବାଦ୍ ପାୟା ଆତାକାର୍, ହେୱାର୍ ଆରେରଗ ହାଃଉର୍। ମାତର୍ ହେୱାର୍ ଈଶ୍ୱର ଆରେ ଖ୍ରୀଷ୍ଟଙ୍ଗ୍ ପୁଜାରିର୍ ଆନାର୍, ଆରେ ହେୱାର୍ ହୁଦାଙ୍ଗ୍ ମାହାଆଜି ହାଜାର୍ ବାର୍ହୁ ସାସନ୍ କିନାର୍।

ହତ୍‌ତି 3:10

ଏପେଙ୍ଗ୍ ଦୁଃକ୍ କଷ୍ଟ ପାୟାଆତିହିଙ୍ଗ୍ ସାସ୍ ଆଜି ନା କାତାତିଙ୍ଗ୍ ମାନିକିଜି ସମ୍ବାଲି କିଜି ମାଚାଦେର୍, ହେଦାଙ୍ଗ୍ କାଜିଙ୍ଗ୍ ଇ ପୁର୍ତିନି ୱିଜାର୍ ମାନାୟାରିଙ୍ଗ୍ ୱାନି ଗାଜା ପରିକ୍ଷାତାଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଉଦାର୍ କିଦ୍‌ନାଙ୍ଗ୍।

ହତ୍‌ତି 3:21

ଇମ୍‌ଣି ମାନାୟାର୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତାଆନାର୍‌। ଇନେସ୍ ଆନେଙ୍ଗ୍ ଶୟତାନ ଶାକ୍ତିତିଙ୍ଗ୍ ଆରାୟ୍ କିଜି ଜିତା ଆତାଙ୍ଗ୍ ଆରେ ନା ଆବା ହୁଦାଙ୍ଗ୍ ତା ସିଙ୍ଗାସନ୍‌ତାକେ କୁଚ୍‌ଚାଙ୍ଗ୍‌ନା ହେଲେକେ ଆନେଙ୍ଗ୍ ହେୱାରିଙ୍ଗ୍ ନା ସିଙ୍ଗାସନ୍‌ତାକେ କୁଚ୍‌ଚେଙ୍ଗ୍ ହିନାଙ୍ଗ୍।

ହତ୍‌ତି 3:8

ଆନେଙ୍ଗ୍ ପୁଚାଙ୍ଗ୍‌ନା ଯେ, ମିଙ୍ଗେଙ୍ଗ୍ ଅଲପ୍ ଶାକ୍ତି ମାନାତ୍। ମାତର୍ ଏପେଙ୍ଗ୍ ନା କାତାତିଙ୍ଗ୍ ପାର୍ତି କିତାଦେର୍‌ନା ଆରେ ଏପେଙ୍ଗ୍ ନାଙ୍ଗେଙ୍ଗ୍ ପାର୍ତି କିନାପା ଇଞ୍ଜି ମୁନା କିୱାତାଦେର୍‍ନା, ଲାଗିଙ୍ଗ୍ ମି କାଜିଙ୍ଗ୍ ର କାପାଟ୍ ଜେତାଙ୍ଗ୍‌ନା ହେଦାଙ୍ଗ୍ ଇନେର୍ ଗେସ୍ତେଙ୍ଗ୍ ଆଡୁର୍।

ହତ୍‌ତି 5:10

ଆରେ, ଏନେଙ୍ଗ୍ ହେୱାରିଙ୍ଗ୍ ରାଜା ଆରେ ମା ମାପୃ ଈଶ୍ୱରତିଙ୍ଗ୍ ପୁଜା କିଦେଙ୍ଗ୍ ପୁଜାରି କିତାୟ୍‍ନା। ହେୱାର୍ ରାଜାର୍‌ଲେକେ ପୁର୍ତିତାକେ ସାସନ୍ କିନାର୍।”