୨ ତିମଥି 2:11 - New Testament in Pengo Parja Language

¹¹ ଇ କାତା ପାର୍ତିକିନି ଦର୍‌କାର୍, ଯଦି ଆସେଙ୍ଗ୍ ଖ୍ରୀଷ୍ଟ ହୁଦାଙ୍ଗ୍ ହାଃତାସ୍‌ନା, ଲାଗିଙ୍ଗ୍ ହେୱାନ୍ ହୁଦାଙ୍ଗ୍ ପା ଜିବୁନ୍ ଆନାସ୍।

୨ ତିମଥି 2:11 Iomraidhean Croise

ଜହନ୍‌ 14:19

କେତ୍‌ଦିନ୍ ପାଚେ ଇ ପୁର୍ତିନି ମାନାୟାର୍ ନାଙ୍ଗେଙ୍ଗ୍ ଆରେ ହୁଡ଼୍‌ଦେଦେଙ୍ଗ୍ ଆଡ଼୍‌ଦୁର୍। ମାତର୍ ଏପେଙ୍ଗ୍ ନାଙ୍ଗେଙ୍ଗ୍ ହୁଡ଼୍‌ଦାନାଦେର୍। ଇନେସ୍‌କି ଆନେଙ୍ଗ୍ ଜିବୁନ୍ ମାନାଙ୍ଗ୍, ଏପେଙ୍ଗ୍ ପା ଜିବୁନ୍ ମାନ୍‌ଗାନାଦେର୍।

ରୋମିୟ 6:5

ଇନେସ୍‌କି ଆସେଙ୍ଗ୍ ଯଦି ହେୱାନ୍ ହାଃତି ଲେକେ ତା ହୁଦାଙ୍ଗ୍ ହାଃଜି ଏକ୍ ଆତାସ୍‌ନା, ଲାଗିଙ୍ଗ୍ ହେୱାନ୍ ଇନେସ୍‌ଲେକେ ଆରେରଗ ଜିବୁନ୍ ଆତାନ୍, ହେଲେକେ ଆସେଙ୍ଗ୍ ପା ଜିବୁନ୍ ଆନାସ୍।

ରୋମିୟ 6:8

ମାତର୍ ଆପେଙ୍ଗ୍ ଯଦି ଖ୍ରୀଷ୍ଟ ହୁଦାଙ୍ଗ୍ ହାଃତାପ୍‌ନା, ଲାଗିଙ୍ଗ୍ ଆପେଙ୍ଗ୍ ପୁଚାପ୍‌ନା ଯେ, ଆପେଙ୍ଗ୍ ତା ହୁଦାଙ୍ଗ୍ ପୁନି ଜିବୁନ୍ ପାୟାଆନାପ୍।

୨ କରନ୍ତିୟ 13:4

ଖ୍ରୀଷ୍ଟ କୃଶକାଟ୍‌ତାକେ ହାଃତିହିଙ୍ଗ୍ ଦୁର୍‌ବଲ୍ ମାଚାନ୍, ମାତର୍ ନଙ୍ଗୟ୍ ହେୱାନ୍ ଈଶ୍ୱର ଶାକ୍ତିତାଙ୍ଗ୍ ଜିବୁନ୍ ମାନାନ୍। ହେଲେକେ ଆସେଙ୍ଗ୍ ପା ଦୁର୍‌ବଲ୍ ଇନେସ୍ ଖ୍ରୀଷ୍ଟ ଦୁର୍‌ବଲ୍ ମାଚାନ୍, ମାତର୍ ଆପେଙ୍ଗ୍ ଏଚେପାଦ୍ନା ମିଙ୍ଗେଙ୍ଗ୍ ଟିକ୍ ମାନାୟ୍ ଆଦେଙ୍ଗ୍ ହିକ୍ଷା ହିଦ୍‌ନାପ୍। ଆସେଙ୍ଗ୍ ତା ହୁଦାଙ୍ଗ୍ ଜିବୁନ୍ ମାନ୍‌ଗାନାସ୍ ଆରେ ଈଶ୍ୱର ଶାକ୍ତି ମା ହୁଦାଙ୍ଗ୍ ମାନ୍‌ଗାନାତ୍।

୨ କରନ୍ତିୟ 4:10

ଯୀଶୁ ଖ୍ରୀଷ୍ଟ ହାଃତିହିଙ୍ଗ୍ ଇମ୍‌ଣି ଦୁଃକ୍ କଷ୍ଟ ପାୟାଆଜି ମାଚାନ୍, ଆସେଙ୍ଗ୍ ପା ତା ଲେକେ ମା ଗାଗାଡ଼୍‌ତାକେ ୱିଜୁଦିନ୍ ଦୁଃକ୍ କଷ୍ଟ ପାୟାଆନାସା, ଲାଗିଙ୍ଗ୍ ମାନାୟାର୍ ମା କାମାୟ୍‌ତିଙ୍ଗ୍ ହୁଡ଼୍‌ଜି ଯୀଶୁ ଖ୍ରୀଷ୍ଟ କିଜି ମାଚାକା ପୁନାର୍।

୧ ଥେସଲନୀକିୟ 4:17

ତାପାଚେ ଆସେଙ୍ଗ୍ ଏଚେଜାଣ୍ ଜିବୁନ୍ ମାନ୍‌ଗାନାସ୍, ମାପୃ ଯୀଶୁଙ୍ଗ୍ ମାହା ଆଦେଙ୍ଗ୍ ଆସେଙ୍ଗ୍ ହେୱାର୍ ହୁଦାଙ୍ଗ୍ ବାଦାଡ଼ାତାଙ୍ଗ୍ ବାଦାଡ଼୍‌ଜପି ହାନାସ୍, ଆରେ ଆସେଙ୍ଗ୍ ମାପୃ ଯୀଶୁ ହୁଦାଙ୍ଗ୍ ମାହାଆଜି ୱିଜୁଦିନ୍ କାଜିଙ୍ଗ୍ ମାନାସ୍।

୧ ଥେସଲନୀକିୟ 5:10

ହେୱାନ୍ ମା କାଜିଙ୍ଗ୍ ହାଃତାନ୍। ହେୱାନ୍ ଏଚେପାଦ୍ନା ଆରେରଗ ୱାତିସ୍, ଆସେଙ୍ଗ୍ ଜିବୁନ୍ ମାଚିସ୍ କି ହାଃଜି ମାଚିସ୍ ପା, ତା ଲାହାଙ୍ଗ୍ ୱିଜୁଦିନ୍ ଜିବୁନ୍‌ଆଜି ମାନାସ୍।

୧ ତିମତି 1:15

ପାପି ମାନାୟାରିଙ୍ଗ୍ ଉଦାର୍ କିଦେଙ୍ଗ୍ ଯୀଶୁ ଖ୍ରୀଷ୍ଟ ପୁର୍ତିତାକେ ୱାଜିମାଚାନ୍, ଇ କାତା ପୁରାପୁରି ସତ୍ ଆରେ ପାର୍ତିକିନି ଦର୍‌କାର୍, ହେ ପାପି ମାନାୟାର୍ ବିତ୍ରେତାଙ୍ଗ୍ ଆନେଙ୍ଗ୍ ରକାଙ୍ଗ୍ ଗାଜା ପାପି।

୧ ତିମତି 3:1

ଇ କାତା ସତ୍, ଇନେର୍ ଯଦି ବିଶପ୍‌ ପାଦ୍ ପାୟା ଆଦେଙ୍ଗ୍ ଇଚାକିନାନ୍, ହେୱାନ୍ ରଞ୍ଜାଙ୍ଗ୍ ସନ୍‌ମାନ୍‌ନି କାମାୟ୍ କିଦେଙ୍ଗ୍ ଇଚା କିନାନା।

ତୀତସ 3:8

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇ ବେଣ୍‌ତିଙ୍ଗ୍ ପାର୍ତିକିନି ଦର୍‌କାର୍। ଲାଗିଙ୍ଗ୍ ଆନେଙ୍ଗ୍ ଇଚା କିନାଙ୍ଗା ଯେ ଈଶ୍ୱରତାକେ ପାର୍ତିକିନି ମାନାୟାର୍ ଇନେସ୍ ହାର୍ଦି କାମାୟ୍ କିନି କାଜିଙ୍ଗ୍ ମାନ୍‌ଦିୟାନ୍ ହିଦେଙ୍ଗ୍ ଆଡ୍‌ନାର୍, ଇଦାଙ୍ଗ୍ କାଜିଙ୍ଗ୍ ହେୱାରିଙ୍ଗ୍ ଇ ୱିଜୁ ବିଷୟ ବେସି ବାଡ଼୍‌କାସ୍ କିଜି ହିକ୍ଷା ହିୟାଟ୍। ଇ ୱିଜୁ ବିଷୟ ହାର୍ ଆରେ ୱିଜୁ ମାନାୟ୍ କାଜିଙ୍ଗ୍ ସାଇଜ କିନାନ୍।