୨ ତିମଥି 1:7 - New Testament in Pengo Parja Language

⁷ ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପାଣ୍ଡ୍ରାଆନି ଆତ୍ମା ହିଦ୍‌ୱାତାନ୍‌ନା, ମାତର୍ ଶାକ୍ତି, ଜେକନିକାନିଙ୍ଗ୍ ଲାଡ୍ କିନାକା ଆରେ ଜାର୍‌ତିଙ୍ଗ୍ କଣ୍ଟ୍ରୁଲ୍ କିନି କାଜିଙ୍ଗ୍ ଆତ୍ମା ହିତ୍‌ତାନ୍‌ନା।

୨ ତିମଥି 1:7 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 10:19

ୱେନାଟ୍! ରାଚ୍ ଆରେ କାଚାକୁପିକାଙ୍ଗ୍ କାଲ୍‌କୁ ତାରେନ୍ ତଗାୱିହା କିଦେଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ଆଦିକାର୍ ହିତ୍‌ତାଙ୍ଗ୍‌ନା। ଆନେଙ୍ଗ୍ ମିଙ୍ଗେଙ୍ଗ୍ ଶାତ୍ରୁ ଶୟ୍‌ତାନ୍ ଲାଗାୟ୍ ମାନି ସାକ୍ତିତାଙ୍ଗ୍ ଆଦିକ୍ ଶାକ୍ତି ହିତ୍‌ତାଙ୍ଗ୍‌ନା। ମିଙ୍ଗେଙ୍ଗ୍ ଇନେର୍ ପା ଇନାକା କିଦ୍‌ଦେଙ୍ଗ୍ ଆଡ଼୍‌ଦୁର୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 15:17

ନଙ୍ଗୟ୍ ହେୱାନ୍ ବୁଜା ଆତାନ୍ ଯେ, ହେୱାନ୍ ବେସି ମୁର୍କ କାମାୟ୍ କିତାନ୍‌ନା। ହେୱାନ୍ ବାବିକିତାନ୍ ମାଞ୍ଜ୍‌ବା କୁଲିୟାର୍ ତିନିକାଦି କେତେକ୍ ଉବ୍ରା ଆନାତା। ଆରେ ଆନେଙ୍ଗ୍ ଇବେ ନାସ୍‌କିତିଙ୍ଗ୍ ହାଃନାଙ୍ଗା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 24:49

ୱେନାଟ୍! ନା ଆବା ମିଙ୍ଗେଙ୍ଗ୍ ଇମ୍‌ଣି କାତା ହିଜିମାନ୍‌ଞ୍ଚାନ୍ ହେ ପବିତ୍ର ଆତ୍ମାତିଙ୍ଗ୍ ଆନେଙ୍ଗ୍ ମି ଲାଗାୟ୍ ପକ୍ତାନାଙ୍ଗ୍। ମାତର୍ ସରଗ୍‌ତାଙ୍ଗ୍ ହେ ଶାକ୍ତି ଏପେଙ୍ଗ୍ ପାୟାଆୱି ପାତେକ୍ ଯିରୁଶାଲାମ ସହର୍‌ତାକେ ମାନାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:35

ହେବେ ଇନାକା ଗଟାଆତାତ୍‌ନା ଇଞ୍ଜି ମାନାୟ୍ ହୁଡ଼୍‌ଦେଙ୍ଗ୍ ହାଚାର୍। ହେୱାର୍ ଯୀଶୁ ଲାଗାୟ୍ ୱାଜି ହୁଡ଼୍‌ତାର୍ ଇନେରିଙ୍ଗ୍ ଆଗେ ବୁତ୍ଆତ୍ମାଙ୍ଗ୍‌ ଡୁଜି ମାଚିକ୍, ହେୱାନିଙ୍ଗ୍ ହେନ୍ଦ୍ରା ଉସ୍‍ପି ହାଦ୍‌ଦାରୁମ୍ ଆଜି କୁଚ୍‍ଚାକା ହୁଡ଼୍‌ଜି ହେୱାର୍ ପାଣ୍ଡ୍ରା ଆତାର୍।

ଜହନ୍‌ 14:27

ଆନେଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଜି ହାନାଙ୍ଗା। ଇ ଶାନ୍ତି ନାଦି, ଇନାକା ମିଙ୍ଗେଙ୍ଗ୍ ହିଦ୍‌ନାଙ୍ଗା। ପୁର୍ତିନି ଇଲେକେ ଶାନ୍ତି ଆନେଙ୍ଗ୍ ମିଙ୍ଗେଙ୍ଗ୍ ହିଦୁଙ୍ଗା। ଲାଗିଙ୍ଗ୍ ଏପେଙ୍ଗ୍ ମି ମାନ୍ତ ଦୁକ୍ କିଜି ପାଣ୍ଡ୍ରା ଆମାଟ୍।

ପକ୍ୟାତାକା 1:8

ମାତର୍ ଏପେଙ୍ଗ୍ ର ବିଷୟ ପୁନି ଦର୍‌କାର୍ ଯେ, ପବିତ୍ର ଆତ୍ମା ମି ଜପି ୱାନାତ୍, ଆରେ ଏପେଙ୍ଗ୍ ଶାକ୍ତି ପାୟ୍ଆନାଦେର୍। ହେପାଦ୍ନା ଏପେଙ୍ଗ୍ ଯିରୁଶାଲାମ ସହର୍, ଯିହୁଦା ଜିଲ୍ଲାନି ଚାରିବେଣ୍‌ତାଙ୍ଗ୍ ଆରେ ଶମିରଣିୟ ଜିଲ୍ଲା ଆରେ ପୁର୍ତିନି ଚାରିବେଣ୍‌ତାଙ୍ଗ୍ ନା ବିଷୟରେ ମାନାୟାରିଙ୍ଗ୍ ୱେଚ୍‌ନାଦେର୍।”

ପକ୍ୟାତାକା 10:38

ଈଶ୍ୱର ନାଜରିତ ସହର୍‌ତାଙ୍ଗ୍ ୱାତି ଯୀଶୁଙ୍ଗ୍ ପବିତ୍ର ଆତ୍ମା ଆରେ ଶାକ୍ତି ହିତାନ୍। ଈଶ୍ୱର ତା ହୁଦାଙ୍ଗ୍ ମାନି କାଜିଙ୍ଗ୍ ହେୱାନ୍ ୱିଜୁ ନିପଣ୍ ବୁଲାଆଜି ମାନାୟାରିଙ୍ଗ୍ ହାର୍ ଆଦେଙ୍ଗ୍ ସାଇଜ କିତାନ୍, ଆରେ ଶୟତାନ ଆଦିକାର୍‌ତାକେ ରଗ୍ ଆହିଆତାକାରିଙ୍ଗ୍ ହାର୍‍କିତାନ୍।

ପକ୍ୟାତାକା 20:24

ଈଶ୍ୱର ଇମ୍‌ଣି ଦୟା ଚଚ୍‌ଚାତାନ୍‌ନା ହେ ବିଷୟରେ ହାର୍ଦିକାବୁର୍ ଶୁଣାୟ୍ କିଦେଙ୍ଗ୍, ମାପୃ ଯୀଶୁ ନାଙ୍ଗେଙ୍ଗ୍ ହିତ୍‌ତାନ୍‌ନା ଇ କାମାୟ୍‌ତିଙ୍ଗ୍ ପୁରା କିଜି ୱିହ୍‌ୱି ପାତେକ୍ ଆନେଙ୍ଗ୍ ନା ଜିବୁନ୍‌ତିଙ୍ଗ୍ କିଚି ମୁଲ୍ଯ ଆକାୟ୍ ଇଞ୍ଜି ବାବିକିନାଙ୍ଗା।

ପକ୍ୟାତାକା 21:13

ହେବେତାଙ୍ଗ୍ ପାଉଲ ୱେଚ୍‌ଚାନ୍, “ଏପେଙ୍ଗ୍ ଇନା କିଦେଙ୍ଗ୍ ଆଡ଼୍‌ବିସ୍‌ ମାନ୍ ବାଙ୍ଗାୟ୍ କିଦ୍‍ନାଦେରା? ଆନେଙ୍ଗ୍ ମାପୃ ଯୀଶୁ ତର୍‍ଦାଙ୍ଗ୍ ଯିରୁଶାଲାମ ସହର୍‌ତାକେ ଗାଚିଆଦେଙ୍ଗ୍ ଆରେ ହାଃଦେଙ୍ଗ୍ ପା ରେଡି ମାନାଙ୍ଗ୍।”

ପକ୍ୟାତାକା 26:11

ଆନେଙ୍ଗ୍ ୱିଜୁଦିନ୍ ପାର୍ତାନା ଇଲ୍‌କୁକାଙ୍ଗ୍ ବୁଲାଆଜି-ଆଜି ହେୱାରିଙ୍ଗ୍ ସାସ୍ତି ହିଜି ମାଚାଙ୍ଗ୍, ଆରେ ହେୱାରିଙ୍ଗ୍ ଜବର୍‌ଦସ୍ତିରେ ଯୀଶୁ ଖ୍ରୀଷ୍ଟଙ୍ଗ୍ ନିନ୍ଦାକିନି କାଜିଙ୍ଗ୍ ୱେଚ୍‌ଚି ମାଚାଙ୍ଗ୍। ଆନେଙ୍ଗ୍ ଏଚେକ୍ ରିସାଆଜି ମାଚାଙ୍ଗ୍ ଯେ, ଜେକନି ସହର୍‌କୁକାଙ୍ଗ୍ ହାଲ୍‌ଜି ପା ପାର୍ତି କିନାକାରିଙ୍ଗ୍ ଦୁକ୍‌କଷ୍ଟ ହିଜି ମାଚାଙ୍ଗ୍।

ପକ୍ୟାତାକା 26:25

ମାତର୍ ପାଉଲ ୱେଚ୍‌ଚାନ୍, “ଏ ପେଷ୍ଟସ୍‌ ରାଜା, ଆନେଙ୍ଗ୍ ବାୟା ଆକାୟ୍, ଆନେଙ୍ଗ୍ ସତ୍ ଆରେ ବିଦିନି କାତା ୱେଚ୍‌ନାଙ୍ଗା।

ପକ୍ୟାତାକା 6:8

ଈଶ୍ୱର ଦୟାତାଙ୍ଗ୍ ଆରେ ଈଶ୍ୱର ଶାକ୍ତିତାଙ୍ଗ୍ ସ୍ତିପାନ ପୁରାଆଜି ମାନାୟାର୍ ବିତ୍ରେ ଗାଜା-ଗାଜା ଚାନିଆଆନି କାମାୟ୍ ଆରେ ଚିନ୍ କିଦେଙ୍ଗ୍ ଲାଗାତାନ୍।

ପକ୍ୟାତାକା 9:22

ମାତର୍ ଈଶ୍ୱର ଶାଉଲତିଙ୍ଗ୍ ବେସି ଶାକ୍ତି ହିତାନ୍। ଯୀଶୁ ନେ ଖ୍ରୀଷ୍ଟ ଇଞ୍ଜି ପାର୍ମାଣ୍ କିଜି ଶୁଣାୟ୍ କିଜି ମାଚାନ୍। ଇଦାଙ୍ଗ୍ କାଜିଙ୍ଗ୍ ଦମେସକ ସହର୍‌ତାକେ ମାନି ଯିହୁଦି ମାନାୟାର୍ ଇନାକା ୱେଚ୍‌ଚେଙ୍ଗ୍ ଆଡ୍‌ୱାଦାଙ୍ଗ୍ ମାଚାର୍।

ରୋମିୟ 5:5

ଏଚେପାଦ୍ନା ଆସେଙ୍ଗ୍ ଈଶ୍ୱରତିଙ୍ଗ୍ ଆହା କିନାସ୍ ମାଙ୍ଗେଙ୍ଗ୍ ଇମ୍‌ଣି ମାନାୟ୍ ପା ଲାଜ୍ କିଦ୍‌ଦେଙ୍ଗ୍ ଆଡ଼୍‌ଦୁନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ପବିତ୍ର ଆତ୍ମା ହିତ୍‌ତାନ୍‌ନା ଆରେ ହେୱାନ୍ ତା ଲାଡ୍‌ତିଙ୍ଗ୍ ମା ଗରବ୍ ବିତ୍ରେ ହିତ୍‌ତାନ୍‌ନା।

ରୋମିୟ 8:15

ଲାଗିଙ୍ଗ୍ ଏପେଙ୍ଗ୍ ଚାକର୍ ଆଜି ଈଶ୍ୱରତିଙ୍ଗ୍ ପାଣ୍ଡ୍ରାଆନି ଆତ୍ମା ପାୟା ଆୱାତାଦେର୍‌ନା, ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ଈଶ୍ୱର ମେହିର୍ କିଜି ତା କୁଟୁମ୍‌ତାକେ ମାହାୟ୍ କିତ୍‌ତାତ୍‌ନା। ହେଦାଙ୍ଗ୍ କାଜିଙ୍ଗ୍ ଆସେଙ୍ଗ୍ ଈଶ୍ୱରତିଙ୍ଗ୍, “ଆବା-ଆବା ଇଞ୍ଜି ହିର୍‌ବାନାସା।”

୧ କରନ୍ତିୟ 2:4

ଆନେଙ୍ଗ୍ ମିଙ୍ଗେଙ୍ଗ୍ ଏଚେପାଦ୍ନା ଖ୍ରୀଷ୍ଟତି ହାର୍ଦିକାବୁର୍ ଶୁଣାୟ୍ କିଜି ମାନ୍‌ଞ୍ଚାଙ୍ଗ୍, ଆନେଙ୍ଗ୍ ଜେକନିକାର୍ ଲେକେ ମାନାୟାର୍ ବୁଦିନି ହିକ୍ଷା ଆରେ ଚାଲାକି ହୁଦାଙ୍ଗ୍ କାତା ୱେଚ୍‌ୱାଦାଙ୍ଗ୍ ମାଚାଙ୍ଗ୍। ମାତର୍ ପବିତ୍ର ଆତ୍ମା ମି ବିତ୍ରେ ମାନ୍‌ଞ୍ଜି ଶାକ୍ତିତାଙ୍ଗ୍ ପୁନି କିତ୍‌ତାତ୍ ଯେ, ଆନେଙ୍ଗ୍ ୱେଚ୍‌ଚି ହାର୍ଦିକାବୁର୍ ସତ୍।

ଗାଲାତିୟ 5:22

ମାତର୍ ପବିତ୍ର ଆତ୍ମା ମାଙ୍ଗେଙ୍ଗ୍ ସାଇଜ କିତ୍‌ତିସ୍, ଇଲେକେ ଗୁଣ୍: ଲାଡ୍ କିନାକା, ୱାରି କିନାକା, ଶାନ୍ତିତାଙ୍ଗ୍ ମାନାକା, ବେସି କଷ୍ଟତିଙ୍ଗ୍ ସମ୍ୱାଲି କିନାକା, ଦୟା କିନାକା।

କଲସିୟ 1:8

ପବିତ୍ର ଆତ୍ମାତାଙ୍ଗ୍ ଲାଡ୍ ପାୟାଆଜି ଜେକନିକାରିଙ୍ଗ୍ ଲାଡ୍‌କିନି ବିଷୟରେ ହେୱାନ୍ ମାଙ୍ଗେଙ୍ଗ୍ ୱେଚ୍‌ଚାନାନା।

ଏବ୍ରି 2:15

ଇଲେକେ ହାଃଦେଙ୍ଗ୍ ପାଣ୍ଡ୍ରାଆଜି ଦାସ୍ ଲେକେ ଗାଚିଆ ଆତି ମାନାୟାରିଙ୍ଗ୍ ଯୀଶୁ ଉଦାର୍ କିତାନ୍।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।

୧ ଯୋହନ 4:18

ଲାଡ୍ କିନିତାକେ ପାଣ୍ଡ୍ରୁ ହିଲ୍‌ଗୁତ୍, ଇନେସ୍‌କି ସତ୍ ଲାଡ୍‌ନେ ପାଣ୍ଡ୍ରୁତିଙ୍ଗ୍ ଦେହା କିନାତ୍, ଯଦି ହେୱାର୍ ଈଶ୍ୱର ମାଙ୍ଗେଙ୍ଗ୍ ଦଣ୍ଡ୍ ହିଦ୍‌ନାନା ଇଞ୍ଜି ପାଣ୍ଡ୍ରା ଆନାର୍। ହେୱାର୍‌ତାକେ ଈଶ୍ୱରତି ଲାଡ୍ ମା ତାକେ ପୁରା ଆଉତେ।