୨ ତିମଥି 1:6 - New Testament in Pengo Parja Language

⁶ ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ମିଙ୍ଗେଙ୍ଗ୍ ମାନ୍ତ ଏତୁକିୟି କିଦେଙ୍ଗ୍ ଇଚା କିନାଙ୍ଗା ଯେ ଆନେଙ୍ଗ୍ ମି କାପ୍‌ଡ଼ା ଜପି କେଇ ଡ଼ାପ୍‌ତିହିଙ୍ଗ୍ ଇମ୍‌ଣି ଈଶ୍ୱର ଦାନ୍ ପାୟା ଆତାଦେର୍‌ନା, ହେଦାଙ୍ଗ୍‌ତିଙ୍ଗ୍ ଆରେରଗ ଦିରେ-ଦିରେ କିଜି କାଚାୟ୍ କିୟାଟ୍।

୨ ତିମଥି 1:6 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 19:13

ହେୱାନ୍ ହାନି ଆଗେ ତା ଦଶ୍‌ଜାଣ୍ ହଲିଆରିଙ୍ଗ୍ କୁକ୍‌ଚି ହେୱାରିଙ୍ଗ୍ ରଞ୍ଜାଙ୍ଗ୍ ଲାକା ହନା ଡାବୁଙ୍ଗ୍ ହିତାନ୍। ଆରେ ହେୱାନ୍ ୱେଚ୍‌ଚାନ୍, ‘ଆନେଙ୍ଗ୍ ୱାନି ପାତେକ୍ ଇ ଡାବୁଙ୍ଗ୍ ଲାହାଙ୍ଗ୍ ବେପାର୍‌ବାଟ୍‌ କିୟାଟ୍।’

ପକ୍ୟାତାକା 19:6

ଆରେ ପାଉଲ ହେୱାର୍ ଜପି କେଇ ଇଡ଼୍‌ଜି ପାର୍ତାନା କିତାନ୍। ଲାଗିଙ୍ଗ୍ ହେୱାର୍ ଜପି ପବିତ୍ର ଆତ୍ମା ୱାତାତ୍। ଆରେ ହେୱାର୍ ବାରବିନି ବାଷାତାଙ୍ଗ୍ ବେଣ୍ କିତାର୍ ଆରେ ଈଶ୍ୱର କାତା ପା ୱେଚ୍‌ଚେଙ୍ଗ୍ ଲାଗାତାର୍।

ପକ୍ୟାତାକା 6:6

ଜେକନି ଚେଲାର୍ ବାଚିକିତି ଚେଲାହିର୍ ଲାଗାୟ୍ ତାତାର୍। ଲାଗିଙ୍ଗ୍ ବାଚିକିତି ଚେଲାର୍ ପାର୍ତାନା କିଜି ହେ କାମାୟ୍ କିଦେଙ୍ଗ୍ ଦାଇତ୍ ହିତାର୍।

୧ ଥେସଲନୀକିୟ 5:19

ପବିତ୍ର ଆତ୍ମାନି କାମାୟ୍‌ତିଙ୍ଗ୍ ମୁନା କିମାଟ୍।

୧ ତିମତି 4:14

ପ୍ରାଚିନାର୍ ନି କାପ୍‌ଡ଼ା ଜପି କେଇ ଇଡ଼୍‌ଜି ଈଶ୍ୱର ହିତ୍‌ତି ଇମ୍‌ଣି କାତାତିଙ୍ଗ୍ ନିଙ୍ଗେଙ୍ଗ୍ ୱେଚ୍‌ଚାତାର୍‌ନା, ହେ ବିଷୟତିଙ୍ଗ୍ ଏନେଙ୍ଗ୍ ଏଲା ଆମା।

୧ ତିମତି 4:6

ଏନେଙ୍ଗ୍ ଯଦି ପାର୍ତିକିନି ଟଣ୍ଡାର୍‌ରିଙ୍ଗ୍ ୱିଜୁ ବିଷୟରେ ହିକ୍ଷା ହିନାୟ୍‌, ଲାଗିଙ୍ଗ୍ ଏନେଙ୍ଗ୍ ଯୀଶୁ ଖ୍ରୀଷ୍ଟନି ର ହାର୍‌ଦାଙ୍ଗ୍ ହେବାକିନାକାୟ୍ ଆନାୟ୍। ଆରେ ଏନେଙ୍ଗ୍ ଇମ୍‌ଣି ପାର୍ତି ଆରେ ହାର୍ଦି ହିକ୍ଷାତିଙ୍ଗ୍ ମାନିକିୟା, ହେ କାତାକାଜିଙ୍ଗ୍ ଏନେଙ୍ଗ୍ ବେସି ଦରମ୍ ଜିବୁନ୍ କାଟି କିଦେଙ୍ଗ୍ ଆଡ୍‌ନାୟ୍।

୨ ତିମଥି 2:14

ଆନେଙ୍ଗ୍ ୱେଚ୍‌ଚି ମାନ୍‌ଞ୍ଚି ଇୱିଜୁ କାତା ପାର୍ତି କିନାକାରିଙ୍ଗ୍ ବାଣା ଆମାଟ୍ ଇଞ୍ଜି ୱେଚା। ର କାତାତିଙ୍ଗ୍ ଅଜି ଯୁକ୍ତି କିୱେଦେଙ୍ଗ୍, ମାପୃତିଙ୍ଗ୍ ସାକି ଇଡ଼୍‌ଜି ହେୱାରିଙ୍ଗ୍ ଜାଗ୍ରତ୍ କିୟିକିୟା। ଇନେସ୍‌କି ଇଲେକେ ଯୁକ୍ତି କିବା ଆନାକା ଇନା ମୁଲ୍ଯ ଆକାୟ୍, ମାତର୍ ଇଦାଙ୍ଗ୍ ୱେଚି ମାନାୟାରିଙ୍ଗ୍ ଗାଜା କଷ୍ଟ ହିନାତ୍।

୨ ତିମଥି 4:2

ଈଶ୍ୱର କାତା ଶୁଣାୟ୍ କିୟାଟ୍, ସମୟ୍‌ତ କି ଅସମୟତ ପା କାତା ଶୁଣାୟ୍ କିଦେଙ୍ଗ୍ ରେଡି ଆଡ। ଏପେଙ୍ଗ୍ ପୁରା ଶାନ୍ତି ଆରେ ମାନ୍‌ଦିୟାନ୍ କିଜି ମାନାୟାରିଙ୍ଗ୍ ବୁଲ୍ କିନିହିଙ୍ଗ୍ ଟିକ୍ କିୟିକିୟାଟ୍, ପାପ୍ କାମାୟ୍ କିନିହିଙ୍ଗ୍ ରିସା ଆରେ ହେୱାରିଙ୍ଗ୍ ହାର୍ଦି ହିକ୍ଷାହିଜି ସାହାସ୍ ହିୟାଟ୍।

ଏବ୍ରି 6:2

ବାରବିନିନି ଡୁବନ୍ ବିଷୟନି ହିକ୍ଷା, କାପ୍‌ଡ଼ା ଜପି କେଇ ଇଟ୍‌ନି ବିଷୟନି ହିକ୍ଷା। ହାଃତି ମାନାୟାର୍ ଆରେରଗ ଜିବୁନ୍‌ଆଜି ନିଙ୍ଗ୍‌ନି ବିଷୟନି ହିକ୍ଷା, ୱିଜ୍‌ୱି ଦଣ୍ଡ୍‌ନି ବିଚାର୍‌ନି ହିକ୍ଷା, ଇୱିଜୁ ମୁଡ଼୍ ହିକ୍ଷା ମାଙ୍ଗେଙ୍ଗ୍ ଆରେ ଦର୍‌କାର୍ ଆକାୟ୍।

୨ ପିତର 1:12

ଏପେଙ୍ଗ୍ ଇ ୱିଜୁ ବିଷୟ ସତ୍ ଇଞ୍ଜି ପୁଚାଦେର୍‌ନା ଆରେ ପୁରାପୁରି ପାର୍ତି କିନାଦେରା, ଆତିସ୍‌ପା ଇ ୱିଜୁ ବିଷୟରେ ମିଙ୍ଗେଙ୍ଗ୍ ୱିଜୁଦିନ୍ ମାନ୍ତ ଏତୁ କିୟିକିଦ୍‌ଦେଙ୍ଗ୍ ଆନେଙ୍ଗ୍ ଇଚା କିନାଙ୍ଗା।

୨ ପିତର 3:1

ନା ଲାଡ୍‌ନି ସାଙ୍ଗ କାଦେର୍, ଏପେଙ୍ଗ୍ ପୁଚି ବିଷୟତିଙ୍ଗ୍ ମାନ୍ତ ଏତୁକିନି କାଜିଙ୍ଗ୍ ଆରେ ମି ମାନ୍ତ ହାର୍ଦି ବାବ୍‌ନାତିଙ୍ଗ୍ ଜାଗାୟ୍ କିନି କାଜିଙ୍ଗ୍, ନଙ୍ଗୟ୍ ଆନେଙ୍ଗ୍ ମି ଲାଗାୟ୍ ଇ ରି ନମ୍ବର୍ ଚିଟି ଲେକିକିନାଙ୍ଗା।

ଜିହୁଦା 1:5

ଏପେଙ୍ଗ୍ ୱିଜୁ ବିଷୟ ପୁରାପୁରି ପୁନ୍‌ଞ୍ଜି ମାଚିସ୍ ପା, ଆନେଙ୍ଗ୍ ମିଙ୍ଗେଙ୍ଗ୍ ଏତୁକିୟି କିଦେଙ୍ଗ୍ ଇଚା କିନାଙ୍ଗା ଯେ, ମାପୃ ଇସ୍ରାଏଲନି ମାନାୟାରିଙ୍ଗ୍ ମିସର୍ ଦେସ୍‌ନି ଦାସ୍ କାମାୟ୍‌ତାଙ୍ଗ୍ ଉଦାର୍ କିତାନ୍। ମାତର୍ ଇମ୍‌ଣାକାର୍ ଟାଙ୍ଗ୍ରାବାହାତାକେ ହେୱାନିଙ୍ଗ୍ ପାର୍ତି କିୱାତାର୍, ପାଚେ ହେୱାରିଙ୍ଗ୍ ହେୱାନ୍ ନଷ୍ଟ କିତାନ୍।