୨ ତିମଥି 1:5 - New Testament in Pengo Parja Language

⁵ ଏପେଙ୍ଗ୍ ହାର୍ଦି ମାନ୍‌ତାଙ୍ଗ୍ ଖ୍ରୀଷ୍ଟତାକେ ପାର୍ତି କିନାଦେରା ଇଞ୍ଜି ଆନେଙ୍ଗ୍ କାବୁର୍ ପାୟାଆତାଙ୍ଗ୍‌ନା। ଏପେଙ୍ଗ୍ ପାର୍ତିକିନି ଆଗେ ମି ବୁଡିଆୟା ଲୋହି ଆରେ ମି ଆୟା ଇଉନିକିତାକେ ମାଚାତ୍। ଆରେ ମିବେ ପା ମାନାତ୍ ଇଞ୍ଜି ନା ପୁରା ପାର୍ତି ମାନାତ୍।

୨ ତିମଥି 1:5 Iomraidhean Croise

ଜହନ୍‌ 1:47

ଯୀଶୁ ନିତନିୟେଲତିଙ୍ଗ୍ ତାପଣ୍ ୱାନାକା ହୁଡ଼୍‌ତାନ୍। ଆରେ ହେୱାନ୍ ପିଲିପତିଙ୍ଗ୍ ୱେଚ୍‌ଚାନ୍, “ଏହେଁ ହୁଡ଼ାଟ୍! ଇୱାନ୍ ରକାନ୍ ଇସ୍ରାଏଲ ଜାତିନି ମାନାୟ୍। ହେୱାନ୍‌ତାକେ ଇନାକା ବାଟ୍‌ପାଣିଆ ବୁଦି ହିଲେତ୍।”

ପକ୍ୟାତାକା 16:1

ତାପାଚେ ପାଉଲ ଆରେ ଶିଲା ଦର୍ବି ସହର୍‌ତାକେ ହାଚାର୍। ପାଚେ ହେୱାର୍ ଲୁସ୍ତ୍ରା ସହର୍‌ତାକେ ହାଚାର୍। ହେବେ ତିମତି ତର୍‍ଦାକାନ୍ ରକାନ୍ ପାର୍ତିକିନି ଚେଲାହି ମାଚାନ୍। ତା ତେହି ରଞ୍ଜେଲ୍ ପାର୍ତି କିନାକାଦେଲ୍ ମାଚାତ୍, ହେଦେଲ୍ ଯିହୁଦି ଜାତି ନିକାଦେଲ୍ ମାଚାତ୍। ଲାତ୍ରାହି ରକାନ୍ ବିନ୍‌ଜାତିନି ମାନାୟ୍ ମାଚାନ୍।

ପକ୍ୟାତାକା 26:26

ରାଜା ତ ଇୱିଜୁ ବିଷୟରେ ପୁଚାନ୍‌ନା, ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ଶାସ୍ ହୁଦାଙ୍ଗ୍ ହେୱାନିଙ୍ଗ୍ ୱେଚ୍‌ନାଙ୍ଗା। ଆନେଙ୍ଗ୍ ପାର୍ତି କିନାଙ୍ଗା ଯେ ଇ ବିଷୟରେ ହେୱାନ୍ ପୁରା-ପୁରି ପୁଚାନ୍‌ନା, ଇୱିଜୁ ବିଷୟ ୱିଜାକାର୍ ଆଗେ ଗଟାଆତାତ୍‌ନା।

ରୋମିୟ 14:14

ଆନେଙ୍ଗ୍ ମାପୃ ଯୀଶୁ ଅଦିକାର୍‌ତାଙ୍ଗ୍ ହାର୍ କିଜି ପୁଚାଙ୍ଗ୍‌ନା ଯେ, ଇମ୍‌ଣି କାଦି ପା ତିନାକା ବୁଲ୍ ଆକାୟ୍। ମାତର୍ ଯଦି ଇମ୍‌ଣି ମାନାୟ୍ ୱିଜୁ କାଦି ତିନାକା ବୁଲ୍ ଇଞ୍ଜି ପାର୍ତି କିନାନା, ଲାଗିଙ୍ଗ୍ ହେଦାଙ୍ଗ୍ ତା କାଜିଙ୍ଗ୍ ବୁଲ୍।

ରୋମିୟ 14:5

ହେଲେକେ କେତ୍‌ଜାଣ୍ ବାବିକିନାର୍ ଯେ, ୱିଜୁଦିନ୍ ପିସ୍ତି ରଦିନ୍ ଆଦିକ୍ ପବିତ୍ର, ମାତର୍ ଜେକନିକାର୍ ୱିଜୁଦିନ୍ ହାମାନ୍ ଇଞ୍ଜି ବାବିକିନାର୍। ୱିଜାର୍ ମାନାୟାର୍ ଜାର୍ କାଜିଙ୍ଗ୍ ଜାର୍ ଇ ବିଷୟରେ ପାର୍ତିକିନି ଦର୍‌କାର୍।

ରୋମିୟ 15:14

ଏ ଟଣ୍ଡାର୍‌କାଦେର୍ ଆନେଙ୍ଗ୍ ହାର୍ କିଜି ପୁଚାଙ୍ଗ୍‌ନା ଯେ, ଏପେଙ୍ଗ୍ ବେସି ହାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ହିକ୍ଷାହିଦେଙ୍ଗ୍ ଇ ୱିଜୁ ବିଷୟ ହାର୍ କିଜି ପୁଚାଦେର୍‌ନା।

ରୋମିୟ 4:21

ଈଶ୍ୱର ତାଙ୍ଗେଙ୍ଗ୍ ଇମ୍‌ଣି ପାର୍ମାଣ୍ ହିଜିମାଚାତ୍‌, ହେ ପାର୍ମାଣ୍‌ତିଙ୍ଗ୍ ହେୱାନ୍ ପୁରାୟ୍ କିଦେଙ୍ଗ୍ ଆଡ୍‌ନାନ୍ ଇଞ୍ଜି ହାର୍ କିଜି ପୁନ୍‌ଞ୍ଜି ମାଚାନ୍। ଆରେ ହେୱାନ୍ ଆଦିକ୍ ପାର୍ତି କିଜି ମାଚାନ୍।

ରୋମିୟ 8:38

ଆରେ ଆନେଙ୍ଗ୍ ପୁଚାଙ୍ଗ୍‌ନା ଯେ, ଇନାକା ପା ଈଶ୍ୱର ଲାଡ୍‌ତାଙ୍ଗ୍ ମାଙ୍ଗେଙ୍ଗ୍ ଅଲ୍‌ଗା କିଦ୍‌ଦେଙ୍ଗ୍ ଆଡ଼୍‌ଦୁତ୍। ମାରାଣ୍ କି ଜିବୁନ୍, ଦୁତ୍ କି ବୁତ୍ଆତ୍ମା ନେଞ୍ଜେଙ୍ଗ୍ କି ୱିଗା ଆରେ ନରକ୍‌ନି ଶାକ୍ତି ପା ଈଶ୍ୱର ଲାଡ୍‌ତାଙ୍ଗ୍ ମାଙ୍ଗେଙ୍ଗ୍ ଅଲ୍‌ଗା କିଦ୍‌ଦେଙ୍ଗ୍ ଆଡ଼୍‌ଦୁତ୍। ବାଦାଡ଼୍‌ଜପି କି ପୁର୍ତିନି ତାରେନ୍ ଇଲେକେ ଇନା ସାକ୍ତି ହିଲୁତ୍, ଆରେ ଇ ପୁର୍ତିତାକେ ଈଶ୍ୱର ଉବ୍‌ଜାଇ କିତି ଜିନିଷ୍ ପା ହିଲୁତ୍। ଇମ୍‌ଣାକା ମାଙ୍ଗେଙ୍ଗ୍ ଈଶ୍ୱର ଲାଡ୍‌ତାଙ୍ଗ୍ ଅଲ୍‌ଗା କିଦ୍‌ଦେଙ୍ଗ୍ ଆଡ୍‌ନାତ୍, ଇମ୍‌ଣାକା ମା ମାପୃ ଯୀଶୁ ଖ୍ରୀଷ୍ଟ କାଜିଙ୍ଗ୍ ମାଙ୍ଗେଙ୍ଗ୍ ପୁନି କିତ୍‌ତାନ୍‌ନା।

୨ କରନ୍ତିୟ 6:6

ଆପେଙ୍ଗ୍ ଜାର୍‌ତିଙ୍ଗ୍ ପବିତ୍ର କିତାପ୍, ଆପେଙ୍ଗ୍ ୱିଜୁ ବିଷୟରେ ବୁଜାଆତାପ୍, ଆପେଙ୍ଗ୍ ସାସ୍ ଆତାପ୍, ଆପେଙ୍ଗ୍ ମାନାୟାରିଙ୍ଗ୍ ଦୟା କିତାପ୍। ଆରେ ଆପେଙ୍ଗ୍ ମାନାୟାରିଙ୍ଗ୍ ହାତ୍‌ପା ଲାଡ୍ କିତାପ୍ ଆରେ ଆପେଙ୍ଗ୍ ପବିତ୍ର ଆତ୍ମାତିଙ୍ଗ୍ ସାଇଜ କିଦେତ୍ ଇଞ୍ଜି ଆହା କିତାପ୍।

୧ ତିମତି 1:5

ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

୧ ତିମତି 4:6

ଏନେଙ୍ଗ୍ ଯଦି ପାର୍ତିକିନି ଟଣ୍ଡାର୍‌ରିଙ୍ଗ୍ ୱିଜୁ ବିଷୟରେ ହିକ୍ଷା ହିନାୟ୍‌, ଲାଗିଙ୍ଗ୍ ଏନେଙ୍ଗ୍ ଯୀଶୁ ଖ୍ରୀଷ୍ଟନି ର ହାର୍‌ଦାଙ୍ଗ୍ ହେବାକିନାକାୟ୍ ଆନାୟ୍। ଆରେ ଏନେଙ୍ଗ୍ ଇମ୍‌ଣି ପାର୍ତି ଆରେ ହାର୍ଦି ହିକ୍ଷାତିଙ୍ଗ୍ ମାନିକିୟା, ହେ କାତାକାଜିଙ୍ଗ୍ ଏନେଙ୍ଗ୍ ବେସି ଦରମ୍ ଜିବୁନ୍ କାଟି କିଦେଙ୍ଗ୍ ଆଡ୍‌ନାୟ୍।

୨ ତିମଥି 1:12

ଇ ହାର୍ଦିକାବୁର୍ ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ପା ଆନେଙ୍ଗ୍ ଇୱିଜୁ ଦୁକ୍ ପାୟାଆତାଙ୍ଗ୍‌ନା, ଆତିସ୍‌ପା ଆନେଙ୍ଗ୍ ଲାଜା ଆଉଙ୍ଗା। ଇନେସ୍‌କି ଆନେଙ୍ଗ୍ ଇନେର୍‌ତାକେ ପାର୍ତି କିନାଙ୍ଗା, ହେୱାନିଙ୍ଗ୍ ଆନେଙ୍ଗ୍ ପୁନାଙ୍ଗ୍। ଖ୍ରୀଷ୍ଟ ନାଙ୍ଗେଙ୍ଗ୍ ଇନାକା ହିତ୍‌ତାନ୍‌ନା, ହେୱାନ୍ ୱାନି ପାତେକ୍ ହେୱାନ୍ ରକ୍ଷା କିଦେଙ୍ଗ୍ ଆଡ୍‌ନାନ୍ ଇଞ୍ଜି ଇଦାଙ୍ଗ୍ ବେସି ପାର୍ତି କିନାଙ୍ଗା।

୨ ତିମଥି 3:15

ଏପେଙ୍ଗ୍ ହିରୁ ୱାଡ଼ାତାଙ୍ଗ୍ ସାସ୍ତର୍ ବିଷୟରେ ପୁଚାଦେର୍‌ନା ଯେ ଯୀଶୁ ଖ୍ରୀଷ୍ଟତାକେ ପାର୍ତି କିନାସ୍ ଆରେ ଉଦାର୍ ପାୟାଆନି କାଜିଙ୍ଗ୍ ହେଦାଙ୍ଗ୍ ବୁଦି ହିଦେଙ୍ଗ୍ ଆଡ୍‌ନାଦେର୍ ଇଞ୍ଜି।

ଏବ୍ରି 11:13

ଈଶ୍ୱର ଇନାକା ପାର୍ମାଣ୍ କିଜି ମାଚାନ୍, ହେଦାଙ୍ଗ୍ ପାୟାଆୱାଦାଙ୍ଗ୍ ଇ ୱିଜୁ ପାର୍ତିକିନି ମାନାୟ୍ ହାଃତାର୍, ମାତର୍ ହେୱାର୍ ଈଶ୍ୱର ପାର୍ମାଣ୍‌ତିଙ୍ଗ୍ ଦେହାତାଙ୍ଗ୍ ହୁଡ଼୍‌ଜି ଆସ୍ତାର୍। ଲାଗିଙ୍ଗ୍ ହେୱାର୍ ଇ ପୁର୍ତିତାକେ ବିନେନି ଦେସ୍ତି ମାନାୟ୍ ଆରେ ଚିନ୍ କିୱିତି ମାନାୟ୍ ଲେକେ ଆଜି ମାଚାର୍।

ଏବ୍ରି 6:9

ମାତର୍ ଏ ଲାଡ୍‌ନି ଟଣ୍ଡାର୍‌କାଦେର୍, ଆସେଙ୍ଗ୍ ଇଲେକେ ୱେଚ୍‌ଚିସ୍‌ପା, ଇଦାଙ୍ଗ୍ ମି କାଜିଙ୍ଗ୍ ଦର୍‌କାର୍ ଆକାୟ୍ ଇଞ୍ଜି ଷ୍ଟ୍ରଙ୍ଗ୍‌କିଜି ପାର୍ତି କିନାସା। ଉଦାର୍ ପାୟାଆନି ହାର୍ଦି ବିଷୟ ୱିଜୁ ଏପେଙ୍ଗ୍ ପୁଚାଦେର୍‌ନା ଇଞ୍ଜି ଆପେଙ୍ଗ୍ ପାର୍ତି କିନାପା।

୧ ପିତର 1:22

ଇନେସ୍‌କି ଏପେଙ୍ଗ୍ ସତ୍‌ତିଙ୍ଗ୍ ମାନିକିତି କାଜିଙ୍ଗ୍ ହେୱାନ୍ ମିଙ୍ଗେଙ୍ଗ୍ ପାପ୍‌ତିଙ୍ଗ୍ ନୁସ୍‌ଦାତାନ୍‌ନା, ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ମି ପାର୍ତିନି ଟଣ୍ଡାରିଙ୍ଗ୍ ଟକାୟ୍ କିୱାଦାଙ୍ଗ୍ ହାତ୍‌ପା ଲାଡ୍‌କିନି ଦର୍‌କାର୍। ଏପେଙ୍ଗ୍ ଜାର୍-ଜାର୍‌ବିତ୍ରେ ଗରବ୍‌ତାଙ୍ଗ୍ ଲାଡ୍‌କିଜି ମାନାଟ୍।