୨ ତିମଥି 1:3 - New Testament in Pengo Parja Language

³ ଆନେଙ୍ଗ୍ ଏଚେପାଦ୍ନା ପାର୍ତାନା ୱିଜୁଦିନ୍ ନି ତର୍‌ତିଙ୍ଗ୍ ମାନ୍ତ ଏତୁ କିନାଙ୍ଗ୍, ଆରେ ଈଶ୍ୱରତିଙ୍ଗ୍ ୱିଜୁଦିନ୍ ଦନ୍ଯବାଦ୍ ହିଜି ପାର୍ତାନା କିନାଙ୍ଗ୍। ହେ ଈଶ୍ୱରତିଙ୍ଗ୍ ଆନେଙ୍ଗ୍ ଆରେ ନା ଆକଦାଦିର୍ ହାର୍ଦି ମାନ୍‌ତାଙ୍ଗ୍ ହେବା କିନାପା।

୨ ତିମଥି 1:3 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 2:37

ହେଦେଲ୍ ୱିଜୁଦିନ୍ ଈଶ୍ୱର ମାନି ମନ୍ଦିର୍‌ତାକେ ପୁଜାକିଜି ମାନାକା। ଆରେ ହେଦେଲ୍ ୱେଡ଼ା ନାଣା ତିନ୍‌ୱାଦାଙ୍ଗ୍ କି ଉଣ୍‌ୱାଦାଙ୍ଗ୍ ଈଶ୍ୱରତିଙ୍ଗ୍ ହେବାକିଜି ପାର୍ତାନା କିଜି ମାଚାତ୍।

ପକ୍ୟାତାକା 22:3

ହେୱାନ୍ ୱେଚ୍‌ଚାନ୍, “ଆନେଙ୍ଗ୍ ଯିହୁଦି ଜାତିନି ମାନାୟ୍, କିଲିକିୟା ଜିଲ୍ଲାନି ତାର୍ଷ ସହର୍‌ତାକେ ଆନେଙ୍ଗ୍ ଜନମ୍ ଆତାଙ୍ଗ୍‌ନା। ମାତର୍ ଆନେଙ୍ଗ୍ ଇ ଯିରୁଶାଲାମ ସହର୍‌ତାକେ ଗାଜା ଆତାଙ୍ଗ୍‌ନା। ଗମଲିୟେଲ ଗୁରୁର୍ କାଲ୍‌କୁ ତାରେନ୍ କୁଚ୍‌ଚି ଈଶ୍ୱର ମା ଆକଦାଦିର୍ ମାଚି ନିୟମ୍ ସାସ୍ତର୍‌ତିଙ୍ଗ୍ ହିକାଆତାଙ୍ଗ୍‌ନା, ଏପେଙ୍ଗ୍ ଇନେସ୍ ଈଶ୍ୱରତିଙ୍ଗ୍ ହେବା କିଦେଙ୍ଗ୍ ଷ୍ଟିଟ୍ ମାଚାଦେର୍, ଆନେଙ୍ଗ୍ ପା ମି ଲେକେ ମାଚାଙ୍ଗ୍।

ପକ୍ୟାତାକା 23:1

ପାଉଲ ବିଚାର୍‌କିନି ବାହାତାକେ ମାନି ମେମ୍ୱରାରିଙ୍ଗ୍ ଦିୟାନ୍ କିଜି ହୁଡ଼୍‌ତାନ୍, ଆରେ ହେୱାନ୍ ୱେଚ୍‌ଚାନ୍, “ଏ ଟଣ୍ଡାର୍‌କାଦେର୍, ଆନେଙ୍ଗ୍ ନେଞ୍ଜେଙ୍ଗ୍ ପାତେକ୍ ଈଶ୍ୱରତାକେ ହାର୍ଦି ଜିବୁନ୍ କାଟି କିତାଙ୍ଗ୍‌ନା।”

ପକ୍ୟାତାକା 24:14

ଆନେଙ୍ଗ୍ ମାନିକିନାଙ୍ଗା ଯେ, ମା ଆକଦାଦିର୍ ଈଶ୍ୱରତିଙ୍ଗ୍ ପୁଜା କିନାଙ୍ଗା, ଆରେ ଯୀଶୁ ଖ୍ରୀଷ୍ଟନି ଚେଲା ଆତାଙ୍ଗ୍‌ନା। ମୋଶା ଲେକିକିତି ନିୟମ୍‌ନି ସାସ୍ତର୍ ଆରେ ଭବିଷ୍ଯତବକ୍ତା ଇନାକା ଲେକିକିତାର୍‌ନା, ହେଦାଙ୍ଗ୍ ଆନେଙ୍ଗ୍ ପାର୍ତି କିନାଙ୍ଗା। ମାତର୍ ଇ ମାନାୟାର୍ ବୁଲ୍ ହାଜ୍‌ଦିଙ୍ଗ୍ ଅନି ଦଳ୍ ନିକାନ୍ ଇଞ୍ଜି ୱେଚ୍‌ଚାନାରା।

ପକ୍ୟାତାକା 24:16

ହେଦାଙ୍ଗ୍ କାଜିଙ୍ଗ୍ ଆନେଙ୍ଗ୍ ପା ୱିଜୁଦିନ୍ ଈଶ୍ୱରତାକେ ଆରେ ମାନାୟାର୍‌ତାକେ ଦସି ଆଉଙ୍ଗ୍ ଇଞ୍ଜି ନା ମାନ୍‌ତିଙ୍ଗ୍ ଜାତୁନ୍ କିନାଙ୍ଗା।

ପକ୍ୟାତାକା 26:4

ଆନେଙ୍ଗ୍ ହିମ୍‌ଣା ୱେଡ଼ାତାଙ୍ଗ୍ ନା ମାନାୟାର୍‌ତାକେ ଆରେ ଯିରୁଶାଲାମ ସହର୍‌ତାକେ ଇନେସ୍‌ଆଜି ମାଚାଙ୍ଗ୍ ହେଦାଙ୍ଗ୍‌ୱିଜୁ ଯିହୁଦି ମାନାୟାର୍ ୱିଜାକାର୍ ପୁନାର୍।

ପକ୍ୟାତାକା 27:23

ଆନେଙ୍ଗ୍ ଇମ୍‌ଣି ଈଶ୍ୱର ମାନାୟ୍, ଆରେ ଆନେଙ୍ଗ୍ ଇନେରିଙ୍ଗ୍ ପୁଜା କିନାଙ୍ଗା, ତା ରକାନ୍ ଦୁତ୍ ମିକା ନା ଲାଗାୟ୍ ନିଲ୍‌ଚି ୱେଚ୍‌ଚାତାତ୍।

ରୋମିୟ 9:1

ନଙ୍ଗୟ୍ ଯଦି ମାଙ୍ଗେଙ୍ଗ୍ ଈଶ୍ୱର ଲାଡ୍‌ତାଙ୍ଗ୍ ଇନାକା ବିନେ କିଦ୍‌ଦେଙ୍ଗ୍ ଆଡ଼୍‌ଦୁତା, ଲାଗିଙ୍ଗ୍ ନା ଯିହୁଦି ମାନାୟାର୍ ଈଶ୍ୱରତାଙ୍ଗ୍ ଇନାକିଦେଙ୍ଗ୍ ଅଲ୍‌ଗା ଆତାର୍। ଆନେଙ୍ଗ୍ ହେୱାର୍ କାଜିଙ୍ଗ୍ ବେସି ଦୁଃକ୍ ଆନାଙ୍ଗା, ଆରେ ପା ନା ଗରବ୍‌ତାକେ ହେୱାର୍ କାଜିଙ୍ଗ୍ ୱିଜୁଦିନ୍ ବେସି କଷ୍ଟ ଆନାତା। ଯଦି ନା ନିଜର୍ ଲଗାଙ୍ଗ୍ ଉଦାର୍ କିନି କାଜିଙ୍ଗ୍ ଖ୍ରୀଷ୍ଟତାଙ୍ଗ୍ ଅଲ୍‌ଗା ଆୟା ଆନାତ୍‌, ଲାଗିଙ୍ଗ୍ ଆନେଙ୍ଗ୍ ହେଦିଲିଙ୍ଗ୍ ପା ରାଜି। ଆନେଙ୍ଗ୍ ସାକି ଲେକେ ଖ୍ରୀଷ୍ଟ ହୁଦାଙ୍ଗ୍ ସତ୍ ୱେଚ୍‌ନାଙ୍ଗା। ପବିତ୍ର ଆତ୍ମା ଆରେ ନାମାନ୍ ପା ସାକି ହିନାତା ଯେ, ଇଦାଙ୍ଗ୍ ମିଚ୍ ଆକାୟ୍।

୨ କରନ୍ତିୟ 1:12

ଆସେଙ୍ଗ୍ ବାଟ୍‌ପାଣ୍ ଆଜି ୱେଚ୍‌ଚେଙ୍ଗ୍ ଆଡ୍‌ନାସ୍, ଇନେସ୍‌କି ଆପେଙ୍ଗ୍ ଦରମ୍ ଆରେ ସତ୍ ସମ୍ପର୍କ ମିହୁଦାଙ୍ଗ୍ ଇଡ଼୍‌ତାପ୍‌ନା, ହେଦାଙ୍ଗ୍ ମା ମାନ୍ତି ବାବ୍‌ନା ସାକି ହିନାତା। ଆସେଙ୍ଗ୍ ମା ପୁର୍ତିନି ଜ୍ଞାନ୍‌ତିଙ୍ଗ୍ ଆହା କିୱାଦାଙ୍ଗ୍, ଈଶ୍ୱର ଦୟାତିଙ୍ଗ୍ ଆହା କିନାପା। ହେଲେକେ ମିହୁଦାଙ୍ଗ୍ ଆରେ ୱିଜାକାର୍ ହୁଦାଙ୍ଗ୍ ଜିବୁନ୍ କାଟିକିଜି ମାଚାପ୍।

ଗାଲାତିୟ 1:14

ଆରେ ନା ଆକଦାଦିନି ନିତି ନିୟମ୍‌ତିଙ୍ଗ୍ ବେସି ମାନିକିଜି ମାଚାଙ୍ଗ୍। ନା ଜାତିତାକେ ମାନି ନା ବୟସ୍‌ନି ମାନାୟାର୍‌ତାଙ୍ଗ୍ ଆନେଙ୍ଗ୍ ବେସି ମାନିକିଜି ମାଚାଙ୍ଗ୍।

ଏପିସିୟ 1:16

ଆନେଙ୍ଗ୍ ଈଶ୍ୱରତିଙ୍ଗ୍ ୱିଜୁଦିନ୍ ମି କାଜିଙ୍ଗ୍ ଦନ୍ଯବାଦ୍ ହିନାଙ୍ଗା। ଆନେଙ୍ଗ୍ ପାର୍ତାନା କିନିହିଙ୍ଗ୍ ମିଙ୍ଗେଙ୍ଗ୍ ମାନ୍ତ ଏତୁକିଜି ପାର୍ତାନା କିନାଙ୍ଗା।

୧ ଥେସଲନୀକିୟ 3:10

ଆପେଙ୍ଗ୍ ମି କାଜିଙ୍ଗ୍ ୱେଡ଼ା ନାଣା ପାର୍ତାନା କିନାପା ଯେ, ଈଶ୍ୱର ମିତାକେ ୱାଦେଙ୍ଗ୍ ମାଙ୍ଗେଙ୍ଗ୍ ସାଇଜ କିଦ୍‌ନାତ୍। ମିଙ୍ଗେଙ୍ଗ୍ ଦର୍‌କାର୍‌ଆନି ବିଷୟରେ ହିକ୍ଷା ହିଦ୍‌ନାପ୍, ଆରେ ଏପେଙ୍ଗ୍ ଖ୍ରୀଷ୍ଟତାକେ ପୁରା-ପୁରି ପାର୍ତି କିନାଦେର୍।

୧ ତିମତି 1:19

ଏନେଙ୍ଗ୍ ଖ୍ରୀଷ୍ଟତାକେ ପାର୍ତି କିଜି ମାନା, ଆରେ ଇନାକା ଟିକ୍ ହେଦାଙ୍ଗ୍ କିୟା। ଇନେସ୍‌କି କେତେକ୍ ମାନାୟାର୍ ଟିକ୍ କାମାୟ୍ ପୁନ୍‌ଞ୍ଜି କିୱି କାଜିଙ୍ଗ୍ ଜାଜ୍ ଇନେସ୍ ଡିଙ୍ଗ୍‌ତାତ୍‌ନା ହେଲେକେ ହେୱାର୍ ମାନ୍ ପା ଖ୍ରୀଷ୍ଟତାକେ ପାର୍ତି କିନାକା ବାଙ୍ଗା ଆତାତ୍‌ନା।

୧ ତିମତି 1:5

ଆନେଙ୍ଗ୍ ୱେଚ୍‌ଚିନି ଅର୍ତ ଇଦାଙ୍ଗ୍ ଯେ, ଏପେଙ୍ଗ୍ ମି ବିତ୍ରେ ଲାଡ୍ କିବା ଆନାଦେର୍। ଆରେ ଇ ଲାଡ୍ ହାର୍ଦି ମାନ୍, ହାର୍ଦି ଚିନ୍ତା ଆରେ ସତ୍ ପାର୍ତିତାଙ୍ଗ୍ ଆନି ଦର୍‌କାର୍।

୧ ତିମତି 5:5

ଇମ୍‌ଣି ରାଣ୍ଡି କଗ୍‌ଲେଙ୍ଗ୍ ସାଇଜ କିଦେଙ୍ଗ୍ ଇନେର୍ ହିଲୁର୍, ହେଦେଲ୍ ଈଶ୍ୱରତାକେ ଆହା କିଜି ୱେଡ଼ା ନାଣା ଗୁୱାରି କିଜି ଈଶ୍ୱରତିଙ୍ଗ୍ ତା ସାଇଜ କିଦେଙ୍ଗ୍ ପାର୍ତାନା କିୟା।

୨ ତିମଥି 1:5

ଏପେଙ୍ଗ୍ ହାର୍ଦି ମାନ୍‌ତାଙ୍ଗ୍ ଖ୍ରୀଷ୍ଟତାକେ ପାର୍ତି କିନାଦେରା ଇଞ୍ଜି ଆନେଙ୍ଗ୍ କାବୁର୍ ପାୟାଆତାଙ୍ଗ୍‌ନା। ଏପେଙ୍ଗ୍ ପାର୍ତିକିନି ଆଗେ ମି ବୁଡିଆୟା ଲୋହି ଆରେ ମି ଆୟା ଇଉନିକିତାକେ ମାଚାତ୍। ଆରେ ମିବେ ପା ମାନାତ୍ ଇଞ୍ଜି ନା ପୁରା ପାର୍ତି ମାନାତ୍।

୨ ତିମଥି 3:15

ଏପେଙ୍ଗ୍ ହିରୁ ୱାଡ଼ାତାଙ୍ଗ୍ ସାସ୍ତର୍ ବିଷୟରେ ପୁଚାଦେର୍‌ନା ଯେ ଯୀଶୁ ଖ୍ରୀଷ୍ଟତାକେ ପାର୍ତି କିନାସ୍ ଆରେ ଉଦାର୍ ପାୟାଆନି କାଜିଙ୍ଗ୍ ହେଦାଙ୍ଗ୍ ବୁଦି ହିଦେଙ୍ଗ୍ ଆଡ୍‌ନାଦେର୍ ଇଞ୍ଜି।

ଏବ୍ରି 13:8

ଯୀଶୁ ଖ୍ରୀଷ୍ଟ ୱିଗା, ନେଞ୍ଜେଙ୍ଗ୍ ଆରେ ୱିଜ୍‌ୱିଦିନ୍ ପାତେକ୍ ହାମାନ୍ ମାନ୍‌ଗାନାନ୍।