୨ ତିମଥି 1:18 - New Testament in Pengo Parja Language

¹⁸ ବିଚାର୍‌କିନି ଦିନ୍‌ତ ମାପୃ ଅନିସିଫରତିଙ୍ଗ୍ ବେସି ଦୟା କିୟେନ୍। ଆନେଙ୍ଗ୍ ଏପିସ ସହର୍‌ତାକେ ମାନିହିଙ୍ଗ୍ ହେୱାନ୍ ନାଙ୍ଗେଙ୍ଗ୍ ବେସି ସାଇଜ କିତ୍‌ତାନ୍‌ନା, ହେଦାଙ୍ଗ୍ ଏପେଙ୍ଗ୍ ହାର୍‌ଦାଙ୍ଗ୍ ପୁଚାଦେର୍‌ନା।

୨ ତିମଥି 1:18 Iomraidhean Croise

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:72

ହେୱାନ୍ ମା ଆକଦାଦିର୍ ହୁଦାଙ୍ଗ୍ କିଜିମାଚି ପାର୍ମାଣ୍‌ତିଙ୍ଗ୍ ମାନ୍ତ ଏତୁକିଜି ହେୱାନ୍ ମା ଆକଦାଦିରିଙ୍ଗ୍ ଦୟା କିତାନ୍‌ନା।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 1:78

ଈଶ୍ୱର ମାଙ୍ଗେଙ୍ଗ୍ ଇଲେକେ ସାଇଜ କିଦ୍‌ନାନ୍, ଇନେସ୍‌କି ଈଶ୍ୱର ମାଙ୍ଗେଙ୍ଗ୍ ଦୟା କିତ୍‌ତାନ୍‌ନା। ଇଦାଙ୍ଗ୍ କାଜିଙ୍ଗ୍ ୱେଡ଼ା ଇନେସ୍ କିଜି ନିଙ୍ଗ୍‌ନାତ୍ ହେଲେକେ ସରଗ୍‌ତାଙ୍ଗ୍ ରକ୍ଷାକିଦ୍ନାକାନ୍‌ ୱାନାନ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 8:3

କୁଜା ତର୍‍ଦାକାନ୍ ରକାନ୍ ମାଚାନ୍। ହେୱାନ୍ ହେରୋଦ ରାଜା ହଲିଆହି ମାଚାନ୍। ତା ଡକ୍ରୁହି ଯୋହନ, ଆରେ ଶୁସନ୍ନା ଆରେ ଜେକନି କଗ୍‍ଲେକ୍ ପା ଯୀଶୁ ଆରେ ତା ଚେଲାହିରିଙ୍ଗ୍ ହେୱେକ୍ ଡାବୁଙ୍ଗ୍ ହିଜି ସାଇଜ କିଜି ମାଚିକ୍।

ପକ୍ୟାତାକା 18:19

ପାଚେ ହେୱାର୍ ଏପିସ ସହର୍‌ତାକେ ୱାତାର୍। ଆରେ ପାଉଲ ଆର୍କିଲା ଆରେ ପ୍ରିସ୍‌କିଲାଙ୍ଗ୍ ହେ ବାହାତାକେ ପିସ୍ତି ହାଚାନ୍। ତାପାଚେ ହେ ସହର୍‌ତାକେ ମାନି ପାର୍ତାନା ଇଞ୍ଜ ହାଲ୍‌ଜି ଯିହୁଦିର୍ ହୁଦାଙ୍ଗ୍ ଯୀଶୁ ବିଷୟରେ ଆଲ୍‌ଚାନା କିଦେଙ୍ଗ୍ ଲାଗାତାନ୍।

ପକ୍ୟାତାକା 18:21

ମାତର୍ ହେୱାନ୍ ହେୱାରିଙ୍ଗ୍ ୱେଚ୍‌ଚାନ୍, “ଈଶ୍ୱର ଇଚା କିତ୍‌ତିସ୍ ଆରେରଗ ଆନେଙ୍ଗ୍ ମି ଲାଗାୟ୍ ଲେଉଟା ଆଜି ୱାନାଙ୍ଗ୍।” ତାପାଚେ ହେୱାନ୍ ଏପିସ ସହର୍‌ତାଙ୍ଗ୍ ଜାଜ୍‌ତାକେ ଦୁମ୍‌ଜି ହାଚାନ୍।

ପକ୍ୟାତାକା 19:1

ଆପୋଲ କରନ୍ତିୟ ସହର୍‌ତାକେ ମାନିହିଙ୍ଗ୍, ପାଉଲ ଗାଲାତିୟ ଆରେ ଫ୍ରୁଗିଆ ସହର୍ ନିପଣ୍ ଆଜି ଏପିସ ସହର୍‌ତାକେ ଇକାତାନ୍। ଆରେ ହେବେ କେତେକ୍ ପାର୍ତିକିନି ଚେଲାହିରିଙ୍ଗ୍ ଗିଟାଆତାନ୍।

୧ କରନ୍ତିୟ 1:8

ଈଶ୍ୱର ମିଙ୍ଗେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ୱାନିଦିନ୍ ପାତେକ୍ ପାର୍ତି କିଜି ମାନି କାଜିଙ୍ଗ୍ ସାଇଜ କିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ଦସି ଆଦେଙ୍ଗ୍ ହିଦୁନ୍।

୧ କରନ୍ତିୟ 16:8

ମାତର୍ ନଙ୍ଗୟ୍ ଆନେଙ୍ଗ୍ ପେଣ୍ଟିକଷ୍ଟ ପାର୍ବୁ ୱିଜ୍‌ନି ପାତେକ୍ ଏପିସ ସହର୍‌ତାକେ ମାନାଙ୍ଗ୍।

୧ କରନ୍ତିୟ 3:13

ଏଚେପାଦ୍ନା ମାପୃ ଯୀଶୁ ଖ୍ରୀଷ୍ଟ ଆରେରଗ ପୁର୍ତିତାକେ ୱାନାନ୍, ୱିଜୁ ମାନାୟାର୍ କାମାୟ୍‌ତିଙ୍ଗ୍ ଖ୍ରୀଷ୍ଟ ନାଣିତାକେ ପରିକ୍ଷା କିନାନ୍। ହେ ନାଣିତାକେ ହେୱାର୍ ଟିକ୍ ବାବ୍‌ରେ କାମାୟ୍ କିତାର୍‌ନା କି ଆକାୟ୍ ଇଞ୍ଜି ପୁନ୍ୟା କିନାତ୍।

୨ କରନ୍ତିୟ 9:1

ଯିରୁଶାଲାମନି ଖ୍ରୀଷ୍ଟାନ୍ ଟଣ୍ଡାରିଙ୍ଗ୍ ଡାବୁଙ୍ଗ୍ ହିନି ବିଷୟରେ, ଆନେଙ୍ଗ୍ ମିଙ୍ଗେଙ୍ଗ୍ ଲେକିକିନି ଦର୍‌କାର୍ ଆକାୟ୍।

ଏପିସିୟ 2:4

ମାତର୍ ଈଶ୍ୱର ମାଙ୍ଗେଙ୍ଗ୍ ବେସି ଲାଡ୍ କିଦ୍‌ନି କାଜିଙ୍ଗ୍ ଆରେ ହେୱାନ୍ ବେସି ଦୟା ଆତି କାଜିଙ୍ଗ୍,

୧ ଥେସଲନୀକିୟ 2:19

ଇନେସ୍‌କି ମା ଯୀଶୁ ଖ୍ରୀଷ୍ଟ ଏଚେକାଡ଼୍‌ଦ ପୁର୍ତିତାକେ ୱାନାନ୍ ତା ଆଗେ ଏପେଙ୍ଗ୍ ମା ଆହା, ସାର୍‌ଦା ଆରେ ମା ସନ୍‌ମାନ୍‌ନି ମୁକୁଟ୍‌ଲେକେ।

୧ ତିମତି 1:3

ଆନେଙ୍ଗ୍ ମାକଦନିଆ ଜିଲ୍ଲାତାକେ ହାନିହିଙ୍ଗ୍ ଇନେସ୍ ନିଙ୍ଗେଙ୍ଗ୍ ଏପିସ ସହର୍‌ତାକେ ମାଞ୍ଜେଙ୍ଗ୍ ୱେଚ୍‌ଚି ମାନ୍‌ଞ୍ଚାଙ୍ଗ୍, ଆରେରଗ ୱେଚ୍‌ଚାନାଙ୍ଗ୍ ଏନେଙ୍ଗ୍ ନଙ୍ଗୟ୍ ହେବେ ମାନା। ଆରେ ହେବେ ବୁଲ୍ ହିକ୍ଷାହିନି ମାଷ୍ଟେରାରିଙ୍ଗ୍ ବୁଲ୍ ହିକ୍ଷା ହିୱେଦେଙ୍ଗ୍ ଆଦେସ୍ ହିୟା।

୨ ତିମଥି 1:12

ଇ ହାର୍ଦିକାବୁର୍ ମାନାୟାରିଙ୍ଗ୍ ଶୁଣାୟ୍ କିନି କାଜିଙ୍ଗ୍ ପା ଆନେଙ୍ଗ୍ ଇୱିଜୁ ଦୁକ୍ ପାୟାଆତାଙ୍ଗ୍‌ନା, ଆତିସ୍‌ପା ଆନେଙ୍ଗ୍ ଲାଜା ଆଉଙ୍ଗା। ଇନେସ୍‌କି ଆନେଙ୍ଗ୍ ଇନେର୍‌ତାକେ ପାର୍ତି କିନାଙ୍ଗା, ହେୱାନିଙ୍ଗ୍ ଆନେଙ୍ଗ୍ ପୁନାଙ୍ଗ୍। ଖ୍ରୀଷ୍ଟ ନାଙ୍ଗେଙ୍ଗ୍ ଇନାକା ହିତ୍‌ତାନ୍‌ନା, ହେୱାନ୍ ୱାନି ପାତେକ୍ ହେୱାନ୍ ରକ୍ଷା କିଦେଙ୍ଗ୍ ଆଡ୍‌ନାନ୍ ଇଞ୍ଜି ଇଦାଙ୍ଗ୍ ବେସି ପାର୍ତି କିନାଙ୍ଗା।

୨ ତିମଥି 1:16

ଅନୀସିଫରନି ପରିବାର୍‌ତିଙ୍ଗ୍ ମାପୃ ଦୟା କିଦେନ୍। ଇନେସ୍‌କି ହେୱାନ୍ ନାଙ୍ଗେଙ୍ଗ୍ ବେସିହଟ୍ ଗିଟାଆନି କାଜିଙ୍ଗ୍ ୱାତାନ୍‌ନା ଆରେ ସାଇଜ କିତ୍‌ତାନ୍‌ନା। ଜଇଲ୍ ଇଞ୍ଜ ନାଙ୍ଗେଙ୍ଗ୍ ୱାଜି ଗିଟାଆନି କାଜିଙ୍ଗ୍ ଲାଜୁ କିୱାତାର୍‌ନା।

୨ ତିମଥି 1:17

ମାତର୍ ହେୱାନ୍ ରୋମ ସହର୍‌ତାକେ ଏକିତି ପାଚେ, ନାଙ୍ଗେଙ୍ଗ୍ ହେୱାନ୍ ୱିଜୁ ନିପଣ୍ ଡେକ୍‌ତାତାନ୍ ଆରେ ନା ହୁଦାଙ୍ଗ୍ ଗିଟା ଆତ୍‌ତାନ୍।

୨ ତିମଥି 4:12

ତୁକିକଙ୍ଗ୍ ଆନେଙ୍ଗ୍ ଏପିସ ସହର୍‌ତାକେ ପକ୍ତାଙ୍ଗ୍‌ନା।

୨ ତିମଥି 4:8

ମାପୃ ନ୍ୟାୟ୍‌ତାକେ ବିଚାର୍‌କିନି ମାନାୟ୍ ଆରେ ବିଚାର୍ କିନିହିଙ୍ଗ୍ ନା କାଜିଙ୍ଗ୍ ଇଡ଼୍‌ତି ଦରମ୍‌ନି ମୁକୁଟ୍ ନାଙ୍ଗେଙ୍ଗ୍ ହିଦ୍‌ନାନ୍। ଆପ୍‌କା ନାଙ୍ଗେଙ୍ଗ୍ ନେ ପୁରଷ୍କାର୍ ହିଦୁନ୍, ମାତର୍ ଏଚେଜାଣ୍ ହେୱାନ୍ ୱାନି ହାଜ୍‌ଦିଙ୍ଗ୍ ବେସି ହୁଡ଼୍‌ଜି ମାନାରା, ହେୱାରିଙ୍ଗ୍ ପା ହିନାନ୍।

ଏବ୍ରି 6:10

ଈଶ୍ୱର ନ୍ୟାୟ୍ ବିଚାର୍ କିନାକାନ୍। ଏପେଙ୍ଗ୍ କିଜିମାଚି କାମାୟ୍ ଆରେ ହେୱାନିଙ୍ଗ୍ ଲାଡ୍‌କିଜି ଜେକନିକାନିଙ୍ଗ୍ ସାଇଜ କିଜିମାଚି କାମାୟ୍‌ତିଙ୍ଗ୍, ହେୱାନ୍ ବାଣାଆଉନ୍। ଲାଗିଙ୍ଗ୍ ଏପେଙ୍ଗ୍ ନଙ୍ଗୟ୍ ପାତେକ୍ ହେୱାରିଙ୍ଗ୍ ସାଇଜ କିନାଦେରା ଇଞ୍ଜି ହେୱାନ୍ ମାନ୍ତ ଏତୁ କିଦ୍‌ନାନ୍।

୧ ପିତର 1:10

ଇ ଉଦାର୍ ପାୟାଆନି ବିଷୟରେ ଭବିଷ୍ଯତବକ୍ତାର୍ ବେସି ପୁଞ୍ଜେଙ୍ଗ୍ ଇଚାକିଜି ମାଚାର୍। ଏପେଙ୍ଗ୍ ଉଦାର୍ ପାୟାଆନି ଯଗ୍ୟ ହିଲ୍‌ୱିତିସ୍ ପା ଈଶ୍ୱର ମିଙ୍ଗେଙ୍ଗ୍ ଇନେସ୍ ଦୟାକିଜି ଉଦାର୍ କିଦ୍‌ନାନ୍, ହେ ବିଷୟରେ ହେୱାର୍ ୱେଚ୍‌ଚି ମାଚାର୍। ହେୱାର୍ ଜାଗ୍ରତ୍ ଆଜି ହେ ବିଷୟତିଙ୍ଗ୍ ପୁଞ୍ଜେଙ୍ଗ୍ ବେସି ଉପାୟ୍ କିଜି ମାଚାର୍,

ହତ୍‌ତି 2:1

ହେୱାନ୍ ପା ନାଙ୍ଗେଙ୍ଗ୍ ୱେଚ୍‌ଚାତାନ୍, “ଏପିସ ସହର୍‌ତ ମାନି ମଣ୍ଡ୍‌ଲିନି ଦୁତ୍‌ତିଙ୍ଗ୍ ଇ କାବୁର୍ ଲେକିକିୟାଟ୍: ହେ କାବୁର୍ ଇଲେକେ, ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ନା ତିନି କେଇଦ ସାତ୍‌ଗଟା ହୁକାଙ୍ଗ୍ ଆସ୍ତାଙ୍ଗ୍‌ନା। ଆନେଙ୍ଗ୍ ନେ ହେ ମାନାୟ୍‌ତଙ୍ଗ୍‌ ଇନେର୍ ସାତ୍‌ଗଟା ହନାତାଙ୍ଗ୍ ରସ୍ତି ବଇଟା ଇଟ୍‌ନି ମାଦି ବୁଲା ଆନାଙ୍ଗା। ଇଦାଙ୍ଗ୍ ନେ ଆନେଙ୍ଗ୍ ୱେଚ୍‌ଚାନାଙ୍ଗା।