୨ ଥେସଲନୀକିୟ 2:2 - New Testament in Pengo Parja Language

² ଏପେଙ୍ଗ୍ ଚାନିଆ ଆଜି ପାଣ୍ଡ୍ରା ଆମାଟ୍, ମିଙ୍ଗେଙ୍ଗ୍ ଯଦି ଇନେର୍ ମାପୃ ଯୀଶୁ ଆରେରଗ ୱାତାନେ ଇଞ୍ଜି ୱେଚ୍‌ଚିତିସ୍ ପା ଏପେଙ୍ଗ୍ ପାର୍ତି କିମାଟ୍। ଆରେ ପା ମାନାୟ୍ ଇଲେକେ ୱେଚ୍‌ଚି ଟକାୟ୍ କିଦ୍‌ଦେଙ୍ଗ୍ ଇଦାଙ୍ଗ୍ ଈଶ୍ୱର ୱେଚ୍‌ଚାନ୍‌ନା ଇଞ୍ଜି ୱେଚ୍‌ଚାନାର୍, ନଇଲେ ଇଦାଙ୍ଗ୍ ଆପେଙ୍ଗ୍ ମି କାଜିଙ୍ଗ୍ ଚିଟି ଲେକିକିତାପ୍‌ନା ଇଞ୍ଜି ୱେଚ୍‌ଚାନାର୍।

ସତ୍‌ ବଚନ୍‌ ପୁନି ନିୟମ୍‌

² ମାପ୍ରୁତି ଦିନ୍‌ ଏକା ୱାତାତେ ଇଞ୍ଜି ଏପେଙ୍ଗ୍‌ ଇମ୍‌ଣି ୱାସ୍କିନି କାତା କି ମାହୁଦାଂ ଲେକାତାତ୍‍ନ୍ନା ଇଞ୍ଜି ବାବି କିଜ଼ି ଇମ୍‌ଣି ଚିଟି ହୁଦାଂ ବେଗି ଏନେତେନେ କି ଗାବ୍‌ରା ଆମାଟ୍‌ ।

୨ ଥେସଲନୀକିୟ 2:2 Iomraidhean Croise

ମାତିଉ 24:24

ମିଚ୍‌ୱା ଖ୍ରୀଷ୍ଟ ଆରେ ମିଚ୍‌ୱା ଭବିଷ୍ଯତବକ୍ତାର୍ ଚଞ୍ଜିଆଆଦ୍‌ନାର୍। ଆରେ ହେୱାର୍ ଗାଜାଗାଜା କାମାୟ୍ କିନାର୍ ଆରେ ଚାନିଆ କାମାୟ୍ କିଜି ଈଶ୍ୱର ବାଚିକିତି ମାନାୟାରିଙ୍ଗ୍ ପା ବୁଲ୍‌କାଇ କିନାର୍।

ମାର୍କ 13:7

ମାତର୍ ଏପେଙ୍ଗ୍ ଏଚେକାଡ଼୍‌ଦ ଯୁଜ୍ ବିଷୟ ଆରେ ଯୁଜ୍ ଆନାତ୍ ଇଞ୍ଜି ଏପେଙ୍ଗ୍ ୱେନାଦେର୍, ହେପାଦ୍ନା କାକୁଲ୍‌ତି ଆମାଟ୍, ଇୱିଜୁ ହାତ୍‌ପା ଗଟାଆନାତ୍, ମାତର୍ ଇପାଦ୍ନା ଯୁଗ୍ ୱିଜୁତ୍।

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:19

ଇ ୱିଜୁଗଟ୍‌ନା ବିତ୍ରେ ଏପେଙ୍ଗ୍ ନାଙ୍ଗେଙ୍ଗ୍ ଯଦି ପାର୍ତି କିଜି ମାନ୍‌ଞ୍ଚିସ୍ ଜାର୍ ଜିବୁନ୍ ରକ୍ଷା ପାୟାଆନାଦେର୍।”

ଲୁକ ଲେକିକିତି ଜିସୁ କ୍ରିସ୍ଟତି ନେକ୍ରିକାବୁର୍‌ 21:9

ମାତର୍ ଏପେଙ୍ଗ୍ ଏଚେକାଡ଼୍‌ଦ ଜୁଜ୍ ବିଷୟ ଆରେ ଜୁଜ୍ ଆନାତ୍‌ଦେ ଇଞ୍ଜି ୱେନାଦେର୍, ହେପାଦ୍ନା ଏପେଙ୍ଗ୍ ପାଣ୍ଡ୍ରା ଆମାଟ୍। ମାତର୍ ଇୱିଜୁ ପାର୍ତୁମ୍ ଗଟାଆନାତ୍, ମାତର୍ ସାଙ୍ଗେ-ସାଙ୍ଗେ ଜୁଗ୍‌ସେସ୍‌ ଆଉତ୍।”

ଜହନ୍‌ 14:1

ଆରେରଗ ଯୀଶୁ ୱେଚ୍‌ଚାନ୍, “ମି ଗରବ୍ ଚିନ୍ତା ଆମେତ୍। ଈଶ୍ୱରତାକେ ପାର୍ତି କିଜି ମାନାଟ୍। ନାବେ ପା ପାର୍ତିକିୟାଟ୍।

ଜହନ୍‌ 14:27

ଆନେଙ୍ଗ୍ ମିଙ୍ଗେଙ୍ଗ୍ ଶାନ୍ତି ହିଜି ହାନାଙ୍ଗା। ଇ ଶାନ୍ତି ନାଦି, ଇନାକା ମିଙ୍ଗେଙ୍ଗ୍ ହିଦ୍‌ନାଙ୍ଗା। ପୁର୍ତିନି ଇଲେକେ ଶାନ୍ତି ଆନେଙ୍ଗ୍ ମିଙ୍ଗେଙ୍ଗ୍ ହିଦୁଙ୍ଗା। ଲାଗିଙ୍ଗ୍ ଏପେଙ୍ଗ୍ ମି ମାନ୍ତ ଦୁକ୍ କିଜି ପାଣ୍ଡ୍ରା ଆମାଟ୍।

୧ କରନ୍ତିୟ 1:8

ଈଶ୍ୱର ମିଙ୍ଗେଙ୍ଗ୍ ମା ମାପୃ ଯୀଶୁ ଖ୍ରୀଷ୍ଟ ପୁର୍ତିତାକେ ଆରେରଗ ୱାନିଦିନ୍ ପାତେକ୍ ପାର୍ତି କିଜି ମାନି କାଜିଙ୍ଗ୍ ସାଇଜ କିଦ୍‌ନାନ୍, ଆରେ ହେୱାନ୍ ମିଙ୍ଗେଙ୍ଗ୍ ଦସି ଆଦେଙ୍ଗ୍ ହିଦୁନ୍।

୧ କରନ୍ତିୟ 14:32

ଏପେଙ୍ଗ୍ ମନେ ଇଟାଟ୍ ଯେ, ଇମ୍‌ଣାକାର୍ ଈଶ୍ୱର କାତା ୱେଚ୍‌ନାର୍ ହେୱାର୍ ୱେଚେର୍ କି ୱେଚ୍‌ମେର୍ ହେୱାର୍ ଜାର୍ ଆତ୍ମାନି କଣ୍ଟ୍ରୁଲ୍‌ତାଙ୍ଗ୍‌ ମାନ୍‌ଗାନାର୍।

୧ କରନ୍ତିୟ 7:26

ଆନେଙ୍ଗ୍ ବାବିକିନାଙ୍ଗା ଯେ, ଏପେଙ୍ଗ୍ ବିବା ଆୱାଦାଙ୍ଗ୍ ୱାଟା ମାନାକା ହାର୍, ଇନେସ୍‌କି ନଙ୍ଗୟ୍‌ନି ଦିନ୍ ପାର୍ତି କିନାକାର୍ କାଜିଙ୍ଗ୍ ୱିଜୁ ନିପଣ୍ ସମସ୍ଯା ଆନାତା।

ଏପିସିୟ 5:6

ଲାଗିଙ୍ଗ୍ ମିଙ୍ଗେଙ୍ଗ୍ ଇନେର୍‌ପା ଟକାଇ କିଦ୍‌ମେର୍ ଯେ ଇ ୱିଜୁ ବିଷୟ କିତିସ୍ ଦଣ୍ଡ୍ ଗାଟାଆଦୁତ୍। ଇନେସ୍‌କି ଇମ୍‌ଣାକାର୍ ତା ଆଦେସ୍‌ତିଙ୍ଗ୍ ମାନିକିଉର୍ ହେୱାରିଙ୍ଗ୍ ଈଶ୍ୱର ଦଣ୍ଡ୍ ହିନାନ୍।

୧ ଥେସଲନୀକିୟ 3:3

ଏପେଙ୍ଗ୍ ଦୁଃକ୍ କଷ୍ଟ ପାୟାଆତିସ୍ ପା ଖ୍ରୀଷ୍ଟଙ୍ଗ୍ ପିହ୍‌ମାଟ୍, ଇନେସ୍‌କି ଏପେଙ୍ଗ୍ ପୁଚାଦେର୍‌ନା ଯେ, ଆସେଙ୍ଗ୍ ଦୁଃକ୍ କଷ୍ଟ ପାୟାଆନି ଦର୍‌କାର୍, ହେଦାଙ୍ଗ୍ ଈଶ୍ୱର ଇଚା।

୧ ଥେସଲନୀକିୟ 4:15

ଆପେଙ୍ଗ୍ ମାପୃ ଯୀଶୁ ୱେଚ୍‌ଚିଲେକେ ମିଙ୍ଗେଙ୍ଗ୍ ୱେଚ୍‌ଚାନାପା ଯେ, ମାପୃ ଯୀଶୁ ପୁର୍ତିତାକେ ଆରେରଗ ୱାନି ପାତେକ୍ ଆସେଙ୍ଗ୍ ଏଚେଜାଣ୍ ଜିବୁନ୍ ମାନ୍‌ଗାନାସ୍। ଆସେଙ୍ଗ୍ ମାପୃ ଯୀଶୁଙ୍ଗ୍ ଆଗେ ମାହା ଆଦେଙ୍ଗ୍ ଆଡୁସ୍, ମାତର୍ ମାପୃ ଯୀଶୁଙ୍ଗ୍ ପାର୍ତି କିଜି ହାଃତି ମାନାୟାର୍ ଆରେରଗ ଜିବୁନ୍‌ଆଜି ଆଗେ ମାହାଆନାର୍।

୧ ଥେସଲନୀକିୟ 5:2

ଏଚେକାଡ଼୍‌ଦ ଆସେଙ୍ଗ୍ ଜାଗ୍ରତ୍ ଆଜି ମାନୁସ୍, ହେପାଦ୍ନା ର ଚରେନ୍ ମିକାଲିଙ୍ଗ୍ ୱାତିଲେକେ ମାପୃ ଯୀଶୁ ତିପ୍‌କୁ ପୁର୍ତିତାକେ ଆରେରଗ ୱାନାନ୍।

୨ ଥେସଲନୀକିୟ 2:15

ଏ ପାର୍ତିକିନି ଟଣ୍ଡାର୍‌କାଦେର୍, ଆପେଙ୍ଗ୍ ମିତାକେ ୱାଜି ହିକାୟ୍ କିତ୍‌ତି ବିଷୟ, ଆରେ ମା ଚିଟିତାକେ ଲେକିକିତି ବିଷୟତିଙ୍ଗ୍ ୱିଜୁଦିନ୍ ପାର୍ତି କିଜି ମାନାଟ୍।

୨ ଥେସଲନୀକିୟ 3:17

ଆନେଙ୍ଗ୍ ପାଉଲ ଜାର୍ କେଇଦାଙ୍ଗ୍ ଇ ଚିଟି ଲେକିକିଜି ଜୱାର୍ କିନାଙ୍ଗା। ନା ୱିଜୁ ଚିଟିଙ୍ଗ୍ ଚିନ୍ କିଦେଙ୍ଗ୍ ଆନେଙ୍ଗ୍ ଇଲେକେ ଲେକିକିନାଙ୍ଗା।

ହତ୍‌ତି 19:20

ହେ ଯୁଜ୍‌ତାକେ ପାର୍ତୁମ୍ ପଶୁ ଆରେ ହେ ଦୁଇ ନମ୍ବର୍ ପଶୁ, ଇନେର୍‌କି ମିଚ୍ ଭବିଷ୍ଯତବକ୍ତା। ଇନେର୍ ପାର୍ତୁମ୍ ପଶୁ ବାଦୁଲ୍‌ରେ ଚାନିଆ କାମାୟ୍ କିଜି ହେ ପଶୁ ଚିନ୍ ଅତି ମାନାୟାରିଙ୍ଗ୍ ଟକାୟ୍ କିଜି ମାଚାନ୍, ଆରେ ଇନେର୍ ତା ମୁର୍ତିତିଙ୍ଗ୍ ପୁଜାକିଜି ମାଚି ମାନାୟାରିଙ୍ଗ୍ ବନ୍ଦିକିତାର୍‌। ଆରେ ଇମ୍‌ଣି ମାନାୟାର୍ ହେ ପଶୁ ଚିନ୍ ଅତାକାର୍ ଆରେ ତା ୱିଜୁ ମିଚ୍ ୱେଚ୍‌ନି ଭବିଷ୍ଯତବକ୍ତାରିଙ୍ଗ୍ ଜିବୁନ୍-ଜିବୁନ୍ ବାସ୍ନା ମାନି ନାଣି କୁଣ୍ଡ୍‌ତାକେ ପକାୟ୍ କିତାର୍।